“2 Nefia 28:27–32: ‘Izay mandray no homen’ [Andriamanitra] bebe kokoa,’” Bokin’i Môrmôna: Boky torolalana ho an’ny mpampianatra (2024)
“2 Nefia 28:27–32,” Bokin’i Môrmôna: Boky torolalana ho an’ny mpampianatra
2 Nefia 28:27–32
“Izay mandray no homen’ [Andriamanitra] bebe kokoa”
Manana fanontaniana ara-panahy tsy voavaly ve ianao, na maniry ny hivelaran’ny fijoroana ho vavovolombelona anananao haingana kokoa ve ianao indraindray? Nohazavain’i Nefia fa ny fahalalana avy amin’ny Ray any An-danitra dia tonga tsikelikely rehefa vonona ny hanohy handray ny zavatra ampianariny antsika isika. Ity lesona ity dia afaka manampy anao hampitombo ny fahatakaranao ny fomba anambaran’ny Ray any An-danitra fahamarinana amintsika.
Mampianatra ny mpianatra hampihatra ny soratra masina. Ny atao hoe mampihatra ny soratra masina dia mampitaha izany amin’ny fiainan’ny tena manokana. Amporisiho ny mpianatra mba hametraka fanontaniana toy ny hoe: “Inona ireo toe-javatra sy zava-mitranga eo amin’ny fiainako izay mitovy amin’ireo toe-javatra sy zava-mitranga ao amin’ity andinin-tsoratra masina ity?” na “Inona no mampitovy ahy amin’ireo olona izay ianarantsika ao anatin’ny soratra masina?”
Fanomanana ny mpianatra: Asao hamaky ny 2 Nefia 28:30 ny mpianatra ary ho tonga ao am-pianarana efa vonona hizara ohatra iray eo amin’ny fomba ampianaran’ Andriamanitra antsika tsikelikely ny filazantsarany.
Ireo sahanasa azo atao ao anatin’ny fianarana
Mampianatra antsika tsikelikely Andriamanitra
Mba tsy hampiasana ity fifanahafana amina tohatra iray manaraka ity, dia aleo manomboka ny fotoam-pianarana amin’ny alalan’ny fanomezana ny mpianatra iray sakafo matsiro iray izay lehibe loatra ka tsy lany indraim-bava. Rehefa mihinana kely amin’izany ilay mpianatra, dia anontanio azy ireo ny antony nanombohan’izy ireo tamin’ny fihinanana kely fotsiny fa tsy tonga dia nihinana ilay izy iray manontolo. Avy eo dia asao hamaky ny 2 Nefia 28:26–30 ny mpianatra ka hitady ny fomba ahafahan’io lesona ampiasana zavatra azo tsapain-tanana io manampy antsika hahatakatra tsara kokoa ny dingan’ny fampitomboana ny fahalalantsika ara-panahy.
Alaivo sary an-tsaina hoe mijery tohatra lava be iray izay maneho ny fahalalanao sy ny fahatakaranao ara-panahy ianao.
-
Raha toa ka maneho ny fahalalan’ Andriamanitra ny tampon’ilay tohatra, dia aiza araka ny eritreritrao no misy ny ambaratongam-pahalalanao ankehitriny?
-
Inona avy ireo fomba anampian’ Andriamanitra antsika mba hampitombo ny fahalalantsika sy fahatakarantsika ara-panahy rehefa mandeha ny fotoana?
-
Inona no hitranga amin’ny olona iray izay tsy manao ny dingana manaraka fa mahatsapa ho afa-po amin’ny fahalalana efa ananany?
Ao amin’ny 2 Nefia 28, i Nefia dia nanohy ny faminaniany momba ny andro farany. Namaritra ny sasany amin’ireo toe-tsaina izay hanjaka amin’izao androntsika izao izy ary nizara lamina iray izay ampiasain’ny Tompo mba hanampiana antsika handray sy hahatakatra fahamarinana.
