2 Նեփի 4

Նեփիի սաղմոսը

Բոլորն էլ բախվում են գայթակղության և ժամանակ առ ժամանակ ընկճվում կամ հուսահատվում են: Մարգարե Նեփին նույնպես այդպիսի զգացողություններ է ունեցել: Հոր՝ Լեքիի մահը վերապրելուց և իր եղբայրների բարկությանը բախվելուց հետո Նեփին գրեց իր ամենախոր զգացմունքներից մի քանիսի մասին: Նա արտահայտեց ինչպես իր ուրախությունը, այնպես էլ՝ վիշտը: Նրա օրինակը ցույց է տալիս մեզ, թե ինչպես կարող ենք դիմել Տիրոջը, երբ հանդիպում ենք մահկանացու կյանքի դժվարություններին: Այս դասը կօգնի ձեզ հավատքով արձագանքել գայթակղությանը և հուսահատությանը՝ դիմելով Տիրոջը:

Առաջարկեք ուսանողներին կիսվել իրենց զգացողություններով, փորձառություններով և վկայություններով: Ձեր դասարանում յուրաքանչյուրը կարող է ներդրում ունենալ: Երբ օգնում եք ուսանողներին կիսվել իրենց զգացողություններով, փորձառություններով և վկայություններով, նրանք կարող են օրհնել իրենց շրջապատի մարդկանց կյանքը: Յուրաքանչյուրը դասարանում կարող է ամրապնդվել Սուրբ Հոգով:

Ուսանողի նախապատրաստում. ուսանողներին կարող եք առաջարկել օգնություն խնդրել Աստծուց՝ իրենց հանդիպած գայթակղությունը կամ դժվարությունը հաղթահարելու համար:

Հնարավոր ուսումնական վարժություններ

Մահկանացու կյանքի դժվարությունները

Որպես դասը սկսելու մեկ տարբերակ կարող եք քննարկել կյանքի դժվարությունները, որոնք ընդհանուր են բոլորի համար: Օրինակ՝ բոլորս էլ հանդիպում ենք գայթակղության և ժամանակ առ ժամանակ տխրում կամ հուսահատվում ենք: Ուսանողներին ժամանակ հատկացրեք, որպեսզի լուռ խորհեն ստորև ներկայացվող հարցերի շուրջ: Ուսանողները կարող են իրենց օրագրում գրել նաև որևէ հատուկ գայթակղություն կամ պատճառ, որի արդյունքում իրենք հուսահատվել են:

• Ըստ ձեզ, ինչո՞ւ է յուրաքանչյուր ոք ժամանակ առ ժամանակ գայթակղվում և հուսահատվում:

• 1-10-ը սանդղակով գնահատեք, թե ըստ ձեզ, ինչպես եքհաղթահարում այդ դժվարությունները:

• Ինչպե՞ս կօրհնվեր ձեր կյանքը, եթե ավելի լավ կարողանայիք հաղթահարել գայթակղությունը և հուսահատությունը:

Նեփիի սաղմոսը

Կարդացեք 2 Նեփի 4.12–13, 18 հատվածները և գտեք մի քանի դժվարություն, որոնց բախվել էր Նեփին:

• Ձեր պատկերացմամբ, այս դժվարությունների արդյունքում ի՞նչ էր զգում Նեփին:

2 Նեփի 4.16–35 հատվածները հաճախ կոչվում են Նեփիի սաղմոս: Սաղմոսը «ոգեշնչված պոեմ կամ հիմն է» (Սուրբ գրքերի ուղեցույց, «Սաղմոս», scriptures.ChurchofJesusChrist.org): Այս հատվածներում Նեփին գրել է իր ամենախոր զգացմունքներից մի քանիսի մասին: Նա կիսվել է իր դժվարություններով և թե ինչպես է արձագանքել գայթակղությանն ու հուսահատությանը: Այդ հատվածներն ուսումնասիրելիս փնտրեք ոգեշնչում Սուրբ Հոգու միջոցով, որպեսզի իմանաք, թե ինչ կարող եք անել այն դժվար իրավիճակներում, որոնցում հայտնվել եք:

Կարող եք հիշել այն չորս քայլերը, որոնք կօգնեն սուրբ գրությունները նմանեցնել ձեր կյանքին.

