« អាលម៉ា ៤ ៖ ថ្មជំពប់នៃសេចក្តីឆ្មើងឆ្មៃ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« អាលម៉ា ៤ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
អាលម៉ា ៤
ថ្មជំពប់នៃសេចក្តីឆ្មើងឆ្មៃ
សេចក្តីឆ្មើងឆ្មៃគឺជាការវត្តមានខាងចិត្តសុភាពរាបសា ហើយនាំមនុស្សឲ្យលើកខ្លួនលើអ្នកដទៃ ឬទាស់នឹងអ្នកដទៃ ហើយនឹងព្រះ ( សូមមើលសេចក្តីណែនាំដល់បទគម្ពីរទាំងឡាយ « ឆ្មើងឆ្មៃ, សេចក្ដីឆ្មើងឆ្មៃ » scriptures.ChurchofJesusChrist.org). សូមគិតអំពីសេចក្តីឆ្មើងឆ្មៃដែលអ្នកបានឃើញនៅក្នុងពិភពលោកសព្វថ្ងៃនេះ និងផលប៉ះពាល់អវិជ្ជមានដែលវាមានចំពោះអ្នក និងអ្នកដែលនៅជុំវិញអ្នក ។ សមាជិកខ្លះនៃសាសនាចក្ររបស់ព្រះអង្គសង្គ្រោះក្នុងសម័យរបស់ អាលម៉ាបានមានសេចក្តីឆ្មើងឆ្មៃ និងការទាស់ទែងគ្នា ដែលបានបណ្តាលឲ្យសាសនាចក្រគ្មានការរីកចម្រើន ។ ជាលទ្ធផល អាលម៉ាបានទទួលអារម្មណ៍បំផុសគំនិតឲ្យលាលែងពីតំណែងជាមេចៅក្រមដើម្បីលះបង់ខ្លួនលោកក្នុងការផ្សព្វផ្សាយព្រះបន្ទូលនៃព្រះ ។ មេរៀននេះអាចជួយអ្នកក្នុងការប្រើព្រះបន្ទូលរបស់ព្រះ ដើម្បីយកឈ្នះលើសេចក្តីឆ្មើងឆ្មៃ និងការទាស់ទែងគ្នា ។
សូមជួយសិស្សឲ្យស្វែងយល់គោលលទ្ធិ និងគោលការណ៍នៃដំណឹងល្អ ។គោលលទ្ធិ និងគោលការណ៍ទាំងឡាយគួរតែត្រូវបានបញ្ជាក់យ៉ាងច្បាស់ និងសង្ខេបៗ ។ ពួកគេអាចបង្រៀនសិស្សអំពីទំនាក់ទំនងនៃព្រះគម្ពីរ និងរបៀបដែលដំណើររឿង និងការបង្រៀនពីព្រះគម្ពីរអនុវត្តចំពោះជីវិតប្រចាំថ្ងៃរបស់ពួកគេ ។ ការយល់ដឹងអំពីគោលលទ្ធិ និងគោលការណ៍ទាំងឡាយអាចជំរុញសិស្សឲ្យរៀន និងអនុវត្តការបង្រៀនដំណឹងល្អ ។
ការរៀបចំសិស្ស ៖ សូមអញ្ជើញសិស្សឲ្យមករៀនដោយបានរៀបចំខ្លួនចែកចាយបទគម្ពីរ ឬសេចក្ដីថ្លែងការណ៍ពីថ្នាក់ដឹកនាំសាសនាចក្រអំពីភាពរាបសា ។
សកម្មភាពរៀនសូត្រដែលអាចមាន
ថ្មជំពប់
