« នីហ្វៃទី ៣ ១៨: ១៥–៣៩; ១៩: ១៩–២៩ ៖ ‹ ‘ចូរអធិស្ឋានជានិច្ច › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី ៣ ១៨: ១៥–៣៩; ១៩: ១៩–២៩» ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី ៣ ១៨:១៥-៣៩; ១៩:១៩–២៩
« ចូរអធិស្ឋានជានិច្ច »
មានមនុស្សជាច្រើនអធិស្ឋានជារៀងរាល់ថ្ងៃ ការអធិស្ឋានមួយចំនួនអាចមានអត្ថន័យច្រើនជាងការអធិស្ឋានផ្សេងទៀត ។ ព្រះយេស៊ូវគ្រីស្ទមិនមែនគ្រាន់តែបង្រៀនដល់អ្នកដើរតាមទ្រង់ឲ្យ « អធិស្ឋានទៅដល់ព្រះវរបិតាជានិច្ច » នោះទេ ( នីហ្វៃទី ៣ ១៨:១៩ ) ប៉ុន្តែទ្រង់ក៏បានបង្ហាញពួកគេអំពីរបៀបអធិស្ឋានផងដែរ ។ មេរៀននេះអាចជួយអ្នកឲ្យធ្វើតាមការបង្រៀន និងគំរូរបស់ព្រះយេស៊ូវគ្រីស្ទ ដើម្បីអធិស្ឋានជានិច្ច ហើយធ្វើឲ្យការអធិស្ឋានកាន់តែមានអត្ថន័យជ្រាលជ្រៅបន្ថែមទៀតបាន ។
គំរូ
សូមគិតអំពីទេពកោសល្យ ជំនាញ ឬគុណសម្បត្តិ ដែលអ្នកចង់អភិវឌ្ឍ ។ សូមកំណត់អត្តសញ្ញាណមនុស្សដែលអ្នកស្គាល់ដែលមានទេពកោសល្យ ជំនាញ ឬគុណសម្បត្តិនោះ ។ ដោយប្រើប្រាស់គំនិតទាំងនេះ សូមបំពេញចន្លោះខាងក្រោមតាមវិធីផ្សេងគ្នាពីរបីទៀត ៖
-
ប្រសិនបើខ្ញុំចង់រៀនអំពី ខ្ញុំនឹងធ្វើតាមគំរូរបស់ ដោយសារ ។
សូមធ្វើលំហាត់នេះម្តងទៀតដោយបំពេញនៅត្រង់ចន្លោះប្រយោគទទេទីមួយខាងក្រោមនេះ ដោយសរសេរអំពីអ្វីមួយដែលអ្នកចង់រៀនអំពីព្រះអង្គសង្គ្រោះ ហើយឆ្លើយអំពីមូលហេតុ នៅក្នុងចន្លោះទទេនៅចុងក្រោយ ។
-
ប្រសិនបើខ្ញុំចង់រៀនអំពី ខ្ញុំនឹងធ្វើតាមគំរូរបស់ព្រះយេស៊ូវគ្រីស្ទ ដោយសារ ។
នៅក្នុងអំឡុងពេលការងារបម្រើរបស់ទ្រង់នៅទ្វីបអាមេរិក ព្រះអង្គសង្គ្រោះបានបង្រៀនដល់ប្រជាជនតាមរយៈព្រះបន្ទូល និងគំរូ ។
សូមអាន នីហ្វៃទី ៣ ១៨:១៦, ២៤ ដោយរកមើលអំពីគំរូមួយដែលព្រះយេស៊ូវបានធ្វើ ។
-
តើព្រះអង្គសង្គ្រោះចង់ឲ្យប្រជាជនរៀនអំពីអ្វីខ្លះចេញពីគំរូរបស់ទ្រង់ ?
មុនពេលមើលការបង្រៀន និងគំរូរបស់ព្រះអង្គសង្គ្រោះ សូមវាយតម្លៃអំពីការអធិស្ឋានផ្ទាល់ខ្លួនរបស់អ្នក ។
សូមវាយតម្លៃដោយដាក់ពិន្ទុទៅលើចំណុចខាងក្រោមចាប់ពីលេខ ១ ទៅដល់ ៥ ដោយលេខ ៥ គឺជាកម្រិតពិន្ទុខ្ពស់បំផុត ៖
-
ខ្ញុំអធិស្ឋានជារៀងរាល់ថ្ងៃ ។
-
ខ្ញុំប្រាស្រ័យទាក់ទង និងទទួលបាននូវអារម្មណ៍ស្និទ្ធស្នាលជាមួយនឹងព្រះវរបិតាសួគ៌នៅពេលខ្ញុំអធិស្ឋាន ។
-
ខ្ញុំមានអារម្មណ៍ថា ចង់កែលម្អការអធិស្ឋានផ្ទាល់ខ្លួនរបស់ខ្ញុំឲ្យបានប្រសើរឡើង ។
នៅពេលដែលអ្នកបន្តសិក្សា នីហ្វៃទី ៣ ១៨ សូមស្វែងរកការបំផុសគំនិតមកពីព្រះវិញ្ញាណបរិសុទ្ធ ដើម្បីជួយអ្នកឲ្យដឹងអំពីអ្វី ដែលអ្នកអាចធ្វើបានដើម្បីកែលម្អការអធិស្ឋានផ្ទាល់ខ្លួនរបស់អ្នកឲ្យបានប្រសើរឡើង ។ សូមធ្វើតាមការបង្រៀន និងគំរូរបស់ព្រះយេស៊ូវគ្រីស្ទ នៅពេលដែលអ្នកស្វែងរកការកែលម្អ ។
ការបង្រៀនរបស់ព្រះអង្គសង្គ្រោះអំពីការអធិស្ឋាន
សូមអាន នីហ្វៃទី ៣ ១៨: ១៥, ១៨–២៣ រកមើលអ្វីដែលព្រះអង្គសង្គ្រោះបានបង្រៀនអំពីការអធិស្ឋាន ។ អ្នកក៏អាចអានការណែនាំរបស់ព្រះអង្គសង្គ្រោះអំពីការអធិស្ឋាន ចេញពីទេសនកថារបស់ទ្រង់នៅឯព្រះវិហារបរិសុទ្ធនៅក្នុង នីហ្វៃទី ៣ ១៣:៥–១៣ ផងដែរ ។
-
សូមឆ្លើយសំណួរខាងក្រោមនេះ ៖
-
តើការបង្រៀនរបស់ព្រះយេស៊ូវអំពីការអធិស្ឋានមួយណា ដែលអ្នកគិតថាអាចជួយដល់អ្នកបានច្រើនបំផុត ? ហេតុអ្វី ?
