Мормоны Номын семинарын суралцагчийн гарын авлага (2024)

Агуулга
Нүүр хуудас
Мормоны Номын семинарын суралцагчийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1–2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10

Алма 1:19–33: Хавчин гадуурхах үед итгэлтэй хэвээр байж, Христээс амар амгаланг олох нь

“Алма 1:19–33: Хавчин гадуурхах үед итгэлтэй хэвээр байж, Христээс амар амгаланг олох нь,” Мормоны Номын багшийн гарын авлага (2024)

“Алма 1:19–33,” Мормоны Номын багшийн гарын авлага

Алма 1:19–33

Хавчин гадуурхах үед итгэлтэй хэвээр байж, Христээс амар амгаланг олох нь

Зураг

аз жаргалтай номлогчид нэгэн эмэгтэй, хүүхэд хоёрт зааж буй нь

Бүх хүн өөрсдийн ухамсрын дагуу Бурханыг шүтэн бишрэх эрхтэй гэдэгт бид итгэдэг (Итгэлийн тунхаг 1:11-ийг үзнэ үү). Гэвч бусад хүн таны итгэл үнэмшлийг хавчин гадуурхвал яах вэ? Бусад хүн таны итгэл үнэмшлийг шүүмжилбэл та хэрхэн хариулж, амар амгаланг олох вэ? Алмагийн үед хүмүүс “Бурханы сүмд харьяалагддаг хүмүүсийг хавчин гадуурхаж эхэлсэн” (Алма 1:19-ийг үзнэ үү). Энэ хичээл танд Есүс Христийн Хожмын Үеийн Гэгээнтнүүдийн Сүмийн гишүүн байсныхаа төлөө хавчин гадуурхагдаж байсан ч итгэлтэйгээр хариу үйлдэл хийж, амар амгаланг мэдрэхэд тусалж чадна.

Итгэл үнэмшлийнхээ төлөө хавчин гадуурхагдах нь

Арван хоёр төлөөлөгчийн чуулгын ахлагч Жэффри Р.Холланд Сүмийн өсвөр үеийнхэнд ийн зөвлөсөн. “Шавь байхын адислал ба төлөөс” цагийн код 0:25-аас 2:05 хүртэл үз ChurchofJesusChrist.orgэсвэл доорх тайлбарыг унш.

Зураг
Ахлагч Жэффри Р.Холланд

Би энэхүү хожмын өдрүүдэд гуйвшгүй бат бөх зогссон хэвээр үлдэх тэр бүх хүнд, тэр тусмаа Сүмийн өсвөр үеийнхэнд хандан, өмнө нь та нарт тохиолдож байгаагүй байж болох ч гагцхүү Есүс Христийн Хожмын Үеийн Гэгээнтнүүдийн Сүмийн гишүүн учраас та нарт өөрсдийн итгэлийг хамгаалахаар дуудагдах, магадгүй бүр хувь хүний хувьд гутаан доромжлуулах өдөр ирэх болно гэдгийг хэлье. Энэ үед та нар зоригтой бас найрсаг байх хэрэгтэй.

Жишээлбэл: Саяхан нэгэн номлогч эгч надад бичихдээ “Хамтрагч бид хоёр хотын төв гудамжны сандал дээр нэгэн эрэгтэй үдийн хоолоо идэж байхыг харсан юм. Биднийг дөхөж очих үед тэрээр дээш харан, бидний номлогчийн энгэрийн тэмдгийг олж хараад бидэн рүү муухай харж, үсэрч босоод, гар далайн, намайг цохих гэсэн. Би амжиж зайлсхийсэн боловч тэр өөрийнхөө идэж байсан хоолыг над руу нулимж, биднийг маш муухай үгээр харааж эхэллээ. Бид юу ч хэлэлгүй түүнээс холдов. Би нүүрэн дээрх хоолны үлдэгдлийг арчин цэвэрлэж байхдаа ар дагзанд маань овоорсон төмсний нухаш онохыг мэдэрч билээ. Зарим үед номлогч байх үнэхээр хэцүү, яагаад гэвэл яг тэр үед би тэр жижиг биетэй эрэгтэй дээр очин заамдаж аваад, “УУЧЛААРАЙ” гэж хэлүүлэхийг үнэхээр их хүсэж байсан. Гэвч би тэгээгүй” гэжээ (Жэффри Р.Холланд, “Шавь байхын адислал ба төлөөс,” 2014 оны 4-р сарын Ерөнхий чуулган, 19)

Хэрэв та ийм нөхцөлд номлогч байсан бол ямар хариу үйлдэл үзүүлэх байсан бэ?
Яагаад Христийнхтэй адил хариу үйлдэл үзүүлэхэд хэцүү байж болох вэ?
Та хэзээ итгэл үнэмшлийнхээ төлөө гадуурхагдаж, хавчигдаж байсан бэ?
Ирээдүйд итгэл үнэмшлийнхээ төлөө хавчин гадуурхагдаж болзошгүй ямар нөхцөл байдал байж болох вэ?

