ការរំឭកចំណេះចំណានខាងគោលលទ្ធិទី⁠15

យល់ និង​ពន្យល់

ដោយសារដំណឹងល្អនៃព្រះយេស៊ូវគ្រីស្ទមានសារៈសំខាន់យ៉ាងខ្លាំងនោះ ព្រះវរបិតាសួគ៌មានព្រះទ័យចង់ឱ្យកូនចៅទ្រង់ទាំងអស់ស្គាល់សេចក្តីពិតរបស់វា។ ការរៀនពន្យល់ពីសេចក្តីពិតនៃដំណឹងល្អនៅក្នុងពាក្យសម្ដីរបស់អ្នកផ្ទាល់ អាចជួយបញ្ជាក់ពីការយល់ដឹងរបស់អ្នកបាន។ មេរៀននេះអាចជួយបង្កើនការយល់ដឹង និងសមត្ថភាពអ្នកដែលត្រូវពន្យល់ពីសេចក្តីពិតដែលមានការរកឃើញមាននៅក្នុងវគ្គចំណេះចំណានខាងគោលលទ្ធិចេញពីព្រះគម្ពីរមរមន។

ការយល់ខុស

ដំណើររឿងខាងក្រោមដោយ អែលឌើរ យ៉ូសែប ប៊ី វើធ្លីន⁠(Joseph B. Wirthlin) (1917–2008) ពីកូរ៉ុមនៃពួកសាវកដប់ពីរនាក់ និងបងប្រុស ប្រាដលី⁠អ័រ⁠វិលខក់⁠(Bradley R. Wilcox) ទីប្រឹក្សាទីពីរនៅក្នុងគណៈប្រធានយុវជនទូទៅ បង្ហាញការយល់ខុសមួយចំនួន។ នៅពេលដែលអ្នកសិក្សាវា សូមពិចារណាបទពិសោធន៍របស់អ្នកជាមួយនឹងការយល់ខុស។

ខ្ញុំចាំថា⁠នៅពេលដែលកូនស្រីម្នាក់ក្នុងចំណោមកូនស្រីរបស់យើងបានណាត់ជួបគ្នាជាមួយមនុស្សម្នាក់ជាលើកដំបូង។ នៅពេលនោះ⁠នាងបានស្លៀកពាក់យ៉ាងពិសេសខុសសព្វដង ហើយរង់ចាំមនុស្សដែលណាត់គ្នាជាមួយនាងមកដល់ នៅពេលដែលកណ្ដឹងទ្វារបន្លឺសំឡេងរោទ៍ឡើង។ ដោយបានដើរបណ្ដើរគ្នាជាមួយបុរសម្នាក់ដែលមើលទៅហាក់ដូចជាចាស់បន្តិច ប៉ុន្តែនាងបានព្យាយាមគួរសម។ នាងបានណែនាំគាត់ឱ្យស្គាល់ខ្ញុំ និងប្រពន្ធខ្ញុំ និងកូនផ្សេងៗទៀត ហើយបន្ទាប់មកនាងក៏បានពាក់អាវធំរបស់នាងចេញទៅក្រៅផ្ទះទៅ។ យើងបានតាមសម្លឹងមើលពេលនាងបានចូលក្នុងឡាន ប៉ុន្តែឡានមិនទៅមុខឡើយ។ នៅទីបំផុត កូនស្រីយើងបានចុះពីឡានមកវិញ ហើយមុខឡើងក្រហម⁠ហើយបានរត់ចូលផ្ទះវិញ។ តាមពិតទៅ⁠បុរសដែលនាងគិតថាជាមនុស្សដែលបានណាត់ជួបគ្នាដំបូងជាមួយនឹងនោះ⁠បានមកទទួលកូនស្រីយើងម្នាក់ទៀតដែលបានព្រមធ្វើជាអ្នកមើលថែកូនឲ្យគាត់⁠និងប្រពន្ធរបស់គាត់សោះ។ (យ៉ូសែប ប៊ី វ៉ឺតលីន⁠(Joseph B. Wirthlin) «Come What May, and Love It⁠(ស្រឡាញ់អ្វីមួយដោយមិនគិតពីអ្វីដែលកើតមានឡើង)» Liahona (លីអាហូណា), វិច្ឆិកា 2008,⁠ទំព័រ 27)

