Սկզբունքներ․ ի՞նչ

Եղեք նրանց հետ

Երիտասարդ տղայի վկայությունը ձևավորող կարևոր գործոններից են նրա հարաբերություններն այն մարդկանց հետ, ովքեր ամուր են ավետարանում։ Հասակակիցների, ծնողների և ղեկավարների միջև դրական փոխհարաբերությունները շատ կարևոր են երիտասարդ տղամարդկանց դարձի ամրապնդման համար:

Ճամբարները հնարավորություն են տալիս իմաստալից ժամանակ անցկացնել երիտասարդի տղաների հետ: Երբ դու ձգտեք ճանաչել երիտասարդ տղաների սրտերը, ցանկությունները, նրանց ձգտումներն ու վախերը, նրանց տաղանդներն և թույլ կողմերը, նրանք կզգան, որ դուք հոգ եք տանում իրենց մասին։ Երբ նրանք իմանան, որ դուք հոգ եք տանում իրենց մասին, ձեր առաջնորդող ազդեցությունը կառաջնորդի նրանց դեպի Փրկիչը։

Բացօթյա միջավայրն օգտակար կլինի երիտասարդ տղամարդկանց համար, որտեղ նրանք միասին աշխատելով, դժվար առաջադրանքներ հաղթահարելով, զվարճանալով և սովորելով սպասավորել ուրիշներին, կդառնան Փրկիչի նման։ Լինելով քվորումի ղեկավարներ և խորհրդատուներ, դուք կարող եք սպասավորելու օրինակներ հանդիսանալ, երբ բարձրացնեք ուրիշներին, ամրացնեք հարաբերությունները ու վստահություն ձեռք բերեք երիտասարդ տղաների շրջանում և ձեռք մեկնեք բոլորին ներգրավելու համար։ Նրանք սովորում են դիտելով, իսկ հետո՝ անելով։

Դուք հիանալի հնարավորություն ունեք յուրաքանչյուր երիտասարդի սպասավորել հետևյալ եղանակներով.

Ամեն օր աղոթեք երիտասարդ տղաների համար ճամբարից առաջ և ճամբարի ընթացքում։
Ժամանակ տրամադրեք յուրաքանչյուր երիտասարդի հետ անձամբ ծանոթանալու համար:
Համոզվեք, որ յուրաքանչյուր երիտասարդ ընդգրկված է և իրեն սիրված է զգում, հատկապես նրանք, ովքեր մաքառում են, աջակցություն չունեն կամ սկսում են մոլորվել:
Կատարեք բարության և ծառայության պարզ արարքներ և հրավիրեք երիտասարդներին նույն կերպ վարվել:
Պատրաստ եղեք ձեր վկայությամբ կիսվել ինչպես հանկարծակի, այնպես էլ ծրագրված միջավայրում:

Նկար

երիտասարդ տղան աղոթելիս

Կապեք նրանց երկնքի հետ:

Ճամբարները ստեղծում են երիտասարդներին իրենց Երկնային Հոր հետ կապելու եզակի և հարատև հնարավորություններ: Քվորումի ղեկավարներն ու խորհրդատուները պլանավորում են ամեն օր՝ հարցնելով. «Ի՞նչ հնարավորություններ կստեղծենք, որպեսզի յուրաքանչյուր երիտասարդ տղա ունենա անձնական հոգևոր փորձառություն»: Ճամբարի առաջնային նպատակն է՝ օգնել յուրաքանչյուր երիտասարդ տղայի դարձի գալ դեպի Հիսուս Քրիստոսի ավետարանը և ապրել նրա ուսմունքների համաձայն: Երիտասարդ տղաները պետք է ճամբարից վերադառնան՝ ավելի լավ իմանալով հոգևոր և աշխարհիկ առաջնորդության աղբյուրները:

