2 Nīfai 20–25

Vakai Fakalūkufuá

Fakatokangaʻi ange: ʻE fakamatalaʻi ʻe he lēsoni ʻo e uike ní ha meʻa mavahe mei he taimi-tēpile ʻo e Haʻu, ʻo Muimui ʻIate Aú.

Naʻe kikite ha kau palōfita tokolahi, kau ai ʻa Nīfai mo ʻĪsaia, kau ki he nofo melino taʻu ʻe 1,000 ʻoku ui ko e Nofo Tuʻí—ko e pule ʻa Sīsū Kalaisi ʻi he nofo tuʻí. Hili hono fakamamafaʻi ʻa e mahuʻinga ʻo e ngaahi akonaki fakaepalōfita ko ʻení, naʻe fakamoʻoni ʻa Nīfai ko Sīsū Kalaisi pē ʻokú Ne maʻu ʻa e mālohi ke fakahaofi ʻa e kakai kotoa pē. Naʻá ne akoʻi ʻi he 2 Nīfai 26, kau ki he fakakaukau ʻa e ʻOtuá, ʻo fakamatalaʻi “ʻoku tatau ʻa e kakai fulipē ʻi he ʻao ʻo e ʻOtuá” ((veesi 33).

Teuteu ke Akoʻi

ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fiemaʻu ke teuteuʻi kimuʻa ki he lēsoni takitaha.

2 Nīfai 21–24

Taumuʻa ʻo e lēsoní: ʻE lava ke tokoni e lēsoni ko ʻení ke mahino ki he kau akó mo nau teuteu ki he pule ʻa e Fakamoʻuí ʻi he nofo tuʻí.

• Teuteu ʻa e tokotaha akó: Fakaafeʻi e kau akó ke nau fakakaukau ki he meʻa ʻoku nau ʻilo fekauʻaki mo e Nofo Tuʻí pea omi mateuteu ke fai ha ngaahi fehuʻi kau ki ai.

• Meʻa ke fakaʻaliʻalí: Ko ha ʻīmisi ʻo e ngaahi fakalelei ki he Temipale Salt Lake; Ko e lisi ʻo e ngaahi potufolofolá ke fakaʻaliʻali ʻi he palakipoé pe ʻi ha ngaahi laʻipepa takatakai ʻi he lokí

• Fokotuʻu ki hono akoʻi ʻi he konifelenisi vitioó:ʻE lava ke fakaʻaongaʻi ʻe he kau akó ʻa e polokalama fetalanoaʻakí ke fakahu mai ai ʻa ʻenau ngaahi fehuʻi fekauʻaki mo e Nofo Tuʻí. ʻE lava foki ke vahevahe kinautolu ki ha ngaahi kulupu ʻo fakatatau mo e ngaahi fehuʻi ʻoku nau maʻú pea vahe kinautolu ki ha ngaahi loki fealēleaʻaki ke nau fekumi ki he ngaahi talí.

2 Nīfai 25

Taumuʻa ʻo e lēsoní:ʻE tokoni e lēsoni ko ʻení ke mahino ki he kau akó ʻa e founga naʻe fakahaofi ai kinautolu ʻe he ʻaloʻofa ʻa Sīsū Kalaisí.

• Teuteu ʻa e tokotaha akó: Fakakaukau ke fakaafeʻi e kau akó ke nau omi mateuteu ki he kalasí ke talanoa fekauʻaki mo ha pōpoaki fekauʻaki mo Sīsū Kalaisi ʻa ia kuó ne tākiekina kinautolu.

• Vitiō: “Feluteni Ai e Fakamaau Totonú, ʻOfá, mo e ʻAloʻofá” (5:36)

• Fokotuʻu ki hono akoʻi ʻi he konifelenisi vitioó: Fakakaukau ke fakaʻaongaʻi ha polokalama palakipoe pe polokalama tatau ʻi he taimi ʻoku fakaafeʻi ai e kau akó ke vahevahe ha ngaahi fehuʻi fekauʻaki mo e 2 Nīfai 25:23. Mahalo te ke fie screenshot e palakipoé ʻi heʻene kakató ke ʻave ki he kau akó ke nau vakai ki ai ʻi heʻenau fekumi ki ha ngaahi talí.

