« នីហ្វៃទី ២ ៥ ៖ ការរស់នៅតាមរបៀបនៃសុភមង្គល » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី ២ ៥ ៖ ការរស់នៅតាមរបៀបនៃសុភមង្គល » ព្រះគម្ពីរមរមន សៀវភៅសិក្សាសៀវភៅសម្រាប់គ្រូបង្រៀន
នីហ្វៃទី ២ ៥
ការរស់នៅតាមរបៀបនៃសុភមង្គល
បន្ទាប់ពីបែកចេញពីបងប្អូនរបស់លោក នីហ្វៃ និងអ្នកដែលដើរតាមលោកបានបង្កើតសហគមន៍ថ្មី ។ ប្រជាជននីហ្វៃបានរីកចម្រើន ហើយមានជីវិតរស់នៅដែលនាំឲ្យមានសុភមង្គល ។ មេរៀននេះអាចជួយអ្នកឲ្យរកឃើញនូវអ្វីដែលអ្នកអាចធ្វើបាន ដើម្បីរស់នៅតាមរបៀបនៃសុភមង្គល ។
ការលើកទឹកចិត្តឲ្យមានការចូលរួមយ៉ាងសកម្ម ។ ពេលកំពុងរៀបចំមេរៀន និងមានទំនាក់ទំនងជាមួយសិស្ស សូមរកមើលរបៀបដើម្បីអញ្ជើញសិស្សឲ្យចូលរួមយ៉ាងសកម្ម ។ ការធ្វើដូច្នេះនឹងជួយសិស្សឲ្យចូលរួមក្នុងការសិក្សា ហើយជួយពួកគេខិតកាន់តែជិតព្រះអង្គសង្គ្រោះ ។
ការរៀបចំសិស្ស ៖ សូមអញ្ជើញសិស្សពិភាក្សាជាមួយមិត្តភក្តិម្នាក់ដែលទុកចិត្ត ឬសមាជិកគ្រួសារអំពីភាពខុសគ្នារវាងសុភមង្គល និងភាពសប្បាយរីករាយ ។
សកម្មភាពរៀនសូត្រដែលអាចមាន
របៀបនៃសុភមង្គល
សូមពិចារណាសរសេរសំណួរ « តើអ្វីខ្លះធ្វើឲ្យមនុស្សរីករាយ ? » នៅលើក្ដារខៀន ហើយសូមឲ្យសិស្សចែកចាយពីរបៀបដែលក្មេងជំទង់ភាគច្រើនអាចឆ្លើយ បន្ទាប់មកពិភាក្សាអំពីរបៀបដែលព្រះអង្គសង្គ្រោះនឹងឆ្លើយតប ។
សូមអញ្ជើញសិស្សឲ្យសញ្ជឹងគិតដោយស្ងៀមស្ងាត់អំពីរបៀបដែលការឆ្លើយតបរបស់ពួកគេប្រៀបធៀបនឹងរបៀបដែលពួកគេគិតថាព្រះអង្គសង្គ្រោះនឹងឆ្លើយតប ។ សូមអញ្ជើញពួកគេឲ្យស្វែងរកវិវរណៈ នៅពេលពួកគេសិក្សាមេរៀននេះ ដើម្បីដឹងពីអ្វីដែលព្រះវរបិតាសួគ៌សព្វព្រះទ័យឲ្យពួកគេដឹង ឬធ្វើ ។
នីហ្វៃទី ២ ៥ រៀបរាប់លម្អិតអំពីការបែកចេញនៃគ្រួសាររបស់លីហៃទៅជាពួកសាសន៍នីហ្វៃ និងសាសន៍លេមិន ។ នៅពេល លេមិន និងលេមយួល មានគម្រោងសម្លាប់នីហ្វៃ ព្រះអម្ចាស់បានព្រមាននីហ្វៃឲ្យបែកចេញពីបងប្អូនរបស់លោក ( សូមមើល នីហ្វៃទី ២ ៥:១–៥ ) ។ នីហ្វៃបានគោរពតាមព្រះអម្ចាស់ ហើយបានចាកចេញជាមួយនឹងពួកដែល « ជឿនូវសេចក្ដីព្រមានទាំងឡាយ និងវិវរណៈទាំងឡាយរបស់ព្រះ » ( នីហ្វៃទី ២ ៥:៦ ) ហើយបង្កើតសហគមន៍ថ្មីមួយ ។
