Atamai i Aoaoga Faavae Iloiloga 8

Tauloto Mau Faasino ma Fasifuaitau Autu o Mau

O le manatuaina o fuaitau o mau ma mea latou te aoao mai e mafai ona fesoasoani ia te oe i le tele o auala. O lenei lesona ua faamoemoe e fesoasoani ia te oe e tauloto se mau faasino se tasi pe sili atu ma fasifuaitau autu o mau mai uluai fuaitau e 12 o le atamai i aoaoga faavae i le Tusi a Mamona.

Faaaogaina o faatufugaga ma isi ata. O se tasi auala e fesoasoani ai i tagata aoga e manatua tala o le talalelei, aoaoga faavae, ma mataupu faavae o le faaaogaina lea o ata, e aofia ai faatufugaga ma atatosi. Valaaulia tagata aoga e mafaufau i o latou lagona ma manatu a o latou tilotilo i ata.

Sauniuniga a le tagata aoga: Mafaufau e valaaulia tagata aoga e aumai pe saunia e faamatala sa latou ata e sili ona fiafia i ai o Iesu Keriso ma faasoa mai se mea e fesoasoani ai lea ata latou te manatua ai e uiga ia te Ia.

Gaoioiga e Ono Mafai Ona Aoao Ai

Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faagasolosolo ua saunia e le faatonu po o le taitai faamaopoopo o le eria po o le lisone ina ia mautinoa o lesona taitasi o fuaitau o le atamai i aoaoga faavae o le a aoaoina a o faagasolo vasega seminare.

Ata ma manatuaga

Afai e faamaea e tagata aoga le sauniuniga a le tagata aoga, valaaulia i latou e faasoa mai le ata na latou aumaia ma o latou manatu. E mafai foi ona e tuuina atu ia i latou ni nai minute e saili ai se ata i luga o se masini eletonika, pe afai e i ai. I se isi itu, faaali atu ata o le Faaola ma valaaulia tagata aoga e tali le fesili lenei.

• O a nisi o mea e mafai ona tatou aoaoina e uiga ia Iesu Keriso mai le vaavaai atu i nei ata?

E mafai ona fesoasoani ata ia i tatou e manatua ai mea taua na tutupu po o meamoni. I lenei lesona, o le a e maua ai se avanoa e faaaoga ai ata e fesoasoani ia te oe e tauloto ai mau faasino ma fasifuaitau autu o mau mo se fuaitau se tasi pe sili atu o le atamai i aoaoga faavae o le Tusi a Mamona.

O fuaitau muamua e 12 o le atamai i aoaoga faavae o le Tusi a Mamona o loo lisiina atu i lalo. Mafaufau e maka nei fuaitau ma a latou fasifuaitau autu o mau.

Faaali atu le siata lenei ina ia mafai ona faasino i ai tagata aoga i le faagasologa o le lesona.

Mau Faasino	Fasifuaitau Autu o le Mau
Mau Faasino 1 Nifae 3:7	Fasifuaitau Autu o le Mau “O le a ou alu ma fai mea ua poloaiina e le Alii.”
Mau Faasino 2 Nifae 2:25	Fasifuaitau Autu o le Mau “Na pa’ū Atamu ina ia i ai tagata; ma ua i ai tagata, ina ia latou maua le olioli.”
Mau Faasino 2 Nifae 2:27	Fasifuaitau Autu o le Mau “Ua latou saoloto e filifili le saolotoga ma le ola e faavavau … pe … [o] le faatagataotauaina ma le oti.”
Mau Faasino 2 Nifae 26:33	Fasifuaitau Autu o le Mau “Ua tutusa tagata uma i le Atua.”
Mau Faasino	Fasifuaitau Autu o le Mau O le Atua e “tuu atu i le fanauga a tagata lea fuaitau i luga o lea fuaitau, ma lea mataupu i luga o lea mataupu.”
Mau Faasino 2 Nifae 32:3	Fasifuaitau Autu o le Mau “Ia taumamafa fiafia i afioga a Keriso; aua faauta, o afioga a Keriso o le a taʼu mai ai ia te outou mea uma e tatau ona outou faia.”
Mau Faasino 2 Nifae 32:8–9	Fasifuaitau Autu o le Mau “E ao ina outou tatalo e le aunoa.”
Mau Faasino Mosaea 2:17	Fasifuaitau Autu o le Mau “Pe a outou auauna atu i o outou uso a tagata, ua nao lo outou auauna atu lava lea i lo outou Atua.”
Mau Faasino	Fasifuaitau Autu o le Mau “O i latou o e e tausi i poloaiga a le Atua … e faamanuiaina i latou i mea uma.”
Mau Faasino Mosaea 3:19	Fasifuaitau Autu o le Mau “[Tuu] ese le tagata natura ma [avea] ma tagata paia e ala i le togiola a Keriso le Alii.”
Mau Faasino Mosaea 4:9	Fasifuaitau Autu o le Mau “Ia talitonu i le Atua; … ia talitonu ua ia te ia le poto uma.”
Mau Faasino	Fasifuaitau Autu o le Mau Ia “papatisoina i le suafa o le Alii, o se molimau … ua outou ulu atu i se feagaiga faatasi ma ia.”