1. Գտեք կարևոր մանրամասներ:

2. Կատարեք համեմատություններ ձեր կյանքի հետ:

3. Հայտնաբերեք արժեքավոր դասեր:

4. Որոշեք անձնական կիրառումը:

Ուսանողներին տրամադրեք թերթիկի օրինակը, որը կարող են անհատապես լրացնել: Մեկ այլ տարբերակ․ կարող եք առաջին երկու տողերը դասարանով լրացնել, ապա վերջին երեք տողերը խմբերի միջև բաժանել և յուրաքանչյուր խմբին հանձնարարել ներկայացնել այն, ինչ սովորեցին:

Ուսանողներին կարելի է խրախուսել իրենց սուրբ գրությունների օրագրում գրել այդ հատվածների մասին անձնական մտքերն ու զգացողությունները:

© 2023 by Intellectual Reserve, Inc. All rights reserved. 2 Նեփի 4.16-35: Կարող եք տալ ստորև ներկայացվող հարցերից մի քանիսը:

«Բացատրական և պատմական տեղեկություններ» բաժնում ներկայացված որոշ դրույթներ կարող են նպաստել քննարկմանը:

Նեփիի սաղմոսը և ես (2 Նեփի 4.16–35)

Մորմոնի Գիրք. Ուսուցչի ձեռնարկ (2024). «2 Նեփի 4. Նեփիի սաղմոսը»

	Նեփիի փորձառությունը	Իմ փորձառությունը
2 Նեփի 4.16	Նեփիի փորձառությունը Ի՞նչ էր զգում Նեփին	Իմ փորձառությունը Ես ե՞րբ եմ նման զգացողություններ ունեցել:
2 Նեփի 4.17–19	Նեփիի փորձառությունը Ի՞նչ էր զգում Նեփին	Իմ փորձառությունը Ես ե՞րբ եմ նման զգացողություններ ունեցել:
2 Նեփի 4.20–25	Նեփիի փորձառությունը Աստծո հետ ունեցած ո՞ր փորձառություններն օգնեցին Նեփիին հավատքով արձագանքել իր գայթակղություններին և հուսահատություններին:	Իմ փորձառությունը Ի՞նչ հոգևոր փորձառություններ կարող եմ հիշել, երբ գայթակղվում կամ հուսահատվում եմ:
2 Նեփի 4.26–29	Նեփիի փորձառությունը Ինչպիսի՞ մտքեր օգնեցին Նեփիին ուժեղ լինել գայթակղության կամ հուսահատության պահին:	Իմ փորձառությունը Ինչպիսի՞ մտքեր կարող են օգնել ինձ ուժեղ լինել գայթակղության կամ հուսահատության պահին:
2 Նեփի 4.30–35	Նեփիի փորձառությունը Ի՞նչն է տպավորում ինձ Նեփիի աղոթքում:	Իմ փորձառությունը Ինչպե՞ս կարող եմ կիրառել Նեփիի օրինակն իմ սեփական աղոթքներում:

• 2 Նեփի 4 գլխում ո՞ր հատվածները կամ արտահայտություններն են տպավորում ձեզ: Ինչո՞ւ։

• Ի՞նչ սովորեցիք Փրկչի մասին 2 Նեփի 4-րդ գլխից:

• Սուրբ գրությունները ձեր կյանքին նմանեցնելն ինչպե՞ս է ազդում 2 Նեփի 4 գլխի ուսումնասիրության վրա:

• Որո՞նք են ձեր բացահայտած որոշ սկզբունքները:

  Որպես քննարկման մաս՝ ուսանողներին օգնեք բացահայտել տարբեր սկզբունքներ: Օրինակ.

