« ម៉ូសាយ ២៩–អាលម៉ា ៤ ៖ ទិដ្ឋភាពទូទៅ » ព្រះគម្ពីមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ម៉ូសាយ ២៩–អាលម៉ា ៤ » ព្រះគម្ពីមរមន សៀវភៅសិក្សាសម្រាប់គ្រូបង្រៀន
ម៉ូសាយ ២៩–អាលម៉ា ៤
ទិដ្ឋភាពទូទៅ
ក្នុងចំណោមសាសន៍នីហ្វៃមានបុរសម្នាក់ឈ្មោះនីហូរបានបង្រៀនគោលលទ្ធិខុសឆ្គង ដែលបណ្ដាលឲ្យមនុស្សនៅជំនាន់របស់គាត់ និងអ្នកដទៃទៀតនៅប៉ុន្មានឆ្នាំក្រោយមក បដិសេធព្រះអង្គសង្គ្រោះរបស់ពួកគេ ។ ដោយសារឥទ្ធិពលរបស់គាត់មនុស្សមួយចំនួន « បានចាប់ផ្ដើមបៀតបៀនអស់អ្នកដែលនៅក្នុងសាសនាចក្រនៃព្រះ » ( អាលម៉ា ១:១៩ ) ។ ក្រោយមកបុរសម្នាក់ឈ្មោះអាំលីសៃ បានដឹកនាំការបះបោរប្រឆាំងនឹងពួកសាសន៍នីហ្វៃដែលបណ្តាលឲ្យមនុស្សជាច្រើនស្លាប់ក្នុងសមរភូមិ ។ យូរៗទៅ សេចក្តីឆ្មើងឆ្មៃ និងការឈ្លោះប្រកែកគ្នាដែលសមាជិកខ្លះនៃសាសនាចក្ររបស់ព្រះអង្គសង្គ្រោះបានបង្ហាញ បានបណ្តាលឲ្យសាសនាចក្រគ្មានការរីកចម្រើន ។ ជាលទ្ធផល អាលម៉ាបានទទួលអារម្មណ៍បំផុសគំនិតឲ្យលាលែងពីតំណែងជាមេចៅក្រមដើម្បីលះបង់ខ្លួនលោកក្នុងការផ្សព្វផ្សាយព្រះបន្ទូលនៃព្រះ ។
រៀបចំខ្លួនដើម្បីបង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀនអំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។
អាលម៉ា ១:១–១៨
គោលបំណងមេរៀន ៖ មេរៀននេះអាចជួយសិស្សឲ្យស្គាល់ និងបដិសេធការបង្រៀនខុសឆ្គងដែលអាចបង្វែរពួកគេចេញពីព្រះយេស៊ូវគ្រីស្ទ ។
-
ការរៀបចំសិស្ស ៖ សិស្សអាចសិក្សាផ្នែក « ខ្ញុំអាចស្គាល់ និងបដិសេធការបង្រៀនខុសឆ្គង » នៅក្នុងមេរៀននេះ « ថ្ងៃទី ៣–៩ ខែ មិថុនា ។ ម៉ូសាយ ២៩–អាលម៉ា ៤ ៖ ‹ ពួកគេមានចិត្តខ្ជាប់ខ្ជួន ហើយមុតមាំ› » នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរមរមនឆ្នាំ ២០២៤ ។
-
វីដេអូ ៖ « Repentance: A Joyful Choice » ( ១៥:៤៥ សូមមើលពីនាទីទី ៩:១៧ ដល់នាទីទី ១០:១០ )
-
យោបល់សម្រាប់ការបង្រៀនតាមសន្និសីទវីដេអូ ៖ នៅពេលសិស្សបានរកឃើញខគម្ពីរដែលកែការបង្រៀនខុសឆ្គងរបស់នីហូរ នោះពួកគេអាចចែកចាយចម្លើយរបស់ពួកគេដោយប្រើមុខងារឈែត ។
អាលម៉ា ១:១៩–៣៣
គោលបំណងមេរៀន ៖ មេរៀននេះអាចជួយសិស្សឆ្លើយតបដោយស្មោះត្រង់ និងមានអារម្មណ៍សុខសាន្ត ទោះបីជាពួកគេប្រឈមមុខនឹងការបៀតបៀនដោយសារការធ្វើជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយក៏ដោយ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីគ្រានានាក្នុងជីវិតរបស់ពួកគេ នៅពេលដែលជំនឿរបស់ពួកគេត្រូវបានប្រឈម និងរបៀបដែលពួកគេបានឆ្លើយតប ។
-
វីដេអូ ៖ « The Cost—and Blessings—of Discipleship » ( ១៤:៤៥ សូមមើលពីនាទីទី ០:២៥ ដល់នាទីទី ២:០៥ )
-
