Rebyo 1 sa Doktrinal nga Kahanas sa Basahon ni Mormon

Markahi ug Sag-uloha

Usa sa mga katuyoan sa doktrinal nga kahanas mao ang pagtabang kanimo sa pagsag-ulo sa mga pakisayran sa kasulatan sa doktrinal nga kahanas ug sa mahinungdanon nga hugpong sa mga pulong sa kasulatan. Kini nga leksiyon gituyo aron sa pagtabang kanimo sa pagpangita, pagmarka, ug pagbansay sa pagsag-ulo sa mga pakisayran sa kasulatan ug sa mahinungdanon nga hugpong sa mga pulong sa kasulatan alang sa unang 12 ka mga tudling sa kasulatan sa doktrinal nga kahanas sa Basahon ni Mormon.

Pagmarka sa mga tudling sa doktrinal nga kahanas.Ang pagmarka niini nga mga tudling sa kasulatan makatabang sa mga estudyante sa paghinumdom ug pagpangita niini sa mas sayon. Dapita ang mga estudyante sa pagkonsiderar sa pagmarka sa mga tudling sa kasulatan sa doktrinal nga kahanas sa paagi nga talagsaon gikan sa uban nilang mga gipangmarkahan.

Pagpangandam sa estudyante: Dapita ang mga estudyante sa pagrebyo sa mga pakisayran sa kasulatan ug sa mahinungdanon nga hugpong sa mga pulong sa kasulatan alang sa unang 12 ka mga tudling sa doktrinal nga kahanas sa Basahon ni Mormon. Mapalgan sa mga estudyante kining mga tudling diha sa Mahinungdanon nga Dokumento sa Doktrinal nga Kahanas (2023) o diha sa doktrinal nga kahanas nga app.

Mga Posibleng Kalihokan sa Pagkat-on

Usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa area o region director o koordinitor aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.

Mga pakisayran sa kasulatan ug mahinungdanon nga hugpong sa mga pulong sa kasulatan

• Ngano nga mapuslanon man ang pagkahibalo sa mga pakisayran sa kasulatan ug sa mahinungdanon nga hugpong sa mga pulong sa kasulatan sa mga tudling sa doktrinal nga kahanas?

Aron matabangan ka nga makat-on sa mga pakisayran sa kasulatan ug sa mahinungdanon nga hugpong sa mga pulong sa kasulatan alang sa unang 12 ka mga tudling sa doktrinal nga kahanas, ikonsiderar ang pagkopya sa mosunod nga tsart ngadto sa imong journal sa pagtuon o pag-download sa Doktrinal nga Kahanas nga app sa usa ka mobile device ug paggamit sa mga kalihokan sa app aron sa pagtabang kanimo sa pagsag-ulo.

Ipakita ang mosunod nga tsart, o paghatag og kopya sa handout.

Unang 12 ka mga Tudling sa Doktrinal nga Kahanas ug Mahinungdanon nga Hugpong sa mga Pulong

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan 1 Nephi 3:7	Mahinungdanon nga Hugpong sa mga Pulong sa Kasulatan “Ako moadto ug mobuhat sa mga butang nga ang Ginoo nagsugo.”
Pakisayran sa Kasulatan 2 Nephi 2:25	Mahinungdanon nga Hugpong sa mga Pulong sa Kasulatan “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.”
Pakisayran sa Kasulatan 2 Nephi 2:27	Mahinungdanon nga Hugpong sa mga Pulong sa Kasulatan “Sila gawasnon sa pagpili sa kalingkawasan ug sa kinabuhi nga dayon … o … sa pagkabihag ug sa kamatayon.”
Pakisayran sa Kasulatan 2 Nephi 26:33	Mahinungdanon nga Hugpong sa mga Pulong sa Kasulatan “Ang tanan managsama ngadto sa Dios.”
Pakisayran sa Kasulatan 2 Nephi 28:30	Mahinungdanon nga Hugpong sa mga Pulong sa Kasulatan Ang Dios “mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.”
Pakisayran sa Kasulatan 2 Nephi 32:3	Mahinungdanon nga Hugpong sa mga Pulong sa Kasulatan “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton.”
Pakisayran sa Kasulatan 2 Nephi 32:8–9	Mahinungdanon nga Hugpong sa mga Pulong sa Kasulatan “Kamo kinahanglan gayod nga mag-ampo sa kanunay.”
Pakisayran sa Kasulatan Mosiah 2:17	Mahinungdanon nga Hugpong sa mga Pulong sa Kasulatan “Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.”
Pakisayran sa Kasulatan Mosiah 2:41	Mahinungdanon nga Hugpong sa mga Pulong sa Kasulatan “[Kadtong] naghupot sa mga sugo sa Dios … bulahan sa tanan nga mga butang.”
Pakisayran sa Kasulatan Mosiah 3:19	Mahinungdanon nga Hugpong sa mga Pulong sa Kasulatan “[Isalikway] ang iyang kinaiyanhon nga pagkatawo ug [mahimo] nga usa ka santos pinaagi sa pag-ula ni Kristo ang Ginoo.”
Pakisayran sa Kasulatan Mosiah 4:9	Mahinungdanon nga Hugpong sa mga Pulong sa Kasulatan “Tuo sa Dios; … tuo nga siya aduna sa tanan nga kaalam.”
Pakisayran sa Kasulatan Mosiah 18:8–10	Mahinungdanon nga Hugpong sa mga Pulong sa Kasulatan “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.”

