Մորոնի 1

Ես չեմ ուրանա Քրիստոսին

Հիսուս Քրիստոսի հետևորդ լինելը երբեք հեշտ չի եղել: Ավարտելով Մորմոնի Գիրքը Մորոնի մարգարեն բացահայտեց, որ Քրիստոսի հետևորդները մահապատժի էին ենթարկվում, եթե չէին ուրանում Փրկչին (տես Մորոնի 1.2): Քանի որ Մորոնին հրաժարվեց ուրանալ Հիսուս Քրիստոսին, նա ստիպված եղավ թափառական կյանք վարել, որպեսզի ապահովություն գտնի և թաքնվի լամանացիներից: Հնարավոր է՝ դուք ձեզ միայնակ եք զգացել, երբ փորձել եք ապրել ձեր հավատքով և հավատարիմ մնալ Փրկչին և Նրա Եկեղեցուն: Այս դասը կօգնի ձեզ միշտ հետևել Հիսուս Քրիստոսին և չուրանալ Նրան:

Բախվել հակադրության

Մի պահ մտածեք, թե ինչպես կվարվեք, երբ շրջապատված լինեք նրանցով, ովքեր չեն կիսում ձեր չափանիշները կամ համոզմունքները Աստծո մասին:

Այս գծապատկերի գույները կօգնեն ձեզ պատկերացնել հակադրությունների տարբեր մակարդակներ, որոնց կարող է բախվել Հիսուս Քրիստոսի աշակերտը: Կանաչը նշանակում է հակադրության բացակայություն: Դեղինը և նարնջագույնը հակադրության աճող մակարդակներ են նշանակում, իսկ կարմիրը խորհրդանշում է ամենադժվար հակադրությունը:

Նախագահ Թոմաս Ս. Մոնսոնը (1927–2018) երիտասարդ տարիքում ծառայել է բանակում և քաջության բազմաթիվ դրսևորումների ականատես է եղել: Նա կիսվում է հետևյալ օրինակով.

Մտածեք, թե որ գույնը դուք կընտրեիք, որպեսզի ներկայացնեք այն հակադրության մակարդակը, որին բախվել է այս երիտասարդը: Ձեր կարծիքով, ինչպե՞ս կվարվեիք նման իրավիճակում։

Be Strong and of a Good Courage

Ամենից շատ հիշում եմ մի տասնութամյա նավաստու քաջությունը, որը մեր հավատքից չէր և որը հպարտությունը չէր խանգարում աղոթել։ 250 հոգանոց թիմում նա միակն էր, որն ամեն երեկո ծնկի էր իջնում իր մահճակալի մոտ, երբեմն հետաքրքասերների ծաղրանքի և անհավատների կատակների ներքո։ Գլուխը կախ նա աղոթում էր Աստծուն։ Նա երբեք չերկնչեց։ Նա երբեք չերերաց։ Նա քաջ էր։ (Թոմաս Ս. Մոնսոն, «Զորացիր և խիզախ եղիր», Լիահոնա, մայիս 2014, 67)

• Ի՞նչն ամենաշատը տպավորեց ձեզ այս օրինակում:

• Ձեր կարծիքով, ի՞նչն է դժվար Հիսուս Քրիստոսին միշտ հետևելու մեջ: Ի՞նչն է ձեզ օգնում։

Թվարկեք մի քանի այլ իրավիճակներ, երբ Հիսուս Քրիստոսին հետևելը կարող է դժվար լինել: Փորձեք պատկերացնել որոշակի մանրամասներ և մտածել, թե գծապատկերի որ գույնն է լավագույնս համապատասխանում յուրաքանչյուր իրավիճակին:

Իհարկե, շատ ավելի հեշտ է խոսել Հիսուս Քրիստոսի հանդեպ մեր նվիրվածության մասին, քան նվիրված մնալ այն պահին, երբ բախվում ենք մարտահրավերի: Ուսումնասիրելիս ձգտեք գտնել այն մոտիվացիան, որը ձեզ անհրաժեշտ է Հիսուս Քրիստոսի հանդեպ ձեր հավատքին և Նրա վերականգնված Եկեղեցու չափանիշներին հավատարիմ մնալու համար:

Լամանացիները հետապնդում են Մորոնիին

Երբ Մորոնին պարտավորվեց պահել և պահպանել նեփիացի ժողովրդի հիշատակարանները, նա նույնպես բախվեց հակադրության:

Կարդացեք Մորոնի 1.1–4 հատվածները և մտածեք, թե ինչպես կարող եք գնահատել հակադրությունը, որին նա բախվեց:

