« នីហ្វៃទី ៣ ១៩ ៖ ‹ ហើយពួកគេបានពោរពេញទៅដោយព្រះវិញ្ញាណបរិសុទ្ធ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី ៣ ១៩ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី ៣ ១៩
« ពួកគេបានពោរពេញទៅដោយព្រះវិញ្ញាណបរិសុទ្ធ »
ពុំមានអ្វីដែលពួកសិស្សសាសន៍នីហ្វៃទាំងដប់ពីរនាក់ប្រាថ្នាចង់បានឲ្យលើសពីការមានគូគននៃព្រះវិញ្ញាណបរិសុទ្ធនោះឡើយ ។ នេះគឺជាប្រធានបទនៃការអធិស្ឋានរបស់ពួកគេទៅកាន់ព្រះវរបិតាសួគ៌ បន្ទាប់ពីព្រះអង្គសង្គ្រោះបានបញ្ចប់ការងារបម្រើរបស់ទ្រង់នៅថ្ងៃដំបូងដល់ពួកគេ ។ តើយើងត្រូវធ្វើអ្វីខ្លះ ដើម្បីឲ្យបានព្រះវិញ្ញាណបរិសុទ្ធគង់ជាមួយនឹងយើង ? តើយើងអាចរីករាយចំពោះភាពជាគូកនរបស់ទ្រង់នៅក្នុងជីវិតរបស់យើងបានដោយរបៀបណា ? គោលបំណងនៃមេរៀននេះ គឺដើម្បីជួយដល់អ្នកឲ្យយល់កាន់តែច្បាស់អំពីរបៀបទទួលពរជ័យមកពីព្រះវិញ្ញាណបរិសុទ្ធ ។
បំណងប្រាថ្នាដ៏សុចរិតរបស់យុវវ័យ
-
ប្រសិនបើអ្នកត្រូវធ្វើការស្ទង់មតិចេញពីក្មេងវ័យជំទង់ចំនួន ១០០ នាក់នៅតំបន់របស់អ្នក តើអ្នកគិតថា អ្វីខ្លះជាសេចក្ដីប្រាថ្នាដ៏សុចរិតបំផុតរបស់ពួកគេ ?
សូមសញ្ជឹងគិត ថាតើបំណងប្រាថ្នាទាំងនេះមួយណា ដែលអ្នកអាចប្រដូចបាន ។ នៅពេលដែលអ្នកសិក្សា នីហ្វៃទី ៣ ១៩ សូមរកមើលសេចក្ដីពិត ដែលអាចជួយដល់អ្នកឲ្យសម្រេចបាននូវសេចក្ដីប្រាថ្នាដ៏សុចរិតរបស់អ្នក ។
បន្ទាប់ពីព្រះអង្គសង្គ្រោះបានធ្វើការងារបម្រើ បង្រៀន ព្យាបាល និងប្រទានពរដល់ប្រជាជន ទ្រង់ « បានចាកចេញពីពួកគេ ហើយយាងឡើងទៅស្ថានសួគ៌វិញ » ( នីហ្វៃទី ៣ ១៨: ៣៩ ) ដោយសន្យាថា ទ្រង់នឹងត្រឡប់មកវិញនៅថ្ងៃស្អែក ។ ប្រជាជនបានត្រឡប់ទៅផ្ទះវិញ ហើយ « នៅពេញមួយយប់ ចេះតែមានសំឡេងអ៊ូអរពាសពេញអំពីព្រះយេស៊ូវ » និង « មានចំនួនមនុស្សដ៏ច្រើនលើសលប់…បានធ្វើការយ៉ាងខិតខំអស់មួយយប់ត្រឹម ដើម្បីស្អែកឡើងគេអាចទៅកាន់ទីកន្លែងដែលព្រះយេស៊ូវទ្រង់នឹងបង្ហាញរូបអង្គទ្រង់ដល់ហ្វូងមនុស្សទៀត » ( នីហ្វៃទី ៣ ១៩:៣ ) ។ នៅថ្ងៃបន្ទាប់ ពួកសិស្សទាំងដប់ពីរនាក់ ដែលព្រះយេស៊ូវបានជ្រើសរើសនោះបានប្រមូលផ្តុំប្រជាជន ហើយបង្រៀនពួកគេអំពី « ពាក្យទាំងឡាយនោះ ដែលព្រះយេស៊ូវទ្រង់មានបន្ទូល » ។ បន្ទាប់មក ពួកសិស្សបានលុតជង្គង់ ហើយ « បានអធិស្ឋានដល់ព្រះវរបិតាដោយនូវព្រះនាមព្រះយេស៊ូវ » ( នីហ្វៃទី ៣ ១៩:៨) ។
សូមអាន នីហ្វៃទី ៣ ១៩:៩ ដើម្បីមើលអំពីបំណងប្រាថ្នាអ្វីខ្លះ ដែលពួកគេចង់បានបំផុតនៅពេលដែលពួកគេអធិស្ឋាន ។
-
សូមឆ្លើយសំណួរខាងក្រោមនេះ ៖
-
ហេតុអ្វីបានជាអ្នកគិតថា ពួកគេចង់បានព្រះវិញ្ញាណបរិសុទ្ធជាខ្លាំងបំផុត ?