Vakio ny 2 Nefia 28:26–30, ary saintsaino ny fomba anampian’ilay fifanahafana amina tohatra anao hahatakatra ireo fahamarinana nampianarin’i Nefia momba ny Tompo. Mety hanampy ny fahafantarana fa ny fitsipika dia didy na fitsipika izay mampianatra antsika ny fomba fanaovana asa.
Ny 2 Nefia 28:30 dia andinin-tsoratra masina fifehezana fotopampianarana. Hevero ny hanisy marika ireo andinin-tsoratra masina fifehezana fotopampianarana amin’ny fomba miavaka mba hahafahanao mahita azy ireny mora foana. Ao amin’ny lesona manaraka ianao dia hanana fahafahana hamerimberina fampiharana ny fotopampianarana nampianarina tao amin’io andininy io amina fanontaniana na toe-javatra iray.
-
Inona no anampian’io andinin-tsoratra masina io anao hahatakatra ny momba ny Tompo? Ahoana no ahafahan’io fahatakarana io mitahy ny fiainanao?
-
Nahoana araka ny eritreritrao no mandà ny fahafahana hianatra tenin’ Andriamanitra misimisy kokoa noho izay efa ananany ny olona sasany?
Avereno vakina ny andininy 30 ary eritrereto ny fomba hamintinanao amin’ny teninao manokana ny zavatra ampianarin’izany. Azonao atao ny mirakitra an-tsoratra ny famintinanao ao amin’ny soratra masinao eo akaikin’io andininy io.
Asao hizara ny famintinan’izy ireo ny mpianatra.
Lamina iray ho an’ny fivoarantsika ara-panahy
Iray amin’ireo fahamarinana hita ao amin’io andinin-tsoratra masina io ny hoe Manambara ny fahamarinana andalan-tsoratra anampy an-dalan-tsoratra amin’ireo izay handray izany Andriamanitra.
-
Ahoana no maha-fitahiana ny hoe mampianatra antsika tsikelikely Andriamanitra fa tsy indray mandeha?
-
Ahoana no ahafahan’ny dingan’ny fianarana tsikelikely manampy antsika ho tonga tahaka ny Ray any An-danitra sy i Jesoa Kristy bebe kokoa? Inona avy ireo toetra tahaka ny an’i Kristy afaka ny ho azontsika iamin’ny alalan’ny fanampiana entin’io dingana io?
ChurchofJesusChrist.org
Mba tsy hampiasana ity sosokevi-pandalinana manaraka ity, dia hevero ny hampiasa ny sahanasa fandalinana tsoratra masina hita ao amin’ny fizarana hoe “Ireo asa fanampiny atao ao anatin’ny fianarana”.
Mamakia roa farafahakeliny amin’ireto andinin-tsoratra masina manaraka ireto mba hitadiavana izay zavatra anampiany ny fahatakaranao ny 2 Nefia 28:30. Hevero ny hampifandray ireo andininy ireo amin’ny 2 Nefia 28:30 ao amin’ny soratra masinao.
-
Inona no nianaranao tamin’ireo andinin-tsoratra masina ireo ka manampy anao hahatakatra kokoa ny 2 Nefia 28:30?
-
Inona avy no ireo ohatra sasantsasany amin’ny fomba ahafahan’ireo fahamarinana ampianarina ao amin’ny 2 Nefia 28:30 manampy olona iray?
-
Oviana no nahitanao an’ Andriamanitra nampianatra tsikelikely teo amin’ny fiainanao na ny fiainan’ireo manodidina anao?
Saintsaino ny fomba nitomboan’ny fahatakaranao sy ny fijoroana ho vavolombelona nanananao tsikelikely rehefa nandeha ny fotoana. Raketo ao amin’ny diary fandalinanao ny zavatra tsapanao fa tian’ny Ray any An-danitra hotadidinao sy hataonao noho ny zavatra nianaranao androany.
Hevero ny hanasa mpianatra manolo-tena vitsivitsy hizara ampahany amin’ny zavatra nosoratan’izy ireo.