«Վարդապետության սերտման կրկնություն 8. Մտապահել հղումները և սուրբ գրությունների հիմնական արտահայտությունները», Մորմոնի Գիրքը. Ուսուցչի ձեռնարկ (2024)
«Վարդապետության սերտման կրկնություն 8», Մորմոնի Գիրքը. Ուսուցչի ձեռնարկ
Վարդապետության սերտման կրկնություն 8
Մտապահել սուրբ գրությունների հղումները և հիմնական արտահայտությունները
Մտապահելով սուրբ գրությունների հղումները և դրանց ուսուցանածը՝ օգուտներ կքաղեք բազմաթիվ առումներով: Այս դասի նպատակն է օգնել ձեզ մտապահել սուրբ գրությունների մեկ կամ մի քանի հղում և սուրբ գրությունների հիմնական արտահայտությունները Մորմոնի Գրքի վարդապետության սերտման առաջին 12 հատվածներից:
Օգտագործեք գեղանկարներ կամ այլ նկարներ: Որպեսզի օգնեք ուսանողներին հիշել ավետարանի պատմությունները, վարդապետությունը և սկզբունքները, օգտագործեք նկարներ, այդ թվում՝ գեղանկարներ և գծապատկերներ: Ուսանողներին առաջարկեք նկարներին նայելիս ուշադրություն դարձնել իրենց զգացողություններին և մտքերին:
Ուսանողի նախապատրաստում. կարող եք ուսանողներին առաջարկել բերել Հիսուս Քրիստոսի իրենց սիրած նկարը կամ պատրաստվել նկարագրելու այն և պատմել, թե նկարի օգնությամբ ինչ են կարողանում հիշել Նրա մասին:
Հնարավոր ուսումնական վարժություններ
Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Ուսումնասիրեք շրջանի կամ տարածաշրջանի տնօրենի կամ համակարգողի կողմից տրամադրված ժամանակացույցը, որպեսզի հավաստիանաք, որ սուրբ գրությունների վարդապետության սերտման յուրաքանչյուր հատվածի դասն անցկացվելու է այն ժամանակ, երբ ընթանում են սեմինարիայի դասերը:
Նկարներ և հիշողություն
Եթե ուսանողներն ավարտել են պատրաստվելը, առաջարկեք նրանց ցույց տալ իրենց բերած նկարը և կիսվել իրենց մտքերով: Կարող եք նրանց նաև մի քանի րոպե հատկացնել, որպեսզի իրենց էլեկտրոնային սարքում (եթե ունեն) որևէ նկար որոնեն: Որպես այլընտրանք ցուցադրեք Փրկչի նկարները և ուսանողներին առաջարկեք պատասխանել ստորև ներկայացվող հարցին:
-
Ի՞նչ կարող ենք սովորել Հիսուս Քրիստոսի մասին՝ այս նկարներին նայելով:
Նկարները կարող են օգնել մեզ կարևոր իրադարձություններ կամ ճշմարտություններ հիշել: Այս դասի ընթացքում դուք հնարավորություն կունենաք օգտագործել նկարներ, որոնք օգնում են ձեզ մտապահել սուրբ գրությունների հղումները և հիմնական արտահայտությունները Մորմոնի Գրքի վարդապետության սերտման որոշ հատվածների համար:
Մորմոնի Գրքի վարդապետության սերտման առաջին 12 հատվածները թվարկված են ստորև: Կարող եք նշել այդ հատվածները և դրանց սուրբ գրությունների հիմնական արտահայտությունները:
Ցուցադրեք հետևյալ աղյուսակը, որպեսզի ուսանողները կարողանան օգտվել դրանից դասի ընթացքում:
Սուրբ գրությունների հղումներ |
Սուրբ գրության հիմնական արտահայտությունը |
---|---|
Սուրբ գրությունների հղումներ | Սուրբ գրության հիմնական արտահայտությունը «Ես կգնամ ու կանեմ այն բաները, որոնք Տերը պատվիրել է»: |
Սուրբ գրությունների հղումներ | Սուրբ գրության հիմնական արտահայտությունը «Ադամն ընկավ, որպեսզի մարդիկ լինեն. և մարդիկ կան, որպեսզի ունենան ուրախություն»: |
Սուրբ գրությունների հղումներ | Սուրբ գրության հիմնական արտահայտությունը «Նրանք ազատ են ընտրելու ազատություն և հավերժական կյանք … կամ … գերություն և մահ»: |
Սուրբ գրությունների հղումներ | Սուրբ գրության հիմնական արտահայտությունը «Բոլորը նույն են Աստծո համար»։ |
Սուրբ գրությունների հղումներ | Սուրբ գրության հիմնական արտահայտությունը Աստված «կտա մարդկանց զավակներին՝ տող առ տող, ցուցում առ ցուցում»: |