Та Мормоны Ном дахь Христийн Сүмийн гишүүдийн жишээг судлахдаа хавчлагын үеэр гуйвшгүй байж, Есүс Христээс амар амгаланг олох арга замуудыг олж мэд.

Мормоны Ном дахь хавчлага

Алма ерөнхий шүүгч байх үедээ ихээхэн сорилт бэрхшээлтэй тулгарсан. Нихор Гидеоныг хөнөөж, үхэх ял авсны дараа зарим хүн Нихорын сургаалуудад үргэлжлүүлэн итгэсээр байв. Алма 1:19–24-ийг уншаад, нифайчуудад тулгарч байсан сорилт бэрхшээлийг олж мэд.

Та нифайчуудад тулгарч байсан зүйл, таны туршлага хоёрын хооронд ямар төстэй зүйл харж байна вэ?
Сүмийн гишүүдийн ямар үйлдэл эдгээр сорилт бэрхшээлд нөлөөлсөн бэ (22-р шүлэг-ийг үзнэ үү)?

Алма 1:25–28-ыг уншаад, Сүмийн зөв шударга гишүүд юу хийснийг хайж ол. Судалж буй зүйлээ цэгцлэхийн тулд хүмүүсийн хийсэн зүйлийн жагсаалтыг гарга. Та үүнийг судлах тэмдэглэлдээ хийж болно эсвэл судраас олж мэдсэн зүйлээ тэмдэглэж болно.

Сүмийн гишүүд хавчлагад ямар арга замаар хариу үйлдэл үзүүлсэн бэ?

Дараах үг хэллэгийг нифайчуудаас суралцсан жишээгээр гүйцээ.

… нь Аврагчид итгэснийхээ төлөө хавчигдаж байсан ч тасралтгүй амар амгаланг нь мэдрэхэд бидэнд тусалж чадна.

Зураг

дүрс, тэмдэглэх

Дараах асуултуудад хариул.

Та эдгээр арга замаар хариулах нь хэн нэгэнд Аврагчийн амар амгаланг мэдрэхэд хэрхэн тусална гэж бодож байна вэ?
Хэрэв та итгэл үнэмшлийнхээ төлөө хавчигдвал эдгээр шүлгээс эсвэл жагсаалтаасаа юуг хамгийн их санахыг хүсэж байна вэ? Яагаад?

Есүс Христийн санал болгож буй амар амгалан хэрэгтэй гэдгийг таны амьдралын ямар туршлага мэдрүүлдэг вэ?

Амар амгалангаас илүү

Амар амгаланг мэдрүүлэхээс гадна Тэнгэрлэг Эцэг итгэлтэй нифайчуудыг өөр арга замаар адисалсан. Алма 1:29–32-ыг уншаад, хүнд хэцүү үедээ гуйвшгүй байж үлдсэн нифайчуудад Тэнгэрлэг Эцэгийн өгсөн адислалуудыг олж мэд.

Дараах асуултад хариулж, үйл ажиллагааг гүйцээ.

Та эсвэл таны мэдэх бусад хүн хавчлагын үеэр итгэлтэй хэвээр үлдсэнийхээ дараа Тэнгэрлэг Эцэгийн адислалуудыг хэрхэн харсан бэ?

Хавчлагыг үл тоон бүх хүнд хайр, энэрэнгүй сэтгэлийг харуулсан итгэлтэй нифайчуудын хийсэн үйлдлүүдээс дор хаяж хоёрыг сонго (Алма 1:25–30-ийг үзнэ үү). Бидний өдрүүдэд хэн нэгэн үүнтэй ижил зүйлийг хэрхэн хийж болохыг дүрсэл.

Нэмэлт: Илүү ихийг судлахыг хүсэж байна уу?

Итгэл соригдох үед би хэрхэн гуйвшгүй хэвээр үлдэх вэ?

Арван хоёр төлөөлөгчийн чуулгын ахлагч Нийл Л.Андэрсэн ийн хэлсэн.

