“Atamai i Aoaoga Faavae: Mosaea 4:9—‘Ia Talitonu i le Atua,’” Tusi Lesona a le Faiaoga o le Tusi a Mamona (2024)

“Atamai i Aoaoga Faavae: Mosaea 4:9,” Tusi Lesona a le Faiaoga o le Tusi a Mamona

Atamai i Aoaoga Faavae: Mosaea 4:9

“Ia talitonu i le Atua”

talavou o lo o tilotilo i luga, ma mafaufau loloto

I lau suesuega o le Mosaea 4:9–10, ua e aoaoina ai le taua o le talitonu i le Atua. O lenei lesona e mafai ona fesoasoani ia te oe e tauloto mau faasino o le atamai i aoaoga faavae ma le fasifuaitau autu o le mau mo le Mosaea 4:9, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga moni o le olaga.

Taulai Atu i le Tama Faalelagi ma Iesu Keriso. E leai se mea e mafai ona faia e faiaoga o le a sili atu ona faamanuiaina ai tagata aoga nai lo o le fesoasoani ia i latou ia iloa ma alolofa i le Tama Faalelagi ma Iesu Keriso. A o e sauni ma aoao atu, ia faaauau pea ona saili musumusuga i auala e mafai ona e faia ai lenei mea.

Sauniuniga a le tagata aoga: Valaaulia tagata aoga e fesili i aiga po o uo pe aisea latou te filifili ai e talitonu i le Atua.

Gaoioiga e Mafai Ona Aoao Ai

E tatau ona e aoao atu lenei lesona o le fuaitau o le atamai i aoaoga faavae pe a uma le lesona o le “Mosaea 4:9–10,” o le lesona faatatau lea mo le fuaitau o le atamai i aoaoga faavae o le Mosaea 4:9. Afai e te manaomia le tuu o lenei lesona o fuaitau o le atamai i aoaoga faavae i se isi vaiaso, ia mautinoa e aoao atu foi le lesona faatatau i lena lava vaiaso.

Tauloto ma faamatala

O se tasi lea o auala e fesoasoani ai i tagata aoga e faamatala le aoaoga faavae o loo aoaoina i le Mosaea 4:9 i a latou lava upu.

Toe mafaufau i lou aafiaga i le suesueina o le valaaulia a le Tupu o Peniamina i le Mosaea 4:9–10 mo lona nuu ia talitonu i le Atua. Afai e manaomia, mafaufau e toe faitau nei fuaiupu ma toe iloilo le siata na e fatuina i lau api talaaga mo suesuega mai le lesona talu ai.

O a ni uiga po o ni uiga paia taua o le Atua lea na valaaulia ai e le Tupu o Peniamina lona nuu ia talitonu i ai?
E mafai faapefea e le talitonu i nei uiga paia o le Atua ona aafia ai lou olaga?

Filifili se tasi o uiga po o uiga paia o le Atua o loo ta’ua i le Mosaea 4:9–10 lea na aoao atu e le Tupu o Peniamina lona nuu ia talitonu i ai. Faasoa atu pe mafai faapefea ona e faamalamalama atu lenei mea i se tasi e le malamalama i lona uiga.

Valaaulia tagata aoga e tauloto le mau faasino o le fuaitau o le atamai i aoaoga faavae o le Mosaea 4:9 ma lona fasifuaitau autu o le mau o loo i ai faatasi “Ia talitonu i le Atua; … ia talitonu ua ia te ia le poto uma.” O se tasi lea o faataitaiga o le auala e fai ai lenei mea.

I lau api talaaga mo suesuega, tusi le upu talitonu i mataitusi tetele. I lalo ifo o lenei, tusi ai le fasifuaitau i le Atua, ma i lalo ifo o lenei tusi ai le fasifuaitau ia talitonu ua ia te ia le poto uma. Ona tusi lea o le mau faasino Mosaea 4:9 i mataitusi tetele i le pito i lalo. Amata mai le pito i luga, fai leotele laina taitasi a o e faasino atu i le upu, fasifuaitau, po o le mau faasino. Toe fai faatele le gaoioiga lenei seia oo ina e tuuto atu lenei mea i le manatuaga.

O se isi gaoioiga e ese mai ai, mafaufau e tusi le upu talitonu i luga o le laupapa. Faamalamalama atu o lenei upu e faalua ona faaali mai i le fasifuaitau autu o le mau mo le Mosaea 4:9. Valaaulia tagata aoga e tauloto muamua le fasifuaitau “Ia talitonu i le Atua,” ona sosoo ai lea ma le fasifuaitau “ia talitonu ua ia te ia le poto uma.” Ma le isi, tuu ia i latou e tauloto le mau faasino o le Mosaea 4:9. Ona valaaulia lea o ni tagata aoga se toatolu e o mai i luma o le potu. Tofi tagata aoga taitasi e toe fai se tasi o vaega ua taulotoina. Toe fai faatasi ma tagata aoga i vaega taitoatolu le mea lenei e fesoasoani ai ia i latou e tuuto atu le fasifuaitau autu ma le mau faasino i le manatuaga.

