2 Nifae 3–5

Vaaiga Aoao

A o lei maliu o ia, sa sii mai e Liae se valoaga na faia e Iosefa o Aikupito e uiga ia Iosefa Samita pe tusa ma le 1,700 tausaga a o lei soifua mai Keriso. Ina ua mavae le maliu o Liae, sa tusia e Nifae nisi o ona lagona loloto, ma faaali mai ia i tatou e ala i faataitaiga le ala e mafai ona tatou liliu atu ai i le Alii pe a tatou feagai ma luitau o le olaga faaletino. Ona sa fuafua Lamana ma Lemuelu e fasioti o ia, o lea na lapataia ai Nifae e ave “e sa talitonu i lapataiga ma faaaliga a le Atua” (2 Nifae 5:6) ma sosola atu i le vao. O ia ma i latou na mulimuli ia te ia na faavaeina se nuu fou, lea na latou uluola ma soifua ai i ni olaga na taunuu i le fiafia.

Saunia e Aoao Atu

O lenei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Atamai i Aoaoga Faavae: 2 Nifae 2:27

Faamoemoega o le lesona: O lenei lesona e mafai ona fesoasoani i tamaiti aoga e tauloto le tusi faasino o le atamai i aoaoga faavae ma fasifuaitau autu o le mau mo le 2 Nifae 2:27, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga masani o le olaga.

• Sauniuniga a le tamaitiiti aoga: Valaaulia tamaiti aoga e taumafai e tauloto le 2 Nifae 2:27. Faamanatu i tamaiti aoga e mafai ona latou faaaogaina le polokalama o le Atamai i Aoaoga Faavae.

• Fautuaga faafaiaoga i vitio: Mafaufau e tuu se sootaga i le Pepa Autu o le Atamai i Aoaoga Faavae (2022) i le talanoaga pe a e amataina le vaega o le “Faataitai le faaaogaaga” o le lesona ina ia mafai ona vave maua e tamaiti aoga le pepa o faamatalaga.

2 Nifae 3

Faamoemoega o le lesona: O le faamoemoega o lenei lesona o le fesoasoani lea i tamaiti aoga ia faalolotoina a latou molimau i le valaauga paia o le Perofeta o Iosefa Samita.

• Sauniuniga a le tamaitiiti aoga: Valaaulia tamaiti aoga e faitau pe matamata i le saunoaga a Elder Neil L. Andersen “Iosefa Samita,” mai le konafesi aoao o Oketopa 2014 (Ensign po o le Liahona, Nov. 2014, 28–31), ma vaavaai pe aisea e taua ai le i ai o se molimau patino e faapea na valaauina e le Atua Iosefa Samita.

• Anotusi e faaali atu: O ata o Iosefa e toafa i le amataga o le lesona

• Fautuaga faafaiaoga i vitio: Mafaufau e vaevae tamaiti aoga i ni vaega e talanoaina o latou manatu ma lagona e uiga ia Iosefa Samita pe tuu atu se molimau o ia o se perofeta.

2 Nifae 4

Faamoemoega o le lesona: O lenei lesona e mafai ona fesoasoani i tamaiti aoga e tali atu ai ma le faamaoni i faaosoosoga ma le lotovaivai e ala i le liliu atu i le Alii.

• Sauniuniga a le tamaitiiti aoga: Mafaufau e valaaulia tamaiti aoga e ole atu i le Atua mo se fesoasoani i se faaosoosoga po o se luitau o loo latou feagai.

• Pepa e tufa atu: “O Le Salamo a Nifae ma A’u”

• Vitio: “E Silafia A’u e le Tama Faalelagi” (3:18); ”Wheelz: E Mafai ona Faatoilaloina“ (7:13); ”Maaleale” (3:46)

• Fautuaga faafaiaoga i vitio: Filifili ia le itiiti ifo ma le tasi se faamatalaga mai le vaega o “Manatu ma Talaaga o Faamatalaga” ma saunia e faaali atu mo tamaiti aoga a o latou faasoa mai o latou manatu ma lagona e uiga i le 2 Nifae 4.

2 Nifae 5:1–9

Faamoemoega o le lesona: O lenei lesona e mafai ona fesoasoani i tamaiti aoga e mulimuli ai i lapataiga e tuuina mai ma le alofa e le Alii e puipuia ai i latou.

• Sauniuniga a le tamaitiiti aoga: Mafaufau e valaaulia tamaiti aoga e o mai saunia i le vasega e faasoa mai se aafiaga ina ua tuuina atu e se tasi ia i latou se lapataiga na latou faafetai ai.

• Anotusi e faaali atu: Faailoga lapatai po o ata o faailoga lapatai

• Lesona faatino: O se mea palapala pe piipii i luga o se tasi o nofoa ma faailoga lapatai o loo faataamilo i lena nofoa

• Vitio: “Ua Sosola Sa Nifae i le Vao“ (5:33; matamata mai le faailotaimi 0:00 i le 3:21); “Teritori a le Fili” (3:37)

• Anomea mo tamaiti aoga: O se kopi o le Mo Le Malosi o le Autalavou (tamaitusi, 2011) mo tamaiti aoga taitasi po o kopi mo vaega toalaiti o tamaiti aoga e faasoa mai

• Fautuaga faafaiaoga i vitio: I le amataga o le lesona, nai lo le valaaulia o tamaiti aoga e faitau le lapataiga na tuuina atu e le Alii ia Nifae, mafaufau e faaali le vitio “Ua Sosola Sa Nifae i le Vao” (5:33) mai le faailotaimi 0:00 i le 3:21.

2 Nifae 5

Manatua: O lenei lesona ua vaevaeina i ni gaoioiga laiti se tolu. Mafaufau e vave valaaulia ni tamaiti aoga se toatolu e sauni e aoao atu le vasega e faaaoga ai nei gaoioiga.

Faamoemoega o le lesona: O lenei lesona e mafai ona fesoasoani i tamaiti aoga ia iloa mea e mafai ona latou faia e ola ai e tusa ma le ala o le fiafia.

• Sauniuniga a le tamaitiiti aoga: Valaaulia tamaiti aoga e talanoaina ma se uo faatuatuaina po o se tagata o le aiga le eseesega i le va o le fiafia ma le malie.

• Aitema: O pepa e tufa atu mo gaoioiga laiti e tolu e muai tuuina atu i tamaiti aoga, pe a atofaina atu

• Fautuaga faafaiaoga i vitio: Nai lo le muai atofaina atu o gaoioiga e tolu i ni tamaiti aoga se toatolu, e mafai ona e vaevaeina le vasega i ni vaega taitoatolu ma tuu atu i tamaiti aoga taitasi i vaega taitasi se tasi o gaoioiga e tolu. Ona faaaoga lea o talanoaga faavaega e mafai ai e tamaiti aoga ona aoao a latou vaega i mea sa latou saunia. Afai e te faaaogaina lenei filifiliga, mafaufau e faasolo atu mai lea vaega i lea vaega a o aoao atu tamaiti aoga.