2 Նեփի 5

Ապրել երջանիկ

Եղբայրներից բաժանվելուց հետո Նեփին և իր հետևողները նոր համայնք ստեղծեցին: Նեփիի մարդիկ բարգավաճում էին և ապրում էին այնպիսի կյանքով, որը նրանց երջանկություն էր բերում: Այս դասը կարող է օգնել ձեզ բացահայտել, թե ինչ կարող եք անել՝ կյանքը երջանիկ ապրելու համար:

Ակտիվ մասնակցության խրախուսում Դասերը պատրաստելիս և ուսանողների հետ շփվելիս փնտրեք ձևեր, որոնցով կխթանեք ուսանողների ակտիվ մասնակցությունը: Դա կօգնի ներգրավել ուսանողներին ուսման գործընթացում և կօգնի նրանց ավելի մոտենալ Փրկչին:

Ուսանողի նախապատրաստում. ուսանողներին առաջարկեք վստահելի ընկերոջ կամ ընտանիքի անդամի հետ քննարկել տարբերությունը երջանկության և զվարճանքի միջև:

Հնարավոր ուսումնական վարժություններ

Ապրել երջանիկ

Կարող եք գրատախտակին գրել «Ի՞նչն է մարդուն երջանկացնում» հարցը և ուսանողներին խնդրել պատմել, թե միջին դեռահասն ինչպես կարող էր պատասխանել, ապա քննարկեք, թե Փրկիչն ինչպես կպատասխաներ:

Ուսանողներին առաջարկեք լուռ մտածել, թե իրենց պատասխանն ինչպես է համեմատվում այն պատասխանի հետ, որն իրենց կարծիքով, Փրկիչը կտար: Ուսանողներին առաջարկեք այս դասն ուսումնասիրելիս փնտրել հայտնություն, որպեսզի իմանան, թե Երկնային Հայրն ինչ կպատվիրեր իրենց իմանալ կամ անել:

2 Նեփի 5 գլխում մանրամասն նկարագրվում է Լեքիի ընտանիքի բաժանումը նեփիացիների և լամանցիների: Երբ Լամանը և Լեմուելը ծրագրում էին սպանել Նեփիին, Տերը Նեփիին նախազգուշացրեց բաժանվել իր եղբայրներից (տես 2 Նեփի 5.1–5): Նեփին հնազանդվեց Տիրոջը և նրանց հետ, ովքեր «հավատում էին Աստծո նախազգուշացումներին և հայտնություններին» (2 Նեփի 5.6), հեռացավ ու մի նոր համայնք հիմնեց:

Լամանցիները մնացին երկրում և ապստամբեցին Տիրոջ դեմ: Նրանք «կտրված էին Տիրոջ ներկայությունից» (2 Նեփի 5.20): Այս գլխում նկարագրվող անեծքը Տիրոջից հեռանալն էր (տես 2 Նեփի 5.20–24): Լամանցիների մաշկի փոփոխությունը անեծքի նշան էր: Այդ նշանի բնույթը լիովին հասկացված չէ: Ի սկզբանե լամանացիները այս նշանով տարբերվում էին նեփիացիներից: Ավելի ուշ, երբ թե՛ նեփիացիները և թե՛ լամանացիները անցան ամբարշտության և արդարակեցության ժամանակաշրջաններով, այս նշանը կորցրեց իր իմաստը՝ որպես լամանացիներին տրված Աստծո պատժի արտահայտություն:

Մի շահարկեք անեծքը: Եթե ուսանողները հարցեր ունենան, մանրամասն տեղեկությունները բերված են «Բացատրական և պատմական տեղեկություններ» բաժնում:

Կարդացեք 2 Նեփի 5.27 հատվածը և տեսեք, թե Նեփին ինչպես է նկարագրում իր ստեղծած նոր համայնքը:

• Ըստ ձեզ՝ ի՞նչ է նշանակում ապրել երջանիկ:

• Ի՞նչ դժվարություններ կարող են լինել երջանիկ ապրելու մեջ:

Ուսումնասիրեք գլխի սկզբնական հատվածները՝ հասկանալու համար, թե ինչ արեցին նեփիացիները, որ ապրեցին երջանիկ կյանքով:

Կարդացեք 2 Նեփի 510–17, 26 հատվածները և հետևյալ խոսքերը լրացրեք ձեր գտած արտահայտությամբ.

