“Toe Vakaiʻi Hono 14 ʻo e Fakataukei Fakatokāteliné: Ako Maʻuloto e Ngaahi Potufolofolá mo e Ngaahi Kupuʻi Lea Mahuʻinga he Folofolá,” Tohi ʻa Molomoná - Tohi Lēsoni ʻa e Tokotaha Akó (2024)
“Toe Vakaiʻi Hono 14 ʻo e Fakataukei Fakatokāteliné,” Tohi ʻa Molomoná - Tohi Lēsoni ʻa e Tokotaha Akó
Toe Vakaiʻi Hono 14 ʻo e Fakataukei Fakatokāteliné
Ako Maʻuloto e Ngaahi Potufolofolá mo e Ngaahi Kupuʻi Lea Mahuʻinga he Folofolá
ʻE lava ke tokoniʻi koe ʻi ha ngaahi founga lahi ʻi hono manatuʻi ʻo e ngaahi fakamoʻoni fakafolofolá mo e meʻa ʻoku akoʻi aí. ʻOku fakataumuʻa ʻa e lēsoni ko ʻení ke tokoni ke ke ako maʻuloto ha ngaahi potufolofola mo ha ngaahi kupuʻi lea mahuʻinga he folofolá mei he potufolofola fakataukei fakatokāteline fakaʻosi ʻe 12 ʻi he Tohi ʻa Molomoná.
Ngaahi lelei ʻo hono ako maʻuloto ʻo e folofolá
-
Ko e hā te ke talaange ki ha taha ʻokú ne fifili pe ko e hā ʻe lelei ai ke ako maʻuloto ʻa e folofolá?
Lau ʻa e ʻAlamā 31:5, ʻo kumi ki ha ʻuhinga ʻe ala fiemaʻu ai ʻe ha taha ke ne ako maʻuloto ʻa e folofolá.
-
ʻE tokoniʻi fēfē koe ʻe hono ako maʻuloto ʻo e folofolá ke ke maʻu ʻa e mālohi ʻo e ʻOtuá?
-
Ko e hā ha potufolofola kuó ke maʻuloto? Kuo ʻaonga fēfē kiate koe hono ako maʻuloto ʻo e ngaahi potufolofolá?
Fakamanatu ʻa e ngaahi potufolofola fakataukei fakatokāteline mo e ngaahi kupuʻi lea folofola mahuʻinga ko ʻení. Fili ha potufolofola ʻe tolu pe fā ʻokú ke loto ke ako maʻuloto.
Fakataukei Fakatokāteline ʻo e Tohi ʻa Molomoná: ʻAlamā–Molonai
Tohi ʻa Molomoná – Tohi Lēsoni ʻa e Faiakó (2024)
Potufolofolá |
Kupuʻi Lea Fakafolofola Mahuʻingá |
---|---|
Potufolofolá | Kupuʻi Lea Fakafolofola Mahuʻingá “Pea te ne hāʻele atu, ʻo kātakiʻi ʻa e ngaahi mamahi mo e ngaahi faingataʻá pea mo e ngaahi ʻahiʻahi kehekehe kotoa pē.” |
Potufolofolá | Kupuʻi Lea Fakafolofola Mahuʻingá “Kuo pau ke fai ha fakalelei, … ko ha feilaulau taʻe-fakangatangata mo taʻengata.” |
Potufolofolá | Kupuʻi Lea Fakafolofola Mahuʻingá “ʻIkai toe muimui ʻi he ngaahi holi ʻa ho matá.” |
Potufolofolá | Kupuʻi Lea Fakafolofola Mahuʻingá “Kuo teʻeki ai hoko ʻa e faiangahalá ko e fiefia” |
Potufolofolá | Kupuʻi Lea Fakafolofola Mahuʻingá “ʻOku makatuʻunga ʻi he maka ʻo hotau Huhuʻí … kuo pau ke mo langa ai homo makatuʻungá.” |
Potufolofolá | Kupuʻi Lea Fakafolofola Mahuʻingá “Kuó u fai ai ʻa e meʻa kotoa pē kuo finangalo ʻa e Tamaí ke u fai talu mei he kamataʻangá.” |