Siviʻi Hono 2 Hoʻo Akó

Taumuʻa ʻo e lēsoní:ʻOku fakataumuʻa ʻa e lēsoni ko ʻení ke tokoniʻi e kau akó ke vakaiʻi e tuʻunga fakalakalaka kuo nau aʻusia lolotonga ʻenau ako e Tohi ʻa Molomoná.

• Teuteu ʻa e tokotaha akó: Fakaafeʻi e kau akó ke toe vakaiʻi ha niʻihi ʻo e ngaahi meʻa ne nau ako ʻi he 1 Nīfai 16 ki he 2 Nīfai 25 pea omi mateuteu ke vahevahe e ngaahi potufolofola ʻoku nau manako taha aí pe ngaahi moʻoni mahuʻingá.

• Naunaú: Ko ha sioʻata

• Fokotuʻu ki hono akoʻi ʻi he konifelenisi vitioó: ʻI he taimi ʻoku fakamatala ai ʻe he kau akó fekauʻaki mo e Hinga ʻa ʻĀtama mo ʻIví, fakakaukau ke fakafaivaʻi ia ʻo ke hoko koe ko e fie fanongó pea hoko ha ongo tamaiki ako ʻe toko ua ko e ongo faifekau malangá. ʻI hoʻo hoko ko e fie fanongó, fakahoko ha ngaahi fehuʻi ʻe lava ke nau fakamatalaʻi lahi ange ai ʻenau tefitó.

2 Nīfai 26

Taumuʻa ʻo e lēsoní: ʻOku fakataumuʻa e lēsoni ko ʻení ke tokoni ki he kau akó ke nau vakai, ʻofa, mo feohi mo e niʻihi kehé ʻo hangē ko e ʻOtuá.

• Teuteu ʻa e tokotaha akó: Fakaafeʻi e kau akó ke fehuʻi ki heʻenau mātuʻá pe ko ha kaungāmeʻa falalaʻanga ʻa e founga ʻoku nau feinga ai ke vakai ki he niʻihi kehé ʻo hangē ko e Fakamoʻuí.

• Meʻa ke fakaʻaliʻalí: Kalasi kehekehe ʻo e matasioʻatá (pe ko hano fakatātā)

• Fokotuʻu ki hono akoʻi ʻi he konifelenisi vitioó: ʻI hono ako ʻe he kau akó e 2 Nīfai 26:12–13, 23–33, fakakaukau ke fakaʻatā ke nau ngāue fakafoʻituitui ʻi ha kiʻi taimi nounou. Hili iá pea toe fakatahaʻi mo fakaafeʻi kinautolu ke lipooti tautau toko ua pe fakakulupu e ngaahi meʻa ne nau maʻú. ʻE lava ke fakaʻaliʻali e ngaahi fehuʻi vakaiʻi kehe ʻoku fokotuʻu atu ʻi he lēsoní koeʻuhí ke lava ʻa e kau akó ʻo fili e fehuʻi ke nau talí.

Fakataukei Fakatokāteliné: 2 Nīfai 26:33

Taumuʻa ʻo e lēsoní: ʻE tokoni e lēsoni ko ʻení ke ako maʻuloto ʻe he kau akó ʻa e potufolofola fakataukei fakatokāteline mo e kupuʻi lea folofola mahuʻinga ki he 2 Nīfai 26:33, fakamatalaʻi ʻa e tokāteliné, pea fakaʻaongaʻi e ngaahi tefitoʻi moʻoni ki hono maʻu ʻo e ʻilo fakalaumālié ʻi ha ngaahi tūkunga moʻoni ʻo e moʻuí.

• Teuteu ʻa e tokotaha akó: Fakaafeʻi e kau akó ke ako maʻuloto e potufolofolá mo e kupuʻi lea folofola mahuʻingá: 2 Nīfai 26:33, “ʻOku tatau ʻa e kakai fulipē ʻi he ʻao ʻo e ʻOtuá.” Ko e founga ʻe taha ke fai ai ʻení ko hono fakaʻaongaʻi e polokalama Fakataukei Fakatokāteliné.

• Laʻipepa Tufa: “Ko e Talanoa ʻo Siaosi Likifōtí”