Որպեսզի ավելի լավ պատկերացնեք, թե ինչպիսին կարող էր լինել կյանքը Մորոնիի համար, կարող եք դիտել «Մորոնին հրավիրում է մեզ գալ Քրիստոսի մոտ» տեսանյութը 0:00-3:59, որը հասանելի է ChurchofJesusChrist.org կայքում։

Moroni Invites All to Come unto Christ | Mormon 8–9; Moroni 1, 10; Title Page

• Որքանո՞վ էր դժվար հաղթահարելի հակադրությունը, որին բախվեց Մորոնին և ինչպե՞ս կգնահատեիք այն:

• Ի՞նչ կարող ենք սովորել Մորոնիի օրինակից:

Ճշմարտություններից մեկը, որը մենք կարող ենք սովորել, այն է, որ մենք կարող ենք հավատարիմ լինել Հիսուս Քրիստոսին ցանկացած հանգամանքներում և չուրանալ Նրան։

• Մեզ համար ինչո՞ւ է կարևոր հավատարիմ լինել Հիսուս Քրիստոսին:

• Ձեր կարծիքով, Մորոնիի ո՞ր փորձառություններն օգնեցին իրեն այդքան հավատարիմ լինել Հիսուս Քրիստոսին:

• Ի՞նչ գիտեք Հիսուս Քրիստոսի մասին, որը կարող է մոտիվացնել ձեզ չուրանալ Նրան:

Կարող եք նշել հատվածի 3-ում Մորոնիի խոսքերը: Կարող եք նաև գրել ձեր անունը Մորոնիի անվան կողքին, որպեսզի մոտիվացնեք ձեզ միշտ հետևել Հիսուս Քրիստոսին:

Փնտրեք ստորև ներկայացված մարդկանց օրինակները, որոնք հավատարիմ էին Աստծուն դժվարին հանգամանքներում:

• Եսթեր թագուհի (տես Եսթեր 4.16)

• Սեդրաք, Միսաք և Աբեդնագով (տես Դանիել 3․17–18)

• Աբինադի (տես Մոսիա 17.20)

• Ջոզեֆ Սմիթ (տես Վարդապետություն և Ուխտեր 135․4–5)

• Օնիտայի դուստրերը (տես Աբրահամ 1.11)

Ցույց տանք մեր նվիրվածությունը

• Ե՞րբ եք դուք կամ ձեր ծանոթներից մեկը հավատարմություն դրսևորել Քրիստոսին դժվար հանգամանքներում:

• Ո՞ր հանգամանքներում եք դուք բախվում հակադրության՝ Հիսուս Քրիստոսին հետևելու համար:

• Ի՞նչ կարող եք անել այդ հանգամանքներում՝ Հիսուս Քրիստոսին հավատարիմ լինելու համար:

1.  Կատարեք հետևյալը․

   Դասի ժամանակ ձեր սովորածն ամփոփելու համար պատրաստեք պաստառ կամ առցանց գրառում կատարեք, որը կմոտիվացնի ձեզ և ուրիշներին հավատարիմ մնալ Քրիստոսին ցանկացած պարագայում: Ներառեք սուրբ գրություններից մի ուղերձ, որը կմոտիվացնի ձեզ հավատարիմ լինել Հիսուս Քրիստոսին և չուրանալ Նրան: Դուք կարող եք ստեղծել ձեր պաստառը կամ առցանց գրառումը Երիտասարդներին զորացնելու համար ամսագրի օրինակով։ Ահա մեկ օրինակ․

Կարող եք սկսել «Նկարների հավաքածուներ» բաժնում www.ChurchofJesusChrist.org/media կայքում նկար որոնելուց կամ ինքնուրույն ստեղծել մի նկար, որը կօգնի հաղորդել ձեր ուղերձը: Ապա գտեք սուրբ գրություն, որը կկցեք ձեր ստեղծած պատկերին: Դուք կարող եք օգտագործել մի հատված Մորոնիի 1 գլխից, սուրբգրային հատված, որն ինքնուրույն կգտնեք, կամ կարող եք օգտագործել որևէ հատված ստորև բերված ցանկից:

• Հեսու 1․9

• Հռովմայեցիս 1.16

• Մոսիա 18․8–9

• 3 Նեփի 12․10–12

• «Նվիրվածություն» Թեմաների ուղեցույցում

Ընտրովի. Ցանկանո՞ւմ եք ավելին իմանալ

Ինչպե՞ս կարող եմ հավատարիմ լինել Հիսուս Քրիստոսին և պաշտպանել իմ համոզմունքները:

