Ալմա 23-29

Ակնարկ

Ամմոնի և նրա եղբայրների ուսմունքների միջոցով հազարավոր լամանացիներ «դարձի եկան դեպի Տերը» և «երբեք չհեռացան» (Ալմա 23.6)։ Այս նորադարձները կոչվեցին անթի-նեփի-լեքիներ։ Մինչև իրենց դարձի գալը շատ անթի-նեփի-լեքիներ մեղսավոր գործելակերպ ունեին։ Փրկչի ներումը ոգեշնչեց նրանց խուսափել այդ մեղքերին վերադառնալուց։ Ամմոնը և նրա եղբայրները ցնծում էին իրենց 14-ամյա առաքելության համար և ցանկանում էին կիսվել իրենց փորձառություններով։

Պատրաստվեք ուսուցանել

Ստորև ներկայացվող տեղեկություններն ուսուցիչներին հուշում են, թե ինչ է պետք նախապատրաստել յուրաքանչյուր դասի համար:

Ալմա 23

Դասի նպատակը․ այս դասի նպատակն է օգնել ուսանողներին ցանկանալ լիովին դարձի գալ դեպի Տերը և բացահայտել դարձի գալու ճանապարհին ի հայտ եկող ցանկացած խոչընդոտ։

• Ուսանողի նախապատրաստում․ ուսանողներին առաջարկեք պատրաստվել և դասին կիսվել, թե իրենց կարծիքով< ինչ է նշանակում լինել «դարձի եկած դեպի Տերը» (Ալմա 23.6), և ինչու է այդքան կարևոր դարձի գալ դեպի Տերը։ Եթե ուսանողներին օգնություն անհրաժեշտ լինի, կարող են օգտվել Սուրբ գրքերի ուղեցույցի «Դարձ, դարձի գալ» բաժինների գրառումներից։

• Նկար. Փրկչի նկարը

• Բովանդակություն ցուցադրման համար․ Տասներկու Առաքյալների Քվորումից երեց Դեյվիդ Ա. Բեդնարի և Դեյլ Գ. Ռենլանդի խոսքերը ապստամբության որ զենքերի մասին կարող են լինել

• Առցանց ուսուցման առաջարկ․ կարող եք մի նորադարձի հրավիրել ներկա գտնվելու դասին և խոսելու, թե որ «ապստամբության զենքերը» պետք է վայր դնել՝ Փրկչին հետևելու և Նրա Եկեղեցուն միանալու համար։ Նախքան հրավիրելը անպայման ստացեք ձեր համակարգողի կամ ծրագրի կառավարիչի և քահանայության տեղական ղեկավարների թույլտվությունը։

Ալմա 24

Դասի նպատակը․ այս դասը կօգնի ուսանողներին Փրկչի օգնությամբ հաղթահարել մեղքը և վատ սովորությունները։

• Ուսանողի նախապատրաստում. ուսանողներին առաջարկեք կարդալ Ալմա 24.7–16 հատվածները և պատրաստվել կիսվելու, թե անթի-նեփի-լեքիներից ինչ են սովորել Փրկչի, ապաշխարության և ներման մասին։

• Տեսանյութեր․ «Մորմոնի Գրքի զորությունը դարձի գալու համար» (9:01, դիտել 6:11-8:12 հատվածը), «Անսասան նվիրվածություն առ Հիսուս Քրիստոս» (13:52, դիտել 0:00-1:39 և 12:45-13:31 հատվածները)

• Առցանց ուսուցման առաջարկ․ կարող եք ուսանողներին երեք կամ չորս հոգուց բաղկացած խմբերով առանձնացնել քննարկման սենյակներում, որպեսզի Ալմա 24.7–16 հատվածներում որոնեն կարևոր բառերն ու արտահայտությունները։ Յուրաքանչյուր խմբի առաջարկեք ընտրել ավագ, որը դասարանին կներկայացնի այդ խմբի առանձնացրած բառերն ու արտահայտությունները։

Ալմա 26

Դասի նպատակը․ այս դասը կօգնի ուսանողներին խորը երախտագիտություն և սեր զգալ Տիրոջ հանդեպ և շնորհակալ լինել Նրա պարգևած օրհնությունների համար։

• Ուսանողի նախապատրաստում․ ուսանողները կարող են կարդալ Ալմա 26.11–16 հատվածը և խորհել, թե իրենց կարծիքով< ինչ է նշանակում «հրճվել Տիրոջով»։

• Նկարներ․ մի քանի նկար Ամմոնի միսիոներական գործերի վերաբերյալ

• Նյութեր ուսանողների համար. դատարկ թերթիկ յուրաքանչյուր ուսանողի համար

• Առցանց ուսուցման առաջարկ․ թղթի վրա երեք սյունակ գծելու փոխարեն ուսանողներին կարող եք խնդրել անել դա դասարանով՝ օգտագործելով վիրտուալ գրատախտակի գործառույթը։ Որպես այլընտրանք կարող եք առանձնացնել նրանց քննարկման սենյակներում և յուրաքանչյուր խմբի խնդրել երեք սյունակ գծել թվային փաստաթղթում։ Երբ ուսանողները վերադառնան ընդհանուր քննարկման սենյակ, յուրաքանչյուր խումբ կարող է դասարանի հետ կիսվել իր փաստաթղթով։

Ալմա 29

Դասի նպատակը․ այս դասը կօգնի ուսանողներին գնահատել իրենց ցանկությունները և համապատասխանեցնել դրանք Տիրոջ ցանկություններին։

• Ուսանողի նախապատրաստում․ կարող եք ուսանողներին առաջարկել կարդալ Ալմա 29.1–6 հատվածները և խորհել, թե ինչ են սովորում իրենց ցանկությունների մասին։

• Նկար․ Ալմա Կրտսերի դարձը

• Բովանդակություն ցուցադրման համար․ «Ցանկությունների կարևորությունը» նյութի հարցերը և ցուցումները՝ ցուցադրված գրատախտակին կամ քննարկման սենյակի տարբեր տեղերում

• Առցանց ուսուցման առաջարկ․ դասի սկզբում, երբ ուսանողները մտածում են իրենց ցանկությունների մասին, կարող եք առաջարկել նրանց մի քանի րոպե հատկացնել և իրենց ցանկությունը պատկերող որևէ նկար որոնել։ Ուսանողները կարող են հերթով ցույց տալ և բացատրել իրենց ընտրած նկարները։

Վարդապետության սերտման կրկնություն 13

Դասի նպատակը․ այս դասը նախատեսված է օգնելու ուսանողներին Մորմոնի Գրքում գտնել վարդապետության սերտման սուրբ գրությունների առաջին 12 հատվածները։

• Ուսանողի նախապատրաստում․ ուսանողներին առաջարկեք, որ ընկերներին կամ ընտանիքի անդամներին խնդրեն ցույց տալ, թե ինչ տարբեր եղանակներով են նշում սուրբ գրությունների հատվածները, և ինչու։

• Տպագիր նյութ․ «Մորմոնի Գրքի վարդապետության սերտում․ Ալմա–Մորոնի»

• Առցանց ուսուցման առաջարկ․ որպեսզի հնարավորություն տաք ուսանողներին վարդապետության սերտման առաջին 12 հատվածները գտնելիս ավելի շատ դասընկերների հետ աշխատել, կարող եք սուրբ գրության յուրաքանչյուր հատվածի համար ուսանողներին առանձնացնել տարբեր քննարկման սենյակներում։ Որպեսզի օգնեք ուսանողներին ավելի լավ ճանաչել միմյանց, յուրաքանչյուր փուլի սկզբում կարող եք տարբեր հարցեր առաջարկել, որոնք նրանք կարող են տալ իրենց դասընկերոջը կամ խմբին։