ការរៀនសូត្រដោយសេចក្តីជំនឿ ៖ តួនាទីរបស់សិស្ស ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ការរៀនសូត្រដោយសេចក្តីជំនឿ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ឯកសារណែនាំ
ការរៀនសូត្រដោយសេចក្តីជំនឿ
តួនាទីរបស់សិស្ស
ព្រះវរបិតាសួគ៌ និងព្រះយេស៊ូវគ្រីស្ទស្រឡាញ់អ្នក ហើយចង់បង្រៀនអ្នកពីដំណឹងល្អដោយព្រះចេស្ដានៃព្រះវិញ្ញាណបរិសុទ្ធ ។ តើអ្នកអាចធ្វើអ្វីខ្លះដើម្បីទទួលបានអ្វីដែលទ្រង់ទាំងទ្វេមានព្រះទ័យចង់បង្រៀនអ្នកបន្ថែមទៀត ? មេរៀននេះអាចជួយអ្នកទទួលបានអត្ថប្រយោជន៍ច្រើនបំផុតពីបទពិសោធន៍នៅថ្នាក់សិក្ខាសាលារបស់អ្នក ដោយការយល់ពីអត្ថន័យនៃការរៀនសូត្រដោយសេចក្ដីជំនឿលើព្រះយេស៊ូវគ្រីស្ទ ។
ព្រះអម្ចាស់សព្វព្រះទ័យនឹងការប្រឹងប្រែង
សូមមើលវីដេអូ « An Especially Noble Calling » មាននៅលើគេហទំព័រ ChurchofJesusChrist.org ចាប់ពីនាទីទី ២:១៦ ដល់ ៣:៤៩ ឬអានសេចក្ដីថ្លែងការណ៍ខាងក្រោម ។ សូមគិតអំពីស្ថានភាពដែលអាចអនុវត្តសេចក្តីថ្លែងការណ៍នេះ ។
ប្រធាន រ័សុល អិម ណិលសុន បានបង្រៀន ៖
An Especially Noble Calling
Sister Jones draws on the example and teachings of Joseph Smith to encourage women in striving to fulfill their great spiritual potential.
ព្រះអម្ចាស់សព្វព្រះទ័យនឹងការខិតខំ ហើយគ្មានរង្វាន់ណាបានមកដោយគ្មានការប្រឹងប្រែងទេ ។ ( រ័សុល អិម ណិលសុន នៅក្នុង ចយ ឌី ចូនស៍ « An Especially Noble Calling » Liahona ខែ ឧសភា ឆ្នាំ ២០២០ ទំព័រ ១៦ )
-
តើយើងអាចអនុវត្តសេចក្ដីថ្លែងការណ៍របស់ប្រធាន ណិលសុន នៅក្នុងជីវិតរបស់យើងដោយរបៀបណា ? ឧទាហរណ៍ តើវាអាចអនុវត្តចំពោះកិច្ចការផ្សព្វផ្សាយសាសនា ការបម្រើ ឬការទទួលបានការអប់រំដោយរបៀបណា ?
-
តើអ្នកគិតថាវាអាចអនុវត្តបានចំពោះការរៀនសូត្រដំណឹងល្អនៃព្រះយេស៊ូវគ្រីស្ទនៅក្នុងថ្នាក់សិក្ខាសាលានៅក្នុងឆ្នាំនេះដោយរបៀបណា ?
ដើម្បីជួយអ្នកឲ្យវាយតម្លៃលើការរៀនសូត្រដំណឹងល្អផ្ទាល់ខ្លួនរបស់អ្នក សូមគិតអំពីសំណួរខាងក្រោមនេះ ៖
-
តើអ្នកកំពុងប្រឹងប្រែងអ្វីខ្លះដើម្បីរៀនដំណឹងល្អនៃព្រះយេស៊ូវគ្រីស្ទ ? តើអ្នកបានអញ្ជើញព្រះឲ្យបង្រៀនអ្នកដោយរបៀបណា ?
-
តើអ្នកមានអារម្មណ៍ថា អ្នកកំពុងទទួលបានលទ្ធផលដែលអ្នកចង់បាន និងត្រូវការដែរឬទេ ? ហេតុអ្វីមានអារម្មណ៍ដូច្នេះ ឬហេតុអ្វីមិនមានអារម្មណ៍ដូច្នេះ ?