Երբ պլանավորում եք, թե ինչ ուսուցանել ճամբարում, հաշվի առեք այն գիտելիքներն ու հմտությունները, որոնք կօգնեն յուրաքանչյուր երիտասարդ տղայի կատարել քահանայության իր պարտականությունները և կպատրաստեն նրան դառնալ ջանասեր միսիոներ, հավատարիմ ամուսին և սիրող հայր: Հավասարակշռված հնարավորություններ տվեք ուրիշներին ծառայելու համար, ինչպես նաև հոգևորապես, սոցիալապես, ֆիզիկապես և մտավոր առումով զարգանալու համար (տես Ղուկաս 2․52)։ Մտածեք և անցկացրեք նաև այնպիսի միջոցառումներ, որոնք կարևորում են նվիրական սովորույթները և սուրբ գրությունների ամենօրյա ուսումնասիրության արդար եղանակները, անձնական աղոթքը, ապաշխարությունը, հնազանդությունը և Հանգստության օրը սուրբ պահելը։

Երիտասարդ տղամարդիկ հաճախ ավելի շատ են սովորում ավետարանի շուրջ զրույցներից, քան ավետարանի մասին դասախոսություններ լսելուց: Օգտվեք ցանկացած հնարավորությունից, որը թույլ կտա երիտասարդ տղամարդկանց խոսել իրենց փորձառությունների մասին: Ճամբարը կարող է մեծ հնարավորություններ ստեղծել ոչ պաշտոնական զրույցների համար, որոնք կարող են երիտասարդ տղամարդկանց կապել երկնքի հետ:

Նկար

երիտասարդ տղամարդիկ ձնակոշիկով արշավելիս

Թողեք, որ նրանք առաջնորդեն

Բոլոր մարդկանց նման երիտասարդ տղամարդիկ ցանկանում են պահանջված զգալ։ Նրանք պետք է զգան ձեր վստահությունը և նշանակալից հանձնարարություններ ստանան: Երիտասարդ տղամարդիկ, ովքեր ծանրաբեռնված չեն քահանայության իրենց պարտականություններով, առավել հավանական է, որ նրանք կծանրաբեռնվեն աշխարհիկ գործերով։

Երիտասարդ տղամարդիկ զարգացնում են ղեկավարման հմտություններ, երբ ծրագրում և առաջնորդում են ճամբարները։ Խորհրդատուները կարող են օգնել, որ երիտասարդ տղամարդիկ սովորեն առաջնորդել՝ աջակցելով և առաջնորդելով, մինչ քվորումի նախագահությունները պլանավորում են ճամբարը: Օգնեք նրանց, թե ինչպես․

Ծառայել։
Ուսուցանել։
Պատվիրակել։
Փոխանցել ակնկալիքները։
Հետևել հանձնարարությունների կատարմանը։

Խորհեք Երեց Ջեֆրի Ռ. Հոլլանդի խոսքերի շուրջ․ «Մենք թերագնահատում ենք նրանց կարողությունները և գերագնահատում ենք նրանց փորձառությունը» («Դուք կարող եք ուսուցանել Փրկիչի ձևով» [Ղեկավարների համաշխարհային ուսուցման ժողով, 5 նոյեմբերի 2016 թ․], broadcasts.ChurchofJesusChrist.org)։

Քվորումի նախագահությունից բացի, այլ երիտասարդ տղաներ կարող են նշանակվել ճամբարի տարբեր ոլորտների պատասխանատվության համար: Քվորումի խորհրդատուներն օգնում են աջակցել, ուսուցանել և առաջնորդել երիտասարդ տղամարդկանց, որպեսզի նրանք հաջողակ լինեն իրենց հանձնարարությունները կատարելիս, որպեսզի բոլոր երիտասարդները սովորեն առաջնորդել:

Քվորումի ղեկավարները խորհրդակցում են եպիսկոպոսության և քվորումի խորհրդատուների հետ, երբ նրանք պլանավորում, իրականացնում և գնահատում են ճամբարը: Նրանք հանձնարարությունները պատվիրակում են քվորումի մյուս երիտասարդ տղամարդկանց։

Խորհրդատուները պետք է զսպեն երիտասարդ տղամարդկանց պարտականություններ ստանձնելու ցանկությունը։