2 Nephi 6–10

Kinatibuk-ang Pagpasabot

Ang igsoon ni Nephi nga si Jacob mipaambit og mga panagna mahitungod sa atong panahon ug sa pagpundok sa Israel nga makatabang kanato nga makasabot sa atong tahas sa buhat sa Ginoo sa ulahing mga adlaw. Iyang gitudloan ang mga Nephite mahitungod sa mga kahimtang nga giatubang sa tanang katawhan tungod sa Pagkapukan ni Adan ug Eva. Siya mipahayag nga si Jesukristo miluwas kanato gikan sa mga epekto sa Pagkapukan, ug siya mipasidaan batok sa mga lihok ug mga kinaiya nga makapahilayo kanato gikan kang Kristo. Iyang gidapit ang iyang katawhan sa pagduol ngadto kang Kristo ug magbusog sa mga panalangin sa ebanghelyo.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

2 Nephi 6; 10

Katuyoan sa leksiyon: Kini nga leksiyon makatabang sa mga estudyante nga mobati og mas dakong tinguha sa pagsalmot uban sa Ginoo sa pagpundok sa Israel sa ulahing mga adlaw.

• Pagpangandam sa estudyante: Dapita ang mga estudyante sa pagtambong nga andam sa pagpaambit og mga kasinatian nga ilang nasinati sa pag-apil sa pagpundok sa Israel.

• Mga Bidyo: “Paglaum sa Israel” (1:01:34; tan-awa gikan sa time code 39:36 hangtod sa 40:05 ug gikan sa time code 40:29 hangtod sa 43:38)

• Hulagway: Usa ka bandila, bandila [ensign], o sumbanan nga gipataas

• Sugyot sa pagtudlo pinaagi sa videoconference: Alang sa kalihokan ubos sa “Paghimo og plano sa pagtabang sa Ginoo sa pagpundok sa Israel,” ikonsiderar ang pagkopya ug pag-paste sa mga kapanguhaan diha sa chat feature aron ang mga estudyante dali nga maka-access niini. Mahimo usab nga makatabang ang paghatag sa mga estudyante og limitasyon sa oras sa pagrebyo sa mga kapanguhaan ug usa ka pahinumdom kon aduna na lang silay usa ka minuto nga nahabilin. Makatabang kini kanila sa pagtapos sa ilang mga pagtuon ug maghatag kanila og panahon sa paghimo sa ilang plano ug pagpaambit niini sa klase.

2 Nephi 9:1–26

Katuyoan sa Leksiyon: Kini nga leksiyon makatabang sa mga estudyante nga mobati og mas dakong pasalamat sa tahas ni Jesukristo sa pagtabang kanato sa pagbuntog sa sala ug kamatayon.

• Pagpangandam sa estudyante: Ikonsiderar ang pagdapit sa mga estudyante sa pagtuon sa 2 Nephi 9:1–26. Mahimo nilang markahan sa usa ka paagi kon unsa ang mahitabo kanato nga wala ang Pag-ula ni Jesukristo, ug sa laing paagi ilang markahan kon unsay mahitabo kanato tungod ni Jesukristo ug sa Iyang Pag-ula.

• Content nga ipakita: Ang tsart nga nagpakita kon unsa ang kinabuhi kon aduna ug wala ang Manluluwas

• Sugyot sa pagtudlo pinaagi sa videoconference: Ikonsiderar ang paggamit sa whiteboard nga feature sa imong videoconferencing app. Tugoti ang klase sa pagsulat diha sa matag kilid sa tsart samtang kamo magtuon ug magkat-on og dungan.

2 Nephi 9:27–49

Katuyoan sa leksiyon: Kini nga leksiyon makatabang sa mga estudyante sa paglikay sa mga kinaiya nga mosangpot sa kagul-anan ug makabulag kanila ni Jesukristo.

• Pagpangandam sa estudyante: Dapita ang mga estudyante sa paghatag og pagtagad kon hain sa ilang mga aksiyon tali karon ug sa sunod nga klase ang nagtabang kanila nga mobati nga mas duol sa Dios ug hain ang naghimo kanila nga mobati nga mas layo gikan Kaniya.

• Mga Butang: Usa ka butang, sama sa kendi, nga ang mga estudyante malingaw sa pagpangita alang sa “init o bugnaw” nga dula sa sinugdanan sa leksiyon

• Sugyot sa pagtudlo pinaagi sa videoconference: Isip alternatibo sa pagpangandam sa estudyante, dapita ang mga estudyante nga motambong sa klase nga andam sa pagpaambit og mga ehemplo sa espirituhanong manggihunahunaon nga mga tawo nga ilang nailhan. Kon mahimo, ikonsiderar ang pag-awhag kanila sa pagdala og hulagway sa tawo nga ilang gipili ug ipataas kini sa camera samtang sila nagpaambit sa ilang mga hunahuna.

2 Nephi 9:50–52

Katuyoan sa leksiyon: Kini nga leksiyon gituyo aron matabangan ang mga estudyante nga mobati og mas dakong tinguha sa pagkaplag sa mga panalangin ug katagbawan nga si Jesukristo lamang ang makahatag.

• Pagpangandam sa estudyante: Dapita ang mga estudyante sa paghunahuna og mga pagpili nga ilang nahimo, mga dapit nga ilang naadtoan, o mga butang nga ilang nakat-onan nga nakahatag og malungtarong katagbawan sa ilang kinabuhi.

• Mga Butang: Mga tasa nga puno sa mga butang nga dili makapatagbaw sa kauhaw sa usa ka tawo, sama sa toyo, mustasa, o liquefied caramel o tsokolate. (Mahimo usab nga magdala ka og pipila ka mga pagkaon nga dili makatagbaw sa kagutom, sama sa asin o gamay nga hirbabuyna [mint], ug usa ka mas daghang pagkaon sama sa usa ka piraso sa prutas.)

• Sugyot sa pagtudlo pinaagi sa videoconference: Gamita ang mga breakout room ug dapita ang mga estudyante nga ipaambit sa ilang mga grupo ang usa o daghang mga cross-reference nga ilang nakit-an sa 2 Nephi 9:50–52. Ang mga estudyante mahimo usab nga magtinabangay uban sa ilang mga grupo sa pagpangita og mga cross-reference.

Rebyo 3 sa Doktrinal nga Kahanas

Katuyoan sa leksiyon: Kini nga leksiyon gituyo aron makatabang nga madugangan ang pagsabot sa mga estudyante ug tugotan sila nga magpraktis sa pagpasabot sa doktrina nga gitudlo sa pipila ka mga tudling sa doktrinal nga kahanas sa Basahon ni Mormon.

• Pagpangandam sa estudyante: Dapita ang mga estudyante sa pagpili og usa ka tudling sa doktrinal nga kahanas sa Basahon ni Mormon nga makahuluganon alang kanila ug sa pag-andam sa pagpaambit ngadto sa klase kon nganong makahuluganon kini nga tudling.

• Mga Butang: Bisan unsang mga galamiton nga mahimong gikinahanglan sa imong mga estudyante aron makompleto ang kalihokan A, B, C, o D

• Sugyot sa pagtudlo pinaagi sa videoconference: Ikonsiderar ang pagtabang sa mga estudyante sa paghunahuna og mga butang ug mga himan gikan sa ilang mga panimalay nga mahimo nilang magamit sa pagkompleto sa kalihokan A, B, C, o D. Dapita ang mga estudyante sa pagpaambit sa ilang mga butang ngadto sa klase.