Ngaahi Peesi Fakafeʻiloaki ʻo e Tohi ʻa Molomoná

Vakai Fakalūkufuá

Naʻe ui ʻe he Palōfita ko Siosefa Sāmitá ʻa e Tohi ʻa e Molomoná ko e maka-tuʻu-loto ia ʻo ʻetau tui fakalotú. Naʻe ʻomi ia “ʻi he foaki mo e mālohi ʻo e ʻOtuá” (Tokāteline mo e Ngaahi Fuakava 135:3), pea naʻe fakamoʻoni ha kau fakamoʻoni tokolahi ki hono tupuʻanga fakaofó. ʻE lava ke tokoni atu ʻa e ngaahi lēsoni ko ʻení ke mahino kiate koe peá ke fakamatalaʻi ʻa e ngaahi taumuʻa ʻo e Tohi ʻa Molomoná, fakatupulaki hoʻo holi ke ako fakaʻaho iá, pea fakakaukau ki hoʻo fakamoʻoni ki hono moʻoní.

Teuteu ke Akoʻi

ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fiemaʻu ke teuteuʻi kimuʻa ʻi he lēsoni takitaha.

Peesi Talamuʻakí

Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoni ke mahino ki he kau akó pea nau fakamatalaʻi ʻa e ngaahi taumuʻa ʻo e Tohi ʻa Molomoná.

• Teuteu ʻa e tokotaha akó: Fakaafeʻi e kau akó ke nau fakalaulauloto ki he ʻuhinga ʻoku toutou fakamamafaʻi mo fakaʻaongaʻi ai e Tohi ʻa Molomoná ‘i he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.

• Meʻa ke fakaʻaliʻali atú: Ko ha meʻangāue pe fakatātā ʻo ha meʻangāue ʻoku ʻikai maheni mo e kau akó

• Fokotuʻu ki he ako konifelenisi fakavitioó: Fakakaukau ke vahevahe ʻa e kau akó ki he fanga kiʻi kulupu iiki ke aleaʻi ʻa e ngaahi taumuʻa ʻo e Tohi ʻa Molomoná. Mahalo ʻe fiemālie ange ʻa e kau akó ke nau tauhoa pe fakakulupu iiki ʻo vahevahe.

Talateu ki he Tohi ʻa Molomoná

Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoni ki he kau akó ke fakatupulaki ʻenau holi ke ako fakaʻaho e Tohi ʻa Molomoná ke fakamālohia ʻenau fakamoʻoni ki hono moʻoní.

• Teuteu ʻa e tokotaha akó: Fakaafeʻi e kau akó ke nau lau pe fanongo ki he lea ʻa ʻEletā Keuli E. Sitīvenisoni ko e “Tafoki ki he Tohí, Tafoki ki he ʻEikí” mei he konifelenisi lahi ʻo ʻOkatopa 2016.

• Ngaahi Vitioó: “Ko Hono ʻOmi ʻo e Tohi ʻa Molomoná” (17:12; mamata mei he taimi 12:03 ki he 14:12)

• Ngaahi meʻa ke teuteú: Ko ha peesi mei he Tohi ʻa Molomoná kuo ʻosi hiki tatau maʻá e tokotaha ako takitaha

• Fokotuʻu ki he ako konifelenisi fakavitioó: Fakaafeʻi e kau ako te nau loto ki aí ke vahevahe ʻa e founga ne nau fakaʻilongaʻi ʻaki e ngaahi fakamoʻoni fakafolofola ki he Fakamoʻuí ʻi heʻenau peesi ʻi he Tohi ʻa Molomoná. Te nau lava ʻo puke hake ʻenau folofolá pe vahevahe ha ʻata kapau te nau fakaʻaongaʻi e folofola fakaʻilekitulōniká. Te nau lava foki ʻo vahevahe ʻi he fetalanoaʻakí ha huafa maʻá e Fakamoʻuí pe ko ha veesi naʻe mahuʻinga makehe kiate kinautolu.