-
តើមានកាលៈទេសៈអ្វីខ្លះដែលអ្នកអាចនឹងប្រឈមមុខ នៅពេលអនាគត ដែលអ្នកចង់ស្គាល់ និងយល់អំពីការបំផុសគំនិតនៃព្រះវិញ្ញាណបរិសុទ្ធ ?
-
សូមសញ្ជឹងគិតថា ប្រសិនបើអ្នកពិតជាមានបំណងចង់បានព្រះវិញ្ញាណបរិសុទ្ធយ៉ាងពិតប្រាកដនៅក្នុងជីវិតរស់នៅរបស់អ្នក និងអំពីរបៀបដែលជីវិតរស់នៅរបស់អ្នកអាចខុសគ្នា ប្រសិនបើអ្នកពិតជាចង់ឲ្យឥទ្ធិពលរបស់ទ្រង់មានមកលើអ្នកកាន់តែជាទៀងទាត់ថែមទៀត°។
ការស្វែងរកព្រះវិញ្ញាណបរិសុទ្ធ
សូមអាន នីហ្វៃទី ៣ ១៩:១០–២៣ ហើយរកមើលរបៀប ដែលអ្នកអាចបំពេញតាមសេចក្តីថ្លែងការណ៍ខាងក្រោមនេះបាន ៖
-
យើងអាចពោរពេញទៅដោយព្រះវិញ្ញាណបរិសុទ្ធបាន នៅពេលដែលយើង …
មធ្យោបាយដែលអាចធ្វើបានមួយចំនួន ដើម្បីបំពេញសេចក្តីថ្លែងការណ៍នេះមានដូចជា ៖
-
… សេចក្តីប្រាថ្នាដ៏ស្មោះត្រង់ និងការអធិស្ឋានសម្រាប់ភាពជាគូគនរបស់ទ្រង់ ។
-
… ចូលរួមនៅក្នុងពិធីបរិសុទ្ធនៃដំណឹងល្អ ។
សូមគិតដោយអធិស្ឋានអំពីនរណាម្នាក់ ដែលអ្នកស្គាល់ថាជាបុគ្គលដែលអ្នកមានអារម្មណ៍ថា អាចទទួលបានអត្ថប្រយោជន៍អំពីការយល់ពីរបៀបដើម្បីទទួលបានការណែនាំ និងការលួងលោមមកពីព្រះវិញ្ញាណបរិសុទ្ធឲ្យកាន់តែច្បាស់ញឹកញាប់ថែមទៀត ។ សូមបំពេញសកម្មភាព ក និងសកម្មភាព ខ ហើយគិតអំពីរបៀបដែលអ្នកអាចជួយទៅដល់បុគ្គលរូបនេះបាន ។
សកម្មភាព ក ៖ យើងអាចមានព្រះវិញ្ញាណបរិសុទ្ធបាន នៅពេលដែលយើងមានបំណងប្រាថ្នាដ៏ស្មោះត្រង់ ហើយអធិស្ឋានទូលសូមឲ្យទ្រង់មកធ្វើជាគូគន ។
-
តើបំណងប្រាថ្នា និងការអធិស្ឋានរបស់យើងអាចជួយយើងមានព្រះវិញ្ញាណបរិសុទ្ធបានយ៉ាងដូចម្ដេច ?
អែលឌើរ ដេវីឌ អេ បែដណា ក្នុងកូរ៉ុមនៃសាវកដប់ពីរនាក់បានពន្យល់អំពីរបៀបដែលបំណងប្រាថ្នា និងការអធិស្ឋានអាចជួយយើងឲ្យមានព្រះវិញ្ញាណគង់នៅជាមួយយើង ។
តើយើង … ចងចាំដើម្បីអធិស្ឋានដោយស្មោះស្ម័គ្រ និងជាប់លាប់ចំពោះអ្វីដែលយើងគួរមានសេចក្តីប្រាថ្នាបំផុត សូម្បីតែជាព្រះវិញ្ញាណបរិសុទ្ធដែរឬទេ ? ឬតើយើងទទួលបានការរំខានដោយការខ្វល់ខ្វាយអំពីពិភពលោកនេះ និងទម្លាប់រស់នៅប្រចាំថ្ងៃ ហើយទទួលយកអ្វីដែលឥតប្រយោជន៍ ឬថែមទាំងមិនអើពើទៅនឹងអំណោយទានដ៏មានតម្លៃបំផុតនេះឬ ? ការទទួលបានព្រះវិញ្ញាណបរិសុទ្ធចាប់ផ្តើមជាមួយបំណងប្រាថ្នាដ៏ស្មោះត្រង់ និងខ្ជាប់ខ្ជួនរបស់យើងដើម្បីទទួលបានភាពជាដៃគូរបស់ទ្រង់នៅក្នុងជីវិតរបស់យើង ។ ( ដេវីឌ អេ បែដណា « Receive the Holy Ghost » Liahona ខែវិច្ឆិកា ឆ្នាំ ២០១០ ទំព័រ ៩៦ )
អ្នកប្រហែលជាចង់មើលវីដេអូ « Having the Holy Ghost » ( ២:៥៦ ) ដែលមាននៅលើគេហទំព័រ ChurchofJesusChrist.org ។
Having the Holy Ghost
You can invite the Holy Spirit into your life through prayer, scripture study and being obedient to God’s commandments.
