1 Նեփի 6–7

Հասկանանք «Աստծո գործերը»

Եթե ձեզանից ակնկալվեր գրել մի արձանագրություն, որը պետք է պահվեր հետագա սերունդների համար, և որից նրանք պետք է սովորեին, ի՞նչ կարող էիք ներառել: Նեփին ցանկություն հայտնեց, որ իր գրվածքներն աստվածահաճո լինեն և համոզեն մարդկանց հետևել Հիսուս Քրիստոսին: Այս դասը կօգնի ձեզ հասկանալ, թե Մորմոնի Գրքի նպատակներն ինչպես կարող են օգնել ձեզ ձեր ուսումնասիրության ընթացքում և ձեր կյանքում:

Ինչո՞ւ ուսումնասիրել Մորմոնի Գիրքը

Պատկերացրեք, թե ինչպես կարձագանքեիք, եթե որևէ մեկը ձեզ տար հետևյալ հարցերը.

• Կրոնի և լավ մարդ դառնալու մասին բազմաթիվ գրքեր կան. ինչո՞ւ պետք է կարդամ Մորմոնի Գիրքը: Այն ի՞նչ կտա ինձ: Ինչո՞վ է այն տարբերվում կամ ինչո՞վ է ավելի լավը մյուս գրքերից:

Նեփին հայտնեց իր մտադրությունը կամ նպատակները՝ Մորմոնի Գրքում արձանագրելով թե ինչ է արել: Այս նպատակների իմացությունը կարող է օգնել մեզ հասկանալ, թե ինչու պետք է կարդանք գիրքը, և ինչ կտա այն մեզ:

Կարդացեք 1 Նեփի 6.3–6 հատվածը և նշեք այն բառերը կամ արտահայտությունները, որոնք ցույց են տալիս իր գրառումները պահելու Նեփիի նպատակները: Գուցե օգտակար լինի իմանալ, որ «Աբրահամի, … Իսահակի և … Հակոբի Աստվածը» (հատված 4) տիտղոս է Հիսուս Քրիստոսի համար:

1. Պատասխանեք հետևյալ հարցին.

   • Ինչպե՞ս կբացատրեիք, ինչո՞ւ Նեփին գրառեց այն, ինչ արել էր:

Ըստ Նեփիի՝ նրա գրությունները նպատակ ունեին համոզելու մեզ գալ Հիսուս Քրիստոսի մոտ և պարունակում էին միայն աստվածահաճո բաներ:

Մի պահ մտածեք մինչ այժմ Մորմոնի Գրքի ընթերցանության ձեր փորձառության մասին:

• Արդյո՞ք Մորմոնի Գիրքն օգնում է ձեզ հասկանալ աստվածահաճո բաները: Եթե այո, ապա ինչպե՞ս:

• Արդյո՞ք զգում եք, որ Մորմոնի Գրքի ուսումնասիրությունն օգնում է ձեզ ավելի մոտենալ Հիսուս Քրիստոսին և փրկվել: Ինչո՞ւ այո, կամ ինչո՞ւ ոչ։

• Աստծո գործերի իմացությունը և Հիսուս Քրիստոսին ավելի մոտենալը ինչպե՞ս կարող է օրհնություն լինել ձեր կյանքում:

Գալ Հիսուս Քրիստոսի մոտ և իմանալ աստվածահաճո բաներ

Սուրբ գրությունների ուսումնասիրության օգտակար հմտություն է Նեփիի նպատակների որոնումը, երբ կարդում եք Մորմոնի Գիրքը: Սրանում վարժվելու հնարավորություն կունենաք, երբ ուսումնասիրեք 1 Նեփի 7 գլուխը:

Իրադարձությունները, որոնք Նեփին հիշատակում է 1 Նեփի 7 գլխում, կարելի է բաժանել երեք հիմնական մասի: Կարդացեք յուրաքանչյուր մասի ստորև ներկայացվող ամփոփ նկարագրությունները: Ընտրեք մեկը և շարունակեք ուսումնասիրել այն՝ փնտրելով այն ամենը, ինչ աստվածահաճո է և օգնում է մեզ գալ Քրիստոսի մոտ:

Մաս 1. 1 Նեփի 7.1–5 Նեփին և նրա եղբայրները վերադարձան Երուսաղեմ՝ կրկին համոզելու Իսմայելի ընտանիքին միանալ իրենց ճամփորդությանը դեպի խոստացված երկիր: Սա Նեփիին և նրա եղբայրներին թույլ տվեց ամուսնանալ և ընտանիք կազմել:

Ishmael's Household Joins Lehi's Family | 1 Nephi 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

Մաս 2. 1 Նեփի 7.6–18 Լամանը և Լեմուելը կապեցին Նեփիին՝ մտադրվելով թողնել նրան՝ մեռնելու անապատում: Բայց Նեփին մեծ հավատք ուներ, և Տերը հրաշքով ազատեց նրան:

Ishmael's Household Joins Lehi's Family | 1 Nephi 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

Մաս 3. 1 Նեփի 7:17–22: Նեփին անկեղծ սրտով ներեց եղբայրներին իրեն սպանելու փորձի համար, և խումբը վերադարձավ Լեքիի և Սարիայի մոտ:

Ishmael's Household Joins Lehi's Family | 1 Nephi 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

2. Գրի առեք ուսումնասիրության համար ձեր ընտրած սուրբ գրության հատվածները և պատասխանեք ստորև ներկայացվող հարցերին.

