« ការរំឭកចំណេះចំណានខាងគោលលទ្ធិទី ១១ ៖ ទន្ទេញ និងយល់ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ការរំឭកចំណេះចំណានខាងគោលលទ្ធិទី ១១ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ការរំឭកចំណេះចំណានខាងគោលលទ្ធិ ទី១១
ទន្ទេញ និងយល់
ការទន្ទេញវគ្គចំណេះចំណានខាងគោលលទ្ធិ និងការយល់ដឹងពីគោលលទ្ធិ ដែលពួកគេបង្រៀនអាចយាងអញ្ជើញព្រះវិញ្ញាណបរិសុទ្ធមកគង់នៅក្នុងជីវិតរបស់អ្នក ហើយជួយអ្នកឲ្យប្រែក្លាយកាន់តែដូចជាព្រះយេស៊ូវគ្រីស្ទ ។ គោលបំណងមេរៀននេះគឺដើម្បីជួយអ្នកឲ្យទន្ទេញឃ្លាបទគម្ពីរពីវគ្គចំណេះចំណានខាងគោលលទ្ធិនៃព្រះគម្ពីរមរមនទាំង ១២ ដំបូង ហើយស្វែងរកការយល់ដឹងបន្ថែមដោយការសួរ និងឆ្លើយសំណួរដែលបំផុសគំនិត ។
ទន្ទេញសេចក្ដីយោង និងឃ្លាបទគម្ពីរគន្លឹះ
សូមប្រើតារាងខាងក្រោមដើម្បីរំឭកវគ្គចំណេះចំណានខាងគោលលទ្ធិទាំង ១២ ដំបូងនៅក្នុងព្រះគម្ពីរមរមន ។ សូមជ្រើសរើសឃ្លាបទគម្ពីរពីរទៅបីដែលអ្នកមិនទាន់បានទន្ទេញ ។ នៅលើក្រដាសមួយសន្លឹក ឬក្នុងសៀវភៅកំណត់ហេតុការសិក្សារបស់អ្នក សូមសរសេរសេចក្តីយោងបទគម្ពីរ និងឃ្លាបទគម្ពីរគន្លឹះ ខណៈដែលនិយាយពាក្យនេះឮៗ ។ សូមធ្វើដំណើរការនេះឡើងវិញច្រើនដង រហូតដល់អ្នកអាចសូត្រឃ្លាទាំងមូលតាមការចងចាំ ។ បន្ទាប់មកបន្តទៅវគ្គបន្ទាប់របស់អ្នក ។
វគ្គចំណេះចំណានខាងគោលលទ្ធិទាំង ១២ ដំបូង និងឃ្លាគន្លឹះ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
|
សេចក្តីយោងបទគម្ពីរ |
ឃ្លាបទគម្ពីគន្លឹះ |
|---|---|
សេចក្តីយោងបទគម្ពីរ | ឃ្លាបទគម្ពីគន្លឹះ « ខ្ញុំនឹងទៅ ហើយធ្វើនូវអ្វីៗដែលព្រះអម្ចាស់ទ្រង់បានបញ្ជា » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « អ័ដាមបានធ្លាក់ខ្លួន ដើម្បីឲ្យមានមនុស្សលោក ហើយមានមនុស្សលោក ដើម្បីឲ្យគេអាចមានសេចក្ដីអំណរ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « ពួកគេមានសិទ្ធិនឹងជ្រើសរើសសេរីភាព និងជីវិតដ៏នៅអស់កល្បជានិច្ច … ឬ … ការជាប់ឃុំឃាំង និងការស្លាប់ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « មនុស្សទាំងអស់គ្នាគឺដូចគ្នានៅចំពោះព្រះ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ ព្រះ « នឹងប្រទានដល់កូនចៅមនុស្សមួយបន្ទាត់ម្ដងៗ មួយសិក្ខាបទម្ដងៗ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សូមទទួលទាននូវព្រះបន្ទូលទាំងឡាយនៃព្រះគ្រីស្ទ ដ្បិតមើលចុះ ព្រះបន្ទូលទាំងឡាយនៃព្រះគ្រីស្ទនឹងប្រាប់ដល់អ្នកនូវគ្រប់អ្វីទាំងអស់ ដែលអ្នកត្រូវធ្វើ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « អ្នករាល់គ្នាត្រូវតែអធិស្ឋានជានិច្ច » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « កាលណាអ្នករាល់គ្នានៅក្នុងការបម្រើដល់មនុស្សទូទៅ នោះអ្នករាល់គ្នាគ្រាន់តែនៅក្នុងការបម្រើដល់ព្រះរបស់អ្នកតែប៉ុណ្ណោះ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « អស់អ្នកណាដែលកាន់តាមព្រះបញ្ញត្តិទាំងឡាយនៃព្រះ … បានពរគ្រប់យ៉ាង » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « [ សម្រាត ] ភាពខាងសាច់ឈាមចេញ ហើយ [ ក្លាយ ] ទៅជាអ្នកបរិសុទ្ធវិញ តាមរយៈដង្វាយធួននៃព្រះគ្រីស្ទដ៏ជាព្រះអម្ចាស់ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សូមជឿដល់ព្រះចុះ … សូមជឿថា ទ្រង់មានគ្រប់ប្រាជ្ញា » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ ចូរ « ទទួលបុណ្យជ្រមុជទឹកដោយនូវព្រះនាមនៃព្រះអម្ចាស់ ដើម្បីធ្វើជាសាក្សី … ថាអ្នករាល់គ្នាបានចូលក្នុងសេចក្ដីសញ្ញាជាមួយនឹងទ្រង់ » ។ |
សួរសំណួរបំផុសគំនិត ។
សំណួរបំផុសគំនិតគឺជាផ្នែកសំខាន់នៃដំណើរការសិក្សា ។ ក្នុងអំឡុងពេលនៃការងារបម្រើក្នុងព្រះជន្មរមែងស្លាប់របស់ទ្រង់ ព្រះអង្គសង្គ្រោះតែងតែសួរសំណួរដែលឲ្យអ្នកសិក្សាគិត ទទួលអារម្មណ៍ និងធ្វើតាមសេចក្ដីពិតដែលទ្រង់បានបង្រៀន ( សូមមើល ម៉ាថាយ ១៦:១៣–១៦; យ៉ូហាន ៦:៦៦–៦៩ ) ។ ប្រហែលជាអ្នកបានកត់សម្គាល់ឃើញឪពុកម្ដាយ គ្រូបង្រៀន ឬថ្នាក់ដឹកនាំសាសនាចក្រសួរសំណួរដែលជួយអ្នកឲ្យយល់ពីដំណឹងល្អកាន់តែច្បាស់ ឬទាក់ទងនឹងអ្វីដែលអ្នកកំពុងរៀនក្នុងជីវិតរបស់អ្នកផ្ទាល់ ។ ការសួរ និងឆ្លើយសំណួរបំផុសគំនិតអាចធ្វើឲ្យដំណើរការសិក្សាក្លាយជាបទពិសោធន៍ដែលទាក់ទាញ និងមានន័យសម្រាប់អ្នក ។
មានសំណួរជាច្រើនប្រភេទ ។ ថ្ងៃនេះ អ្នកនឹងមានឱកាសអនុវត្តការសួរ និងឆ្លើយសំណួរបំផុសគំនិតដើម្បីជួយអ្នកឲ្យយល់វគ្គចំណេះចំណានខាងគោលលទ្ធិ ។
ខាងក្រោមនេះគឺជាឧទាហរណ៍នៃប្រភេទសំណួរផ្សេងៗដែលអាចប្រើបានពេលសិក្សាព្រះគម្ពីរ ។ គំរូសំណួរទាក់ទងនឹងសេចក្តីពិតដែលបានបង្រៀននៅក្នុង នីហ្វៃទី២ ៣២:៨–៩ ។
សំណួរដើម្បីជួយអ្នកយល់ពីបរិបទនៃបទគម្ពីរ
-
នរណាកំពុងនិយាយនៅក្នុង នីហ្វៃទី២ ៣២:៨–៩ ?
-
តើគាត់កំពុងនិយាយជាមួយអ្នកណា ? ហេតុអ្វី ?
សំណួរដើម្បីជួយអ្នកយល់អំពីខ្លឹមសារ ឬអត្ថន័យនៃបទគម្ពីរ
សំណួរទាំងនេះអាចជួយយើងឲ្យស្គាល់គោលលទ្ធិ និងគោលការណ៍នានា ។
-
តើអ្នកនិពន្ធមានបំណងចង់ឲ្យយើងរៀនអ្វី ?
-
តើអ្នកគិតថា វាមានន័យយ៉ាងណាក្នុងការ « អធិស្ឋានជានិច្ច ឥតរសាយចិត្តឡើយ ? » ( នីហ្វៃទី២ ៣២:៩ ) ។
សំណួរដើម្បីជួយអ្នកយល់ពីគោលលទ្ធិ និងគោលការណ៍នៅក្នុងបទគម្ពីរ
-
តើអ្នកគិតថា ការអធិស្ឋានតែងតែអាចមានឥទ្ធិពលលើទំនាក់ទំនងរបស់យើងជាមួយនឹងព្រះវរបិតាសួគ៌យ៉ាងដូចម្ដេច ?
-
តើអ្វីអាចជួយយើងឲ្យចងចាំដើម្បីអធិស្ឋានជានិច្ច ទោះជាយើងគ្មានអារម្មណ៍ចង់អធិស្ឋានក៏ដោយ ?
-
សូមបំពេញចំណុចដូចតទៅនេះ ៖
សូមជ្រើសរើសវគ្គចំណេះចំណានខាងគោលលទ្ធិមួយនៅចន្លោះ នីហ្វៃទី១ ៣:៧ និង ម៉ូសាយ ១៨:៨–១០ ។ សូមសរសេរសំណួរបី—មួយសម្រាប់ប្រភេទនីមួយៗខាងលើ—ដែលអ្នកអាចសួរអំពីវគ្គចំណេះចំណានខាងគោលលទ្ធិ ។ សូមមើលឧទាហរណ៍ពីមុន បើអ្នកត្រូវការជំនួយ ។ សូមឆ្លើយសំណួរនីមួយៗដែលអ្នកសរសេរ ។
សូមពិចារណាសិក្សាវគ្គចំណេះចំណានខាងគោលលទ្ធិ ដែលអ្នកបានជ្រើសរើសជាមួយឪពុកម្តាយបងប្អូន ឬមិត្តភក្តិ ហើយសូមពួកគេឲ្យឆ្លើយសំណួររបស់អ្នក ។