-
តើនៅពេលណា ដែលបំណងប្រាថ្នា និងការអធិស្ឋានដ៏សុចរិតរបស់អ្នកបានជួយអ្នកឲ្យមានអារម្មណ៍ថាមានឥទ្ធិពលនៃព្រះវិញ្ញាណ ?
សកម្មភាព ខ ៖ យើងអាចមានព្រះវិញ្ញាណបរិសុទ្ធបាន នៅពេលដែលយើងចូលរួមនៅក្នុងពិធីបរិសុទ្ធនៃដំណឹងល្អ ។
សូមអាន នីហ្វៃទី ៣ ១៨:៧, ១១; ២៧: ២០ ដោយរកមើលអំពីរបៀប ដែលពិធីបរិសុទ្ធអាចជួយយើងឲ្យពេញទៅដោយព្រះវិញ្ញាណបរិសុទ្ធ ។
ព្យាការី យ៉ូសែប ស៊្មីធ ( ឆ្នាំ ១៨០៥–១៨៤៤ ) បានបង្រៀន ៖
ពិធីបុណ្យជ្រមុជទឹក គឺជាពិធីបរិសុទ្ធដ៏បរិសុទ្ធ ដែលជាការរៀបចំខ្លួនដើម្បីទទួលព្រះវិញ្ញាណបរិសុទ្ធ ពិធីនេះគឺជាបណ្តាញ និងគន្លឹះដែលព្រះវិញ្ញាណបរិសុទ្ធនឹងត្រូវប្រគល់ឲ្យ។ អំណោយទាននៃព្រះវិញ្ញាណបរិសុទ្ធតាមរយៈការដាក់ដៃ មិនអាចទទួលបានតាមរយៈមធ្យោបាយនៃគោលការណ៍ណាមួយផ្សេងទៀតក្រៅពីគោលការណ៍នៃសេចក្តីសុចរិតឡើយ°។ ( ការបង្រៀនរបស់ប្រធានសាសនាចក្រ ៖ យ៉ូសែប ស៊្មីធ [ ឆ្នាំ ២០០៧ ] ទំព័រ ៩៥–៩៦°។ )
-
តើអ្នកបានរៀនសូត្រអ្វីខ្លះអំពីតួនាទីនៃពិធីបរិសុទ្ធនានា ( ដូចជាពិធីបុណ្យជ្រមុជទឹក និងពិធីសាក្រាម៉ង់ ) នៅក្នុងការជួយដល់យើងឲ្យមានព្រះវិញ្ញាណបរិសុទ្ធ ?
-
តើនៅពេលណាដែលអ្នកបានពេញដោយព្រះវិញ្ញាណបរិសុទ្ធ កាលដែលអ្នកបានចូលរួមនៅក្នុងពិធីបរិសុទ្ធនៃដំណឹងល្អ ?
-
សូមនឹកចាំពីបុគ្គលម្នាក់ដែលអ្នកបានគិតដល់ ដែលជាអ្នកដែលអាចទទួលបានប្រយោជន៍មកពីការយល់ដឹងកាន់តែច្បាស់អំពីរបៀបទទួលបានព្រះវិញ្ញាណបរិសុទ្ធ ។ រៀបចំសារលិខិតដែលអ្នកអាចចែកចាយជាមួយនឹងគាត់ ឬនាង°។ ចែកចាយបទពិសោធន៍ណាមួយ ដែលជាសេចក្តីប្រាថ្នា និងការអធិស្ឋាន ឬការចូលរួមនៅក្នុងពិធីបរិសុទ្ធដែលបានជួយដល់អ្នក ឬអ្នកដទៃឲ្យទទួលបានព្រះវិញ្ញាណបរិសុទ្ធ ។
ការអនុវត្តផ្ទាល់ខ្លួន
សូមគិតអំពីតម្រូវការផ្ទាល់ខ្លួនរបស់អ្នកដើម្បីមានព្រះវិញ្ញាណបរិសុទ្ធ និងមូលហេតុដែលអ្នកមានសេចក្តីប្រាថ្នាចង់បានឥទ្ធិពលរបស់ទ្រង់នៅក្នុងជីវិតរស់នៅរបស់អ្នក ។ កំណត់អត្តសញ្ញាណអ្វីមួយដែលអ្នកមានអារម្មណ៍ថា ទទួលបានការបំផុសគំនិតឲ្យធ្វើ ដើម្បីរក្សានូវព្រះវិញ្ញាណបរិសុទ្ធឲ្យគង់នៅជាមួយនឹងអ្នក ។ សូមខិតខំព្យាយាមធ្វើតាមចំណាប់អារម្មណ៍នោះ ។