Mosaea 18–24

Vaaiga Aoao

Na aoao e Alema lona nuu i tafatafa o le Vai o Mamona e uiga i le feagaiga tatou te osia ma le Atua pe a papatisoina i tatou . O le taimi lea, i le teenaina ai o Apinati, na le maua ai e le Tupu o Noa ma lona nuu faamanuiaga o le saogalemu ma oo ai i mafatiaga tetele. O leMosaea 21–24 o loo faamatala mai ai aafiaga o le nuu o Limae ma le nuu o Alema, o e na fetaiai uma ma luitau faigata. O nei vaega na liliu atu i le Alii mo le malosi ma le laveaiga mai le faatagataotauaina.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Mosaea 18

Faamoemoega o le lesona: O lenei lesona e mafai ona fesoasoani i tagata aoga ia malamalama atili ai i feagaiga o le papatisoga ma le auala e mafai ona aafia ai lo latou sootaga ma le Atua ma isi.

Sauniuniga a le tagata aoga: Mafaufau e valaaulia tagata aoga e aumai se ata po o se tusiga i le api talaaga mai le aso o lo latou papatisoga i le vasega. E mafai foi ona latou fesili atu i isi o e sa i ai iina [i le papatisoga] i mea latou te manatuaina. O soo se tasi e lei papatisoina e mafai ona sau saunia e faasoa mai manatu ma lagona na latou oo i ai a o auai i se papatisoga po o ni a latou fesili atonu o i ai e uiga i le papatisoga.
Vitio: “No Cussing Club” (4:56); “Eyes to See” (9:44; matamata mai le faailotaimi 4:55 i le 6:53); “Dayton’s Legs” (3:02)
Fautuaga faafaiaoga faavitio: A o lei amataina le vasega, mafaufau e valaaulia tagata aoga e tuuina atu se ata na pueina i le aso o lo latou papatisoga. Faaali atu ata nei e amata ai le vasega, ma valaaulia tagata aoga e taumafai e faailoa mai po o ai e onaina le ata. Ona valaaulia lea o tagata aoga e faasoa mai manatuaga ma lagona mai o latou papatisoga.

Atamai i Aoaoga Faavae: Mosaea 18:8–10

Faamoemoega o le lesona: O lenei lesona e mafai ona fesoasoani ai i tagata aoga e tauloto le mau faasino ma le fasifuaitau autu o le mau mo le Mosaea 18:8–10, faamatala le aoaoga faavae na aoao mai i na fuaiupu, ma faaaoga mataupu faavae o le mauaina o le malamalama faaleagaga i tulaga masani o le olaga e faaaoga ai lenei fuaitau o le mau.

Sauniuniga a le tagata aoga: Mafaufau e valaaulia tagata aoga e taumafai e tauloto le mau faasino ma le fasifuaitau autu o le mau mo le Mosaea 18:8–10.
Anotusi e faaali atu: O le fasifuaitau autu o le mau mo le Mosaea 18:8–10, a le o le tusia i luga o le laupapa i se faasologa faafefiloi po o le tusia i ni fasipepa eseese ma tuu i luga o le laupapa i se faasologa faafefiloi
Fautuaga faafaiaoga faavitio: Mafaufau e faaali atu mataupu faavae e tolu o le mauaina o le malamalama faaleagaga o ni ulutala i luga o se pepa o faamatalaga e mafai ona faasa’o e tagata aoga. Valaaulia tagata aoga e toe faamanatu nei mataupu faavae e ala i le taina o mea latou te manatua e uiga i mataupu faavae taitasi i lalo o lona ulutala.

Mosaea 19–20

Faamoemoega o le lesona: O lenei lesona e mafai ona fesoasoani i tagata aoga ia lagonaina se naunautaiga sili atu e ua’i atu i lapataiga ma aoaoga a perofeta a le Alii.