សាសន៍លេមិនបន្តនៅក្នុងដែនដី ហើយបះបោរប្រឆាំងនឹងព្រះអម្ចាស់ ។ ពួកគេ « ត្រូវបានកាត់ចេញពីវត្តមានរបស់ទ្រង់ » ( នីហ្វៃទី ២ ៥:២០ ) ។ បណ្តាសាដែលបានលើកឡើងក្នុងជំពូកនេះ គឺជាការផ្តាច់ខ្លួនចេញពីព្រះ ( សូមមើល នីហ្វៃទី ២ ៥:២០–២៤ ) ។ ការផ្លាស់ប្តូរសម្បុរស្បែករបស់សាសន៍លេមិនគឺជាគំនូស ឬសញ្ញាសម្គាល់នៃបណ្តាសា ។ ធម្មជាតិនៃគំនូសនេះមិនត្រូវបានយល់ច្បាស់ទេ ។ ដំបូងគំនូសនេះគឺគ្រាន់តែបែងចែកពួកសាសន៍លេមិន ពីពួកសាសន៍នីហ្វៃប៉ុណ្ណោះ ។ ក្រោយមកទាំងសាសន៍នីហ្វៃ និងសាសន៍លេមិន បានឆ្លងកាត់គ្រានៃភាពទុច្ចរិត និងសុចរិត ដូច្នេះគំនូសនោះលែងជាសញ្ញាបង្ហាញអំពីជំហរនៃសាសន៍លេមិន ចំពោះព្រះភក្រ្តរបស់ព្រះទៀតហើយ ។
សូមកុំផ្តោតខ្លាំងលើការដាក់បណ្តាសានោះពេក ។ ប្រសិនបើសិស្សមានសំណួរ នោះព័ត៌មានបន្ថែមមាននៅក្នុងផ្នែក « វិចារណកថា និងព័ត៌មានសាច់រឿង » ។
សូមអាន នីហ្វៃទី ២ ៥:២៧ ហើយកត់សម្គាល់ពីរបៀបដែលនីហ្វៃពិពណ៌នាអំពីសហគមន៍ថ្មីដែលលោកបានបង្កើត ។
-
តើអ្នកគិតថាការរស់នៅតាមរបៀបនៃសុភមង្គលមានន័យយ៉ាងណា ?
-
តើការរស់នៅតាមរបៀបនៃសុភមង្គលអាចនឹងមានឧបសគ្គអ្វីខ្លះ ?
សូមក្រឡេកមើលខគម្ពីរមុនៗនៅក្នុងជំពូកនេះ ដើម្បីទទួលបានការយល់ដឹងអំពីអ្វីដែលពួកសាសន៍នីហ្វៃបានធ្វើ ដែលនាំឲ្យពួកគេរស់នៅតាមរបៀបនៃសុភមង្គល ។
សូមអាន នីហ្វៃទី ២ ៥:១០–១៧, ២៦ ហើយបំពេញសេចក្តីថ្លែងការណ៍ខាងក្រោមជាមួយនឹងអ្វីដែលអ្នករកឃើញ ៖
អាចជួយខ្ញុំឲ្យដើរតាមព្រះអង្គសង្គ្រោះ ហើយរស់នៅតាមរបៀបនៃសុភមង្គល ។
អ្នកអាចសរសេរសេចក្តីថ្លែងការណ៍នេះនៅលើក្ដារខៀន ហើយឲ្យសិស្សឡើងមក ហើយសរសេរអ្វីដែលពួកគេរកឃើញបន្ទាប់ពីពួកគេបានអាន ។
-
តើមានអ្វីទៀតដែលអ្នកគិតថាអាចជួយអ្នកឲ្យរស់នៅតាមរបៀបនៃសុភមង្គល ?
-
តើអ្នកចូលរួមក្នុងសកម្មភាពបែបនេះញឹកញាប់ប៉ុនណា ?
