Mosaea 11–17

Vaaiga Aoao

Na auina atu e le Alii ia Apinati ma le savali mo le Tupu o Noa ma lona nuu ia salamo ma aloese mai mafatiaga e mafai ona oo mai ona o a latou amioga agasala. Na aoao atu e Apinati ia Noa ma ana faitaulaga e uiga i le matafaioi a Iesu Keriso i lo latou faaolataga ma le taua o le tusia o poloaiga a le Atua i o latou loto. E ui ina sa saunia le Tupu o Noa e fasioti o ia, ae sa iloa e Apinati o le a faatagaina o ia e le Atua e faauma le savali na auina atu o ia e momoli atu. O Alema, o se tasi o faitaulaga a le Tupu o Noa, sa talitonu ia Apinati. Ina ua uma ona tuuina atu lana savali ma le molimau ia Iesu Keriso, sa fasiotia Apinati.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Mosaea 11–17

Faamoemoega o le lesona: O lenei lesona e mafai ona fesoasoani e faateleina ai le manao o tagata aoga e talia perofeta a le Alii ma galulue ai i valaaulia latou te tuuina mai e mai le Alii.

• Sauniuniga a le tagata aoga: Valaaulia tagata aoga e fai se lisi puupuu o valaaulia na latou faalogo o tuuina mai talu ai nei e perofeta. Fai atu ia i latou e o mai saunia e faasoa mai pe faapefea ona avea nei valaaulia ma faamaoniga o le alofa ma le popole o le Alii mo i latou.

• Vitio: “Ua faamatala e Alema le Amioleaga o le Tupu o Noa” (2:26); “O Le Alofa o le Atua” (13:11; matamata mai le faailotaimi 6:35 i le 7:04); “Ua Mafatia Apinati i le Oti ona o Lona Faatuatua” (4:28)

• Fautuaga faafaiaoga faavitio: Mafaufau e faaali atu se lomiga faatekinolosi o tusitusiga paia. Valivali le fasifuaitau fai soo “vagana ai ua latou salamo” i le Mosaea 11:20–25 ma faaali atu i tagata aoga se faataitaiga o le auala e maka ai fasifuaitau o loo taua soo i tusitusiga paia.

Mosaea 12–13

Faamoemoega o le lesona: O lenei lesona e mafai ona fesoasoani i tagata aoga e mulimuli atili ai ia Iesu Keriso a o latou tusia poloaiga i o latou loto.

• Sauniuniga a le tagata aoga: E mafai e tagata aoga ona fai atu i se tagata o le aiga po o se uo e faasoa mai se aafiaga i se taimi na anoa patino ai se poloaiga ia i latou.

• Vitio: “Ua Molimau atu Apinati i luma o le Tupu o Noa ma Ana Faitaulaga” (4:35)

• Fautuaga faafaiaoga faavitio: Pe a fesiligia tagata aoga e faailoa mai poloaiga taitasi o Tulafono e Sefulu, mafaufau e valaaulia i latou e lisi ia poloaiga i le vaega o talanoaga e vaai pe mafai ona latou manatua uma le 10 o se vasega.

Mosaea 14–16

Faamoemoega o le lesona: E mafai ona fesoasoani lenei lesona i tagata aoga e iloa ai le taua o le iloaina o Iesu Keriso ua na o ia lava e mafai ona togiolaina i tatou mai le agasala ma le oti.

• Sauniuniga a le tagata aoga: Valaaulia tagata aoga e mafaufau loloto po o le fea o matafaioi ma faalagiga o Iesu Keriso e sili ona anoa ia i latou ma pe aisea foi.

• Vitio: “Togiola” (15:21; matamata mai le faailotaimi 0:59 i le 1:44)

• Fautuaga faafaiaoga faavitio: Mafaufau e faapotopoto tagata aoga i potu taapeape ma atofa atu i vaega taitasi se tasi o uunaiga suesue e tolu i le lesona. E mafai e tagata aoga ona suesue a latou fuaiupu atofaina ma saunia e faasoa mea ua latou aoaoina i le vasega atoa.

Iloilo Lou Aoaoina 4

Faamoemoega o le lesona: O lenei lesona ua faamoemoe e fesoasoani i tagata aoga e iloilo sini na latou faatulagaina ma le tuputupu ae ua latou oo i ai i le taimi o a latou suesuega o le Tusi a Mamona.

• Sauniuniga a le tagata aoga: Mafaufau e valaaulia tagata aoga e talanoa ma se matua po o se uo e uiga i mea e fai e perofeta ma pe na faapefea ona faatosinaina pe faamanuiaina i latou e perofeta.

• Aitema e faaali atu: O se faataitaiga o se faafanua o le mafaufau

• Fautuaga faafaiaoga faavitio: Mafaufau e vaevae tagata aoga i ni potu taapeape. E mafai ona feauauai tagata aoga e faamalamalama le matafaioi a perofeta i a latou vaega. O le isi filifiliga o le fatuina lea o se tala faatino ma nisi o tagata aoga o loo faia fesili ma isi tagata aoga e aoao atu upumoni e uiga i perofeta.

Atamai i Aoaoga Faavae Iloiloga 8

Faamoemoega o le lesona: O lenei lesona ua faamoemoe e fesoasoani ai i tagata aoga e tauloto se tasi pe sili atu o mau faasino ma fasifuaitau autu o mau mai fuaitau muamua e 12 o fuaitau o le atamai i aoaoga faavae i le Tusi a Mamona.

• Sauniuniga a le tagata aoga: Valaaulia tagata aoga e aumai pe saunia e faamatala mai se ata o Iesu Keriso latou te fiafia i ai ma faasoa mai mea e fesoasoani ai le ata ia i latou e manatua ai e uiga ia te Ia.

• Ata: Ata o le Faaola

• Fautuaga faafaiaoga faavitio: I le taimi o le gaoioiga o le tusiga ata, mafaufau e valaaulia tagata aoga e tape a latou faaleotele leo ma meapueata. Tuu atu ia i latou le 10–15 minute e fatu ai a latou ata i luga o pepa po o polokalama i luga o a latou masini. E mafai ona e taina pese a le Aufaipese a le Tapeneko i le Lotoa o le Malumalu po o isi musika musuia faaleagaga. Ona valaaulia lea o tagata aoga e toe faaola a latou faaleotele leo ma meapueata ma faasoa mai a latou ata.