នៅលើកម្រាលឥដ្ឋច្រកទ្វារថ្នាក់រៀន សូមបិទក្រដាសមួយសន្លឹកដែលមានសរសេរពាក្យថា « ថ្មជំពប់ » នៅលើនោះ ។ សូមសួរថាតើមានសិស្សប៉ុន្មាននាក់ដែលបានជាន់លើវាដោយចៃដន្យ មុនពេលពួកគេបានឃើញក្រដាសនេះនៅទីនោះ នៅពេលពួកគេដើរចូលក្នុងថ្នាក់ ។ ប្រសិនបើចង់ សិស្សក៏អាចចែកចាយបទពិសោធន៍នៃគ្រាមួយដែលពួកគេបានរអិលដួល ឬជំពប់ផងដែរ ។
សូមរំឭកពីគ្រាមួយដែលអ្នករអិល ឬជំពប់ ។ តើអ្នកចាំថាអ្វីដែលបានបណ្តាលឲ្យអ្នកជំពប់ដែរឬទេ ? ពេលខ្លះនៅក្នុងជីវិត យើងដើរលើអ្វីៗដែលអាចហៅថា « ថ្មជំពប់ » ។ ថ្មជំពប់នេះក៏អាចកើតឡើងខាងវិញ្ញាណផងដែរ ។
លំហាត់គំនូរខាងក្រោមដែលបានបានផ្តល់ឲ្យអាចត្រូវបានធ្វើជាមួយសិស្សក្នុងថ្នាក់នៅលើក្ដារខៀន ។ ឬសិស្សអាចបំពេញវារៀងៗខ្លួន ។
សូមគូររូបថ្មពីរបីដុំ ហើយដាក់ស្លាកលើវានូវអ្វីដែលអាចធ្វើឲ្យយុវវ័យជំពប់ដួលខាងវិញ្ញាណ ។ ឧទាហរណ៍ ៖ អ្នកខ្លះប្រហែលមានការលំបាកក្នុងការស្ដាប់តាមព្យាការី ឬគោរពតាមពាក្យសម្ដីនៃប្រាជ្ញាវាងវៃ ។
សូមគិតអំពីលទ្ធផលនៃការជំពប់ដួលលើរឿងទាំងនេះ ។ សូមសញ្ជឹងគិតអំពីមូលហេតុដែលអ្នកត្រូវការជំនួយពីព្រះ ដើម្បីដឹង ចៀសវាង និងយកឈ្នះលើថ្មជំពប់ទាំងនេះ ។
ថ្មីៗនេះប្រជាជនរបស់អាលម៉ាបានជួបការបាត់បង់យ៉ាងធ្ងន់ធ្ងរក្នុងសង្រ្គាមជាមួយនឹងពួកលេមិន ។ ដោយសារតែទុក្ខលំបាករបស់ពួកគេ ពួកគេត្រូវបាន « ភ្ញាក់ឡើង ដោយនឹកឃើញដល់ភារកិច្ចរបស់ខ្លួន » ហើយមនុស្សជាច្រើនបានទទួលបុណ្យជ្រមុជទឹក ( សូមមើល អាលម៉ា ៤:១–៥ ) ។ ទោះជាយ៉ាងណាក៏ដោយ សេចក្តីសុខសាន្តរបស់ពួកគេមិនស្ថិតស្ថេរយូរទេ ដោយសារពួកគេចាប់ផ្តើមជំពប់ដួលខាងវិញ្ញាណ ។
សូមអាន អាលម៉ា ៤:៦–៨ ដោយរកមើលពីមូលហេតុដែលថ្នាក់ដឹកនាំសាសនាចក្រព្រួយបារម្ភ ។
សូមអញ្ជើញសិស្សឲ្យចែកចាយអ្វីដែលពួកគេបានរកឃើញ ហើយជួយពួកគេឲ្យឃើញថា សេចក្តីឆ្មើងឆ្មៃអាចជាថ្មជំពប់ខាងវិញ្ញាណ ។
-
ហេតុអ្វីអ្នកគិតថា ថ្នាក់ដឹកនាំសាសនាចក្រ « មានសេចក្ដីទុក្ខវេទនាដ៏ច្រើន » ( អាលម៉ា ៤:៧ ) ដោយសារកំណើននៃសេចក្តីឆ្មើងឆ្មៃរបស់ប្រជាជន ?
