Alema 23–29

Vaaiga Aoao

E ala i aoaoga a Amona ma ona uso, e faitau afe sa Lamana sa “faaliliuina i le Alii” ma “sa lei pauu ese lava” (Alema 23:6). O nei tagata liliu mai na latou faaaogaina le igoa o Aneti-Nifae-Liae. A o lei liua i latou, o le toatele o Aneti-Nifae-Liae na atinaeina ni faiga e tumu i le agasala. Ina ua latou mauaina le faamagaloga a le Faaola, sa musuia i latou e aloese mai le toe foi atu i na agasala. Sa olioli Amona ma ona uso i la latou misiona e 14 tausaga, ma sa latou mananao e faasoa mai o latou aafiaga.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Alema 23

Faamoemoega o le lesona: O le faamoemoega o lenei lesona o le fesoasoani lea i tagata aoga ia mananao ia liua atoatoa atili i le Alii ma faailoa mai soo se faalavefau i lena liua.

Sauniuniga a le tagata aoga: Valaaulia tagata aoga e o mai saunia e faasoa mai o latou manatu i le uiga o le “liua i le Alii” (Alema 23:6) ma pe aisea e taua tele ai le liua ia te Ia. E mafai ona latou tagai i le O le Taiala i Tusitusiga Paia i lalo o le “Liliuga, Liliu Mai” pe afai latou te manaomia le fesoasoani.
Ata: O se ata o le Faaola
Anotusi e faaali atu: O saunoaga a Elder David A. Bednar ma Dale G. Renlund o le Korama a Aposetolo e Toasefululua e uiga i auupega o le fouvale e mafai ona i ai
Fautuaga faafaiaoga faavitio: Mafaufau e valaaulia se tagata faatoa liliu mai e auai i le vasega ma talanoa e uiga i nisi o “auupega o le fouvale” sa tatau ona lafoaia ina ia mulimuli ai i le Faaola ma auai i Lana Ekalesia. Ia mautinoa ua maua se faatagaga mai lau taitai faamaopoopo po o le taitai o le polokalama ma taitai perisitua i le lotoifale a o lei tuuina atu le valaaulia.

Alema 24

Faamoemoega o le lesona: O lenei lesona e mafai ona fesoasoani i tagata aoga e faatoilalo ai le agasala ma mausa leaga e faaaogaina ai le fesoasoani a le Faaola.

Sauniuniga a le tagata aoga: Valaaulia tagata aoga e faitau le Alema 24:7–16 ma o mai saunia e faasoa mai mea ua latou aoaoina mai Aneti-Nifae-Liae e uiga i le Faaola, salamo, ma le faamagaloga.
Vitio: “O Le Mana o le Tusi a Mamona i le Liuaina” (9:01; maimoa mai le faailo taimi 6:11 i le 8:12); “Tautinoga Le Maluelue ia Iesu Keriso” (13:52; matamata mai le faailo taimi 0:00 i le 1:39 ma mai le faailo taimi 12:45 i le 13:31)
Fautuaga faafaiaoga faavitio: Mafaufau e tuu tagata aoga i ni vaega taitoatolu pe taitoafa i potu vaevae e saili ai mo upu ma fasifuaitau taua i le Alema 24:7–16. Valaaulia vaega taitasi e filifili se taitai e faasoa mai i le vasega ia upu ma fasifuaitau na faailoa mai e le vaega.

Alema 26

Faamoemoega o le lesona: O lenei lesona e mafai ona fesoasoani i tagata aoga ia lagonaina le lotofaafetai loloto ma le alofa mo le Alii ma mo faamanuiaga Na te faaee atu i o latou olaga.

Sauniuniga a le tagata aoga: E mafai e tagata aoga ona faitau le Alema 26:11–16 ma mafaufau loloto po o le a so latou manatu i le uiga o le “mitamita i le Alii.”
Ata: O ni nai ata o taumafaiga faafaifeautalai a Amona
Anomea mo tagata aoga: O se laupepa atoa avanoa mo tagata aoga taitasi
Fautuaga faafaiaoga faavitio: Nai lo le fai atu i tagata aoga e fatu a latou koluma e tolu i luga o se laupepa, e mafai ona e fai atu ia i latou e faia o se vasega e faaaoga ai le vaega o le laupapa paepae. I se isi faiga, e mafai ona e faatulagaina i latou i potu vaevae ma fai atu i vaega taitasi e fatu ni koluma se tolu i se pepa o faamatalaga faatekinolosi. A toe faatasitasi tagata aoga, e mafai e vaega taitasi ona faasoa mai a latou pepa o faamatalaga i le vasega.

Alema 29

Faamoemoega o le lesona: O lenei lesona e mafai ona fesoasoani ai i tagata aoga e iloilo o latou manaoga ma faaogatusa ma le finagalo o le Alii.

Sauniuniga a le tagata aoga: Mafaufau e valaaulia tagata aoga e faitau le Alema 29:1–6 ma mafaufau loloto i mea ua latou aoaoina e uiga i manaoga.
Ata: O Le Liua o Alema le Itiiti
Anotusi e faaali atu: O fesili ma faatonuga i lalo o le “O le taua o manaoga,” o loo faaalia i luga o le laupapa po o nofoaga eseese faataamilo i le potu
Fautuaga faafaiaoga faavitio: I le amataga o le lesona, pe a valaaulia tagata aoga e mafaufau e uiga i mea o le a latou moomoo i ai, mafaufau e valaaulia i latou e faaalu ni nai minute ma saili mo se ata e faapupula mai ai mea o le a latou moomoo i ai. E mafai e tagata aoga ona feauauai e faaali ma faamatala mai ata na latou filifilia.

Atamai i Aoaoga Faavae Iloiloga 13

Faamoemoega o le lesona: O lenei lesona ua faamoemoe e fesoasoani ai i tagata aoga e sue ia fuaitau o mau o le atamai i aoaoga faavae e 12 i le afa lona lua o le Tusi a Mamona.

Sauniuniga a le tagata aoga: Valaaulia tagata aoga e fai atu i uo po o tagata o le aiga e faaali atu ia i latou ni auala eseese latou te faailogaina ai fuaitau o mau ma pe aisea.
Pepa e tufa atu: “Atamai i Aoaoga Faavae o le Tusi a Mamona: Alema–Moronae”
Fautuaga faafaiaoga faavitio: Ina ia faataga tagata aoga e galulue ma le toatele o tagata o le latou vasega a o latou sueina fuaitau e 12 o le atamai i aoaoga faavae, mafaufau e tuu tagata aoga i potu vaevae eseese mo fuaitau o mau taitasi. I le amataga o taamilosaga taitasi, e mafai ona e fautuaina atu ni fesili eseese e mafai ona latou fai atu i a latou paga po o vaega e fesoasoani ai ia latou iloa lelei le tasi ma le isi.