នៅពេលអ្នកសិក្សាមេរៀននេះ សូមគិតអំពីវិធីដែលអ្នកចង់រៀន និងរីកចម្រើននៅក្នុងថ្នាក់សិក្ខាសាលាឆ្នាំនេះ ។ សូមស្វែងរកការណែនាំពីព្រះវិញ្ញាណបរិសុទ្ធដើម្បីជួយអ្នកឲ្យដឹងពីរបៀបអនុវត្តមេរៀននេះក្នុងជីវិតរបស់អ្នក ។
ការបង្រៀនពីព្រះគម្ពីរមរមន
សូមអានយ៉ាងហោចណាស់វគ្គចំណេះចំណានខាងគោលលទ្ធិចំនួនពីរខាងក្រោម ដោយរកមើលពីរបៀបដែលការខិតខំ និងបំណងប្រាថ្នារបស់យើង និងរបៀបដែលព្រះដើរតួក្នុងការរៀនសូត្រដំណឹងល្អរបស់យើង ។
-
តើអ្នកបានរកឃើញអ្វីខ្លះដែលអាចជួយអ្នករៀនបន្ថែមទៀតពីព្រះអំឡុងពេលថ្នាក់សិក្ខាសាលា ?
-
តើអ្នកគិតថាលទ្ធផលនឹងទៅជាយ៉ាងណា ប្រសិនបើបុគ្គលម្នាក់រំពឹងថាព្រះនឹងប្រទានចំណេះដឹងដល់ពួកគេ ប៉ុន្តែមិនបានប្រឹងប្រែងដោយខ្លួនឯងនោះ ? ឬប្រសិនបើពួកគេខំប្រឹងតែមិនបានស្វែងរកជំនួយពីព្រះ ? ហេតុអ្វី ?
ដោយផ្អែកលើអ្វីដែលអ្នកបានសិក្សារហូតមកដល់ពេលនេះ សូមសង្ខេបជាមួយប្រយោគនូវអ្វីដែលអ្នកយល់អំពីការរៀនសូត្រដំណឹងល្អ ។
តើសិក្ខាសាលាអាចផ្លាស់ប្តូរជីវិតរបស់អ្នកបានដែរឬទេ ?
សូមមើលវីដេអូ « Seminary Can Change Lives » ( ៤:១៤ ) មាននៅលើគេហទំព័រ ChurchofJesusChrist.org ។ នៅពេលអ្នកមើល សូមគិតអំពីហេតុផលដែលអាចមានថា ហេតុអ្វីបានជាវីដេអូនេះត្រូវបានដាក់ឈ្មោះថា « Seminary Can Change Lives » ជាជាង « Seminary Will Change Your Life » ។
Seminary Can Change Lives
President Thomas S. Monson teaches how seminary can help you build and strengthen your testimony. "Effort is required," he says. "But it is effort you will never, ever regret."
-
ហេតុអ្វីអ្នកគិតថាវាត្រឹមត្រូវដើម្បីនិយាយថាសិក្ខាសាលានោះអាចផ្លាស់ប្តូរជីវិត ?