Հետևյալ հոդվածներում և տեսանյութերում բերված են օրինակներ, որոնք կօգնեն պատասխանել այս հարցին:

• «Կանգնիր, խոսիր և փայլիր»

• «Մարդիկ ծաղրում են ինձ այն բանի համար, որ ես պաշտպանում եմ այն, ինչ ճիշտ է, նույնիսկ Եկեղեցու միջոցառումների ժամանակ։ Ի՞նչ կարող եմ անել»։

• «Պաշտպանենք այն, ինչին մենք հավատում ենք»

• “Ջոզեֆ Ֆ. Սմիթի նախապատրաստությունը. հավատարիմ՝ ամբողջովին և կատարելապես” (1:31)

  Preparation of Joseph F. Smith: True Blue, Through and Through

• «Եկեք ինձ մոտ, ով դուք, Իսրայելի տուն» (0:00-3:05)

  “Come unto Me, O Ye House of Israel”

Ինչպե՞ս կարող եմ հավատարիմ լինել Հիսուս Քրիստոսին նրանց մեջ, ովքեր չեն հավատում:

Տասներկու Առաքյալների Քվորումից երեց Նիլ Լ․ Անդերսենն ուսուցանել է.

Մինչ ոմանք անտեսում են իրենց հավատը, մյուսները փնտրում են ճշմարտությունը: Մենք մեզ վրա ենք վերցրել Փրկչի անունը։ Ուրիշ ի՞նչ կարող ենք անել: …

Ես և դուք՝ մենք բոլորս, խոսում ենք Հիսուս Քրիստոսի մասին, բայց գուցե կարող ենք մի փոքր ավելի լավ անել դա: Եթե աշխարհը պատրաստվում է ավելի քիչ խոսել Նրա մասին, ապա ո՞վ է ավելի շատ խոսելու Նրա մասին: Մենք: Մյուս նվիրյալ քրիստոնյաների հետ միասին: …

Քանի որ աշխարհն ավելի քիչ է խոսում Հիսուս Քրիստոսի մասին, եկեք մենք ավելի շատ խոսենք Նրա մասին: Երբ մեր իրական բնույթը բացահայտվի՝ որպես Նրա աշակերտներ, մեր շրջապատից շատերը պատրաստ կլինեն լսել մեզ: Երբ մենք կիսվենք լույսով, որը ստացել ենք նրանից, Նրա լույսն ու փրկող բացառիկ զորությունը կփայլեն նրանց վրա, ովքեր պատրաստ են բացել իրենց սրտերը: Հիսուսն ասել է. «Ես … [որպես] լույս եկայ աշխարհքը» [Հովհաննես 12․46]։ (Նիլ Լ. Անդերսեն, «Մենք խոսում ենք Քրիստոսի մասին», Լիահոնա, նոյեմբեր 2020 թ., 88–90)

Տասներկու Առաքյալների Քվորումից երեց Դ. Թոդ Քրիստոֆերսոնն ասել է․

Քրիստոսի հավատքում կայուն և հաստատուն լինելու համար անհրաժեշտ է, որ Հիսուս Քրիստոսի ավետարանը ներթափանցի մարդու սիրտը և հոգին, որը նշանակում է, որ ավետարանը ոչ միայն պիտի դառնա այդ մարդու կյանքի ազդակներից մեկը, այլև նրա կյանքի ու բնավորության որոշիչ կիզակետը։ …

Մեզանից շատերն այս պահին գտնվում են երկու ծայրահեղ բևեռների միջև․ մի կողմից՝ սոցիալական դրդապատճառներից ելնելով՝ մասնակցում են ավետարանին առնչվող գործերին, իսկ մյուս կողմից՝ լիովին հասունացած քրիստոսանման նվիրվածությամբ կատարում են Աստծո կամքը։ Ինչ-որ մի տեղ այդ միջանկյալ դիրքում Հիսուս Քրիստոսի ավետարանի բարի լուրը թափանցում է մեր սիրտը և տիրում մեր հոգուն։ Հնարավոր է, դա տեղի չունենա մի ակնթարթում, բայց մենք բոլորս պիտի շարժվենք այդ օրհնված վիճակի ուղղությամբ։ (Դ․ Թոդ Քրիստոֆերսոն, «Կայուն և հաստատուն Քրիստոսի հավատքում», Լիահոնա, նոյ. 2018, 31–32)