Faataitai le faaaogaina

Valaaulia tagata aoga e toe faamanatu ia mataupu faavae o le mauaina o le malamalama faaleagaga. E mafai ona latou faamaeaina mea nei i se taimi faatulagaina. E mafai ona e fetuunaia lenei gaoioiga e ala i le lisiina o mataupu faavae o se vasega ona valaaulia lea o tagata aoga e filifili se mataupu faavae se tasi ma faamatala pe na faapefea ona latou faaaogaina ae pe mafai foi ona faaaogaina. E mafai e tagata aoga ona aoao e le tasi le isi ina ia toe faamanatu ai mataupu faavae uma e tolu.

Toe iloilo mataupu faavae o le mauaina o le malamalama faaleagaga i parakalafa 5–12 i le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae (2022). E mafai ona e taumafai e lisi mataupu faavae uma e tolu mai lou manatuaga. Ona tusi lea i lau api talaaga mo suesuega pe na faapefea ona e faaaogaina, ae pe mafai foi ona faaaoga, nei mataupu faavae i lou olaga.

O Myra o loo i totonu o se vasega lea e ulagia ai e le faiaoga ia tapuaiga ma e lē talitonu i le Atua. O nei faamatalaga na faalavelave ia Myra i le taimi muamua, ae i le silia ma ni nai masina i le vasega, ua amata ona ia mafaufau pe faamata e sa’o lona faiaoga. Sa talitonu lava o ia i taimi uma i le Atua, ae o lenei ua ia lagona atonu ua amata ona ia masalosalo i le i ai o le Atua.

4:7

Faaaoga mataupu faavae o le mauaina o le malamalama faaleagaga ma le aoaoga faavae i le Mosaea 4:9 e fesoasoani ai i le tulaga o Myra po o se isi tulaga faataitai e fesootai i le talitonu i le Atua e sili atu ona talafeagai i lou olaga.

E te lē tau fesili faasolosolo atu fesili nei i le vasega. E tatau ona avea i latou ma faataitaiga o fesili e mafai ona e fai atu ao faataitai e tagata aoga le faaaogaina o mataupu faavae o le mauaina o le malamalama faaleagaga. Tuu i tagata aoga e fesili ma tali fesili a le tasi ma le isi. Saili le taitaiga a le Agaga Paia ia iloa ai le taimi e fesili ai ma le taimi e le faia ai ni fesili tulitatao (pe o lo o lisi atu iinei po o isi).

Faatino i le faatuatua

O a ni faatinoga faamaoni e mafai ona faia e se tasi pe afai o loo latou tauivi e talitonu i le Atua?
E mafai faapefea e le faia o nei faatinoga ona fesoasoani ia i latou?

Iloilo manatu faavae ma fesili ma se vaaiga e faavavau.

O a aoaoga mai le Mosaea 4:9 e mafai ona fesoasoani i se tasi i lenei tulaga ia maua ai se vaaiga e faavavau?
E mafai faapefea e le filifiliga a se tasi e talitonu pe lē talitonu i le Atua ona aafia ai lo latou lumanai?

Saili le malamalama atili e ala i punavai mamana ua filifilia

O a ni fuaitau o mau po o ni aafiaga faaopoopo (na maua e oe po o isi) e mafai ona fesoasoani i se tasi o i ai lenei luitau?
O fea se isi mea e mafai e tagata ona maua ai faamatalaga e fesoasoani ai ia i latou i lenei tulaga? Saili ia lē itiiti ifo ma le tasi se isi punavai ma faamatala pe mafai faapefea ona fesoasoani.

Ina ia faaiu lenei lesona, atonu e te manao e valaaulia tagata aoga e mafaufau i tulaga sa latou oo i ai po o isi foi sa i ai pe atonu foi o i ai e ono luitauina ai lo latou talitonuga i le Atua ma fesoasoani ia i latou e saunia mo nei aafiaga. E mafai ona e faia lenei mea i le fai atu i tagata aoga o nisi o fesili nei:

E mafai faapefea e lou aafiaga i le asō ona fesoasoani i nei tulaga?
O a ni mea patino e te manao e manatua pe a luitauina lou talitonuga i le Atua?

I le avea ai ma se vaega o lenei talanoaga, molimau atu, pe valaaulia tagata aoga e molimau mai, i le taua o le talitonu i le Atua.

Iloiloga o le atamai i aoaoga faavae

Faaaoga le gaoioiga toeiloilo lenei i se lesona o le a e aoao atu i le taimi lava e maea ai le gaoioiga lenei.

Amata ona tusi le mau faasino o le Mosaea 4:9 ma le fasifuaitau autu o le mau Ia talitonu i le Atua; … ia talitonu ua ia te ia le poto uma i luga o le laupapa ia tasi le upu i le taimi. A o lei tusia le isi upu, taofi e vaai pe mafai ona ta’u mai e tagata aoga ae e te lei tusiaina. Toe fai lenei mea mo ni nai taimi seia oo ina mafai ona toe fai mai e tagata aoga mai manatuaga.