Doctrinal Mastery: Moroni 7:45–48

“Ang Pag-ibig sa Kapwa-tao ay Dalisay na Pag-ibig ni Cristo”

Sa iyong pag-aaral ng Moroni 7:44–48, natutuhan mo kung paano sikaping magkaroon ng pag-ibig sa kapwa-tao, ang dalisay na pag-ibig ni Jesucristo. Ang lesson na ito ay makatutulong sa iyo na maisaulo ang doctrinal mastery reference at ang mahalagang parirala ng banal na kasulatan para sa Moroni 7:45–48, maipaliwanag ang doktrinang itinuro sa passage na ito, at magamit ang mga alituntunin ng pagtatamo ng espirituwal na kaalaman sa mga sitwasyon sa tunay na buhay.

Ipaliwanag at isaulo

Isipin ang sumusunod na sitwasyon upang matulungan kang magsanay na ipaliwanag ang banal na katangian ng pag-ibig sa kapwa-tao.

Isipin na habang tinatalakay ninyo ng iyong pamilya ang Pumarito Ka, Sumunod Ka sa Akin, habang pinag-uusapan ang kahulugan ng pag-ibig sa kapwa-tao, sinabi ng nakababata mong kapatid na lalaki na, “Hindi ba’t ang pag-ibig sa kapwa-tao ay paggawa lamang ng mabubuting bagay para sa mga tao?” Sinabi mo sa kapatid mo na ang pagiging mabait ay bahagi ng pag-ibig sa kapwa-tao ngunit marami ka pang natutuhan sa seminary tungkol dito.

• Anong iba pang mga detalye tungkol sa pag-ibig sa kapwa-tao ang sasabihin mo sa iyong kapatid?

1. Sa dalawa o tatlong pangungusap, ipaliwanag ang kahulugan ng pag-ibig sa kapwa-tao gamit ang sarili mong mga salita at mga turo na matatagpuan sa Moroni 7:45–48.

Gamitin ang sumusunod na ideya para makatulong sa iyo na maisaulo ang scripture reference at mahalagang parirala ng banal na kasulatan. O pumili ng ibang pamamaraan na pinakamakatutulong sa iyo na magsaulo.

Magdrowing ng malaking puso sa iyong study journal. Tingnan ang sumusunod na larawan, at sa loob ng puso na idinrowing mo, isulat ang scripture reference at mahalagang parirala ng banal na kasulatan sa tamang pagkakasunud-sunod.

Bigkasin ang scripture reference at mahalagang parirala ng banal na kasulatan nang ilang beses hanggang sa maisaulo mo ang mga ito. Maaari mong gupitin ang drowing at ilagay ito sa lugar na makikita mo ito nang madalas.

Pagsasanay ng pagsasabuhay

Upang matulungan kang rebyuhin ang mga alituntunin ng pagtatamo ng espirituwal na kaalaman, itama ang sumusunod na tatlong parirala at ipaliwanag ang ibig sabihin ng mga ito. Kung kailangan mo ng tulong, pag-aralan ang talata 5–12 sa bahaging “Pagtatamo ng Espirituwal na Kaalaman” ng Doctrinal Mastery Core Document (2023).

1. Sumuri nang may pananampalataya.

2. Hangaring mas makaunawa sa pamamagitan ng sources na itinalaga ng Diyos.

3. Pag-aralan ang mga konsepto at tanong gamit ang mga sources na itinalaga ng Diyos.

Basahin ang mga sumusunod na sitwasyon:

• Madaling mainis si Oscar sa kanyang mga nakababatang kapatid. Madalas nilang kulitin si Oscar na makipaglaro sa kanila o tulungan sila sa kanilang homework. Gusto lang ni Oscar na iwan siyang mag-isa ng kanyang mga kapatid para magawa niya ang gusto niya.

• Nalaman ni Hae-Won na isang babae sa klase niya sa Young Women ang na nagpapakalat ng hindi maganda tungkol sa kanya. Nalilito at nasasaktan si Hae-Won dahil dito at hindi niya alam kung paano tutugon.

• Gusto ni Kapo na maging sikat sa paaralan at tila walang takot sa harap ng kanyang mga kaibigan. Madalas niyang minamaliit ang iba nilang kaklase at kinukuha niya ang mga gamit ng mga ito nang hindi nagpapaalam.

2.  Pumili ng kahit isa sa mga sitwasyon na inilahad kanina. Kunwari ay sinusubukan mong tulungan ang tao na nasa sitwasyong iyon. Sagutin ang kahit isang tanong mula sa bawat isa sa mga sumusunod na heading:

Hangaring mas makaunawa sa pamamagitan ng sources na itinalaga ng Diyos

• Ano ang maaari mong ibahagi mula sa Moroni 7:45–48 na makahihikayat sa taong ito na tumugon nang may higit na pag-ibig sa kapwa-tao sa kanyang sitwasyon?

• Ano ang ilang iba pang mga banal na kasulatan o pahayag ng mga lider ng Simbahan na maaaring makatulong?

Kumilos nang may pananampalataya

• Anong mga hamon ang maaaring maranasan ng taong ito sa pagsisikap niyang ipamuhay ang ibinahagi mo sa kanya?

• Paano siya makakakilos nang may pananampalataya sa kabila ng mga hamong ito?

Suriin ang mga konsepto at tanong nang may walang-hanggang pananaw

• Paano makatutulong sa kanya ang pagtingin sa sitwasyon nang may walang-hanggang pananaw para makadama siya ng higit na pag-ibig sa kapwa-tao?

• Paano makatutulong sa taong ito ang pagsuri sa paraan ng pagturing ni Jesucristo sa iba para mas maipakita niya ang pag-ibig sa kapwa-tao?