“Rebyo 3 sa Doktrinal nga Kahanas,” Manwal sa Magtutudlo sa Basahon ni Mormon (2024)
“Rebyo 3 sa Doktrinal nga Kahanas,” Manwal sa Magtutudlo sa Basahon ni Mormon
Rebyo 3 sa Doktrinal nga Kahanas
Sabta ug Ipasabot
Ang pagsabot sa piho nga mga tudling sa kasulatan ug ang makapasabot sa mga kamatuoran nga gitudlo niini importante sa pagkab-ot sa doktrinal nga kahanas. Kini nga leksiyon gituyo aron makatabang nga madugangan ang imong pagsabot ug tugotan ka nga magpraktis sa pagpasabot sa doktrina nga gitudlo sa pipila ka mga tudling sa doktrinal nga kahanas sa Basahon ni Mormon.
Pagkat-on og dugang mahitungod sa imong mga estudyante. Pangita og mga oportunidad nga makaila sa mga estudyante. Ang obserbasyon ug sinsero nga mga pangutana makatabang nimo nga makahibalo og dugang mahitungod sa unsay importante sa matag estudyante. Sa imong pagsabot og maayo bahin sa imong mga estudyante, ang Espiritu Santo makatabang nimo sa pagtutok sa imong pagtudlo sa ilang mga panginahanglan.
Pagpangandam sa estudyante: Dapita ang mga estudyante sa pagpili og usa ka tudling sa doktrinal nga kahanas sa Basahon ni Mormon nga makahuluganon alang kanila ug sa pag-andam sa pagpaambit ngadto sa klase nganong makahuluganon kini nga tudling.
Mga Posibleng Kalihokan sa Pagkat-on
Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa inyong direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.
Pagsabot sa mga tudling sa doktrinal nga kahanas
Ang leksiyon mahimong ipahiangay depende sa mga panginahanglan sa klase. Pananglitan, mahimong makatabang ang pagrebyo lamang sa mga tudling nga natun-an sa mga estudyante karong tuiga.
Ikonsiderar ang pagdapit sa mga estudyante sa paghingalan og daghan sa unang 12 ka mga pakisayran sa doktrinal nga kahanas sa Basahon ni Mormon kutob sa ilang mahimo. Ilista kini nga mga pakisayran sa kasulatan diha sa pisara samtang kini ginganlan. Ipakita ang mosunod nga tsart aron sa pagtabang kon gikinahanglan. Dayon ipangutana ang mga mosunod.
Unang 12 ka mga Tudling sa Doktrinal nga Kahanas ug ang Mahinungdanon nga Hugpong sa mga Pulong
Manwal sa Magtutudlo sa Basahon ni Mormon (2024)
Pakisayran sa Kasulatan |
Mahinungdanon nga Hugpong sa mga Pulong sa Kasulatan |
---|---|
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ako moadto ug mobuhat sa mga butang nga ang Ginoo nagsugo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Sila gawasnon sa pagpili sa kalingkawasan ug sa kinabuhi nga dayon … o … pagkabihag ug sa kamatayon.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang tanan managsama ngadto sa Dios.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan Ang Dios “mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kamo kinahanglan gayod nga mag-ampo sa kanunay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Niadto nga naghupot sa mga sugo sa Dios … bulahan sa tanan nga mga butang.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “[Isalikway] ang … kinaiyanhon nga pagkatawo ug [mahimo] nga usa ka santos pinaagi sa pag-ula ni Kristo ang Ginoo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Tuo sa Dios; … tuo nga siya aduna sa tanan nga kaalam.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.” |
© 2023 by Intellectual Reserve, Inc.All rights reserved.
-
Hain niini nga mga tudling ang gibati nimo nga nasabtan nimo pag-ayo?
-
Unsa nga mga kasinatian ang nakatabang kanimo nga masabtan ang (mga) kamatuoran niana nga tudling?
Kon nakompleto sa mga estudyante ang pagpangandam sa estudyante para niini nga leksiyon, ikonsiderar ang pag-awhag kanila nga ipaambit kon hain nga mga tudling ang makahuloganon kanila ug ngano. Ikonsiderar ang paggamit niini nga diskusyon aron matabangan ang mga estudyante sa pagsukod kon unsa ka maayo ang ilang pagsabot sa mga tudling ug kon adunay mga tudling nga gusto nilang mas masabtan.
