Mosiah 18–24

Kinatibuk-ang Pagpasabot

Gitudloan ni Alma ang iyang katawhan diha sa kilid sa mga Tubig sa Mormon mahitungod sa pakigsaad nga atong gihimo uban sa Dios sa dihang kita gibunyagan. Sa samang higayon, nagsalikway kang Abinadi, si Hari Noah ug ang iyang katawhan nawad-an sa mga panalangin sa kahilwasan [safety] ug nakasinati og dakong pag-antos. Ang Mosiah 21–24 naghulagway sa mga kasinatian sa katawhan ni Limhi ug sa katawhan ni Alma, kinsa parehong nakasugat og lisod nga mga hagit. Kini nga mga grupo midangop ngadto sa Ginoo alang sa kusog ug kaluwasan gikan sa pagkabihag.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Mosiah 18

Katuyoan sa leksiyon: Kini nga leksiyon makatabang sa mga estudyante nga mas makasabot sa pakigsaad sa bunyag ug sa unsang paagi kini makaimpluwensiya sa ilang relasyon sa Dios ug sa uban.

• Pagpangandam sa estudyante: Ikonsiderar ang pagdapit sa mga estudyante sa pagdala og hulagway o entry sa journal gikan sa adlaw sa ilang bunyag ngadto sa klase. Mahimo usab nilang pangutan-on ang uban nga anaa didto kon unsa ang ilang nahinumdoman. Bisan kinsa nga wala pa mabunyagi mahimong motambong nga andam mopaambit sa ilang mga hunahuna ug mga pagbati nga ilang nasinati samtang nagtambong sa usa ka bunyag o mangutana og mga pangutana nga aduna sila bahin sa bunyag.

• Bidyo: “Mata aron sa Pagtan-aw” (9:44; tan-awa gikan sa time code 4:55 hangtod sa 6:53)

• Sugyot sa pagtudlo pinaagi sa videoconference: Sa dili pa ang klase, ikonsiderar ang pagdapit sa mga estudyante sa paghatag kanimo og hulagway nga gikuha sa adlaw sa ilang bunyag. Ipakita kini nga mga hulagway sa pagsugod sa klase, ug dapita ang mga estudyante sa pagsulay sa pag-ila kon kang kinsa nga mga hulagway kini. Dayon dapita ang mga estudyante sa pagpaambit sa mga nahinumdoman ug sa mga pagbati nila gikan sa ilang mga bunyag.

Doktrinal nga Kahanas: Mosiah 18:8–10

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran ug sa mahinungdanon nga hugpong sa mga pulong sa kasulatan sa Mosiah 18:8–10, mapasabot ang doktrina nga gitudlo niadto nga mga bersikulo, ug magamit ang mga baroganan sa pag-angkon og espirituhanong kahibalo sa tinud-anay nga mga senaryo gamit niini nga tudling sa kasulatan.

• Pagpangandam sa estudyante: Ikonsiderar ang pagdapit sa mga estudyante sa pagsulay sa pagsag-ulo sa pakisayran ug sa mahinungdanon nga hugpong sa mga pulong sa kasulatan sa Mosiah 18:8–10.

• Content nga ipakita: Ang mahinungdanon nga hugpong sa mga pulong sa kasulatan sa Mosiah 18:8–10, mahimong gisulat diha sa pisara nga gisagol-sagol ang pagkahan-ay o gisulat sa nagkalainlain nga mga piraso sa papel ug gibutang sa pisara nga gisagol-sagol ang pagkahan-ay

• Sugyot sa pagtudlo pinaagi sa videoconference: Ikonsiderar ang pagpakita sa tulo ka mga baroganan sa pag-angkon og espirituhanong kahibalo isip mga ulohan sa usa ka dokumento nga ma-edit sa mga estudyante. Dapita ang mga estudyante sa pagrebyo niini nga mga baroganan pinaagi sa pag-type sa unsay ilang nahinumdoman mahitungod sa matag baroganan ubos sa ulohan niini.

Mosiah 19–20

Katuyoan sa leksiyon: Kini nga leksiyon makatabang sa mga estudyante nga mobati og mas dakong tinguha nga mopatalinghog sa mga pasidaan ug mga pagtulun-an sa mga propeta sa Ginoo.

