Mosaea 4–6

Vaaiga Aoao

Sa faatatau e le Tupu o Peniamina lo tatou natura lē atoatoa o “le tagata natura” (Mosaea 3:19). Sa ia aoao mai e mafai ona tatou faatoilaloina lenei mea e ala i le Togiola a Iesu Keriso. O sa Nifae, na uunaia e aoaoga a le Tupu o Peniamina, sa “faatumulia i le olioli” ma sa lagonaina le “filemu o le mafaufau” a o latou salamo ma maua se faamagaloga o a latou agasala (Mosaea 4:3). Ona aoaoina lea o i latou e le Tupu o Peniamina i le ala e faatumauina ai nei lagona, ma sa ia faamamafa atu le taua o le talitonu i le Atua.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Mosaea 3:19

Faamoemoega o le lesona: O lenei lesona ua faamoemoe e fesoasoani i tagata aoga e saili le fesoasoani a le Faaola i le faatoilaloina o lo latou natura pa’ū.

Sauniuniga a le tagata aoga: Valaaulia tagata e faitau le Mosaea 3:19 ma mafaufau loloto i lona uiga. E mafai foi ona e valaaulia i latou e sue se mau po o se faamatalaga mai se taitai o le Ekalesia e faateleina ai lo latou malamalama i se vaega o lenei fuaiupu.
Ata: O se luko
Anotusi e faaali atu: O le lisi o mau fefaasinoa’i
Fautuaga faafaiaoga faavitio: Mafaufau e valaaulia tagata aoga e galulue i ni vaega toalaiti i potu e vaevae i ai e sue ai se mau se tasi pe sili atu e faalautele ai lo latou malamalama o le Mosaea 3:19. Ona mafai lea e se tasi o vaega taitasi ona faasoa mai se mau na maua e a latou vaega. Mafaufau e valaaulia tagata aoga e faaaoga le matapule o talanoaga e faasoa mai ai mau na latou maua ina ia mafai ai e tagata o le vasega ona tusi i lalo.

Atamai i Aoaoga Faavae: Mosaea 3:19

Faamoemoega o le lesona: E mafai ona fesoasoani lenei lesona i tagata aoga e tauloto le mau faasino o le atamai i aoaoga faavae ma le fasifuaitau autu o le mau mo le Mosaea 3:19. E mafai foi ona fesoasoani ia i latou e faamatala le aoaoga faavae o loo aoaoina i lenei fuaitau ma faaaoga mataupu faavae o le mauaina o le malamalama faaleagaga i tulaga moni o le olaga.

Sauniuniga a le tagata aoga: Valaaulia tagata aoga e amata ona taumafai e tauloto le Mosaea 3:19. Faamalamalama atu o le a e tuuina atu se taimi i le vasega e tauloto ai le fasifuaitau autu o le mau, ae e mafai foi ona aogā ia i latou le faataitai ona taulotoina le fuaiupu atoa.
Fautuaga faafaiaoga faavitio: Mafaufau e valaaulia tagata aoga e faaaoga le vaega o talanoaga e auina mai ai amioga eseese o le tagata natura. Ona tuu atu lea i tagata aoga e filifili po o le fea amioga e faaaoga mo le vaaiga faataitai o le “Faataitai le faaaogaina”.

Mosaea 4

Faamoemoega o le lesona: O lenei lesona e mafai ona fesoasoani i tagata aoga ia malamalama i mea e mafai ona latou faia e maua ma faatumauina ai se faamagaloga o a latou agasala.

Sauniuniga a le tagata aoga: Valaaulia tagata aoga e faitau le Mosaea 4, ma vaavaai pe na faapefea ona aafia tagata ona o Iesu Keriso ma le mea na valaaulia e le Tupu o Peniamina lona nuu e fai pe a uma ona latou maua se faamagaloga o a latou agasala.
Ata: O se tagata o loo amoina ni taga
Fautuaga faafaiaoga faavitio: Ina ia amata le lesona, mafaufau e faaaoga le vaega o le laupapa paepae e faaali atu ai le ata o le tagata o loo amoina taga. E mafai e tagata aoga ona tusi i tafatafa o taga nisi o mea o loo tauaveina e tagata atonu latou te mananao e tausia ma nisi o mea o loo tauaveina e tagata atonu latou te lē mananao e tausia.

Mosaea 4:9–10

Faamoemoega o le lesona: O lenei lesona e mafai ona fesoasoani i tagata aoga e faamalosia ai lo latou talitonuga ma le alofa mo le Atua.

Sauniuniga a le tagata aoga: Valaaulia tagata aoga e o mai i le vasega ma se lisi o mea e tolu i le lima latou te talitonu i ai e uiga i le Atua.
Vitio: “Sau Mulimuli Mai ia te Au” (17:50; matamata mai le faailotaimi 14:17 i le 14:56)
Anomea: Kopi o i ai nei o le lomiga o le konafesi aoao o le Liahona; fasipepa ina ia mafai ai e tagata aoga ona tusi i lalo ma faaali atu o latou talitonuga e uiga i le Atua
Fautuaga faafaiaoga faavitio: E fuafua i le toatele o le vasega, mafaufau e fai faatasi o se vasega le gaoioiga lio i le Mosaea 4:9–10 e faaaoga ai le vaega o le laupapa paepae. I se isi itu, e mafai e tagata aoga ona faaaoga se vaega talitutusa ma galulue i ni paga po o ni vaega toalaiti i potu e vaevae i ai e faamaea ai lenei gaoioiga. Atonu e mananao tagata aoga e pue ata e sefe ai a latou galuega faalevaega e faasino i ai i se taimi mulimuli ane o le lesona.

Atamai i Aoaoga Faavae: Mosaea 4:9

Faamoemoega o le lesona: O lenei lesona o le a fesoasoani i tagata aoga e tauloto le mau faasino o le atamai i aoaoga faavae ma le fasifuaitau autu o mau mo le Mosaea 4:9, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga masani o le olaga.

Sauniuniga a le tagata aoga: Valaaulia tagata aoga e fesili i aiga po o uo pe aisea latou te filifili ai e talitonu i le Atua.
Vitio: “O Lona Alofa Tunoa: Filifili e Talitonu i le Atua” (4:07)
Fautuaga faafaiaoga faavitio: Ina ia iloilo aoaoga a le Tupu o Peniamina i le Mosaea 4:9 i le amataga o le lesona, e mafai e tagata aoga ona taina i totonu o le talanoaga le tele o mea e mafai ona latou manatua na aoao atu e le Tupu o Peniamina i lona nuu ia talitonu e uiga i le Atua i le Mosaea 4:9–10.