  • Վստահելով Տիրոջը և հիշելով նախկին հոգևոր փորձառությունները՝ կարող եմ օգնել ինձ հավատքով արձագանքել գայթակղությանը և հուսահատությանը:

  • Եթե գայթակղության և հուսահատություն զգալու պահին անկեղծորեն աղոթեմ Աստծուն, կարող եմ ստանալ Նրա օգնությունը:

• Ըստ ձեզ՝ այս ակզբունքներն ինչպե՞ս կարող են օգնել ձեզ դիմել Տիրոջը գայթակղության կամ հուսահատության պահին:

Գայթակղությունը և հուսահատությունը հաղթահարելու իմ ծրագիրը

Դիտեք «Երկնային Հայրը ճանաչում է ինձ» տեսանյութը (3:18) (հասանելի է ChurchofJesusChrist.org կայքում) և տեսեք, թե ինչպես է մի երիտասարդ կին դիմում Տիրոջը դժվար պահին:

Heavenly Father Knows Me

Որպեսզի օգնեք ուսանողներին տեսնել, թե ինչպես են ուրիշները դիմել Տիրոջը փորձության պահերին, կարող եք ցուցադրել «Օժանդակ ուսումնական վարժություններ» բաժնում առաջարկվող տեսանյութերից մեկը:

Կարող եք ուսանողներին առաջարկել խոսել այն մասին, երբ նրանք դժվար պահերին դիմել են Տիրոջը:

Հետևեք Նեփիի օրինակին և գրեք ձեր սեփական սաղմոսը: Հետևյալ հարցերից մի քանիսը կարող են օգնել․

• 2 Նեփի 4-րդ գլխի ո՞ր սկզբունքը, ուսմունքը կամ հատված(ներ)ը կարող եք կիրառել ձեր կյանքում:

• Ինչպե՞ս եք կիրառելու դրանք ձեր կյանքում:

• Ըստ ձեզ՝ դա ինչպե՞ս կօգնի ձեզ դիմել Փրկչին:

• Երբ կյանքում դժվարարության եք հանդիպում, ինչպե՞ս կարող եք արձագանքել Փրկչի հանդեպ ունեցած հավատքով:

Պատրաստակամ ուսանողներին առաջարկեք իրենց սաղմոսով կիսվել դասարանի հետ: Կարող եք կիսվել Փրկչի վերաբերյալ ձեր վկայությամբ: Օգտակար կլինի հիշեցնել ուսանողներին, որ նրանք բախվելու են խոչընդոտների և հաճախ կրկնվող փորձերի կարիք կունենան դրանք հաղթահարելու համար: Սակայն Հիսուս Քրիստոսի ողորմածությամբ նրանք կարող են զորանալ և հաղթահարել կամ դիմանալ այդ ամենին:

Բացատրական և պատմական տեղեկություններ

Անցյալի հոգևոր փորձառություններն ինչպե՞ս կարող են օգնել ինձ:

Տասներկու Առաքյալների Քվորումից երեց Նիլ Լ․ Անդերսենն ուսուցանել է.

Կարևոր հոգևոր հիշողություններ

Կարևոր հոգևոր հիշողություններ

Սուրբ Հոգու կողմից տրված խաղաղ ուղղորդման հետ միասին ժամանակ առ ժամանակ Աստված հզոր կերպով և խիստ անհատապես հավաստիացնում է մեզնից յուրաքանչյուրին, որ Ինքը ճանաչում և սիրում է մեզ, և օրհնում է մեզ անկեղծ ու հատուկ ձևով: Ապա` դժվարության պահերին Փրկիչը մեր միտքն է բերում այդ փորձառությունները: …

Ձեր հոգևոր հիշողությունների մասին կարող եք այս կերպ մտածել: Մշտական աղոթքով, պատվիրանները պահելու վճռականությամբ և Սուրբ Հոգու պարգևով մենք առաջ ենք շարժվում մեր կյանքի ճանապարհով: Երբ անձնական դժվարությունները կամ հիասթափությունները խավարեցնում են մեր ճանապարհը, կամ մեր վերահսկողությունից դուրս գտնվող աշխարհի պայմանները ստիպում են մեզ հետաքրքրվել ապագայով, մեր կյանքի գրքի կարևոր հոգևոր հիշողությունները նմանվում են լուսավոր քարերի, որոնք օգնում են լուսավորել մեր առջև գտնվող ճանապարհը, հավաստիացնելով մեզ, որ Աստված գիտի մեզ, սիրում է մեզ և ուղարկել է Իր Որդուն՝ Հիսուս Քրիստոսին, որպեսզի օգնի մեզ տուն վերադառնալ: (Նիլ Լ. Անդերսեն, «Կարևոր հոգևոր հիշողություններ», Լիահոնա, մայիս 2020, 19, 21):

Տասներկու Առաքյալների Քվորումից երեց Ռոնալդ Ա․ Ռասբանդն ուսուցանել է.

Ես այժմ խրախուսում եմ ձեզ հիշել հոգևոր հիմքերը, որ կառուցել եք, հատկապես՝ ճգնաժամի պահերին, երբ զգացել եք Հոգին, և երբ ձեր վկայությունն ուժեղ էր: (Ռոնալդ Ա․ Ռասբանդ, «Մի խռովվեք», Լիահոնա, նոյեմբեր 2016, 114):

Ինչպե՞ս կարող եմ հաղթահարել գայթակղությունը և հուսահատությունը:

Տասներկու Առաքյալների Քվորումից երեց Ջեֆրի Ռ. Հոլլանդն ուսուցանել է.

Երբ մեր օրերում հանդիպում ենք … գայթակղությունների, պետք է հայտարարենք, ինչպես երիտասարդ Նեփին. «[Ես] այլևս տեղ չեմ տա իմ հոգու թշնամուն» [2 Նեփի 4.28]: Մենք կարող ենք մերժել չարը: Եթե բավական ուժգին և խորապես ցանկանանք, այդ թշնամին կարող է հեռացվել և կհեռացվի Տեր Հիսուս Քրիստոսի փրկագնող զորությամբ (Ջեֆրի Ռ. Հոլլանդ, «Տեղ չեմ տա իմ հոգու թշնամուն», Լիահոնա, մայիս 2010, 46):

Յոթանասունից երեց Ալլեն Դ. Հեյնին ուսուցանել է․

Հիշենք, թե ում ենք ապավինել

Եղբայրնե՛ր և քույրե՛ր, եթե դուք հուսալքված եք կամ մտածում եք, թե արդյոք երբևէ կկարողանաք դուրս գալ հոգևոր փոսից, որը դուք եք փորել, խնդրում եմ հիշեք, թե ով է կանգնած «[մեր] և արդարադատության միջև», ով է «լցված կարեկցանքով մարդկանց զավակների հանդեպ», և ով է Իր վրա վերցրել մեր անօրինություններն ու օրինազանցությունները և «բավարարել է արդարադատության պահանջները» [Մոսիա 15:9]: Այլ կերպ ասած, ինչպես Նեփին արեց սեփական անինքնավստահության պահին, պարզապես հիշեք, թե «ում եք [դուք] ապավինել» [2 Նեփի 4.19], հենց Հիսուս Քրիստոսին, ապա ապաշխարեք և ևս մեկ անգամ ճաշակեք «հույսի կատարյալ պայծառություն» [2 Նեփի 31.20]: (Ալլեն Դ. Հեյնի, «Հիշենք, թե ում ենք ապավինել», Լիահոնա, նոյեմբեր 2015, 123):

Օժանդակ ուսումնական վարժություններ

Տեսանյութեր

«Երկնային Հայրը ճանաչում է ինձ» տեսանյութում (3:18) մի երիտասարդ կին պատմում է, թե ինչպես էր Տերն իր հետ դժվար պահին:

Heavenly Father Knows Me

«Անիվներ. հաղթահարելը հնարավոր է» տեսանյութում (7:13) մի երիտասարդ տղա պատմում է, թե ինչպես է հաղթահարել անհաջողությունը Փրկչի Քավության միջոցով:

