मासिक युवाहरूको शक्तिका लागि सन्देश, सेप्टेम्बर २०२४

पश्चात्ताप देखि भयभीत हुने?

जेसिका जोई स्ट्रङ

चर्चका पत्रिकाहरू

अध्यक्ष रसल एम्. नेल्सनकाअनुसार, किन तपाईंहरू यहाँ हुनुहुँदैन भनेर दिइएको छ ।

तपाईंहरू केसँग भयभीत हुनुहुन्छ? रोलरकोस्टरहरू? गणितको कक्षा? यशैयालाई बुझ्न प्रयास गर्दा?

पश्चात्ताप का सम्बन्धमा? यदि पश्चात्ताप गर्ने सोचले तपाईंहरूलाई आफ्नो सिरकभित्र लुक्न वा धेरै चकलेट खान मन लाग्छ भने, यो लेख तपाईंहरूका लागि हो ।

“कृपया भयभीत नहुनुहोस् वा पश्चात्ताप गर्न ढिलाइ नगर्नुहोस्,” अध्यक्ष रसल एम्. नेल्सनले भन्नुभयो । अनि सही कारण सहित । यहाँ केही विषयहरू छन् जुन अध्यक्ष नेल्सनकाअनुसार पश्चात्ताप हो र होइन ।

पश्चात्ताप: हरेक दिन सुधार गर्ने तरिका हो ।

पश्चात्ताप: “ठूला” पापहरूका लागि मात्र दुर्लभ घटना होइन ।

“दैनिक पश्चात्तापबाट आउने, प्रत्येक दिन अझ बढी असल गर्दा र असल बनेर पाउने दरिलो शक्तिको अनुभव गर्नुहोस् ।

“जब हामीले पश्चात्ताप गर्न रोज्छौँ, हामीले परिवर्तन गर्न रोज्छौँ । हामी मुक्तिदातालाई हामीहरूस्वयम् लाई उत्कृष्ट संस्करणमा रूपान्तरण गर्न अनुमति दिन्छौँ । …

“… परमेश्वरले हाम्रो अनन्त प्रगतिको यस बिन्दुमा हामीबाट पूर्णताको आशा गर्नुहुँदैन । परन्तु उहाँ हामी झन्‌-झन्‌ पवित्र हुँदै गएको अपेक्षा गर्नुहुन्छ ।”

पश्चात्ताप: शान्ति र प्रसन्नता महसुस गर्ने तरिका हो ।

पश्चात्ताप: तपाईंहरूलाई लाज र भय महसुस गराउनका लागि होइन ।

“पश्चात्ताप … सुख र मनको शान्तिको साँचो हो ।

“”जब हामी पश्चात्ताप गर्ने छनोट गर्छौँ, … हामी आध्यात्मिक रूपमा उन्नति र प्रसन्नता प्राप्त गर्न —[येशू ख्रीष्ट] मा मुक्तिको प्रसन्नता छनोट गर्छौँ ।” (अल्मा ३६:१७–२३ पनि हेर्नुहोस् ।)

पश्चात्ताप: स्वर्गका पिता र मुक्तिदाताबाट आशीर्वाद हो, जसले हामीलाई प्रेम गर्नुहुन्छ ।

पश्चात्ताप: कुनै दण्ड होइन ।

“धेरै मानिसहरूले पश्चात्तापलाई सजायका रूपमा लिनुहुन्छ—सबैभन्दा गम्भीर परिस्थितिहरूमा बाहेक बेवास्ता गर्न सकिन्छ । परन्तु सजाय प्राप्त गरेको यो भावना शैतानले जन्माएको हो । उसले हामीलाई चङ्गाइ दिने, क्षमा गर्ने, सफा पार्ने, मजबुत बनाउने, शुद्ध पार्ने र पवित्र पार्ने आशामा खुल्ला हातहरू लिएर उभिनुहुने येशू ख्रीष्टलाई हेर्नबाट रोक्न खोज्छ ।”

परमप्रभुको चर्चमा तपाईंहरू को: आवश्यक छ ।

तपाईंहरू: पश्चाताप गर्नका लागि धेरै टाढा जानुभएको छैन ।

“यदि सम्भवतः तपाईंहरूलाई महसुस गर्नुहुन्छ कि तपाईंहरू करारको मार्गबाट धेरै टाढा वा धेरै लामो जानुभएको छ भने, म तपाईंहरूलाई त्यो सत्य होइन भनेर आश्वासन दिन्छु । येशू ख्रीष्टको प्रायश्चितद्वारा तपाईंहरूको भविष्य उज्ज्वल—उज्यालो समेत हुन सक्छ । तपाईंहरूका अभिभावक र तपाईंहरूका बिशप वा शाखा अध्यक्षसँग कुरा गर्नुहोस् । … कृपया, करारको मार्गको प्रसन्नता र सुरक्षामा फर्कनुहोस् । हामीलाई तपाईंहरू हाम्रो साथमा हुनु आवश्यक छ ।”

परमेश्वरको उत्तम उपहार स्वीकार गर्नुहोस्

त्यसोभए, के तपाईंहरू आफ्नो पश्चात्तापको भय हटाउन मुक्तिदातामा भरोसा गर्न तयार हुनुहुन्छ? तपाईंहरू यसका लागि पछुताउनु हुने छैन ।

अध्यक्ष नेल्सनले भन्नुहुन्छ: “किनभने संसारलाई रक्षा गर्नु आवश्यक थियो र तपाईंहरू र मलाई रक्षा गर्नु आवश्यक भएकाले, [स्वर्गका पिताले] हामीलाई मुक्तिदाता पठाउनुभयो ।

“… हामी परमेश्वरको पूर्ण र बहुमूल्य उपहार स्वीकार गरौँ । मुक्तिदाताका पाउमा हाम्रा बोझ र पापहरू फ्याँकौँ र पश्चात्ताप र परिवर्तनबाट आउने प्रसन्नताको अनुभव गरौँ ।”

© 2024 Intellectual Reserve, Inc. द्वारा सर्वाधिकार सुरक्षित । संयुक्त राज्य अमेरिकामा मुद्रित । अङ्ग्रेजी अनुमोदन: ६/१९ । अनुवाद अनुमोदन: ६/१९ । युवाहरूको शक्तिका लागि मासिक सन्देश, सेप्टेम्बर २०२४ Nepali. 19343 372