Alma 17–22

Kinatibuk-ang Pagpasabot

Ang anak nga mga lalaki ni Mosiah mipili sa pag-adto sa mga Lamanite aron sa pagsangyaw sa ebanghelyo. Si Ammon mialagad taliwala sa mga katawhan ni Hari Lamoni sa yuta sa Ishmael ug milagrosong nanalipod sa mga panon sa hari. Si Lamoni natandog pag-ayo sa pagkamatinud-anon diin si Ammon mialagad kaniya. Ug tungod sa iyang gibati, si Lamoni andam nga motuo sa tanang mga pulong ni Ammon. Ang amahan ni Lamoni kaniadto usa ka daotan nga tawo, apan human siya nakat-on sa mahinungdanon nga mga kamatuoran mahitungod sa atong Manluluwas ug sa plano sa kaluwasan, nagsugod ang mahinungdanon nga pag-usab sa iyang mga tinguha. Sa kataposan, ang tanang panimalay sa hari nakabig ngadto sa Ginoo.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Alma 17

Katuyoan sa leksiyon: Kini nga leksiyon makatabang sa mga estudyante sa pag-ila sa tabang ug kalig-on nga gihatag sa Ginoo ngadto kanila sa lisod nga mga sitwasyon nga ilang giatubang.

• Pagpangandam sa estudyante: Ikonsiderar ang pagdapit sa mga estudyante sa pagtambong nga andam sa pagpakigbahin ug paghisgot sa pipila ka kasagarang mga problema o mga hagit nga giatubang sa mga tin-edyer ug nganong nagkinahanglan sila sa tabang ug kalig-on sa Dios sa ilang kinabuhi. Mahimong maghunahuna sab sila sa mga higayon nga nakadawat sila sa tabang sa Dios sa ilang kinabuhi.

• Mga Bidyo: “Si Ammon Nahimong Sulugoon ni Hari Lamoni” (3:47); “Si Ammon Nanalipod sa mga Panon ni Hari Lamoni” (5:24; tan-awa gikan sa time code 0:00 hangtod sa 3:10)

• Sugyot sa pagtudlo pinaagi sa videoconference: Ikonsiderar ang pagbutang sa mga estudyante ngadto sa mga breakout room aron tun-an ang usa sa upat ka hugpong [set] sa mga bersikulo nga gilista duol sa sinugdanan sa leksiyon. Pagkahuman, ang usa ka miyembro sa matag grupo mahimong mopamubo kon unsa ang gitun-an sa ilang grupo.

Alma 18

Katuyoan sa leksiyon: Kini nga leksiyon gituyo aron sa pagtabang sa mga estudyante sa pagpangita og mga paagi sa pagtabang sa uban nga mas maduol sa Dios pinaagi sa ilang Kristohanong gugma ug pag-alagad.

• Pagpangandam sa estudyante: Dapita ang mga estudyante sa pagpangutana og usa ka higala o sakop sa pamilya sa pagngalan og mga tawo nga iyang nailhan nga nakatabang sa uban nga mas maduol sa Dios pinaagi sa ilang Kristohanong gugma o pag-alagad.

• Mga Bidyo: “Si Ammon Nanalipod sa mga Panon ni Hari Lamoni” (5:24; tan-awa gikan sa time code 2:57 hangtod sa 5:24); “Si Ammon Nagtudlo ni Hari Lamoni mahitungod sa Ebanghelyo ni Jesukristo” (5:41; tan-awa gikan sa time code 0:23 hangtod sa 1:56 ug gikan sa time code 1:56 hangtod sa 5:41)

• Content nga ipakita: Ang instruksiyon ug mga pangutana sa kataposan sa leksiyon aron pagtabang sa mga estudyante nga makahimo og plano

Alma 19

Katuyoan sa leksiyon: Kini nga leksiyon makatabang sa mga estudyante nga mobati nga ang Ginoo nahigugma sa tanang mga tawo ug nagtinguha nga sila moduol ngadto Kaniya.

• Pagpangandam sa estudyante: Dapita ang mga estudyante sa pagtuon sa Alma 19 ug sa pagpangita sa epekto sa ebanghelyo sa Manluluwas ngadto sa mga Lamanite nga gitudloan ni Ammon.

• Content nga ipakita: Ang survey sa sinugdanan sa leksiyon

• Bidyo: “Si Ammon Nagserbisyo ug Nagtudlo ni Hari Lamoni” (23:04; tan-awa gikan sa time code 15:18 hangtod sa 20:06 ug gikan sa time code 20:07 hangtod sa 23:04)

Alma 20–22

Katuyoan sa leksiyon: Kini nga leksiyon makatabang sa mga estudyante sa pagtinguha sa mga butang sa Dios labaw pa sa bisan unsang butang nga ikatanyag sa kalibotan.

• Pagpangandam sa estudyante: Dapita ang mga estudyante sa pagbasa sa Alma 20 ug 22, mangita kon sa unsang paagi nausab ang amahan ni Hari Lamoni niini nga mga kapitulo. Ipahunahuna nila ang posibleng mga rason alang niana nga kausaban.

• Sugyot sa pagtudlo pinaagi sa videoconference: Sa sinugdanan sa leksiyon, sa higayon nga pangutan-on ang mga estudyante mahitungod sa mga kahimtang nga makaapekto sa ilang kaandam sa pagbuhat og usa ka butang, ikonsiderar ang pagdapit kanila sa pag-type sa ilang mga tubag diha sa chat. Mahimo silang mopakigbahin og daghang mga tubag alang sa matag usa sa mga kahimtang.

Pag-angkon og Espirituhanong Kahibalo, Bahin 4

Katuyoan sa leksiyon: Kini nga leksiyon gituyo aron pagtabang sa mga estudyante sa pagrebyo sa mga baroganan sa pag-angkon og espirituhanong kahibalo.

• Pagpangandam sa estudyante: Mahimong dapiton ang mga estudyante sa paghunahuna mahitungod sa espirituhanong mga pangutana nga anaa na kanila o anaa sa pagkakaron ug unsay ilang nabuhat sa pagpangita og mga tubag sa ilang mga pangutana.

• Sugyot sa pagtudlo pinaagi sa videoconference: Kini nga leksiyon naglangkob og duha ka senaryo nga gisundan sa tulo ka seksiyon nga katugbang ngadto sa mga baroganan sa pag-angkon og espirituhanong kahibalo. Ang matag usa niining tulo ka seksiyon adunay usa ka hugpong sa mga pangutana. Sa matag seksiyon, human mabuhat sa mga estudyante ang senaryo nga imong napili, ikonsiderar ang pagbutang nila sa mga breakout room aron hisgotan ang mga pangutana. Mahimo nimong isagol-sagol ang mga grupo matag higayon.