Ko e Fakamoʻoni ‘a Siosefa Sāmita ki he Tohi ‘a Molomoná

Taumuʻa ʻo e Lēsoní: ʻE tokoni e lēsoni ko ʻení ke mahino lelei ange ki he kau akó e founga naʻe liliu ai e Tohi ʻa Molomoná “ʻi he foaki mo e mālohi ʻo e ʻOtuá” (Tokāteline mo e Ngaahi Fuakava 135:3).

• Teuteu ʻa e tokotaha akó: Fakaafeʻi e kau akó ke nau haʻu mateuteu ke vahevahe e meʻa ʻoku nau ʻilo fekauʻaki mo hono ʻomi ʻo e Tohi ʻa Molomoná pea ko e hā haʻanau ngaahi fehuʻi fekauʻaki mo ia.

• Meʻa ke fakaʻaliʻali atú: Ko e ngaahi ʻīmisi ʻi he kamataʻanga ʻo e lēsoní (ʻE lava ke fakaʻaliʻali ʻeni ʻi he loki akó, pe ʻe lava ke paaki mo tufaki ha ngaahi tatau ki he kau akó ke nau fokotuʻutuʻu ʻi hono fakahokohoko totonú.)

•  

• Fokotuʻu ki he akoʻi ʻi he konifelenisi vitioó: ʻOku ʻomi ʻe he lēsoni ko ʻení ha ngaahi faingamālie lahi ki he ngaahi ʻekitivitī ʻi he ʻinitanetí. Hangē ko ʻení, fakakaukau ke faʻu ha kiʻi sivi ʻi he ʻinitanetí ʻo fakaʻaongaʻi e ngaahi ʻīmisi mei he lēsoní pea fakaafeʻi e kau akó ke nau fai e siví lolotonga e kalasí. ʻE ala tokoni foki ke fakaʻaongaʻi ha savea ʻoku ʻikai ʻiloʻi ai e kau akó ʻi he ʻinitanetí ke fakaʻatā e kau akó ke fakahū mai ʻenau ngaahi fehuʻi fekauʻaki mo hono liliu ʻo e Tohi ʻa Molomoná.

Ko e Ngaahi Fakamoʻoni ʻa e Kau Fakamoʻoni ʻe Toko Tolú mo e Kau Fakamoʻoni ʻe Toko Valú

Taumuʻa ʻo e lēsoní: ʻE lava ke tokoni ʻa e lēsoni ko ʻení ke mahino ki he kau akó ʻa e mahuʻinga ʻo e kau fakamoʻoni tokolahi ki he Tohi ʻa Molomoná pea fakakaukau ki heʻenau fakamoʻoní.

• Teuteu ʻa e tokotaha akó: Fakaafeʻi e kau akó ke nau haʻu mateuteu ke vahevahe ha ngaahi aʻusia naʻá ne tokoniʻi kinautolu pe niʻihi kehé ke nau ʻiloʻi ko e Tohi ʻa Molomoná mei he ʻOtuá.

•  

• Laʻipepa Tufa: “Ko e Fakamoʻoni ʻa e Kau Fakamoʻoni ʻe Toko Tolú mo e Kau Fakamoʻoni ʻe Toko Valú”

• Fokotuʻu ki he akoe konifelenisi fakavitioó: Fakakaukau ke fakaafeʻi ha kau ako ʻe niʻihi ke ʻomi ha mēmipa ʻo e fāmilí pe kaungāmeʻa ki he kalasi ʻi he ʻinitanetí ke vahevahe ʻene fakamoʻoni kia Sīsū Kalaisí mo e Tohi ʻa Molomoná. ʻE lava ke vahevahe ʻe he kakai ko ʻení ʻenau fakamoʻoní ʻi ha taimi nounou kimuʻa he fakaʻosinga ʻo e lēsoní, ʻi he taimi ʻoku fakaafeʻi ai e kau akó ke hiki ʻenau fakamoʻoní.

Ko Hono Maʻu ʻo e ʻIlo Fakalaumālié, Konga 2

Taumuʻa ʻo e lēsoní: ʻE lava ke tokoni ʻa e lēsoni ko ʻení ke vakaiʻi ʻe he kau akó ʻa e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá pea vakai ki ai ʻo hangē ko e Fakamoʻuí.

•    

•  

•