ខ្ញុំបានផ្ញើសារមួយច្បាប់ទៅកូនស្រី និងកូនប្រសាររបស់ខ្ញុំដោយប្រើមុខងារបម្លែងពីសំឡេងទៅអក្សរនៅលើទូរស័ព្ទខ្ញុំ។ ខ្ញុំបាននិយាយថា៖ «សួស្ដី⁠អ្នកទាំងពីរ។ ពិតជាគួរឲ្យស្រឡាញ់ឯងទាំងពីរនាក់ណាស់។» ពួកគេបានទទួលសារដែលថា៖⁠«ស្អប់ឯងទាំងពីរនាក់ណាស់។ គួរតែស្រឡាញ់ឯង។» តើវាមិនអស្ចារ្យទេឬដែលសារវិជ្ជមាន និងមានចេតនាល្អសោះ⁠អាចត្រូវបានគេយល់ច្រឡំយ៉ាងងាយបែបនេះ? (ប្រាដលី អរ វីលខក់⁠(Bradley R. Wilcox) «Worthiness Is Not Flawlessness⁠(ភាពស័ក្ដិសមមិនមែនជាភាពល្អឥតខ្ចោះ)» Liahona (លីអាហូណា), វិច្ឆិកា 2021,⁠ទំព័រ 61)

នៅខណៈពេលដែលការយល់ច្រលំខ្លះអាចជារឿងគួរឱ្យអស់សំណើចក៏ដោយ ក៏ការយល់ខុសអំពីការពិតអំពីព្រះយេស៊ូវគ្រីស្ទ ដំណឹងល្អរបស់ទ្រង់ និងសេចក្តីសង្គ្រោះដ៏អស់កល្បរបស់យើងអាចនាំទៅរកលទ្ធផលធ្ងន់ធ្ងរបានដែរ។

• តើការបង្រៀន ឬសេចក្តីពិតរបស់ព្រះអង្គសង្គ្រោះអ្វីខ្លះដែលអាចងាយមានការយល់ច្រឡំនៅថ្ងៃនេះ?

• តើការយល់ខុសលើសេចក្តីពិតអំពីព្រះយេស៊ូវគ្រីស្ទ ផែនកា ឬដំណឹងល្អរបស់ទ្រង់⁠អាចមានឥទ្ធិពលលើជីវិតយើងនៅពេលបច្ចុប្បន្ន និងអនាគតយ៉ាងដូចម្តេច?

វគ្គបទគម្ពីរចំណេះចំណានខាងគោលលទ្ធិ

គោលបំណងមួយនៃចំណេះចំណានខាងគោលលទ្ធិ គឺដើម្បីជួយអ្នកឲ្យស្គាល់គោលលទ្ធិរបស់ព្រះអង្គសង្គ្រោះ ហើយអាចពន្យល់វាដល់អ្នកដទៃៗទៀតបាន។ ចំណេះដឹងប្រភេទនេះមានច្រើនជាងព័ត៌មានរាក់កំផែលទៅទៀត។ ការអនុវត្តគោលលទ្ធិចំពោះជីវិត និងស្ថានភាពអ្នកគឺជាការយល់ដឹង និងសមត្ថភាពជ្រៅជ្រះ។ ការយល់ដឹងនេះនឹងជួយឲ្យអ្នកពន្យល់ពីគោលលទ្ធិរបស់ព្រះអង្គសង្គ្រោះបានយ៉ាងច្បាស់ល្មមគ្រប់គ្រាន់ចំពោះអ្នកទាំងឡាយណាដែលអ្នកពន្យល់វាប្រាប់⁠នឹងមិនទំនងជាយល់វាខុសនោះទេ។

អានឲ្យចប់នូវឃ្លាខគម្ពីរសំខាន់ៗនៃចំណេះចំណានខាងគោលលទ្ធិនៅក្នុងតារាងខាងក្រោម។ ចូរពិចារណាលើការកត់សម្គាល់នូវសេចក្តីពិតណាមួយដែលអ្នកមានអារម្មណ៍គិតថា⁠អ្នកពិតជាយល់បានច្បាស់ ហើយនិងអ្វីដែលអ្នកប្រហែលជាចង់យល់កាន់តែច្បាស់ទៅទៀត។