ប្រធាន អ៊ែសរ៉ា ថាហ្វ ប៊ែនសឹន ( ឆ្នាំ ១៨៩៩–ឆ្នាំ ១៩៩៤ ) បានបង្រៀន ៖
សេចក្តីឆ្មើងឆ្មៃគឺជាថ្មជំពប់ដ៏ធំចំពោះស៊ីយ៉ូន ។ ខ្ញុំសូមនិយាយម្តងទៀតថា ៖ សេចក្តីឆ្មើងឆ្មៃ គឺជា ថ្មជំពប់ដ៏ធំចំពោះស៊ីយ៉ូន ។ ( អ៊ែសរ៉ា ថាហ្វ ប៊ែនសឹន « Beware of Pride » Ensign ខែ ឧសភា ឆ្នាំ ១៩៨៩ ទំព័រ ៧ )
សូមគូររូបដុំថ្មដ៏ធំមួយដែលតំណាងឲ្យថ្មជំពប់នៃសេចក្តីឆ្មើងឆ្មៃ ។ នៅលើថ្មនោះ សូមសរសេរចម្លើយទៅនឹងសំណួរខាងក្រោម ៖
-
តើអ្នកគិតថាសេចក្តីឆ្មើងឆ្មៃអាចធ្វើឲ្យមនុស្សម្នាក់ជំពប់ដួលខាងវិញ្ញាណយ៉ាងដូចម្ដេច ?
-
តើសេចក្តីឆ្មើងឆ្មៃរារាំងយើងពីការក្លាយដូចជាព្រះអង្គសង្គ្រោះដោយរបៀបណាខ្លះ ?
នៅពេលអ្នកបន្តសិក្សា អាលម៉ា ៤ សូមគិតពីរបៀបដែលសេចក្តីឆ្មើងឆ្មៃអាចជាឧបសគ្គចំពោះអ្នក និងអ្វីដែលអ្នកអាចធ្វើបានដើម្បីយកឈ្នះវា ។
សូមអាន អាលម៉ា ៤:៨–១២ ដោយរកមើលឥទ្ធិពលនៃសេចក្តីឆ្មើងឆ្មៃនៅក្នុងសាសនាចក្រ ។ សូមចំណាំថា ការប្រកួតប្រជែង មានន័យថា ការខ្វែងគំនិតគ្នាដែលខឹង ឬជូរចត់ ឬការឈ្លោះប្រកែកគ្នា ។ ការព្យាបាទ គឺជាចំណង់ក្នុងការធ្វើអំពើអាក្រក់ ឬចេតនាអាក្រក់ ។
សូមឲ្យសិស្សសរសេរនៅលើក្ដារខៀនអំពីឥទ្ធិពលនៃសេចក្តីឆ្មើងឆ្មៃនៅក្នុងសាសនាចក្រ ។ បញ្ជីនេះនឹងត្រូវមើលនៅពេលក្រោយនៅក្នុងមេរៀននេះ ។ បើអ្នកមានឧបករណ៍សម្រាប់សរសេរគ្រប់គ្រាន់ សូមឲ្យសិស្សច្រើននាក់មកកាន់ក្ដារខៀនក្នុងពេលតែមួយ ។ បន្ទាប់មកសូមអញ្ជើញសិស្សឲ្យឆ្លើយសំណួរដូចខាងក្រោមនេះ ។
-
តើសេចក្តីឆ្មើងឆ្មៃជះឥទ្ធិពលអ្វីខ្លះនៅក្នុងសាសនាចក្រ ?
-
តើសកម្មភាពទាំងនេះអាចមិនឲ្យមនុស្សក្លាយជាសមាជិកនៃសាសនាចក្ររបស់ព្រះអង្គសង្គ្រោះតាមរបៀបណាខ្លះ ?
-
តើអ្នកដែលមិនមែនជាសាសនាចក្របានទទួលរងផលប៉ះពាល់អ្វីខ្លះ ?
ការចៀសវាងពីសេចក្តីឆ្មើងឆ្មៃ និងការទាស់ទែងគ្នា
ប្រធាន អ៊ែសរ៉ា ថាហ្វ ប៊ែនសឹន បានបង្រៀន ៖
ឱសថបន្សាបសេចក្តីឆ្មើងឆ្មៃគឺភាពរាបសា—ភាពស្លូតបូត ការចុះចូល [ សូមមើល អាលម៉ា ៧:២៣ ] ។ ( អ៊ែសរ៉ា ថាហ្វ ប៊ែនសឹន « Beware of Pride » Ensign ខែ ឧសភា ឆ្នាំ ១៩៨៩ ទំព័រ ៦ )
សូមអាន អាលម៉ា ៤:១៣–១៤ ដោយរកមើលអ្វីដែលសមាជិកសាសនាចក្រមួយចំនួនបានធ្វើ ដើម្បីចៀសវាងពីសេចក្តីឆ្មើងឆ្មៃ ហើយរក្សាភាពស្មោះត្រង់ ។ សូមចំណាំថាពាក្យ បន្ទាបខ្លួន នៅក្នុង ខទី ១៣ មានន័យថា កាន់តែមានចិត្តរាបទាប និងសុភាព ។
សូមអញ្ជើញសិស្សឲ្យសរសេរសកម្មភាពដ៏រាបសារបស់សមាជិកសាសនាចក្រនៅលើក្ដារខៀន ។
-
តើសកម្មភាព និងឥរិយាបថបែបណានៅក្នុង ខទី ១៣–១៤ រំឭកអ្នកពីព្រះយេស៊ូវគ្រីស្ទ ?