សកម្មភាពខាងក្រោមត្រូវបានរៀបចំឡើងជាមេរៀនខ្លីសម្រាប់សិស្សដើម្បីបង្រៀនគ្នាទៅវិញទៅមក ។ នេះគឺជាយោបល់មួយចំនួនអំពីរបៀបប្រើសកម្មភាពទាំងនោះ ៖
-
សូមបំបែកសិស្សក្នុងថ្នាក់ជាបីក្រុម ហើយឲ្យសមាជិកក្រុមនីមួយៗរៀបចំ និងបង្រៀនមេរៀនមួយក្នុងចំណោមមេរៀនទាំងបីដល់ក្រុមរបស់ពួកគេ ។
-
សូមផ្តល់មេរៀនឲ្យបានមុនម៉ោងសិក្សាដល់សិស្សដែលមានសមត្ថភាពបីនាក់ដែលអាចរៀបចំ និងត្រៀមខ្លួនដើម្បីបង្រៀន ។
-
សូមពិភាក្សាមេរៀនមួយ ឬច្រើនទាំងអស់គ្នា ។
របៀបបីយ៉ាងដែលអាចបញ្ចប់ប្រយោគនេះគឺ « ការគោរពប្រតិបត្តិតាមច្បាប់របស់ព្រះ » « ការងារ » និង « ព្រះវិហារបរិសុទ្ធ » ។ សកម្មភាពបន្ទាប់ស្វែងយល់ពីសកម្មភាពនីមួយៗកាន់តែស៊ីជម្រៅថែមទៀត ។
សកម្មភាពទី ១ ការគោរពប្រតិបត្តិតាមច្បាប់របស់ព្រះ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន (( ឆ្នាំ)—« នីហ្វៃទី ២ ៥ ៖ ការរស់នៅតាមរបៀបនៃសុភមង្គល »
សូមពិចារណាអញ្ជើញសិស្សឲ្យពិភាក្សាសំណួរខាងក្រោមជាគូៗ ៖
-
តើមានច្បាប់អ្វីខ្លះនៅក្នុងសហគមន៍របស់អ្នក ?
-
តើមានលទ្ធផលអ្វីខ្លះកើតឡើងមកពីការអនុវត្តតាមជាប់លាប់ ឬមិនអនុវត្តតាមច្បាប់ទាំងនោះ ?
-
តើការប្រៀបធៀបនេះស្រដៀងគ្នាឬខុសគ្នាពីច្បាប់របស់ព្រះយ៉ាងណា ?
នីហ្វៃ និងអ្នកដើរតាមលោកបានគោរពតាមព្រះបញ្ញត្តិរបស់ព្រះអម្ចាស់ ( សូមមើល នីហ្វៃទី ២ ៥:១០ ) ។ សូមអានវគ្គចំណេះចំណានខាងគោលលទ្ធិ ម៉ូសាយ ២:៤១ ហើយរកមើលអ្វីដែលស្តេចបេនយ៉ាមីនចង់ឲ្យរាស្ត្ររបស់ទ្រង់យល់អំពីការរក្សាបទបញ្ញត្តិរបស់ព្រះ ។ អ្នកអាចពិចារណាធ្វើសេចក្តីយោងខគម្ពីរនេះទៅនឹង នីហ្វៃទី ២ ៥:១០ ។
-
តើអ្នកគិតថាការគោរពប្រតិបត្តិតាមច្បាប់របស់ព្រះជួយយើងឲ្យរីករាយយ៉ាងដូចម្ដេច ?
-
តើព្រះយេស៊ូវគ្រីស្ទបានធ្វើជាគំរូដល់ការគោរពប្រតិបត្តិយ៉ាងដូចម្ដេច ?
សូមពិចារណាសរសេរនៅលើក្ដារខៀន ឬក្រដាសមួយសន្លឹកនូវបញ្ជីនៃបទបញ្ញត្តិដែលជួយយើងឲ្យកាន់តែរីករាយខ្លាំងឡើង ។ សូមសួរសិស្សថា ហេតុអ្វីពួកគេជ្រើសរើសបទបញ្ញត្តិដែលពួកគេបានធ្វើ ។
-
តើបទបញ្ញត្តិអ្វីខ្លះរបស់ព្រះដែលបាននាំឲ្យអ្នកមានសុភមង្គលកាន់តែខ្លាំង ?
សូមពិចារណាចែកចាយបទពិសោធន៍ផ្ទាល់ខ្លួនរបស់អ្នក ឬចែកចាយទីបន្ទាល់របស់អ្នកអំពីទំនាក់ទំនងរវាងសុភមង្គល និងការគោរពប្រតិបត្តិចំពោះព្រះបញ្ញត្តិរបស់ព្រះ ។
© ឆ្នាំ ២០២៣ by Intellectual Reserve, Inc. All rights reserved.