ចំណេះចំណានខាងគោលលទ្ធិនៃព្រះគម្ពីរមរមន៖ អាលម៉ា–មរ៉ូណៃ

ព្រះគម្ពីរ​មរមន សៀវភៅ​សិក្សា​សម្រាប់​គ្រូបង្រៀន ( ឆ្នាំ ២០២៤ )

សេចក្តីយោងបទគម្ពីរ	​ឃ្លា​បទគម្ពី​គន្លឹះ
សេចក្តីយោងបទគម្ពីរ អាលម៉ា ៧:១១–១៣	​ឃ្លា​បទគម្ពី​គន្លឹះ « ហើយទ្រង់នឹងយាងទៅដោយរងការឈឺចាប់ និង ទុក្ខវេទនា និង ការល្បួងគ្រប់បែបយ៉ាង » ។
សេចក្តីយោងបទគម្ពីរ អាលម៉ា ៣៤:៩–១០	​ឃ្លា​បទគម្ពី​គន្លឹះ « ត្រូវតែមានដង្វាយធួនមួយកើតឡើង …ការបូជាមួយដ៏និរន្តរ៍ និងអស់កល្បជានិច្ច » ។
សេចក្តីយោងបទគម្ពីរ អាលម៉ា ៣៩:៩	​ឃ្លា​បទគម្ពី​គន្លឹះ « កុំទៅតាមសេចក្តីសម្រើបនៃភ្នែករបស់ខ្លួនឡើយ » ។
សេចក្តីយោងបទគម្ពីរ អាលម៉ា ៤១:១០	​ឃ្លា​បទគម្ពី​គន្លឹះ « សេចក្ដីទុច្ចរិតពុំដែលជាសុភមង្គលឡើយ » ។
សេចក្តីយោងបទគម្ពីរ ហេលេមិន ៥:១២	​ឃ្លា​បទគម្ពី​គន្លឹះ « គឺនៅលើសិលានៃព្រះដ៏ប្រោសលោះនៃយើង…ដែលកូនត្រូវសង់គ្រឹះរបស់កូន » ។
សេចក្តីយោងបទគម្ពីរ នីហ្វៃ ទី៣ ១១:១០–១១	​ឃ្លា​បទគម្ពី​គន្លឹះ « យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក » ។
សេចក្តីយោងបទគម្ពីរ នីហ្វៃ ទី៣ ១២:៤៨	​ឃ្លា​បទគម្ពី​គន្លឹះ « យើងចង់ឲ្យអ្នករាល់គ្នាបានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ » ។
សេចក្តីយោងបទគម្ពីរ នីហ្វៃ ទី៣ ២៧:២០	​ឃ្លា​បទគម្ពី​គន្លឹះ « ចូរមករកយើង ហើយទទួលបុណ្យជ្រមុជទឹកដោយនូវនាមយើងចុះ ប្រយោជន៍ឲ្យអ្នករាល់គ្នាអាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ… » ។
សេចក្តីយោងបទគម្ពីរ អេធើរ ១២:៦	​ឃ្លា​បទគម្ពី​គន្លឹះ « អ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្តីជំនឿរបស់អ្នកសិន » ។
សេចក្តីយោងបទគម្ពីរ អេធើរ ១២:២៧	​ឃ្លា​បទគម្ពី​គន្លឹះ « បើ​មនុស្ស​លោកមករកយើង…លំដាប់នោះយើងនឹងធ្វើឲ្យអ្វី​ដែល​ទន់ខ្សោយក្លាយទៅជា​ខ្លាំងពូកែ​ចំពោះ​ពួកគេ​វិញ » ។
សេចក្តីយោងបទគម្ពីរ មរ៉ូណៃ ៧:៤៥–៤៨	​ឃ្លា​បទគម្ពី​គន្លឹះ « សេចក្តីសប្បុរសគឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។
សេចក្តីយោងបទគម្ពីរ មរ៉ូណៃ ១០:៤–៥	​ឃ្លា​បទគម្ពី​គន្លឹះ « សូមសួរដោយចិត្តស្មោះសរ ដោយស្មោះអស់ពីចិត្ត ដោយមានសេចក្ដីជំនឿលើព្រះគ្រីស្ទ … [ និង ] ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចនឹងស្គាល់សេចក្ដីពិតគ្រប់ការណ៍ទាំងអស់ » ។

© ឆ្នាំ ២០២៣ by Intellectual Reserve, Inc. All rights reserved.