կարող է օգնել ինձ հետևել Փրկչին և ապրել երջանիկ:

Խոսքերը կարող եք գրել գրատախտակին և ուսանողներին հանձնարարել նույնպես գրել այն, ինչ կբացահայտեն կարդալուց հետո:

• Ըստ ձեզ՝ էլ ի՞նչը կարող է օգնել երջանիկ ապրել:

• Ի՞նչ հաճախականությամբ եք կատարում այդ գործողությունները:

Հետևյալ վարժությունները նախատեսված են ուսանողների փոքր դասերի համար, որպեսզի միմյանց ուսուցանեն: Ահա դրանք օգտագործելու մի քանի գաղափար.

1. Դասարանը բաժանեք երեք հոգուց բաղկացած խմբերի և խմբի յուրաքանչյուր անդամի հանձնարարեք պատրաստվել և խմբին ուսուցանել երեք դասերից մեկը:

2. Դասերը նախօրոք հանձնարարեք երեք կարողունակ ուսանողի, որոնք կարող են պատրաստվել և դասարանին ուսուցանել:

3. Մեկ կամ մի քանի դաս քննարկեք դասարանով:

Այս նախադասությունն ավարտելու երեք հնարավոր տարբերակներ են. «Հնազանդությունը Աստծո պատվիրաններին», «Աշխատանքը» և «Տաճարը»: Հաջորդող վարժություններն ավելի խորությամբ են բացահայտում սրանցից յուրաքանչյուրը:

Վարժություն 1 Հնազանդությունը Աստծո պատվիրաններին

Մորմոնի Գիրքը. Ուսուցչի ձեռնարկ (2024)—«2 Նեփի 5. Ապրել երջանիկ»

Ուսանողներին կարող եք առաջարկել զույգերով քննարկել հետևյալ հարցերը.

• Ի՞նչ օրենքներ կան ձեր համայնքում:

• Ի՞նչ արդյունք կտա այդ օրենքներին մշտապես հետևելը կամ չհետևելը:

• Այս համեմատությունն ինչո՞վ է նման կամ տարբեր Աստծո պատվիրաններից:

Նեփին և նրան հետևողները հնազանդվեցին Տիրոջ պատվիրաններին (տես 2 Նեփի 5.10): Կարդացեք վարդապետության սերտման Մոսիա 241 հատվածը և գտեք, թե թագավոր Բենիամինն ինչ էր ուզում, որ իր ժողովուրդը հասկանա Աստծո պատվիրանները պահելու մասին: Կարող եք այս հատվածից խաչաձև հղում կատարել 2 Նեփի 5.10 հատվածին:

• Ըստ ձեզ՝ ինչպե՞ս է Աստծո պատվիրաններին հնազանդվելն օգնում մեզ երջանիկ լինել:

• Հիսուս Քրիստոսն ինչպե՞ս է հնազանդության օրինակ եղել:

  Կարող եք գրատախտակին կամ թերթիկի վրա թվարկել պատվիրանները, որոնք օգնում են մեզ երջանիկ լինել: Ուսանողներին հարցրեք, թե ինչու են նրանք ընտրում այս կամ այն պատվիրանը:

• Որո՞նք են Աստծո մի քանի պատվիրանները, որոնք ավելի մեծ երջանկություն են բերել ձեզ:

Կարող եք կիսվել ձեր սեփական փորձառությամբ կամ երջանկության և Աստծո պատվիրաններին հնազանդվելու միջև կապի մասին ձեր վկայությամբ:

© 2023 by Intellectual Reserve, Inc. All rights reserved.

Վարժություն 2 Աշխատանքը և ինքնապահովումը

Մորմոնի Գիրքը. Ուսուցչի ձեռնարկ (2024)—«2 Նեփի 5. Ապրել երջանիկ»

Թղթի վրա կամ ձեր օրագրում թվարկեք այն օգուտները, որոնք, ըստ ձեզ, գալիս են ջանասիրաբար աշխատելուց:

Մի քանի ուսանողի առաջարկեք կիսվել իրենց գրածով:

Կարդացեք 2 Նեփի 5.11, 15, 17 հատվածները և գտեք, թե ինչ տարբեր ձևերով էին աշխատում նեփիացիները, և ինչպիսին էին նրանց աշխատանքի արդյունքները:

• Ի՞նչ գտաք:

Ուսանողներին կարող եք հանձնարարել զույգերով անել հետևյալը:

Կարդացեք «Աշխատանք և ինքնապահովում» բաժինը Երիտասարդներին զորացնելու համար գրքույկում (2011) և մտածեք, թե ինչ եք սովորում աշխատանքի սկզբունքի մասին:

• Աշխատանքի ի՞նչ լրացուցիչ օգուտներ գտաք (կարող եք ավելացնել սրանք ձեր ցուցակին):

• Այս օգուտներից որո՞նք եք զգացել:

• Ինչպե՞ս կարող է աշխատանքն օգնել մարդուն ավելի նմանվել Հիսուս Քրիստոսին:

© 2023 by Intellectual Reserve, Inc. All rights reserved.

