Mosaea 7–10

Vaaiga Aoao

O leMosaea 5 o lo o i ai le faaiuga o le lauga a le Tupu o Peniamina i lona nuu ina ua ia faapotopotoina faatasi i latou e tuu atu ia i latou se igoa (tagai Mosaea 1:11). I le Mosaea 7–8, na taitai ai e Amona le Tupu o Limae i le perofeta ma faamatala atu foi upumoni taua e uiga i le matafaioi a perofeta, tagatavaai, ma talifaaaliga. I le Mosaea 9–10, sa matuai taulai atu Senifa i le toe foi atu i le laueleele o Nifae ma toe fausia aai iina lea na ia le amanaiaina ai nisi o taunuuga le lelei e ono oo mai i lana faaiuga. Ina ua uma ona oo i nisi o taunuuga, sa liliu atu Senifa ma lona nuu i le Alii i le faatuatua.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Mosaea 5:1–5

Faamoemoega o le lesona: O lenei lesona e mafai ona fesoasoani i tagata aoga e faateleina lo latou naunautaiga e sui pe faaauau pea ona suia faatasi ma le fesoasoani a le Alii.

Sauniuniga a le tagata aoga: Valaaulia tagata aoga e mafaufau po o le a le mea e mafua ai ona latou mananao e faalatalata atili atu i le Tama Faalelagi ma Iesu Keriso.
Vitio: “Ua Osia e le Nuu o le Tupu o Peniamina se Feagaiga” (3:40; matamata mai le faailotaimi 0:00 i le 1:37); “Suiga: O Se Avanoa i Taimi Uma!” (40:43; matamata mai le faailotaimi 37:24 i le 40:06); “O Se Liuga o le Loto” (4:39)
Anotusi e faaali atu: O le siata e uiga i le suiga, a le o le faaali atu pe kopi i luga o le laupapa
Fautuaga faafaiaoga faavitio: Mafaufau e faaaoga le meafaigaluega o le laupapa paepae e ta ai le vaega muamua o le fuaiupu, “A o suia o tatou loto e ala i le Agaga o le Alii, tatou te …” Ona tuu atu lea i tagata aoga eseese e faauma le fuaiupu e faavae i a latou suesuega o le Mosaea 5:1–5.

Mosaea 5:6–15

Faamoemoega o le lesona: O lenei lesona e mafai ona fesoasoani i tagata aoga ia malamalama i le taua o le tauaveina i o latou luga o le suafa o Iesu Keriso.

Sauniuniga a le tagata aoga: Valaaulia tagata aoga e mafaufau loloto i le fesili “O le a le uiga o le tauave i ou lava luga o le suafa o Keriso?”
Vitio: “Suafa o Keriso” (3:51)
Fautuaga faafaiaoga faavitio: Mafaufau e valaaulia tagata aoga e faamaea le siata i se pepa o faamatalaga i luga o a latou masini. Valaaulia i latou e faasoa mai a latou lau faatasi ma a latou siata ua maea. Afai e te filifili e fai lenei mea, ia muai faailoa i tagata aoga o le a valaaulia i latou e faasoa mai a latou lau ma le siata.

Mosaea 7–8

Faamoemoega o le lesona: O lenei lesona e mafai ona fesoasoani i tagata aoga ia malamalama i le taua o le matafaioi a perofeta o ni tagatavaai i le fuafuaga a le Tama Faalelagi.

Sauniuniga a le tagata aoga: Mafaufau e valaaulia tagata aoga e mafaufau pe faapefea ona latou tali atu pe a fesiligia e se tasi i latou pe aisea latou te talitonu ai i perofeta.
Anotusi e faaali atu: O le siata o malaga i le tusi a Mosaea, o loo faaali atu po o kopiina i luga o le laupapa (E mafai foi ona taatia e fai ma ni faamatalaga faasino mo le lesona e sosoo ai.)
Fautuaga faafaiaoga faavitio: A oo i le taimi mo tagata aoga e faamaea ai se tasi o gaoioiga e uiga i le taua o tagatavaai, mafaufau e faaali filifiliga i luga o le lau po o le tuu i luga o le talanoaga. Pe a saunia tagata aoga e faasoa mai mea na latou maua, valaaulia i latou e ta i totonu o le talanoaga le numera o le gaoioiga na latou faamaeaina. Ona valaau atu lea i ni nai tagata aoga o e na faamaeaina isi gaoioiga e ese mai ai e faasoa mai mea sa latou mauaina.

Mosaea 9–10

Faamoemoega o le lesona: E mafai ona fesoasoani lenei lesona i tagata aoga e iloa ai pe faapefea ona latou maua le malosi mai le Alii a o latou tatalo ma o atu i luma i le faatuatua.

Sauniuniga a le tagata aoga: Valaaulia tagata aoga e sue se faauigaga o le upu soona-naunau. Uunaia i latou e o mai saunia e faasoa mai mea e soona naunau i ai le tupulaga talavou i nisi taimi ma luitau e mafai ona iu i ai.
Anotusi e faaali atu: O le ata o le gasetoto; o le fesili e uiga i le gasetoto, a le o le faaali atu po o le tusia i luga o le laupapa; o le ata o malaga i le tusi a Mosaea; o fuaiupu ma fesili i lalo o le ulutala “Liliu atu i le Alii”
Vitio: “Tatalo” (4:12)
Fautuaga faafaiaoga faavitio: Pe a e taunuu i le vaaiga faataitai i le faaiuga o le lesona, valaaulia tagata aoga e tali fesili e faaaoga ai le vaega o talanoaga. Ona filifili lea o ni nai tali e faasoa atu i le vasega.

Atamai i Aoaoga Faavae Iloiloga 7

Faamoemoega o le lesona: O lenei lesona e mafai ona fesoasoani i tagata aoga e aoao ai i le auala e faaaoga ai le aoaoga faavae o lo o aoaoina i fuaitau o le atamai i aoaoga faavae i tulaga moni o le olaga.

Sauniuniga a le tagata aoga: Valaaulia tagata aoga e iloilo ni nai fuaitau o le atamai i aoaoga faavae ua uma ona latou suesueina ma mafaufau loloto pe faapefea ona faatatau na fuaitau i le olaga o se talavou i aso nei.
Vitio: “Ua Ia Aoao i Tatou e Tuu Ese le Tagata Natura” (10:51; matamata mai le faailotaimi 0:00 i le 5:15)
Anotusi e faaali atu: O le siata o fuaitau o le atamai i aoaoga faavae ma fasifuaitau autu o mau; o faatonuga mo le tusi
Fautuaga faafaiaoga faavitio: I le lata ai i le faaiuga o le lesona, a uma ona tusi e tagata aoga a latou tusi, vaevae tagata aoga i potu e talanoa ai ina ia mafai ona latou faasoa mai mea na latou tusia. Faamanatu ia i latou e faasoa mai foi le vaaiga faataitai na latou fatuina. A latou toe foi mai i le vasega, valaaulia se tagata aoga se toatasi i vaega taitasi e faasoa mai se mea na faagaeetia ai i latou e uiga i le tusi a se isi tagata aoga.