   • Ի՞նչ սովորեցիք ձեր ուսումնասիրությունից, որը ձեր կարծիքով, աստվածահաճո կլիներ և կօգներ ձեզ գալ Քրիստոսի մոտ:

• Ինչպե՞ս կարող է ձեր սովորածն օգնել ձեզ կյանքում:

Մտածեք այսօր ուսումնասիրածի մասին, երբ փնտրում էիք որոշակի բաներ, որոնք կօգնեին ձեզ գալ Հիսուս Քրիստոսի մոտ, և որոնք աստվածահաճո են:

3. Պատասխանեք հետևյալ հարցին.

   • Ինչպե՞ս կարող եք բարելավել սուրբ գրությունների ուսումնասիրությունը, եթե այսպես հետևողականորեն մոտենաք ուսումնասիրությանը:

Ընտրովի. ցանկանո՞ւմ եք ավելին իմանալ

Ի՞նչ օրհնություններ կարող են գալ Մորմոնի Գրքի անկեղծ ուսումնասիրությունից և դրանում առկա ճշմարտությունները գրի առնելու արդյունքում:

Կարող եք դիտել հետևյալ տեսանյութը, որում Արևելյան Եվրոպայի երիտասարդները նկարագրում են Մորմոնի Գրքի ընթերցանության և իրենց սովորածը գրի առնելու փորձառությունները:

Book of Mormon: Messages from Heaven

President Monson and President Erying encouraged youth to read the Book of Mormon. Youth from Eastern Europe share what they have learned from reading the Book of Mormon and writing down their impressions.

Ինչո՞ւ է ընտանիքն այդքան կարևոր Տիրոջ համար: Ի՞նչ կարող եմ փոխել իմ ընտանիքում այժմ:

Սուրբ գրություններում խոսվում է Լեքիի որդիների ամուսնության անհրաժեշտության մասին, որպեսզի նրանք խոստացված երկրում երեխաներ ունենան, իսկ ժամանակակից մարգարեներից մենք իմանում ենք, որ մեր հավերժական ճակատագրի իրագործման համար ընտանիքն առանցքային է Տիրոջ ծրագրում: Հետևյալ նյութերը կարող են ձեզ օգնել ավելի խորը հասկանալ ընտանիքի կարևորությունը և այն ազդեցությունը, որ կարող են ունենալ ընտանիքները:

• «Ընտանիք՝ հայտարարություն աշխարհին», ChurchofJesusChrist.org

• Ջուլի Բ. Բեք, «Ընտանիքի վարդապետության ուսուցում», Ensign, մարտ 2011, 12–17

• Ավետարանական թեմաներ, «Ընտանիք», topics.ChurchofJesusChrist.org

  Shining Forth in the Family

  Members around the world testify that youth can have a powerful influence on their families.

Ինչպե՞ս կարող եմ ներել ուրիշներին:

Տասներկու Առաքյալների Քվորումից երեց Ջեֆրի Ռ. Հոլլանդը ուսուցանել է հետևյալը.

«Արձակեցէք և կ՛արձակուիք» [Ղուկաս 6.37], Քրիստոսն ուսուցանել է Նոր կտակարանի ժամանակներում: Իսկ մեր օրերում. «Ես՝ Տերս կներեմ, ում որ կներեմ, բայց ձեզնից պահանջվում է ներել բոլոր մարդկանց» [Վարդապետություն և ուխտեր 64.10]: Սակայն ձեզանից ոմանց համար, ովքեր իրական չարչարանքների մեջ են, կարևոր է հիշել, թե Նա ինչ չի ասել: Նա չի ասել. «Ձեզ չի թույլատրվում իրական ցավ կամ իրական վիշտ զգալ կործանարար փորձություններից, որոնց մեջ դուք հայտնվել եք մեկ ուրիշի պատճառով»: Նա նաև չի ասել. «Որպեսզի լիովին ներեք, դուք պետք է շարունակեք վնասակար հարաբերությունները կամ վերադառնաք ստորացուցիչ և կործանարար վիճակին»։ Բայց, չնայած ամենասարսափելի անպատվություններին, որոնք կարող են պատահել մեզ հետ, մենք կարող ենք հաղթահարել ցավը, երբ ոտք դնենք ճշմարիտ բժշկման արահետի վրա: Դա ներելու ճանապարհն է, որով քայլում էր Հիսուս Նազովրեցին, ով կոչ է անում մեզնից յուրաքանչյուրին. «Ե՛կ, հետևիր ինձ» [Ղուկաս 18.22]: (Ջեֆրի Ռ. Հոլլանդ, «Հաշտության սպասավորությունը», Լիահոնա, նոյեմբեր 2018թ., 78–79)

Երեց Լարի Ջ. Էքո Հոքը, երբ ծառայում էր որպես Յոթանասունի անդամ, կիսվել է հետևյալով․

Եղբայրնե՛ր և քույրե՛ր, կա՞ն մեր կյանքում մարդիկ, որոնք վնասել են մեզ: Արդյո՞ք մենք մեր մեջ պահում ենք մերժման և զայրույթի լիովին արդարացված զգացմունքներ։ Արդյո՞ք մենք թույլ ենք տալիս, որ հպարտությունը չթողնի մեզ ներել և մոռանալ։ Ես հրավիրում եմ բոլորիս ամբողջովին ներել և թույլ տալ, որ ապաքինումը գործի մեր ներսից։ Եվ եթե անգամ ներումը հնարավոր չէ այսօր, իմացեք, որ եթե մենք ցանկանում և աշխատում ենք այդ ուղղությամբ, այն կգա, ինչպես, ի վերջո, եկավ ինձ համար: (Լարի Ջ. Էքո Հոք, «Ինչպէս Քրիստոսն էլ ձեզ ներեց, այնպէս էլ դուք», Լիահոնա, մայիս 2018, 16)