Վարժություն 3 Տաճարը

Մորմոնի Գիրքը. Ուսուցչի ձեռնարկ (2024)—«2 Նեփի 5. Ապրել երջանիկ»

Կարդացեք 2 Նեփի 5.16 հատվածը և մտածեք, թե ինչ եք սովորում նեփիական տաճարի մասին:

• Ի՞նչ եք կարծում, ինչու Նեփին և նրա ժողովուրդը այդքան մեծ ջանքեր գործադրեցին տաճարը կառուցելու համար:

• Ի՞նչ եք կարծում, ինչու է Տերն Իր ժողովրդին խնդրել և շարունակում է խնդրել զոհաբերություն անել՝ տաճարներ կառուցելու համար:

Նախագահ Ռասսել Մ. Նելսոնը տաճարների նպատակի և օրհնությունների մասին ասել է հետևյալը. Կարող եք դիտել «Տաճարը և ձեր հոգևոր հիմքը» տեսանյութի 4:27-5:55 հատվածը կամ կարդալ ստորև ներկայացվող խոսքերը.

Տաճարը գտնվում է մեր հավատքի և հոգևոր կայունության ամրապնդման կենտրոնում, քանի որ Փրկիչը և Նրա վարդապետությունը տաճարի հենց սիրտն են: Այն ամենը, ինչ սովորեցնում են տաճարում՝ ուսուցման և Հոգու միջոցով, մեծացնում է մեր հասկացողությունը Հիսուս Քրիստոսի մասին: Նրա կարևոր արարողությունները մեզ կապում են Իր հետ՝ քահանայության սուրբ ուխտերի միջոցով։ Այնուհետև, երբ մենք պահում ենք մեր ուխտերը, Նա մեզ օժտում է Իր բժշկող, ամրապնդող զորությամբ: Օ՜, իսկ գալիք օրերին որքան ենք ունենալու Նրա զորության կարիքը:

Մեզ խոստացվել է, որ «եթե [մենք] պատրաստված լինենք, [մենք] չպետք է վախենանք»: Այս հավաստիացումը խորը հետևանքներ ունի այսօր: Տերը հայտարարել է, որ անկախ այսօրվա աննախադեպ մարտահրավերներից, նրանք, ովքեր իրենց հիմքը կառուցում են Հիսուս Քրիստոսի վրա և սովորում են օգտվել Նրա զորությունից, չպետք է ենթարկվեն այս դարաշրջանին հատուկ տագնապներին: (Ռասսել Մ․ Նելսոն, «Տաճարը և ձեր հոգևոր հիմքը», Լիահոնա, նոյեմբեր 2021, 93-94):

• Ի՞նչն է տպավորում ձեզ նախագահ Նելսոնի խոսքերում:

• Տաճար այցելելն ինչպե՞ս է օգնում ձեզ ավելի լավ կառուցել ձեր հիմքը Հիսուս Քրիստոսով: Կարող եք կիսվել որևէ փորձառությամբ, եթե կարող եք մտաբերել մեկը:

• Ինչպե՞ս է տաճարն ավելի մեծ երջանկություն բերել ձեզ կամ ձեզ ծանոթ մեկին:

Երբ ուսանողներն ավարտեն ուսուցումը, կարող եք առաջարկել նրանց կիսվել, թե ինչպես են ավելի մեծ երջանկություն զգացել՝ հետևելով Հիսուս Քրիստոսի ավետարանի հետևյալ սկզբունքներին, օրինակ՝ այն սկզբունքներին, որոնք քննարկվեցին այսօր: Կարող եք կիսվել ձեր սեփական վկայությամբ, թե այդ սկզբունքներն ինչպես են ավելի մեծ երջանկություն բերել:

© 2023 by Intellectual Reserve, Inc. All rights reserved.

Բացատրական և պատմական տեղեկություններ

Ուրիշ ի՞նչ կարող ենք անել, որպեսզի երջանկություն բերենք մեր կյանք:

Յոթանասունից երեց Կլաուդիո Ռ. Մ. Կոստան ուսուցանել է․

Մենք սովորում ենք, որ երջանկությունը փոքր բաներ անելու մեջ է, որոնք մեզ զարգացնում են, որոնք մեծացնում են մեր հավատքն ու վկայությունը: Մեր առօրյայում մենք անում ենք փոքր բաներ, օրինակ՝

