2 Nephi 11–19

Kinatibuk-ang Pagpasabot

Si Nephi nahigugma pag-ayo sa mga pagsaksi sa iyang igsoon nga si Jacob ug ni propeta Isaias nga iyang girekord kini uban sa iyang kaugalingong saksi ni Jesukristo. Siya miingon mahitungod kang Isaias, “ang Akong kalag nahimuot sa iyang mga pulong” (2 Nephi 11:2). Si Isaias migamit og simbolikanhong pinulongan sa paghulagway sa gahom ug kabalaan sa Ginoo. Nanagna usab siya sa Manluluwas, naglista sa pipila sa Iyang mga titulo ug mga hiyas.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

2 Nephi 11

Katuyoan sa leksiyon: Kini nga leksiyon makatabang sa paglig-on sa pagpamatuod sa mga estudyante sa katinuod ni Jesukristo.

• Pagpangandam sa estudyante: Dapita ang mga estudyante sa paghangyo og usa ka higala o usa ka minahal sa pagpaambit kon sa unsang paagi niya naangkon ang iyang pagpamatuod ni Jesukristo.

• Mga Bidyo: “Espesyal nga mga Saksi ni Kristo—Presidente M. Russell Ballard” (3:45; tan-awa gikan sa time code 2:22 hangtod sa 3:45); “Espesyal nga mga Saksi ni Kristo—Elder Quentin L. Cook” (4:57; tan-awa gikan sa time code 3:53 hangtod sa 4:57); “Espesyal nga mga Saksi ni Kristo—Elder Neil L. Andersen” (5:24; tan-awa gikan sa time code 4:20 hangtod sa 5:24); “Espesyal nga mga Saksi ni Kristo—Elder D. Todd Christofferson” (5:51; tan-awa gikan sa time code 4:30 hangtod sa 5:51)

• Sugyot sa pagtudlo pinaagi sa videoconference: Ikonsiderar ang pagbutang og link diha sa chat feature sa “Ang Buhi Nga Kristo: Ang Pagpamatuod sa mga Apostoles” sa ChurchofJesusChrist.org. Dapita ang mga estudyante sa paggahin og pipila ka minuto sa pagtuon niini ug dayon sa pagpaambit ngadto sa klase unsay ilang nakat-onan o gibati.

2 Nephi 12–15

Katuyoan sa leksiyon: Kini nga leksiyon makatabang sa mga estudyante nga makasabot sa simbolikong mga panagna ni Isaias ug mamalandong kon sa unsang paagi kini nga mga panagna makatabang nila sa ilang mga kinabuhi.

• Pagpangandam sa estudyante: Ipunting ang pagtagad sa mga estudyante nga si Nephi misulat og daghang mga kapitulo sa mga panagna ni Isaias ngadto sa iyang kaugalingong rekord ug nga si Isaias migamit og daghang simbolismo. Basaha ang 2 Nephi 12:1–3 or 2 Nephi 14:5–6 ug pagpamalandong unsa kaha ang gipasabot niini nga mga bersikulo.

• Content nga ipakita: Sa usa ka bahin sa pisara, usa ka drowing sa usa ka bukid, nga gimarkahan sa pakisayran sa 2 Nephi 12:1–3; sa pikas bahin sa pisara, usa ka drowing sa panganod ug usa ka haligi nga kalayo, nga gimarkahan sa pakisayran sa 2 Nephi 14:5–6

• Sugyot sa pagtudlo pinaagi sa videoconference: Samtang magtuon ang mga estudyante sa simbolismo sa bukid, sa panganod, ug sa haligi nga kalayo, ikaw o ang usa ka estudyante mahimong magdrowing niini nga mga simbolo gamit ang whiteboard tool. Samtang maghisgot ang mga estudyante kon unsay gipasabot niini nga mga simbolo, mahimong butangan og mubo nga sulat ang duol sa drowing.

2 Nephi 16

Katuyoan sa leksiyon: Kini nga leksiyon makatabang sa mga estudyante sa pag-ila sa abilidad sa Ginoo sa pagpasaylo ug paglimpyo kanila.

• Pagpangandam sa estudyante: Dapita ang mga estudyante sa pagpamalandong sa mosunod nga pangutana: Unsa ang gusto sa usa ka mahigugmaong Dios nga atong masabtan kon kita mobati nga dili igo ang atong kamaayo?

• Mga hulagway nga ipakita: Pipila ka mga hulagway sa Manluluwas nga nagpakita sa mga tawo sa yuta

2 Nephi 17–19

Katuyoan sa leksiyon: Kini nga leksiyon gituyo aron matabangan ang mga estudyante nga mosalig ni Jesukristo pinaagi sa pagtuon sa Iyang mga hiyas ug mga titulo.

• Pagpangandam sa estudyante: Sa ilang inadlaw nga pagtuon sa kasulatan, dapita ang mga estudyante sa pag-ila sa bisan unsang mga titulo sa Manluluwas ug sa pagpamalandong kon unsa kahay gipasabot niadto nga mga titulo ug sa unsang paagi kini makatabang nila nga mosalig ug mas mahigugma sa Manluluwas.

• Sugyot sa pagtudlo pinaagi sa videoconference: Aron matabangan ang mga estudyante nga makasabot sa konteksto niini nga mga kapitulo, ikonsiderar ang pagdapit sa pipila kanila sa pagrepresentar ni Hari Achaz sa Juda; iyang anak nga lalaki, ni Hari Ezechias; Hari Resin sa Siria; Hari Peka sa Israel; ug ang hari sa Asiria. Ang mga estudyante mahimong mag-andam og mga name tag sa dili pa ang klase o temporaryo nga usbon ang ilang pangalan sa profile ngadto sa tawo nga ilang girepresentar. Ikonsiderar ang pagdapit sa estudyante nga nagrepresentar ni Hari Achaz sa pagbasa sa mga pulong sa Ginoo ngadto kaniya diha sa 2 Nephi 17:3–4, 7 ug ang estudyante nga nagrepresentar ni Hari Ezechias sa pagbasa sa 2 Nephi 18:11–13, 17.

Rebyo 4 sa Doktrinal nga Kahanas

Katuyoan sa leksiyon: Kini nga leksiyon gituyo aron matabangan ang mga estudyante sa paggamit sa doktrina nga gitudlo sa lain-laing mga tudling sa doktrinal nga kahanas sa Basahon ni Mormon.

• Pagpangandam sa estudyante: Dapita ang mga estudyante sa pag-andam sa pagpaambit og paborito nga tudling sa kasulatan ug isulti nganong usa kini sa ilang mga paborito. Mahimo nimong hangyoon sila sa paglakip kon sa unsang paagi kini magamit sa ilang mga kinabuhi. Mahimong makatabang ang paghangyo og pipila ka mga estudyante sa pagtambong nga andam sa pagpaambit.

• Handout: Ang tsart sa mga pakisayran sa kasulatan sa doktrinal nga kahanas ug ang mahinungdanon nga hugpong sa mga pulong sa kasulatan