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាអញ្ជើញសិស្សឲ្យប្រើមុខងារឈែតដើម្បីរៀបរាប់សកម្មភាពដែលសាសន៍នីហ្វៃបានធ្វើ ។ ការណ៍នេះនឹងផ្តល់ឲ្យសិស្សនូវបញ្ជីមួយដែលពួកគេទាំងអស់គ្នាអាចមើល ដោយអនុញ្ញាតឲ្យពួកគេបន្ថែមសកម្មភាពដែលមិត្តរួមថ្នាក់របស់ពួកគេបានរកឃើញទៅក្នុងបញ្ជីរបស់ពួកគេផ្ទាល់ ។
អាលម៉ា ២–៣
គោលបំណងមេរៀន ៖ មេរៀននេះអាចជួយសិស្សយល់កាន់តែច្បាស់អំពីលទ្ធផលដែលពួកគេជ្រើសរើសធ្វើតាមក្នុងជីវិតនេះ ។
-
ការរៀបចំសិស្ស ៖ សូមអញ្ជើញសិស្សឲ្យអាន ឬស្តាប់ អាលម៉ា ២–៣ មុនពេលមករៀន ។ សូមឲ្យពួកគេគិតអំពីអ្វីដែលពួកគេអាចរៀនពីដំណើររឿងនៅក្នុងជំពូកទាំងនេះ ។
-
មាតិកា ដែលត្រូវបង្ហាញ ៖ តារាងដែលមានចំណងជើងថា « ទទួលឈ្នួលពីអ្នកណាដែលគេចុះធ្វើតាម » បង្ហាញ ឬបិទនៅលើក្តារខៀនក៏បានដើម្បីឲ្យសិស្សបំពេញ ។
-
សម្ភារ ៖ ក្រដាសតំណាងជារូបិយប័ណ្ណ ថង់ ឬប្រអប់ពីរ
អាលម៉ា ៤
គោលបំណងមេរៀន ៖ មេរៀននេះអាចជួយសិស្សឲ្យប្រើព្រះបន្ទូលព្រះដើម្បីយកឈ្នះលើភាពឆ្មើងឆ្មៃ និងការទាស់ទែងគ្នា ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយបានរៀបចំខ្លួនចែកចាយបទគម្ពីរ ឬសេចក្ដីថ្លែងការណ៍ពីថ្នាក់ដឹកនាំសាសនាចក្រអំពីភាពរាបសា ។
-
មេរៀនដោយប្រើវត្ថុ ៖ ត្រូវសរសេរពាក្យ « ថ្មជំពប់ » នៅលើសន្លឹកក្រដាស រួចបិទនៅលើការ៉ូនៅច្រកចូលថ្នាក់រៀន
-
វីដេអូ ៖ « Alma Preaches the Word of God » ( ១០:៣៣ សូមមើលពីនាទីទី ០:៣៦ ដល់នាទីទី ១:៥៩ )
-
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាបង្ហាញតារាងមួយនៅពេញមួយមេរៀននេះ ដោយម្ខាងបង្ហាញពីបញ្ហាដែលអាលម៉ា និងប្រជាជនរបស់លោកកំពុងជួបប្រទះ ហើយម្ខាងទៀតបង្ហាញពីដំណោះស្រាយ ។ សូមអញ្ជើញសិស្សឲ្យបន្ថែមទៅក្នុងតារាងនេះពេញមួយមេរៀន ហើយចម្លងវាទៅក្នុងសៀវភៅកំណត់ហេតុការសិក្សារបស់ពួកគេ ។
ការរំឭកចំណេះចំណានខាងគោលលទ្ធិទី ១០
គោលបំណងមេរៀន ៖ មេរៀននេះនឹងផ្តល់ឱកាសឲ្យសិស្សរៀនអនុវត្តវគ្គចំណេះចំណានខាងគោលលទ្ធិមួយចំនួន ដែលពួកគេបានសិក្សានៅឆ្នាំនេះសម្រាប់ជីវិតផ្ទាល់ខ្លួនរបស់របស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យជ្រើសរើសវគ្គបទគម្ពីរមួយក្នុងចំណោម សេចក្ដីយោងចំណេះចំណានខាងគោលលទ្ធិ១២ ដំបូង ដែលពួកគេយល់ថាមានន័យសម្រាប់ពួកគេ ។ សូមលើកទឹកចិត្តសិស្សឲ្យមកដោយត្រៀមខ្លួនចែកចាយពីមូលហេតុ ដែលសេចក្តីយោងដែលពួកគេជ្រើសរើសមានអត្ថន័យចំពោះពួកគេ ។
-
មាតិកាដែលត្រូវបង្ហាញ ៖ នៅ តារាងដែលមានវគ្គចំណេះចំណានខាងគោលលទ្ធិទាំង ១២ ដំបូង
-
យោបល់សម្រាប់ការបង្រៀនតាមសន្និសីទវីដេអូ ៖ សិស្សអាចប្រើមុខងារឈែតដើម្បីចុះផ្សាយបញ្ហាប្រឈមផ្សេងៗ ឬបញ្ហាដែលមាននៅក្នុងពិភពលោកនេះ ។ បន្ទាប់មកពួកគេអាចចុះផ្សាយវគ្គចំណេះចំណានខាងគោលលទ្ធិដែលអាចជួយមនុស្សដែលប្រឈមមុខនឹងឧបសគ្គ ឬបញ្ហាទាំងនោះ ។