Մենք երջանիկ ենք, քանի որ ամեն օր և ամեն գիշեր աղոթում ենք, երբ կարողանում ենք զգալ, որ Տերը լսում է մեզ և միշտ պատրաստ է օրհնել, ներել և օգնել մեզ: Մենք երջանիկ ենք, քանի որ զգում ենք Սուրբ Հոգու հուշումները մեր կյանքում. քանի որ զգում ենք Հոգին, երբ պետք է կյանքի կարևոր որոշումներ կայացնենք: … Կարճ ասած՝ մենք կարող ենք մեր կյանքում ամեն օր երջանկություն զգալ մեր արած փոքր բաների միջոցով, և մենք լիարժեք երջանիկ ենք, քանի որ պահում ենք սիրող Աստծո պատվիրանները, որը հոգում է մեր մասին (Կլաուդիո Ռ. Մ. Կոստա, «Զվարճանք և երջանկություն», Լիահոնա, նոյեմբեր, 2002, 92–93):

2 Նեփի 5.20–21: Ի՞նչ «անեծք» եկավ լամանացիների վրա։

Նեփիի օրերում լամանացիներն անիծվեցին և նրանք «կտրվեցին [Տիրոջ] ներկայութjունից … իրենց անօրինության պատճառով» (տես 2 Նեփի 5․20-21)։ Դա նշանակում էր, որ Տիրոջ Հոգին դուրս մղվեց նրանց կյանքից: Երբ լամանացիները ապաշխարեցին և ընտրեցին ապրել Հիսուս Քրիստոսի ավետարանով, «Աստծո անեծքն այլևս չէր հետապնդում նրանց» (Ալմա 23.18):

Մորմոնի Գիրքը նաև հաստատում է, որ լամանացիները սևամաշկ դարձան, երբ նեփիացիները բաժանվեցին նրանցից: Այս նշանի բնույթն ու տեսքը լիովին հասկացված չեն: Ի սկզբանե լամանացիները այս նշանով տարբերվում էին նեփիացիներից: Ավելի ուշ, երբ թե՛ նեփիացիները և թե՛ լամանացիները անցան ամբարշտության և արդարակեցության ժամանակաշրջաններով, այս նշանը կորցրեց իր իմաստը՝ որպես լամանացիներին տրված Աստծո պատժի արտահայտություն:

Մեր ժամանակների մարգարեները հաստատում են, որ սև մաշկը աստվածային շնորհազրկության կամ անեծքի նշան չէ: Եկեղեցին հարում է Նեփիի ուսմունքին, որ Տերը չի մերժում «ոչ մեկին, ով գալիս է դեպի իրեն, սև թե սպիտակ, ստրուկ թե ազատ, այր թե կին» (2 Նեփի 26․33)։ Նախագահ Ռասսել Մ. Նելսոնը հայտարարել է․

«Տերը շեշտել է հավասար հնարավորությունների կարևոր վարդապետությունը Իր զավակների համար: …

«… Տարբերությունները մշակույթի, լեզվի, սեռի, ռասայի և ազգության միջև անհետանում են, երբ հավատավորները կանգնում են ուխտի ճանապարհի վրա և գալիս են դեպի մեր սիրելի Քավիչը» («Նախագահ Նելսոնը ելույթը համաշխարհային քահանայության տոնակատարության ժամանակ» 1-ը հունիսի, 2018 թ., newsroom.ChurchofJesusChrist.org):

«Վստահեցնում եմ ձեզ, որ Աստծո առջև ձեր արժանավոր լինելու հեռանկարը չի որոշվում ձեր մաշկի գույնով: Աստծուն առաջնահերթություն տալը կամ չտալը կախված է Աստծո և Նրա պատվիրանների նկատմամբ ձեր ունեցած նվիրումից, այլ ոչ մաշկի գույնից («Թող Աստված տնօրինի», Լիահոնա, նոյեմբեր, 2020, 94):

Օժանդակ ուսումնական վարժություններ

Նեփիացիների՝ երջանիկ ապրելու այլ ձևերը

Կարող եք քննարկել Նեփիացիների այլ որոշումները, որոնք օգնել են նրանց ապրել երջանիկ: Օրինակ.

• 2 Նեփի 5.12: Նրանք ունեին սուրբ գրությունները:

• 2 Նեփի 5.6, 13: Նրանք ապրեցին ընտանիքներով և երեխաներ ունեցան:

• 2 Նեփի 5.26: Նրանք եկեղեցի հիմնեցին:

Մորմոնի Գրքի տեսանյութ

«Նեփիացիներն ապրում են երջանիկ» (3:01) տեսանյութում Նեփին նկարագրում է երջանիկ ապրելու ձևը 2 Նեփի 5 գլխից: Այն կարելի է գտնել ChurchofJesusChrist.org կայքում: