Seminare
Alema 17–22: Vaaiga Aoao

“Alema 17–22: Vaaiga Aoao,” Tusi Lesona a le Faiaoga o le Tusi a Mamona (2024)

“Alema 17–22,” Tusi Lesona a le Faiaoga o le Tusi a Mamona

Alema 17–22

Vaaiga Aoao

Na filifili atalii o Mosaea e o i sa Lamana e talai atu le talalelei. Sa auauna atu Amona i le nuu o le Tupu o Lamonae i le laueleele o Isamaeli ma sa ia puipuia faavavega lafu manu a le tupu. Sa matua ootia Lamonae i le faamaoni lea na auauna atu ai Amona ia te ia. Ma ona o le mea sa ia lagonaina, sa naunau ai Lamonae e talitonu i upu uma a Amona. Sa avea muamua le tamā o Lamonae ma se tagata amioleaga, ae ina ua uma ona ia aoaoina upumoni taua e uiga i lo tatou Faaola ma le ata o le faaolataga, sa amata ona matuai suia lava ona manaoga. Mulimuli ane, na liua uma le aiga o le tupu i le Alii.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Alema 17

Faamoemoega o le lesona: O lenei lesona e mafai ona fesoasoani ai i tagata aoga ia iloa le fesoasoani ma le malosi e tuuina mai e le Alii ia i latou i tulaga faigata latou te feagai.

  • Sauniuniga a le tagata aoga: Mafaufau e valaaulia tagata aoga e o mai saunia e faasoa ma talanoaina nisi o faafitauli masani po o luitau o feagai ma le autalavou ma pe aisea o le a latou manaomia ai le fesoasoani ma le malosi o le Atua i o latou olaga. Atonu foi latou te mafaufau i taimi na latou maua ai le fesoasoani a le Atua i o latou olaga.

  • Vitio: “Ua Avea Amona ma Auauna a le Tupu o Lamonae” (3:47); “Ua Puipuia e Amona lafu Manu a le Tupu” (5:24; matamata mai le faailo taimi 0:00 i le 3:10)

  • Fautuaga faafaiaoga faavitio: Mafaufau e tuu tagata aoga i ni potu vaevae e suesue ai se tasi o seti e fa o fuaiupu o loo lisiina e lataane i le amataga o le lesona. A maea, e mafai e se toatasi mai vaega taitasi ona aotele mea na suesueina e a latou vaega.

Alema 18

Faamoemoega o le lesona: O lenei lesona ua faamoemoe e fesoasoani ai i tagata aoga e saili ni auala e fesoasoani ai i isi ia latalata atili atu i le Atua e ala i lo latou alofa ma le auaunaga faaKeriso.

Alema 19

Faamoemoega o le lesona: O lenei lesona e mafai ona fesoasoani i tagata aoga ia lagona e alofa le Alii i tagata uma ma finagalo ia latou o mai ia te Ia.

  • Sauniuniga a le tagata aoga: Valaaulia tagata aoga e suesue le Alema 19 ma vaavaai mo le aafiaga o le talalelei a le Faaola i luga o sa Lamana lea na aoao e Amona.

  • Anotusi e faaali atu: O le iloiloga i le amataga o le lesona

  • Vitio: “Ua Auauna ma Aoao Atu e Amona le Tupu o Lamonae” (23:04; matamata mai le faailo taimi 15:18 i le 20:06 ma mai le faailo taimi 20:07 i le 23:04)

Alema 20–22

Faamoemoega o le lesona: O lenei lesona e mafai ona fesoasoani i tagata aoga ia mananao i mea a le Atua e sili atu nai lo se isi lava mea e ofoina mai e le lalolagi.

  • Sauniuniga a le tagata aoga: Valaaulia tagata aoga e faitau le Alema 20 ma le 22, ma vaavaai pe na faapefea ona suia le tamā o le Tupu o Lamonae i nei mataupu. Tuu atu ia i latou e mafaufau i ni mafuaaga talafeagai mo lena suiga.

  • Fautuaga faafaiaoga faavitio: I le amataga o le lesona, pe a fesiligia tagata aoga e uiga i tulaga o le a aafia ai lo latou naunau e faia se mea, mafaufau e valaaulia i latou e ta i totonu a latou tali i le talanoaga. E mafai ona latou faasoa mai ni tali se tele mo tulaga taitasi.

Mauaina o le Malamalama Faaleagaga, Vaega 4

Faamoemoega o le lesona: O lenei lesona ua faamoemoe e fesoasoani ai i tagata aoga e toeiloilo mataupu faavae o le mauaina o le malamalama faaleagaga.

  • Sauniuniga a le tagata aoga: E mafai ona valaaulia tagata aoga e mafaufau e uiga i a latou fesili faaleagaga sa i ai pe o i ai i le taimi nei ma mea sa latou faia e sue ai tali i a latou fesili.

  • Vitio: “Punavai Paia ua Filifilia” (9:16; matamata mai le faailo taimi 2:43 i le 4:19, 4:19 i le 5:35, ma le 5:35 i le 7:01)

  • Fautuaga faafaiaoga faavitio: O lenei lesona o loo i ai ni tulaga faataitai se lua e sosoo ai ma ni vaega se tolu e o faatasi ma mataupu faavae o le mauaina o le malamalama faaleagaga. O nei vaega taitasi e tolu o loo i ai se seti o fesili. I vaega taitasi, a uma ona galulue tagata aoga i le tulaga faataitai na e filifilia, mafaufau e tuu i latou i totonu o potu vaevae e talanoaina ai fesili. E mafai ona e faafefiloiina vaega i taimi taitasi.

Lolomi