Pagpili og bisan usa sa mga tudling sa doktrinal nga kahanas sa Basahon ni Mormon nga gusto nimong mas masabtan ug kompletoha ang usa sa mosunod nga mga kalihokan aron sa pagtabang kanimo nga mapalawom ang imong pagsabot sa doktrina nga gitudlo niini. Kon makahuman ka dayon, pagpili og laing tudling sa doktrinal nga kahanas ug pagkompleto og laing kalihokan.
Ikonsiderar ang pagpakita sa mosunod nga mga opsiyon alang sa mga estudyante samtang sila magtuon. Mahimo usab nimong ikonsiderar ang pagdala og mga butang ngadto sa klase aron gamiton sa mga estudyante alang sa opsiyon nga “Paghimo og mga pagtandi.” Ang mga estudyante mahimo usab nga magmamugnaon ug mogamit og dugang nga mga butang sa lawak tunghaan aron makahimo og mga pagtandi.
Kalihokan A: Paghulagway diha sa imong hunahuna
Paghimo og drowing, collage [gitapot nga mga hulagway], meme, pulong nga sining, word cloud [pundok sa mga pulong nga gihan-ay sa lain-laing hut-ong], o uban pang visual nga representasyon nga nagpakita kon unsa ang gitudlo sa imong tudling.
I-klik kini nga mga link alang sa pipila ka mga ehemplo:
Kalihokan B: Pagpaambit ngadto sa uban
Paghimo og plano aron itudlo ang imong tudling. Mahimong maglakip kini sa mga pangutana nga imong ipangutana aron matabangan kadtong imong gitudloan nga mas makasabot sa tudling. Mahimo usab nimong ikonsiderar ang paghimo og bidyo diin imong tubagon ang mga pangutana nga imong gihimo o ipasabot ang kahulugan sa mahinungdanon nga mga pulong ug hugpong sa mga pulong.
Kalihokan C: Independente nga Magtuon
Pagpili og usa o duha ka mahinungdanong mga pulong gikan sa tudling nga tun-an. Gamita ang mga makatabang sa pagtuon diha sa imong mga kasulatan, sa Gospel Library nga app, o ubang balaanong gitudlo nga mga tinubdan sa pag-ila sa mga kahulugan, posible nga mga cross-reference, o mga pamahayag sa mga lider sa Simbahan nga makapalawom sa imong pagsabot. Irekord ang imong nakat-onan, lakip ang unsay gitudlo niini nga mga butang kanimo mahitungod sa Langitnong Amahan ug ni Jesukristo.
Kalihokan D: Paghimo og mga pagtandi
Pag-ila og mahikap nga mga butang o paghimo og analohiya nga mahimong magrepresentar sa tudling o mga pulong ug hugpong sa mga pulong gikan sa tudling. Pananglitan, alang sa 2 Nephi 2:27 mahimo nimong ibutang ang usa ka yawe sa usa ka kamot aron sa paghulagway nga kita “gawasnon sa pagpili sa kalingkawasan ug kinabuhi nga dayon” ug usa ka kandado sa laing kamot aron magrepresentar sa “pagkabihag ug sa kamatayon.”
Human ang mga estudyante adunay igong panahon niini nga kalihokan sa pagtuon, pagdapit og mga boluntaryo sa pagpaambit og usa ka butang gikan sa mga kalihokan nga ilang gipili. Mahimo nilang ipaambit ang ilang mga nabuhat nga sining, ang mga pangutana nga ilang nahimo, mga panabot nga ilang nakuha gikan sa ilang pagtuon, o ang mga butang nga ilang gigamit alang sa pagtandi.
Kini nga pagpaambit mahimong buhaton diha sa gagmay nga mga grupo, isip usa ka klase, o pareho. Isip kabahin sa panaghisgotan, ang mga estudyante mahimong motubag sa mosunod nga mga pangutana alang sa usa o daghan pa sa mga kasulatan nga ilang gipili.
-
Ngano sa imong hunahuna nga importante alang kanimo nga masabtan ang tudling nga imong gipili?
-
Sa unsang paagi nga ang pagkasabot niini nga tudling makatabang kanimo nga madugangan ang imong pagtuo kang Jesukristo o mahimong mas mahisama Kaniya?