Potufolofolá | Kupuʻi Lea Fakafolofola Mahuʻingá “Ke mou haohaoa ʻo hangē pē ko aú, pe hangē ko e haohaoa hoʻomou Tamai ʻa ia ʻoku ʻi he langí.” |
Potufolofolá | Kupuʻi Lea Fakafolofola Mahuʻingá “Haʻu kiate au ʻo papitaiso … koeʻuhi ke fakamāʻoniʻoniʻi ʻa kimoutolu ʻi he maʻu ʻo e Laumālie Māʻoniʻoní.” |
Potufolofolá | Kupuʻi Lea Fakafolofola Mahuʻingá “ʻOku ʻikai te mou maʻu ha fakamoʻoni kae ʻoua kuo hili hono ʻahiʻahiʻi ʻo hoʻomou tuí.” |
Potufolofolá | Kupuʻi Lea Fakafolofola Mahuʻingá “Kapau ʻe haʻu kiate au ʻa e tangatá … te u liliu ʻa e ngaahi meʻa vaivaí ko e mālohi kiate kinautolu.” |
Potufolofolá | Kupuʻi Lea Fakafolofola Mahuʻingá “Ko e manavaʻofá ʻa e ʻofa haohaoa ʻa Kalaisí.” |
Potufolofolá | Kupuʻi Lea Fakafolofola Mahuʻingá “Mou kole ʻi he loto-fakamātoato, mo e loto-moʻoni, ʻo maʻu ʻa e tui kia Kalaisi … [pea] ʻi he mālohi ʻo e Laumālie Māʻoniʻoní te mou lava ai ke ʻiloʻi hono moʻoni ʻo e ngaahi meʻa kotoa pē.” |
© 2023 by Intellectual Reserve, Inc. All rights reserved.
Ako maʻuloto ʻa e ngaahi potufolofolá mo e ngaahi kupuʻi lea mahuʻinga he folofolá naʻá ke filí. Mahalo te ke fie fakaʻaongaʻi ha taha pe kotoa ʻo e ngaahi ngāue ko ʻení:
-
Kapau ʻoku maʻu, fakaʻaongaʻi e polokalama fakaʻaliʻali kaati ʻi he polokalama Fakataukei Fakatokāteliné.
-
Hiki ʻa e potufolofola takitaha mo e kupuʻi lea mahuʻinga he folofolá, ʻo tuku ʻatā ha ngaahi foʻi lea ʻe niʻihi. Akoako hono toutou lau e kupuʻi lea mahuʻinga he folofolá ʻaki hono fakafonu ʻa e ngaahi foʻi lea ʻoku puliá.
-
Hiki ʻa e ʻuluaki mataʻitohi ki he foʻi lea takitaha ʻo e potufolofolá pea mo e kupuʻi lea mahuʻinga he folofolá. Fakahoko ʻeni ki he potufolofola takitaha ʻokú ke loto ke ako maʻulotó. Ako maʻuloto ʻa e potufolofolá mo e kupuʻi lea mahuʻinga he folofolá ʻo fakaʻaongaʻi ʻa e ngaahi mataʻitohi ʻuluakí.
-
Hiki ʻa e potufolofolá mo e kupuʻi lea mahuʻinga he folofolá. Tuifio e ngaahi foʻi leá mo e fiká ʻaki hono kosikosi e pepá ke māvahevahe ʻa e ngaahi foʻi leá. Tuifio e ngaahi leá mo e fiká pea fokotuʻutuʻu kinautolu ki he hokohoko totonú.
-
Fili ha potufolofola fakataukei fakatokāteline ʻe taha pe lahi ange pea vakai pe te ke lava ʻo ako maʻuloto ʻa e potufolofolá kakato. Fakakaukau ke fakaʻaongaʻi ʻa e konga ako maʻuloto ʻi he polokalama Fakataukei Fakatokāteliné pe ko ha taha ʻo e ngaahi founga kehe ʻoku lisi atu ʻi ʻolungá ke tokoni atu ke ke ako maʻuloto.