Սուրբ գրությունների հղումներ | Սուրբ գրության հիմնական արտահայտությունը «Սնվեք Քրիստոսի խոսքերով. Քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»: |
Սուրբ գրությունների հղումներ | Սուրբ գրության հիմնական արտահայտությունը «Դուք պետք է միշտ աղոթեք»: |
Սուրբ գրությունների հղումներ | Սուրբ գրության հիմնական արտահայտությունը «Երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք»: |
Սուրբ գրությունների հղումներ | Սուրբ գրության հիմնական արտահայտությունը «Նրանք, ովքեր պահում են Աստծո պատվիրանները … օրհնված են բոլոր բաներում»։ |
Սուրբ գրությունների հղումներ | Սուրբ գրության հիմնական արտահայտությունը «[Հանեք] բնական մարդուն և [դարձեք] սուրբ, Տեր Քրիստոսի Քավությամբ»։ |
Սուրբ գրությունների հղումներ | Սուրբ գրության հիմնական արտահայտությունը «Հավատացեք Աստծուն, … հավատացեք, որ Նա ունի բոլոր իմաստությունը»։ |
Սուրբ գրությունների հղումներ | Սուրբ գրության հիմնական արտահայտությունը «Մկրտվեք Տիրոջ անունով՝ … որպես մի վկայություն … որ դուք մտել եք նրա հետ ուխտի մեջ»։ |
Կապեք նկարները ավետարանի ուսմունքների հետ
Ուսումնասիրեք սուրբ գրությունների հետևյալ հղումները և փորձեք հիշել դրանց հիմնական արտահայտությունները: Անհրաժեշտության դեպքում օգտվեք վերևի աղյուսակից: Ապա սուրբ գրությունների յուրաքանչյուր հղում կապեք այն նկարի հետ, որը լավագույնս պատկերում է սուրբ գրության տվյալ հատվածի ուսմունքը:
Կարող եք բազմաթիվ նկարներ ցույց տալ, որոնք կարող են առնչվել ստորև ներկայացված հատվածներին և առաջարկել ուսանողներին ընտրել այն նկարները, որոնք առավել շատ են համապատասխանում և բացատրել՝ ինչու: Որպես այլընտրանք առաջարկեք ուսանողներին Church Media Library-ում որոնել նկարներ, որոնք կօգեն նրանց հիշել ստորև ներկայացվող հատվածների ճշմարտությունները:
Պատկերեք նկար
Հետևյալ վարժությունը կարելի է կատարել անհատապես, զույգերով կամ փոքր խմբերով: Կարող եք որպես օրինակ դասարանի հետ մի նկար նկարել, ապա ուսանողներին առաջարկել նկարել իրենցը:
Ընտրեք վարդապետության սերտման որևէ հղում և սուրբ գրության հիմնական արտահայտությունը, որը կցանկանայիք ավելի լավ հիշել: Մի նկար նկարեք, որը կօգնի ձեզ հիշել սուրբ գրության հիմնական արտահայտությունը, նաև ներառեք հղումը: Ձեր նկարը կարող է որևէ տեսարան պատկերել, կամ այն կարող է տարբեր նկարներից կազմված լինել, որոնք ցույց են տալիս սուրբ գրության հիմնական արտահայտությունը: Օրինակ՝ հետևյալ նկարը կարող է օգնել ձեզ հիշել 2 Նեփի 2.25 հատվածը. «Ադամն ընկավ, որպեսզի մարդիկ լինեն. և մարդիկ կան, որպեսզի ունենան ուրախություն»: Եթե ժամանակ ունեք, կարող եք պատրաստել մի բան, որը կօգնի ձեզ մտապահել ձեր ընտրած ամբողջ հատվածը:
Ուսանողներին հնարավորություն տվեք իրենց նկարներով կիսվել զույգերով, փոքր խմբերով կամ դասարանի հետ: Խնդրեք նրանց բացատրել, թե նկարն ինչպես կօգնի իրենց հիշել սուրբ գրության հղումը և հիմնական արտահայտությունը: Ուսանողներին առաջարկեք իրենց նկարով ընտանիքի կամ ընկերոջ հետ կիսվելու հնարավորություն փնտրել: Կարող եք օգտագործել ստորև ներկայացվող հարցերը, որպեսզի օգնեք նրանց խորացնել իրենց ընտրած հատվածի մասին հասկացողությունը:
-
Ի՞նչ է օգնում ձեզ հասկանալ այս հատվածը Հիսուս Քրիստոսի և Նրա ավետարանի մասին:
-
Ինչպե՞ս կարող է այս հատվածի մտապահումն օգնել ձեզ հիշել կամ ավելի նմանվել Փրկչին:
-
Դուք կամ ուրիշները ի՞նչ փորձառություն եք ունեցել, որը կապված է սուրբ գրությունների այս հատվածի վարդապետության հետ: