“Atamai i Aoaoga Faavae Iloiloga 13: Sue ma Faailoga le Alema 7:11–13 e oo i le Moronae 10:4–5,” Tusi Lesona a le Faiaoga o le Tusi a Mamona (2024)
“Atamai i Aoaoga Faavae Iloiloga 13,” Tusi Lesona a le Faiaoga o le Tusi a Mamona
Atamai i Aoaoga Faavae Iloiloga 13
Sue ma Faailoga le Alema 7:11–13 e oo i le Moronae 10:4–5
O se tasi o faamoemoega o le atamai i aoaoga faavae o le fesoasoani lea ia te oe ia sau ia Keriso e ala i le faateleina o lou malamalama i upumoni o le talalelei o loo maua i tusitusiga paia. O lenei lesona ua faamoemoe e fesoasoani ia te oe e sue ia fuaitau o mau e 12 o le atamai i aoaoga faavae i le afa lona lua o le Tusi a Mamona.
Fatufatuina o se siosiomaga o le faaauai. O le tuuina atu i tagata aoga o avanoa e aoao atili ai e uiga i le tasi ma le isi e mafai ona fesoasoani e fausia ai se siosiomaga o le taliaina ma le faaauaiina. Vaavaai mo taimi e mafai ona faasoa ai e tagata aoga se faamatalaga talafeagai e uiga i o latou olaga i le tasi ma i le isi.
Sauniuniga a le tagata aoga: Valaaulia tagata aoga e fai atu i uo po o tagata o le aiga e faaali atu ia i latou ni auala eseese latou te faailogaina ai fuaitau o mau ma pe aisea.
Gaoioiga e Ono Mafai Ona Aoao Ai
Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina ua saunia e le faatonu po o le taitai faamaopoopo o le eria po o le itulagi ina ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.
Mau faasino ma fasifuaitau autu o mau
Afai e manaomia, a o lei valaauliaina tagata aoga e tali mai i le tulaga faataitai lenei, faamanatu atu ia i latou o le faailogaina o mau e le o le lē faaaloalo pe faamalosia foi ma e leai se auala sao pe sese e faia ai. O le mea taua o le taumafai lea e sue, aoao, ma manatua mea o loo aoao mai e mau.
Vaai faalemafaufau e faapea, ua maitauina e se tei laitiiti o loo e faailogaina au tusitusiga paia a o e suesue. A uma ona vaai i le itulau ua faailogaina ma faailoga uma o iai e fesili atu lou tei laitiiti pe aisea e te faailogaina ai au tusitusiga paia.
-
E faapefea ona e tali atu i ai?
Mafaufau e valaaulia tagata aoga e faasoa mai i ni vaega toalaiti ni auala eseese latou te faailoga ai a latou tusitusiga paia ma pe aisea. Fesoasoani i tagata aoga ia malamalama o le makaina o fuaitau o mau e mafai ona fesoasoani e avea ai tusitusiga paia ma mea patino, faamamafa atu ai ni malamalamaaga anoa, ma faafaigofie ai ona sue ia fuaitau i le lumanai.
A uma ona faasoa mai tagata aoga, faaali atu le siata lenei, pe saunia o se pepa e tufatufa atu mo le faaaogaina i le taimi o le gaoioiga lenei.
Atamai i Aoaoga Faavae o le Tusi a Mamona: Alema–Moronae
Tusi Lesona a le Faiaoga o le Tusi a Mamona (2024)
|
Mau Faasino |
Fasifuaitau Autu o le Mau |
|---|---|
Mau Faasino | Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.” |
Mau Faasino | Fasifuaitau Autu o le Mau “E tatau ona faia o se togiola, … o se taulaga e ao ina le gata ma faavavau.” |
Mau Faasino | Fasifuaitau Autu o le Mau “Aua e te toe alu e tusa ma tuinanau o ou mata.” |
Mau Faasino | Fasifuaitau Autu o le Mau “E lei avea lava le amioleaga ma fiafia.” |
Mau Faasino | Fasifuaitau Autu o le Mau “O luga lava o le papa o lo tatou Togiola … e ao ina oulua atiae ai lo oulua faavae.” |
Mau Faasino | Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.” |
Mau Faasino | Fasifuaitau Autu o le Mau “Ia outou atoatoa e pei lava o aʼu, po o lo outou Tamā o le o i le lagi e atoatoa.” |
Mau Faasino | Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.” |
Mau Faasino | Fasifuaitau Autu o le Mau “Aua tou te le maua se molimau, seia uma ona tofotofoina o lo outou faatuatua.” |
Mau Faasino | Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.” |
Mau Faasino | Fasifuaitau Autu o le Mau “O le alofa mama o le alofa le pona lea o Keriso.” |
Mau Faasino | Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.” |
© 2023 by Intellectual Reserve, Inc. Ua taofia aiā tatau uma.
Mafaufau e valaaulia tagata aoga e galulue ma se paga. Tofi paga taitasi e sauni e faailoa atu ia le itiiti ifo ma le tasi se fuaitau o le atamai i aoaoga faavae i le vasega. Ia mautinoa ua atofa atu fuaitau uma e 12. A uma ona tuuina atu ia i latou se taimi e saunia ai, valaaulia paga taitasi e fai mea nei:
-
Faailoa atu a latou paga i le vasega atoa e ala i le faasoa atu o se mea mataina pe taua e uiga i le tasi ma le isi
-
Faailoa atu a latou fuaitau o le atamai i aoaoga faavae i le vasega e ala i le:
-
Uunaia o tagata aoga e sue le fuaitau ma mafaufau e faailoga
-
Faitau le fuaitau atoa i le vasega ma faasino i ai le fuaitau autu o le mau
-
Faamatala pe aisea e taua ai mo le autalavou i aso nei le malamalama i le upumoni i le fasifuaitau autu o le mau
-
A uma ona faasoa mai tagata aoga uma, e mafai e tagata aoga ona faaaoga soo se taimi o totoe i le vasega e amata ai ona tauloto mau faasino ma fasifuaitau autu o mau. Atonu latou te mananao e faaaoga le polokalama feaveai o le Atamai i Aoaoga Faavae e fesoasoani ai ia i latou (pe afai o maua).