Зураг
Ахлагч Нийл Л.Андэрсэн

Итгэлийн сорилтын үед та нар хэрхэн “хөдөлшгүй бөгөөд гуйвшгүй” байж чадах вэ? Та Христэд итгэх итгэлээ хөгжүүлэн, залбирч, судруудыг тунгаан бодож, наманчлан, зарлигуудыг сахиж, бусдад үйлчилснээр итгэлийнхээ үндэс суурийг бий болгоход туслах зүйлсийг хийхэд өөрийгөө дайчлан ажилладаг билээ. (Нийл Л.Андэрсэн, “Итгэлийн тань сорилт,” 2012 оны 10-р сарын Ерөнхий чуулган, 50)

Хавчлагад би хэрхэн хариулах вэ?

Ерөнхийлөгч Харолд Б.Лий (1899–1973) ийн хэлсэн.

Зураг
Ерөнхийлөгч Харолд Б.Лий

Хавчлагаас үүдэлтэй үлэмж хор хөнөөл нь хавчлагаас өөрөөс нь бус, харин үүний болзошгүй үр дагавар нь зөв шударга зорилгын төлөө тэмцсэн хавчигдагсдын хүч чармайлтыг бууруулан мохоосноор илэрч болно. Иймэрхүү хавчлагын ихэнх нь ойлголт дутмагаас эхлэлтэй юм. Учир нь хүмүүс ойлгодоггүй зүйлээ эсэргүүцэх хандлагатай байдаг. Зарим үед хавчлага нь нүгэл хилэнцийг санаатайгаар үйлддэг хүмүүсээс ирдэг. Гэвч ямар ч шалтгаанаар хавчлага нь зөв шударга үйл хэрэгт оролцож буй хүмүүсийн эсрэг маш түгээмэл байдаг тул Багш бидэнд анхааруулж, “Бүгд та нарын тухай сайнаар ярих цагт та нар золгүй еэ!” Тэдний эцэг өвгөд хуурамч эш үзүүлэгчдэд ч тэгэж хандсан юм (Лук 6:26).

… Олны дунд хүлээн зөвшөөрөгдөхийн тулд татгалзах ёстой зүйлс, шударга байдал, ёс суртахууны чинь улмаас та нарыг тохуурхаж, шоолсон үед та нар дээрх анхааруулгыг санагтун. Хэрэв та нар олны доог тохууг, тэр ч байтугай, бие махбодын хүчирхийллийг үл хайхран, зөв зүйлийн төлөө тууштай зогсвол мөнхийн баяр баяслын олон адислалыг хүртэх болно. (Teachings of Presidents of the Church: Harold B. Lee [2000], 204)

Ерөнхийлөгч Даллин Х.Өүкс ийн хэлсэн.

Зураг
Ерөнхийлөгч Даллин Х.Өүкс

Бидний шашин шүтлэг, итгэл үнэмшлийг дагадаггүй хүмүүсийг бид ямар ч тохиолдолд хавчин гадуурхах ёсгүй. (Даллин Х.Өүкс, “Хоёр агуу зарлиг,” 2019 оны 10-р сарын Ерөнхий чуулган, 79)

Аврагчийн амар амгаланг амьдралдаа олохын тулд би юу хийж болох вэ?

Арван хоёр төлөөлөгчийн чуулгын ахлагч Квинтин Л.Күк амар амгаланг олох хэдэн арга замыг тодорхойлсон. Тэнгэрлэг Эцэг, Аврагч хоёроос хувийн амар амгаланг эрэлхийлэх таван арга замыг тодорхойлохын тулд түүний хэлсэн “Хүнд хэцүү цаг үе дэх хувийн амар амгалан” (2021 оны 10-р сарын Ерөнхий чуулган) үгийг унш.

Бусадтай зөрчилдөх нь биднийг Аврагчаас хэрхэн холдуулдаг вэ?

Арван хоёр төлөөлөгчийн чуулгын ахлагч Дэйл Г.Рэнланд ийн хэлсэн.

Зураг
Ахлагч Дэйл Г.Рэнланд

Сүнслэг байдлын хувьд зөрчилдөөн нь хувь хүн талаасаа бидэнд хортой. Бид амар амгалан, баяр баясгалан, амар тайван байдал, Сүнсийг мэдрэх чадвараа алддаг. (Дэйл Г.Рэнланд, “Христийн амар амгалан дайсагналыг хөнөөдөг,” Лиахона, 2021 оны 11-р сар, 84)