-
តើការអភិវឌ្ឍឥរិយាបថទាំងនេះ និងទង្វើទាំងនេះអាចជួយយើងឲ្យប្រែក្លាយកាន់តែដូចទ្រង់យ៉ាងដូចម្ដេច ?
-
តើអ្នកបានឃើញអ្នកដទៃរស់នៅតាមឥរិយាបថ ឬទង្វើដូចជាព្រះគ្រីស្ទទាំងនេះយ៉ាងដូចម្ដេច ហើយតើវាមានឥទ្ធិពលយ៉ាងណាចំពោះអ្នក ?
សូមផ្តល់ពេលវេលាឲ្យសិស្សសញ្ជឹងគិតដោយស្ងៀមស្ងាត់ពីសេចក្តីឆ្មើងឆ្មៃ ឬការទាស់ទែងគ្នា ដែលអាចមានក្នុងជីវិតរបស់ពួកគេ និងរបៀបដែលពួកគេអាចធ្វើតាមគំរូរបស់ព្រះអង្គសង្គ្រោះ ។
អាលម៉ាបានប្តេជ្ញាចិត្តថា លោកត្រូវចំណាយពេលរបស់លោកជួយដល់ប្រជាជនខាងវិញ្ញាណ ។ លោកបានបោះបង់តំណែងជំនុំជម្រះទៅឲ្យនីហ្វៃហា ខណៈដែលលោករក្សាតំណែងជាសង្ឃជាន់ខ្ពស់សម្រាប់ខ្លួនលោក ( សូមមើល អាលម៉ា ៤:១៥–១៨ ) ។
សូមអាន អាលម៉ា ៤:១៩ ហើយរកមើលអ្វីដែលអាលម៉ាដឹងថា អាច « ទម្លាក់ចោល » សេចក្តីឆ្មើងឆ្មៃ និងការទាស់ទែងគ្នានៅក្នុងចំណោមប្រជាជននេះ ។ អ្នកក៏អាចមើល « Alma Preaches the Word of God » ចាប់ពីនាទីទី ០:៣៦ ដល់ នាទីទី ១:៥៩ ដែលមាននៅ ChurchofJesusChrist.org.
-
តើអាលម៉ាធ្វើដូចជាព្រះយេស៊ូវគ្រីស្ទតាមរបៀបណាខ្លះ ?
-
តើយើងអាចរៀនអ្វីខ្លះពីគំរូរបស់អាលម៉ា ?
សេចក្តីពិតមួយពី អាលម៉ា ៤:១៩ គឺថា បន្ទូលព្រះ និងការស្តាប់ទីបន្ទាល់ដ៏បរិសុទ្ធអាចជួយយើងយកឈ្នះលើសេចក្តីឆ្មើងឆ្មៃ និងការទាស់ទែងគ្នាបាន ។
សូមរកមើលអ្វីដែលប្រធាន អ៊ែសរ៉ា ថាហ្វ ប៊ែនសឹន បានបង្រៀនអំពីបន្ទូលនៃព្រះនៅក្នុងសេចក្ដីថ្លែងការណ៍ខាងក្រោម ។
ព្រះបន្ទូលនៃព្រះ ដែលមាននៅក្នុងព្រះគម្ពីរ តាមពាក្យសម្តីរបស់ព្យាការីដែលនៅរស់ទាំងឡាយ និងតាមរយៈវិវរណៈផ្ទាល់ខ្លួន មានអំណាចក្នុងការពង្រឹងពួកបរិសុទ្ធ ហើយប្រដាប់ពួកគេដោយព្រះវិញ្ញាណ ដើម្បីពួកគេអាចទប់ទល់នឹងអំពើអាក្រក់ ប្រកាន់ខ្ជាប់នូវអំពើល្អ និងរកឃើញអំណរក្នុងជីវិតនេះ ។ ( អ៊ែសរ៉ា ថាហ្វ ប៊ែនសឹន « The Power of the Word » Ensign ខែ ឧសភា ឆ្នាំ ១៩៨៦ ទំព័រ ៨០ )
-
តើព្រះបន្ទូលរបស់ព្រះ និងការថ្លែងទីបន្ទាល់ដ៏បរិសុទ្ធអាចជួយទម្លាក់ចោលសេចក្តីឆ្មើងឆ្មៃ និងការទាស់ទែងគ្នាបានតាមរបៀបណាខ្លះ ?