-
គំរូនៃការអធិស្ឋានរបស់ព្រះអង្គសង្គ្រោះ
សូមគិតស្រមៃមើលថា តើវានឹងមានលក្ខណៈបែបណា នៅពេលដែលឮព្រះយេស៊ូវគ្រីស្ទអធិស្ឋានឲ្យអ្នកនោះ ។ តើអ្នកគិតថា ទ្រង់នឹងអធិស្ឋានអំពីអ្វីខ្លះជំនួសអ្នក ? សូមគិតអំពីអារម្មណ៍ទាំងឡាយដែលអ្នកអាចមាន និងរបៀបដែលអារម្មណ៍ទាំងនោះអាចមានឥទ្ធិពលទៅលើការអធិស្ឋានរបស់អ្នកដោយផ្ទាល់ ។
សូមអានវគ្គបទគម្ពីរទាំងពីរខាងក្រោមនេះ នីហ្វៃទី ៣ ១៩ និងវគ្គបទគម្ពីរមួយផ្សេងទៀតដែលអ្នកជ្រើសរើស ។ សូមរកមើលអំពីអ្វីខ្លះដែលអ្នកអាចរៀនបានចេញមកពីគំរូនៃការអធិស្ឋានរបស់ព្រះអង្គសង្គ្រោះ ?
អ្នកក័អាចមើលវីដេអូ « The Disciples Minister and Jesus Christ Prays for the People » ចាប់ពីនាទី ទី ៣:០៥ ដល់នាទីទី ៧:១៨ ដែលមាននៅលើគេហទំព័រ ChurchofJesusChrist.org ហើយធ្វើតាមជាមួយនឹងខគម្ពីរនៅក្នុង នីហ្វៃទី ៣ ១៩°។
-
សូមឆ្លើយសំណួរខាងក្រោមនេះ ៖
-
តើអ្នកបានរៀនសូត្រអ្វីខ្លះអំពីការអធិស្ឋាន ចេញមកពីគំរូរបស់ព្រះអង្គសង្គ្រោះ ?
-
តើអ្នកបានរៀនសូត្រអ្វីខ្លះ អំពីរបៀបដែលព្រះទ័យរបស់ព្រះអង្គសង្រ្គោះមានអំពីអ្នក ?
-
តើអ្នកគិតថា ការធ្វើតាមគំរូរបស់ទ្រង់អាចធ្វើឲ្យមានភាពខុសគ្នានៅក្នុងការអធិស្ឋានរបស់អ្នកដោយរបៀបណា ?
-
ការអធិស្ឋានផ្ទាល់ខ្លួនរបស់យើង
សូមជ្រើសរើសយ៉ាងហោចណាស់ការបង្រៀនមួយរបស់ព្រះអង្គសង្គ្រោះ ឬអ្វីមួយដែលទ្រង់ធ្វើជាគំរូនៅក្នុងការអធិស្ឋាន ដែលអ្នកអាចដាក់បញ្ចូលទៅក្នុងការអធិស្ឋានផ្ទាល់ខ្លួនរបស់អ្នកបាន ។ សូមបង្កើតការរំឭកមួយ ហើយចាប់ផ្តើមធ្វើការអនុវត្តនៅថ្ងៃនេះ ។ នៅពេលដែលអ្នកធ្វើ សូមកត់សម្គាល់អំពីរបៀប ដែលការអនុវត្តនោះជួយដល់ការអធិស្ឋានរបស់អ្នកឲ្យកាន់តែមានអត្ថន័យ និងរបៀបដែលការអនុវត្តនោះមានឥទ្ធិពលទៅលើទំនាក់ទំនងរបស់អ្នកជាមួយព្រះវរបិតាសួគ៌ ។
អ្នកប្រហែលជាចង់ដាក់បញ្ចូលអ្វីខ្លះបន្ថែមទៀត ដែលអ្នកបានរៀននៅថ្ងៃនេះទៅក្នុងសៀវភៅកំណត់ហេតុការសិក្សារបស់អ្នក « ការសិក្សាអំពីព្រះយេស៊ូវគ្រីស្ទនៅក្នុងនីហ្វៃទី ៣ » ។