• Pagpangandam sa estudyante: Dapita ang mga estudyante sa paghunahuna og ehemplo gikan sa mga kasulatan o sa ilang kaugalingong mga kinabuhi nga nagsuporta sa mosunod nga pamahayag. Dasiga sila sa pagtambong sa klase nga andam sa pagpaambit sa ilang ehemplo. “Gipakita sa kasaysayan nga adunay kahilwasan [safety], kalinaw, kauswagan, ug kalipay sa pagsanong sa propetikanhong tambag” (M. Russell Ballard, “His Word Ye Shall Receive,” Ensign, Mayo 2001, 65).

• Mga Hulagway: Mga hulagway sa mga himan o butang sa kahilwasan [safety items], hulagway ni Abinadi sa atubangan ni Hari Noah; ang dayagram sa mga panaw taliwala sa Zarahemla ug sa yuta sa Nephi

• Materyal sa pagtuon: Pisikal nga mga kopya sa Alang sa Kalig-on sa mga Kabatan-onan (booklet, 2011) alang sa mga estudyante nga dili maka-access sa booklet sa electronic nga device

• Sugyot sa pagtudlo pinaagi sa videoconference: Sa pagsugod sa klase, hangyoa ang mga estudyante sa pagpangita sa ilang balay og butang nga gidisenyo aron sila luwas. Dapita sila sa pagpakita sa butang ngadto sa klase.

Mosiah 21–24, Bahin 1

Katuyoan sa leksiyon: Kini nga leksiyon gituyo aron matabangan ang mga estudyante nga mobati og dugang nga pagsalig sa Langitnong Amahan ug ni Jesukristo kon makasinati sila og mga pagsulay ug mga kasakit sa ilang mga kinabuhi.

• Pagpangandam sa estudyante: Mahimong dapiton ang mga estudyante sa paghunahuna mahitungod sa nangaging pagsulay o hagit nga nakatabang nila nga masinati ang paglambo o mas maduol ngadto sa Ginoo. Dasiga ang mga estudyante sa pagtambong nga andam sa pagpaambit sa unsay ilang nakat-onan o sa unsang paagi kini nga pagsulay mahimong positibong nakaimpluwensiya kanila.

• Mga Butang: Usa ka backpack ug pipila ka bug-at nga mga butang nga ikabutang sulod niini

• Hulagway: Ang dayagram sa mga panaw taliwala sa Zarahemla, sa yuta sa Nephi, sa mga Tubig sa Mormon, ug sa yuta sa Helam

• Sugyot sa pagtudlo pinaagi sa videoconference: Diha sa seksiyon nga “Nganong gitugotan sa Ginoo ang mga pagsulay,” ikonsiderar ang pagdapit sa katunga sa klase sa pagtuon sa mga bersikulo mahitungod sa mga katawhan ni Limhi ug ang laing katunga sa pagtuon sa mga bersikulo mahitungod sa mga katawhan ni Alma. Gamita ang mga breakout room aron mahisgotan sa mga estudyante ang ilang nakat-onan, ug pangutan-a ang matag grupo og follow-up nga mga pangutana.

Mosiah 21–24, Bahin 2

Katuyoan sa leksiyon: Kini nga leksiyon gituyo aron matabangan ang mga estudyante nga mosalig sa Langitnong Amahan ug ni Jesukristo sa pagtabang nila sa ilang mga pagsulay.

• Pagpangandam sa estudyante: Mahimong makig-istorya ang mga estudyante sa usa ka sakop sa pamilya mahitungod sa usa ka pagsulay o kasakit nga nasinati sa sakop sa pamilya ug mga paagi nga ang Ginoo milig-on kaniya sa paglahutay niini.

• Hulagway: Ang dayagram sa mga panaw taliwala sa Zarahemla, sa yuta sa Nephi, sa mga Tubig sa Mormon, ug sa yuta sa Helam

• Handout: “Mosiah 21–24: Kusog ug Kaluwasan”

• Sugyot sa pagtudlo pinaagi sa videoconference: Kon makompleto na sa mga estudyante ang pagsulat sa tsart, ikonsiderar ang paggamit sa whiteboard function o ipaambit ang imong screen ngadto kanila aron ilang mapakita ang ilang paborito nga hugpong sa mga pulong gikan sa mga kasulatan nga ilang natun-an.