សូមអញ្ជើញសិស្សឲ្យជ្រើសរើសឥទ្ធិពលនៃសេចក្តីឆ្មើងឆ្មៃចំនួនពីរ ឬបីដែលពួកគេបានសរសេរនៅលើក្ដារខៀនមុននេះ ហើយទុកពេលឲ្យពួកគេសិក្សាពីរបៀបដើម្បីយកឈ្នះលើបញ្ហាទាំងនោះជាក្រុមតូចៗ ។
សិស្សអាចស្វែងរកប្រធានបទនានា ដូចជា « ចិត្តសុភាពរាបសា » នៅក្នុង Topical Guide ឬ សេចក្ដីណែនាំដល់បទគម្ពីរទាំងឡាយ ។ វាក៏អាចមានប្រយោជន៍ក្នុងការបង្ហាញពួកគេពីរបៀបធ្វើការស្វែងរកនៅក្នុងកម្មវិធីបណ្ណាល័យដំណឹងល្អដើម្បីស្វែងរកព័ត៌មានផងដែរ ។
សូមអញ្ជើញក្រុមផ្សេងៗឲ្យចែកចាយអ្វីដែលពួកគេរៀនជាមួយនឹងថ្នាក់ រួមទាំងរបៀបដែលយើងអាចប្រព្រឹត្តចំពោះអ្នកដទៃឲ្យកាន់តែដូចជាព្រះអង្គសង្គ្រោះដែរ ។ ម៉្យាងទៀត បន្ទាប់ពីសិក្សាពួកគេអាចសរសេរសុន្ទរកថាខ្លីៗថ្លែងពីបញ្ហានៃសេចក្តីឆ្មើងឆ្មៃ និងការទាស់ទែងគ្នា ។
សូមលើកទឹកចិត្តសិស្សឲ្យធ្វើសកម្មភាពតាមចំណាប់អារម្មណ៍ដែលពួកគេបានទទួល អំពីរបៀបដែលពួកគេអាចអនុវត្តអ្វីដែលពួកគេបានរៀននៅក្នុងមេរៀននេះ ។
-
សូមសរសេរបញ្ហាពីរ ឬបីដែលកើតចេញពីសេចក្តីឆ្មើងឆ្មៃ និងការទាស់ទែងគ្នា ។
-
សូមសរសេរបទគម្ពីរ និងការបង្រៀនរបស់ព្យាការីសម័យទំនើបដែលអ្នកមានអារម្មណ៍ថា អាចជួយដោះស្រាយបញ្ហាទាំងនេះបាន ។
-
សូមស្វែងរកឲ្យឃើញពីមូលហេតុ ឬរបៀបដែលអ្វីៗដែលអ្នកបានសរសេរនឹងជួយអ្នកឲ្យប្រព្រឹត្តចំពោះអ្នកដទៃដូចជាព្រះអង្គសង្គ្រោះ ។
សូមព្យាយាមដឹង និងស្គាល់ការបំផុសគំនិតពីព្រះវិញ្ញាណបរិសុទ្ធ អំពីរបៀបដែលអ្នកអាចអនុវត្តនូវអ្វីដែលអ្នកបានរៀននៅក្នុងមេរៀននេះ ។ សូមស្វែងរកឱកាសដើម្បីធ្វើតាមចំណាប់អារម្មណ៍ទាំងនោះ ។