សកម្មភាពទី ២ ការងារ និងភាពខ្លួនទីពឹងខ្លួន
ព្រះគម្ពីរមរមន សៀវភៅសិក្សាសម្រាប់គ្រូបង្រៀន (( ឆ្នាំ)—« នីហ្វៃទី ២ ៥ ៖ ការរស់នៅតាមរបៀបនៃសុភមង្គល »
នៅលើក្រដាសមួយសន្លឹក ឬក្នុងសៀវភៅកំណត់ហេតុការសិក្សារបស់អ្នក សូមចំណាយពេលបន្តិចដើម្បីធ្វើបញ្ជីអំពីអត្ថប្រយោជន៍ដែលអ្នកនឹងនិយាយថា បានមកពីការខិតខំធ្វើការ ។
អ្នកអាចអញ្ជើញសិស្សមួយចំនួនឲ្យចែកចាយអ្វីដែលពួកគេបានសរសេរ ។
សូមអាន នីហ្វៃទី ២ ៥:១១, ១៥, ១៧ ហើយរកមើលរបៀបផ្សេងៗដែលសាសន៍នីហ្វៃបានធ្វើការ និងលទ្ធផលនៃការធ្វើការរបស់ពួកគេ ។
-
តើអ្នកបានរកឃើញអ្វីខ្លះ ?
សូមពិចារណាឲ្យសិស្សធ្វើចំណុចដូចខាងក្រោមជាគូៗ ។
សូមអាន « ការងារ និងភាពខ្លួនទីពឹងខ្លួន » នៅក្នុង កូនសៀវភៅដើម្បីកម្លាំងនៃយុវជន ( ឆ្នាំ ២០១១ ) ហើយមើលថា អ្នករៀនបានអ្វីខ្លះអំពីគោលការណ៍នៃការងារ ។
-
តើអ្នកបានរកឃើញអត្ថប្រយោជន៍បន្ថែមអ្វីខ្លះអំពីការងារ ? ( សូមពិចារណាបន្ថែមវាទៅក្នុងបញ្ជីរបស់អ្នក ) ។
-
តើអត្ថប្រយោជន៍ណាមួយដែលអ្នកបានជួបប្រទះ ?
-
តើការងារអាចជួយមនុស្សម្នាក់ឲ្យកាន់តែដូចជាព្រះយេស៊ូវគ្រីស្ទយ៉ាងដូចម្ដេច ?
© ឆ្នាំ ២០២៣ by Intellectual Reserve, Inc. All rights reserved.
សកម្មភាពទី ៣ ព្រះវិហារបរិសុទ្ធ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន (( ឆ្នាំ)—« នីហ្វៃទី ២ ៥ ៖ ការរស់នៅតាមរបៀបនៃសុភមង្គល »
សូមអាន នីហ្វៃទី ២ ៥:១៦ ហើយមើលថា អ្នកបានរៀនអ្វីខ្លះអំពីព្រះវិហារបរិសុទ្ធរបស់សាសន៍នីហ្វៃ ។
-
ហេតុអ្វីអ្នកគិតថា នីហ្វៃ និងប្រជាជនរបស់លោកបានប្រឹងប្រែងយ៉ាងខ្លាំងបែបនេះដើម្បីសាងសង់ព្រះវិហារបរិសុទ្ធ ?
-
ហេតុអ្វីអ្នកគិតថា ព្រះអម្ចាស់បានសូម ហើយបន្តសូមឲ្យរាស្ត្ររបស់ទ្រង់លះបង់ដើម្បីសាងសង់ព្រះវិហារបរិសុទ្ធ ?
ប្រធាន រ័សុល អិម ណិលសុន បានមានប្រសាសន៍ដូចតទៅនេះអំពីគោលបំណង និងពរជ័យនៃព្រះវិហារបរិសុទ្ធ ។ អ្នកប្រហែលជាចង់មើលវីដេអូ « The Temple and Your Spiritual Foundation » ចាប់ពីនាទីទី ៤:២៧ ដល់នាទី ៤:៥៥ ឬអានសេចក្តីថ្លែងការណ៍ខាងក្រោម ៖
ព្រះវិហារបរិសុទ្ធគឺជាផ្នែកដ៏សំខាន់បំផុតនៃការពង្រឹងសេចក្តីជំនឿ និងភាពរឹងមាំខាងវិញ្ញាណរបស់យើង ពីព្រោះព្រះអង្គសង្រ្គោះ និងគោលលទ្ធិរបស់ទ្រង់គឺជាផ្នែកដ៏សំខាន់បំផុតនៃព្រះវិហារបរិសុទ្ធ ។ អ្វីគ្រប់យ៉ាងដែលបានបង្រៀននៅក្នុងព្រះវិហារបរិសុទ្ធ តាមរយៈការណែនាំ និងតាមរយៈព្រះវិញ្ញាណ នឹងបង្កើនការយល់ដឹងរបស់យើងអំពីព្រះយេស៊ូវគ្រីស្ទ ។ ពិធីបរិសុទ្ធដ៏ចាំបាច់ទាំងឡាយរបស់ទ្រង់ចងភ្ជាប់យើងទៅនឹងទ្រង់ តាមរយៈសេចក្តីសញ្ញាដ៏ពិសិដ្ឋនៃបព្វជិតភាព ។ បន្ទាប់មក នៅពេលយើងរក្សាសេចក្តីសញ្ញារបស់យើង នោះទ្រង់នឹងប្រទានព្រះចេស្ដានៃការព្យាបាល ព្រះចេស្ដានៃការពង្រឹង របស់ទ្រង់ មកដល់យើង ។ ហើយយើងនឹងត្រូវការព្រះចេស្តារបស់ទ្រង់សម្រាប់ថ្ងៃខាងមុខកាន់តែខ្លាំង ។
យើងក៏ទទួលបានការសន្យាថា « បើសិនជា [ យើង ] បានប្រុងប្រៀបទុកជាស្រេច នោះ [ យើង ] រាល់គ្នានឹងមិនត្រូវខ្លាចឡើយ » ។ ការអះអាងនេះមានឥទ្ធិពលយ៉ាងខ្លាំងនៅសព្វថ្ងៃនេះ ។ ព្រះអម្ចាស់បានប្រកាសថា ទោះជាមានឧបសគ្គដែលមិនធ្លាប់មានពីមុនមកក្តី ក៏អស់អ្នកដែលសង់គ្រឹះនៅលើព្រះយេស៊ូវគ្រីស្ទ ហើយរៀនប្រើប្រាស់ព្រះចេស្តារបស់ទ្រង់ ពុំចាំបាច់ចុះចាញ់នឹងការថប់បារម្ភប្លែកៗនៅយុគសម័យនេះដែរ ។ ( រ័សុល អិម ណិលសុន « The Temple and Your Spiritual Foundation » Liahona ខែ វិច្ឆិកា ឆ្នាំ ២០២១ ទំព័រ ៩៣–៩៤ )
-
តើអ្នកចាប់អារម្មណ៍អ្វីខ្លះពីការថ្លែងរបស់ប្រធាន ណិលសុន ?
-
តើការចូលព្រះវិហារបរិសុទ្ធអាចជួយអ្នកឲ្យស្ថាបនាគ្រឹះរបស់អ្នកកាន់តែប្រសើរឡើងលើព្រះយេស៊ូវគ្រីស្ទយ៉ាងដូចម្ដេច ? អ្នកអាចចែកចាយបទពិសោធន៍មួយ ប្រសិនបើអ្នកអាចគិតឃើញពីបទពិសោធន៍នោះ ។
-
តើព្រះវិហារបរិសុទ្ធបាននាំមកនូវសុភមង្គលកាន់តែខ្លាំងដល់អ្នក ឬមនុស្សដែលអ្នកស្គាល់ដោយរបៀបណា ?
នៅពេលសិស្សបញ្ចប់ការបង្រៀន អ្នកអាចអញ្ជើញពួកគេឲ្យចែកចាយពីរបៀបដែលពួកគេអាចមានសុភមង្គលកាន់តែខ្លាំងក្នុងការធ្វើតាមគោលការណ៍នៃដំណឹងល្អរបស់ព្រះយេស៊ូវគ្រីស្ទ ដូចអ្វីដែលបានពិភាក្សាថ្ងៃនេះ ។ សូមពិចារណាចែកចាយទីបន្ទាល់ផ្ទាល់ខ្លួនរបស់អ្នកអំពីរបៀបដែលគោលការណ៍ទាំងនេះបាននាំមកនូវសុភមង្គលកាន់តែខ្លាំងដល់អ្នក ។
© ឆ្នាំ ២០២៣ by Intellectual Reserve, Inc. All rights reserved.