Faafesootaiina o ata i aoaoga o le talalelei

Toe iloilo mau faasino nei ma taumafai e manatua a latou fasifuaitau autu o mau. Faaaoga le siata o i luga pe a manaomia. Ona, faafetaui lea o mau faasino taitasi ma le ata e sili ona faapupula atili mai ai le aoaoga i le fuaitau o le mau.

Mafaufau e faaali atu ni ata eseese e mafai ona fesootai i fuaitau nei ma valaaulia tagata aoga e filifili ata latou te fesootai lelei i ai ma faamalamalama pe aisea. I se isi faiga, valaaulia tagata aoga e saili i le Potutusi o Ala o Faasalalauga a le Ekalesia mo ata o le a fesoasoani ia i latou e manatua ai upumoni i fuaitau nei.

1. 2 Nifae 26:33

2. 2 Nifae 32:8–9

3. Mosaea 2:17

Fatu se ata

O lenei gaoioiga e mafai ona faia taitoatasi, i ni paga, pe i ni vaega toalaiti. Mafaufau e fatu se atatusi faataitai ma le vasega, ona valaaulia lea o tagata aoga e fatu a latou lava ata.

Filifili se mau faasino o le atamai i aoaoga faavae ma se fasifuaitau autu o mau e te manao ia sili atu ona e manatuaina. Tusi se ata e fesoasoani ia te oe e manatua ai le fasifuaitau autu o le mau, ma ia aofia ai le mau faasino. O lau ata e mafai ona avea o se vaaiga, pe e mafai foi ona i ai ni ata eseese e faapupula ai le fasifuaitau autu o le mau. Mo se faataitaiga, o le ata lenei e mafai ona fesoasoani ia te oe e manatua ai le 2 Nifae 2:25: “Na pa’ū Atamu ina ia i ai tagata; ma ua i ai tagata, ina ia latou maua le olioli.” Afai e lava sou taimi, e mafai ona e fatuina se mea e mafai ona fesoasoani ia te oe e tauloto ai le fuaitau atoa e te filifilia.

Tuu atu i tagata aoga e faasoa mai a latou ata i ni paga, i ni vaega toalaiti, pe i le vasega. Valaaulia i latou e faamatala pe faapefea e a latou ata ona fesoasoani ia i latou e manatua ai le mau faasino ma le fasifuaitau o le mau autu. Valaaulia tagata aoga e vaavaai mo se avanoa e faasoa atu ai a latou ata i o latou aiga po o se uo. Mafaufau e faaaoga fesili nei e fesoasoani ia i latou e faalolotoina ai lo latou malamalama i le fuaitau na latou filifilia.

• O le a le mea ua fesoasoani lenei fuaitau e te malamalama ai e uiga ia Iesu Keriso ma Lana talalelei?

• E ono mafai faapefea e le manatuaina o lenei fuaitau ona fesoasoani e te manatua ai pe avea atili ai e faapei o le Faaola?

• O le a se aafiaga na maua e oe po o isi e faatatau i le aoaoga faavae i lenei mau fuaitau?