Parau poro’i tā’āva’e nō te Hoa, ’Ātopa 2024

’Ua ha’amaita’i hō’ē hō’ē ’o Iesu

Fa’ahōho’ara’a nā Andrew Bosley

’Ua ha’api’i te mau peropheta i te mau ’āti Nephi i te mau tāpa’o nō te pohera’a o Iesu Mesia. I te pohera’a ’oia, ’ua tae mai te pōiri e toru mahana te maoro i ni’a te fenua. I muri a’e, ’ua fa’aro’o te mau ta’ata i te reo o te Metua i te ao ra i te paraura’a mai te ra’i mai.

’Ua parau te Metua i te ao ra : « ’A hi’o na i tā’u Tamaiti here » (3 Nephi 11:7). ’Ua fā Iesu i te mau ’āti Nephi. ’Ua ti’afa’ahou mai ’oia ! ’Ua ha’api’i ’oia i te mau ’āti Nephi e rave rahi mea. ’Ua parau ’oia ia rātou ’ia tātarahapa ’e ’ia pe’e iāna.

’Ua ani ’oia i te mau ta’ata ’ia ’āfa’i mai i te feiā ma’i iāna ra, ’ia fa’aorahia rātou. ’Ua ha’amaita’i ’oia ia rātou.

’Ua ha’amaita’i ato’a ’oia i te mau tamari’i tā’āto’a, hō’ē hō’ē. ’Ua hā’ati te mau melahi i te mau tamari’i.

E nehenehe ’oe e tai’o i teie ’ā’amu i roto te 3 Nephi 11 ’e 17.

ʼApi fa’a’ūraʼa

’Ua here te Fa’aora i te tamari’i tāta’itahi a te Metua i te ao ra

Fa’ahōho’ara’a nā Adam Koford

Nāhea ’oe i te putapū i te here o te Fa’aora ?

© 2024 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, October 2024. Tahitian. 19291 895