Depende sa gidak-on sa imong klase, ikonsiderar ang pag-assign sa matag estudyante og usa o labaw pa sa 12 ka mga tudling sa kasulatan sa doktrinal nga kahanas. Kon gikinahanglan, ang parehas nga tudling mahimong ihatag sa daghang mga estudyante.

Ang mga estudyante mahimong molibot sa lawak-tunghaan [classroom] ug makigtinabangay sa laing klasmeyt kinsa adunay lahi nga tudling sa doktrinal nga kahanas pinaagi sa pagbuhat sa mosunod (ikonsiderar ang pagsulat niini diha sa pisara):

1. Pangutana aron mas mailhan ang usag usa. (Pananglitan: “Unsa ang usa sa imong mga kalingawan?” “Unsa ang usa sa imong paborito nga mga lugar nga bisitahan?”)

2. Tabangi ang usag usa sa pagpangita ug pagmarka sa gi-assign nga tudling sa kasulatan sa doktrinal nga kahanas ug sa mahinungdanon nga hugpong sa mga pulong sa kasulatan.

3. Ipaambit kon unsaon nga ang pagkahibalo sa kamatuoran diha sa mahinungdanon nga hugpong sa mga pulong sa kasulatan mahimong usa ka panalangin sa imong kinabuhi.

4. Sulayi sa pagsag-ulo ang pakisayran sa kasulatan ug ang mahinungdanon nga hugpong sa mga pulong sa kasulatan.

Awhaga ang mga estudyante nga mag-ilis og pares matag duha ka minuto. Ipapadayon nila ang pag-alili hangtod ang tanang estudyante makaila o makamarka sa tanang 12 ka mga tudling sa kasulatan sa doktrinal nga kahanas.

Dugang nga mga Kalihokan sa Pagkat-on

Alternatibo nga kalihokan

Ang laing paagi sa pagtabang sa mga estudyante sa pagmarka ug sa pagsag-ulo sa mahinungdanon nga hugpong sa mga pulong sa kasulatan mao ang pag-andam og mga piraso sa papel alang sa matag tudling sa doktrinal nga kahanas nga adunay mga pangutana nga hisgotan sa mga estudyante. Dayon ipabuhat sa mga estudyante nga magtinabangay uban sa lain-laing mga sakop sa klase aron sa pagtubag sa mga pangutana. Paghunahuna og mga pangutana nga magtugot sa mga estudyante nga makakat-on og dugang mahitungod sa usag usa ug makatabang nila sa pagsabot sa doktrina nga gitudlo. Ang mosunod mao ang mga pananglitan sa mga pangutana nga mahimong hisgotan sa mga estudyante samtang mangita ug magmarka sa tukma nga pakisayran sa doktrinal nga kahanas:

2 Nephi 32:3.Unsa ang imong paboritong pagkaon nga kaonon?

Pangitaa ug markahi ang 2 Nephi 32:3. Markahi ang mahinungdanon nga hugpong sa mga pulong sa kasulatan: “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga kinahanglan ninyong buhaton.”

Sulayi sa pagsag-ulo ang pakisayran sa kasulatan ug ang mahinungdanon nga hugpong sa mga pulong sa kasulatan.

Ngano nga importante ang kanunay nga pagbusog sa mga pulong ni Kristo?

Mosiah 18:8–10.Unsay imong nahinumdoman mahitungod sa imong bunyag?

Pangitaa ug markahi ang Mosiah 18:8–10. Markahi ang mahinungdanon nga hugpong sa mga pulong sa kasulatan: “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.”

Sulayi sa pagsag-ulo ang pakisayran sa kasulatan ug ang mahinungdanon nga hugpong sa mga pulong sa kasulatan.

Unsa nga mga panalangin ang imong namatikdan gikan sa pagpaningkamot sa pagpuyo sa imong mga pakigsaad sa bunyag?