ការបង្កើនលើការយល់ដឹង

ចូរជ្រើសយកវគ្គចំណេះចំណានខាងគោលលទ្ធិមួយដែលអ្នកចង់យល់កាន់តែច្បាស់ ហើយប្រើវាដើម្បីបំពេញបញ្ចប់សកម្មភាពខាងក្រោម។ បើមានពេលវេលាអនុគ្រោះ សូមពិចារណាលើសកម្មភាពនេះឡើងវិញជាមួយនឹងវគ្គចំណេះចំណានខាងគោលលទ្ធិមួយផ្សេងទៀត។

1. សូមបំពេញសកម្មភាពដូចខាងក្រោមនេះ ។ 

   ចូរស្រមើលស្រមៃគិតថា⁠មានការស្នើឲ្យអ្នកបង្រៀនអ្នកប្រែចិត្តជឿថ្មី ឬក្រុមកុមារដែលមានអាយុរៀនត្រឹមបឋមសិក្សាអំពីវគ្គបទគម្ពីរនេះ។ ចូររៀបចំសុន្ទរកថា ឬមេរៀនរយៈពេល 3 ទៅ 5 នាទីដែលនឹងជួយឱ្យមានការយល់ដឹងកាន់តែស៊ីជម្រៅអំពីសេចក្តីពិតដែលបានបង្រៀននៅក្នុងវគ្គបទគម្ពីរនេះ។ ការឆ្លើយសំណួរខាងក្រោមសម្រាប់ខ្លួនអ្នក មុនពេលសញ្ជឹងគិតដល់របៀបដែលអ្នកត្រូវបង្រៀនសេចក្ដីពិតដល់អ្នកដទៃនោះ⁠មានសារៈសំខាន់ណាស់។

   • ចូរកំណត់ប្រភេទពាក្យ និងឃ្លាសំខាន់ៗ ជាពិសេសពាក្យទាំងឡាយណាដែលអាចមានការយល់ខុសបាន។ ចូរពិចារណាលើការរកមើលកំណត់និយមន័យ ឬការរកមើលបទគម្ពីរយោងដែលអាចជួយបំភ្លឺវគ្គបទគម្ពីរនេះបាន។ ហេតុអ្វីបានជាពាក្យ ឬឃ្លាគន្លឺះទាំងនេះមានសារៈសំខាន់ម៉្លេះ?

   • តើវគ្គបទគម្ពីរនេះភ្ជាប់ទំនាក់ទំនងទៅនឹងព្រះអង្គសង្គ្រោះយ៉ាងដូចម្ដេច? តើអ្នករៀនអ្វីខ្លះពី⁠ឬអំពីទ្រង់? តើទ្រង់ជាគំរូនៃសេចក្ដីពិតក្នុងវគ្គបទគម្ពីរនេះតាមរបៀបណាខ្លះ?

   • តើមានវត្ថុអ្វីខ្លះដែលអ្នកអាចនឹងប្រើ ឬបង្ហាញដើម្បីជួយពន្យល់អំពីសារនៃបទគម្ពីរនេះ?

អ្នកអាចនឹងសរសេរចម្លើយអ្នកទៅនឹងការជំរុញ⁠ឬការណែនាំប្រាប់ទាំងបីខាងលើផង និងបញ្ជូនមេរៀន ឬការពិភាក្សាជាក់ស្តែងរបស់អ្នកផងដែរ។

ចូរពិចារណាលើការបង្ហាញមេរៀនអ្នកទៅកាន់បងប្អូនបង្កើត ឪពុកម្តាយ ឬមិត្តភ័ក្តិ ហើយស្នើសុំការបញ្ចេញមតិ។ សូមសួរអ្នកទាំងឡាយណាដែលអ្នកបង្រៀនឲ្យចែកចាយ⁠ឬផ្សព្វផ្សាយថា តើមេរៀននេះបានជួយពួកគេឲ្យយល់កាន់តែច្បាស់អំពីសេចក្ដីពិតដែលបានបង្រៀននៅក្នុងវគ្គចំណេះចំណានខាងគោលលទ្ធិដែរឬអត់។