Wheelz: Overcoming is Possible

«Կոտրվածը» երաժշտական տեսանյութում (3:46) մի երիտասարդ կին երգում է, թե ինչպես է Տերը մեր կողքին, երբ մենք վիրավորված և կոտրված ենք: Եթե օգտագործեք այս տեսանյութը, ուսանողներին ցույց տվեք նաև երգի բառերը:

Fragile

2 Նեփի 4.17, 19: «Այնուամենայնիվ»

Ուսանողների ուշադրությունը հրավիրեք 2 Նեփի 4.17, 19 հատվածների «այնուամենայնիվ» բառի վրա: Նկատեք զգացմունքների այն փոփոխությունը, որ Նեփին ուղղակիորեն արտահայտեց այդ բառն արտասանելուց առաջ և հետո: Քննարկեք, թե ուսանողներն ինչ կարող են սովորել Նեփիի կյանքի փորձառություններից և օրինակից:

2 Նեփի 4.17: «Օ՜, խեղճ մարդ»

Ուսանողների համար գուցե օգտակար լինի համեմատել Նեփիին և Պողոս առաքյալին: Տես 2 Նեփի 4.17–19, Հռովմայեցիս 7.22–25, 2 Կորնթացիս 12.7–10: Քննարկեք, թե Հիսուս Քրիստոսն ինչպես կարող է օգնել մեզ բոլորիս՝ հաղթարահելու թուլությունը: Գուցե օգտակար լինի մատնանշել, որ որքան մոտենում ենք Երկնային Հորը, այնքան զգայուն ենք դառնում ճշմարիտ ուղուց շեղումների հանդեպ (տես Բրուս Ս. Հեյֆեն, «Քավություն. ամենը մեզ համար», Լիահոնա, մայիս 2004թ., 97–99):

2 Նեփի 4.15 «Հոգիս հրճվում է սուրբ գրություններով»

Ուսանողներին առաջարկեք կիսվել այն սուրբ գրություններով, որոնցով նրանք հրճվում են: Ուսանողները կարող են գրատախտակին գրել սուրբ գրությունների հղումները և քննարկել, թե ինչու են այդ հատվածները նշանակալից իրենց համար: Բացի այդ՝ ուսանողներին կարելի է առաջարկել, որ ընտրած հատվածով կիսվեն ընտանիքի կամ ընկերոջ հետ ընտանեկան երեկոյի ժամանակ, կիսվեն հաղորդագրությամբ կամ սոցիալական ցանցերում:

2 Նեփի 4.15–16: «Իմ հոգու բաները»

Կարող եք ուսանողներին առաջարկել ուշադիր մտածել իրենց հոգու բաների մասին և գրի առնել դրանք: Այս վարժությունը սկսելու համար կարող եք ներկայացնել Տասներկու Առաքյալների Քվորումից երեց Ռոնալդ Ա. Ռասբանդի խոսքերը, որտեղ նա մեջբերում է Նեփիին.

«Ահա, հոգիս հրճվում է Տիրոջ բաներով, և սիրտս շարունակաբար խորհում է այն բաների շուրջ, որոնք տեսել ու լսել եմ» [2 Նեփի 4.16, շեշտադրված]:

«Նեփիի խոսքերն առաջ են քաշում հետևյալ հարցերը․ «Ի՞նչ բաների մասին եք խորհում»: «Ո՞ր բաներն են իսկապես կարևոր ձեզ համար»: «Որո՞նք են ձեր հոգու բաները»: («Իմ հոգու բաները», Լիահոնա, նոյեմբեր, 2021, 39):

Նեփիի սաղմոսը երգով

Նեփիի սաղմոսի խոսքերի համար երաժշտություն է գրվել, որը երգվել է գերագույն համաժողովի ժամանակ: Կարող եք նվագարկել երգը դասարանում և ուսանողներին առաջարկել համեմատել հիմնի բառերը 2 Նեփի 4.16–35 հատվածում արտահայտված զգացմունքների ու մտքերի հետ: Դա անելու համար դիտեք 2007 թվականի ապրիլի գերագույն համաժողովի քահանայության նիստը՝ 1:46:17-1:51:18:

Priesthood Session