« ការរំឭកចំណេះចំណានខាងគោលលទ្ធិ ទី ១៣ ៖ កំណត់ទីតាំង និងគូសចំណាំ អាលម៉ា ៧:១១–១៣ ដល់ មរ៉ូណៃ ១០:៤–៥ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ការរំឭកចំណេះចំណានខាងគោលលទ្ធិ ទី ១៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ការរំឭកចំណេះចំណានខាងគោលលទ្ធិ ទី ១៣
កំណត់ទីតាំង និងគូសចំណាំ អាលម៉ា ៧:១១–១៣ ដល់ មរ៉ូណៃ ១០:៤–៥
គោលបំណងមួយនៃចំណេះចំណានខាងគោលលទ្ធិ គឺត្រូវជួយអ្នកឲ្យមករកព្រះគ្រីស្ទដោយការបង្កើនការយល់ដឹងរបស់អ្នក អំពីសេចក្ដីពិតនៃដំណឹងល្អដែលមាននៅក្នុងបទគម្ពីរ ។ គោលបំណងមេរៀននេះគឺដើម្បីជួយអ្នកស្វែងរកវគ្គបទគម្ពីរចំណេះចំណានខាងគោលលទ្ធិទាំង ១២ នៅក្នុងពាក់កណ្តាលទីពីរនៃព្រះគម្ពីរមរមន ។
សេចក្តីយោងបទគម្ពីរ និងឃ្លាបទគម្ពីរគន្លឹះ
សូមស្រមៃគិតថាប្អូនប្រុសម្នាក់ឃើញអ្នកគូសចំណាំខគម្ពីររបស់អ្នកពេលអ្នកសិក្សា ។ បន្ទាប់ពីបានឃើញទំព័រគម្ពីរដែលមានការគូសចំណាំទាំងអស់នៅលើនោះ ប្អូនប្រុសរបស់អ្នកសួរអ្នកពីមូលហេតុដែលអ្នកគូសចំណាំខគម្ពីររបស់អ្នក ។
-
តើអ្នកនឹងឆ្លើយយ៉ាងដូចម្ដេច ?
សូមប្រើតារាងខាងក្រោមដើម្បីជួយអ្នកស្វែងរកទីតាំងវគ្គចំណេះចំណានខាងគោលលទ្ធិទាំង ១២ ដែលបានរកឃើញនៅក្នុងពាក់កណ្តាលទីពីរនៃព្រះគម្ពីរមរមន ។ សូមពិចារណាគូសចំណាំខគម្ពីរតាមរបៀបមួយ ដើម្បីអ្នកអាចកំណត់ទីតាំងខគម្ពីរនោះកាន់តែងាយស្រួលនាពេលអនាគត ។ អ្នកក៏អាចនឹងពិចារណាគូសចំណាំពាក្យក្នុងឃ្លាបទគម្ពីរគន្លឹះ ដើម្បីធ្វើឲ្យវាលេចធ្លោផងដែរ ។
ចំណេះចំណានខាងគោលលទ្ធិនៃព្រះគម្ពីរមរមន ៖ អាលម៉ា–មរ៉ូណៃ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
|
សេចក្តីយោងបទគម្ពីរ |
ឃ្លាបទគម្ពីគន្លឹះ |
|---|---|
សេចក្តីយោងបទគម្ពីរ | ឃ្លាបទគម្ពីគន្លឹះ « ហើយទ្រង់នឹងយាងទៅដោយរងការឈឺចាប់ និងទុក្ខវេទនា និងការល្បួងគ្រប់បែបយ៉ាង » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « ជាការចាំបាច់ត្រូវតែមានដង្វាយធួនមួយកើតឡើង … ការបូជាមួយដ៏និរន្តរ៍ និងអស់កល្បជានិច្ច » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « កុំទៅតាមសេចក្តីសម្រើបនៃភ្នែករបស់ខ្លួនទៀតឡើយ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សេចក្ដីទុច្ចរិតពុំដែលជាសុភមង្គលឡើយ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « គឺនៅលើសិលានៃព្រះដ៏ប្រោសលោះនៃយើង … ដែលកូនត្រូវសង់គ្រឹះរបស់កូន » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « យើងចង់ឲ្យអ្នករាល់គ្នាបានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « ចូរមករកយើង ហើយទទួលបុណ្យជ្រមុជទឹក … ប្រយោជន៍ឲ្យអ្នករាល់គ្នាអាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « អ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្តីជំនឿរបស់អ្នកសិន » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « បើមនុស្សលោកមករកយើង … លំដាប់នោះយើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែចំពោះពួកគេវិញ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សេចក្តីសប្បុរសគឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សូមសួរដោយចិត្តស្មោះសរ គឺដោយស្មោះអស់ពីចិត្ត ដោយមានសេចក្ដីជំនឿដល់ព្រះគ្រីស្ទ … [ ហើយ ] ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។ |
© ឆ្នាំ ២០២៣ by Intellectual Reserve, Inc. All rights reserved.
-
សូមជ្រើសរើសវគ្គចំណេះចំណានខាងគោលលទ្ធិចំនួនបី ដែលអ្នកចង់រៀនបន្ថែមក្នុងឆមាសនេះ ។ សូមអានវគ្គបទគម្ពីរនោះ ហើយសរសេរចំណុចខាងក្រោមនេះ ៖
-
ហេតុអ្វីអ្នកគិតថា ព្រះអង្គសង្គ្រោះសព្វព្រះទ័យឲ្យមនុស្សសព្វថ្ងៃនេះយល់ពីសេចក្តីពិតនៅក្នុងវគ្គបទគម្ពីរទាំងនេះ
-
សំណួរណាមួយដែលអ្នកមានអំពីពាក្យ និងឃ្លានៅក្នុងវគ្គបទគម្ពីរទាំងនោះ
-
ក្នុងរយៈពេលពីរបីថ្ងៃខាងមុខ សូមចាប់ផ្តើមទន្ទេញចាំនូវសេចក្តីយោងបទគម្ពីរមួយចំនួន និងឃ្លាបទគម្ពីរគន្លឹះ ហើយរកមើលចម្លើយចំពោះសំណួរទាំងឡាយដែលអ្នកអាចមានអំពីអ្វីដែលបទគម្ពីរទាំងនោះបង្រៀន ។ អ្នកប្រហែលជាចង់ប្រើកម្មវិធីទូរសព្ទចល័ត Doctrinal Mastery ដើម្បីជួយអ្នក ( ប្រសិនបើមាន ) ។