សូមអានសេចក្ដីថ្លែងការណ៍ខាងក្រោមដោយប្រធាន រ័សុល អិម ណិលសុន ដោយរកមើលអ្វីដែលនឹងជួយកំណត់ថា តើជីវិតរបស់អ្នកនឹងត្រូវបានផ្លាស់ប្តូរដោយសិក្ខាសាលា ។
កាលណាអ្នកធ្វើតាមគំរូរបស់ព្រះយេស៊ូវគ្រីស្ទកាន់តែច្រើន នោះអ្នកនឹងកាន់តែជោគជ័យ ។
ប្រសិនបើដូច្នេះ តើអ្វីនឹងជួយអ្នកឲ្យក្លាយជាសិស្សដ៏ស្មោះត្រង់របស់ព្រះយេស៊ូវគ្រីស្ទ ? ចម្លើយមួយគឺថ្នាក់សិក្ខាសាលា និងថ្នាក់វិទ្យាស្ថាន—មិនគ្រាន់តែចូលរៀនប៉ុណ្ណោះទេ ប៉ុន្តែត្រូវចូលរួមយ៉ាងសកម្មនៅក្នុងថ្នាក់ និងធ្វើតាមរាល់កិច្ចការដែលបានដាក់ឲ្យធ្វើដោយស្មោះត្រង់ផងដែរ ។ …
ការបញ្ចប់ការសិក្សាពីថ្នាក់សិក្ខាសាលា និងថ្នាក់វិទ្យាស្ថាននឹងជួយពង្រីកសមត្ថភាពរបស់អ្នកក្នុងការធ្វើអ្វីដែលសំខាន់បំផុតក្នុងជីវិត ។ អំណរពិតប្រាកដនឹងក្លាយជារបស់អ្នក ! ( រ័សុល អិម ណិលសុន « A Personal Invitation to Participate in Seminary and Institute » ខែ កុម្ភៈ ឆ្នាំ ២០១៩ នៅលើគេហទំព័រ ChurchofJesusChrist.org )
-
តើអ្នកចាប់អារម្មណ៍អ្វីខ្លះអំពីសេចក្ដីថ្លែងការណ៍របស់ប្រធាន ណិលសុន ? ហេតុអ្វី ?
-
តើអ្នកអាចផ្ដោតលើការធ្វើតាមព្រះយេស៊ូវគ្រីស្ទ អំឡុងពេលបទពិសោធន៍របស់អ្នកនៅក្នុងថ្នាក់សិក្ខាសាលាដោយរបៀបណា ?
-
តើអ្នកគិតថា « ការចូលរួមយ៉ាងសកម្ម » ក្នុងថ្នាក់សិក្ខាសាលាមានន័យដូចម្តេច ?
របៀបដើម្បីទទួលបានអត្ថប្រយោជន៍ច្រើនបំផុតពីសិក្ខាសាលា
-
កត់ត្រាដំបូន្មានរបស់អ្នកសម្រាប់ស្ថានភាពខាងក្រោម ។
សូមស្រមៃគិតថាយុវជនក្នុងរូបភាពនេះកំពុងចូលរៀនថ្នាក់សិក្ខាសាលាជាលើកដំបូង ។ គាត់ចង់រៀន និងរីកចម្រើនខាងវិញ្ញាណ ប៉ុន្តែមិនដឹងពីរបៀបធ្វើវាទេ ។ ដោយផ្អែកលើអ្វីដែលអ្នកបានរៀននៅថ្ងៃនេះ និងបទពិសោធន៍ពីមុនរបស់អ្នកនៅក្នុងថ្នាក់សិក្ខាសាលា និងសាសនាចក្រ សូមកត់ត្រាដំបូន្មានដែលអ្នកនឹងផ្តល់ឲ្យគាត់ ។
សូមប្រាកដថាបានរួមបញ្ចូល
-
អ្វីដែលគាត់អាចធ្វើពីមុន អំឡុងពេល និងក្រោយពេលរៀន ដើម្បីពង្រឹងការសិក្សាខាងវិញ្ញាណរបស់គាត់
-
របៀបដែលគាត់អាចផ្ដោតលើការធ្វើតាមព្រះអង្គសង្គ្រោះ ហើយយាងអញ្ជើញព្រះវិញ្ញាណបរិសុទ្ធឲ្យបង្រៀនគាត់
-
សូមដាក់គោលដៅដើម្បីទទួលបានអត្ថប្រយោជន៍ច្រើនបំផុតពីបទពិសោធន៍សិក្ខាសាលារបស់អ្នកនៅឆ្នាំនេះ ។ ដើម្បីធ្វើដូច្នេះ អ្នកអាចឆ្លើយសំណួរខាងក្រោមនេះ ៖
-
តើអ្នកសង្ឃឹមរៀនអ្វីចេញពីថ្នាក់សិក្ខាសាលានៅឆ្នាំនេះ ?
-
តើអ្នកមានឆន្ទៈធ្វើអ្វីខ្លះ ដើម្បីបង្ហាញព្រះអម្ចាស់ថា អ្នកចង់រៀនពីទ្រង់ ហើយក្លាយកាន់តែដូចទ្រង់ ?