Sauniuniga a le tagata aoga: Valaaulia tagata aoga e mafaufau i se faataitaiga mai tusitusiga paia po o o latou lava olaga e lagolagoina le faamatalaga lenei. Fautuaina i latou e o mai saunia i le vasega e faasoa mai a latou faataitaiga. “Ua faaalia i talafaasolopito o loo i ai le saogalemu, filemu, manuia, ma le fiafia i le tali atu i fautuaga faaperofeta” (M. Russell Ballard, “His Word Ye Shall Receive,” Ensign, Me 2001, 65).
Ata: Ata o aitema saogalemu po o meafaigaluega; o se ata o Apinati i luma o le Tupu o Noa; o le ata o malaga i le va o Saraemila ma le laueleele o Nifae
Anomea mo suesuega: Kopi lolomi o le Mo Le Malosi o le Autalavou (tamaitusi, 2011) mo tagata aoga o e e le mafai ona maua le tamaitusi i luga o se masini eletonika
Fautuaga faafaiaoga faavitio: I le amataga o le vasega, fai i le vasega e saili lo latou fale mo se mea faitino ua fuafuaina ina ia saogalemu ai i latou. Valaaulia i latou e faaali atu le meafaitino i le vasega.

Mosaea 21–24, Vaega 1

Faamoemoega o le lesona: O lenei lesona ua faamoemoe e fesoasoani ai i tagata aoga ia lagonaina le faateleina o le faalagolago i le Tama Faalelagi ma Iesu Keriso pe a latou feagai ma tofotofoga ma puapuaga i o latou olaga.

Sauniuniga a le tagata aoga: E mafai ona valaaulia tagata aoga e mafaufau e uiga i se tofotofoga ua tuanai po o se luitau na fesoasoani ia i latou e lagona ai le tuputupu ae pe faalatalata atili atu ai i le Alii. Fautuaina tagata aoga e o mai saunia e faasoa mai mea na latou aoaoina po o auala na aafia ai i latou i se tulaga lelei e lenei tofotofoga.
Aitema: O se atofaafafa ma ni nai mea mamafa e tuu i ai i totonu
Ata: O le ata o malaga i le va o Saraemila, le laueleele o Nifae, o Vai o Mamona, ma le laueleele o Helama
Vitio: “O Le Finagalo o Le Atua” (3:02)
Fautuaga faafaiaoga faavitio: I le vaega “Aisea e faataga ai e le Alii ia tofotofoga,” mafaufau e valaaulia le afa o le vasega e suesue ia fuaiupu e uiga i le nuu o Limae ma le isi afa e suesue i fuaiupu e uiga i le nuu o Alema. Faaaoga potu taapeape ina ia mafai e tagata aoga ona talanoaina mea sa latou aoaoina, ma fai atu i vaega taitasi ia fesili tulitatao.

Mosaea 21–24, Vaega 2

Faamoemoega o le lesona: O lenei lesona ua faamoemoe e fesoasoani i tagata aoga ia faalagolago i le Tama Faalelagi ma Iesu Keriso e fesoasoani ia i latou i o latou tofotofoga.

Sauniuniga a le tagata aoga: E mafai e tagata aoga ona talanoa ma se tagata o le aiga e uiga i se tofotofoga po o se mafatiaga na oo i ai le tagata o le aiga ma auala na faamalosia ai o ia e le Alii e onosaia.
Ata: O le ata o malaga i le va o Saraemila, le laueleele o Nifae, o Vai o Mamona, ma le laueleele o Helama
Pepa e tufa atu: “Mosaea 21–24: Malosi ma le Laveaiga”
Vitio: “Lagonaina o le Alofa ma le Agalelei o le Alii i Tofotofoga” (4:18)
Fautuaga faafaiaoga faavitio: A uma ona faatumu e tagata aoga le siata, mafaufau e faaaoga le vaega o le laupapa paepae po o le faasoa atu le lau o lau masini eletonika ia i latou ina ia mafai ai ona latou faaali atu a latou fasifuaitau e sili ona fiafia i ai mai tusitusiga paia sa latou suesueina.