« ការរំឭកចំណេះចំណានខាងគោលលទ្ធិទី ១៤ ៖ ទន្ទេញសេចក្ដីយោង និងឃ្លាបទគម្ពីរគន្លឹះ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ការរំឭកចំណេះចំណានខាងគោលលទ្ធិទី ១៤ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ការរំឭកចំណេះចំណានខាងគោលលទ្ធិទី ១៤
ទន្ទេញសេចក្ដីយោង និងឃ្លាបទគម្ពីរគន្លឹះ
ការចងចាំសេចក្ដីយោងបទគម្ពីរ និងអ្វីដែលវាបានបង្រៀននៅក្នុងបទគម្ពីរនោះ អាចជួយដល់អ្នកបានតាមវិធីជាច្រើន ។ គោលបំណងនៃមេរៀននេះគឺដើម្បីជួយអ្នកឲ្យទន្ទេញសេចក្ដីយោងបទគម្ពីរជាច្រើន និងឃ្លាបទគម្ពីរគន្លឹះពីវគ្គបទគម្ពីរចំណេះចំណានខាងគោលលទ្ធិទាំង ១២ ចុងក្រោយក្នុងព្រះគម្ពីរមរមន ។
ការទន្ទេញវគ្គបទគម្ពីរ ។នៅពេលដែលទន្ទេញពាក្យពេចន៍នៃបទគម្ពីរហើយ នោះតាមធម្មតាពាក្យទាំងនេះនឹងមានអានុភាពកាន់តែខ្លាំង នៅពេលយើងបង្រៀនអ្នកដទៃទៀត ។ កិច្ចការដែលតម្រូវឲ្យទន្ទេញបទគម្ពីរនេះក៏អាចជួយសិស្សឲ្យយល់កាន់តែច្បាស់អំពីអត្ថន័យនៃសេចក្ដីពិត និងគោលលទ្ធិដែលមានក្នុងវគ្គបទគម្ពីរទាំងឡាយផងដែរ ។ សូមឲ្យសិស្សទន្ទេញវគ្គបទគម្ពីរចំណេះចំណានខាងគោលលទ្ធិមួយចំនួន ឬទាំងអស់ ។
ការរៀបចំសិស្ស ៖ សូមអញ្ជើញសិស្សឲ្យជ្រើសរើស និងទន្ទេញវគ្គបទគម្ពីរចំណេះចំណានខាងគោលលទ្ធិ ដែលអាចជួយពួកគេឲ្យមានអារម្មណ៍ជិតស្និទ្ធនឹងព្រះអង្គសង្គ្រោះ ឬជួយដល់ពួកគេជាមួយនឹងតម្រូវការបច្ចុប្បន្ន ។
សកម្មភាពរៀនសូត្រដែលអាចមាន
មេរៀនវគ្គបទគម្ពីរបទគម្ពីរចំណេះចំណានខាងគោលលទ្ធិ អាចនឹងត្រូវបង្រៀនជំនួសឲ្យមេរៀនរំឭកឡើងវិញនេះ ។ សូមមើលកាលវិភាគល្បឿននៃការបង្រៀនដែលនាយកតំបន់ ឬអ្នកសម្របសម្រួលប្រចាំភូមិភាគផ្តល់ឲ្យដើម្បីធានាឲ្យបានថា មេរៀនវគ្គបទគម្ពីរចំណេះចំណានខាងគោលលទ្ធិនីមួយៗនឹងត្រូវបានបង្រៀន នៅពេលដែលថ្នាក់សិក្ខាសាលាកំពុងសិក្សា ។
សូមជ្រើសរើសវគ្គបទគម្ពីរចំណេះចំណានខាងគោលលទ្ធិបី ឬបួនចេញពីព្រះគម្ពីរមរមនពាក់កណ្ដាលដំបូង ដើម្បីផ្ដោតការយកចិត្តទុកដាក់លើនៅក្នុងមេរៀននេះ ។ សិស្សអាចទទួលបានឱកាសដើម្បីផ្ដោតការយកចិត្តទុកដាក់របស់ពួកគេនៅលើវគ្គបទគម្ពីរផ្សេងទៀតនៅក្នុងមេរៀនផ្សេងទៀត ។
អត្ថប្រយោជន៍នៃការទន្ទេញបទគម្ពីរ
-
តើអ្នកនឹងនិយាយអ្វីទៅកាន់នរណាម្នាក់ដែលងឿងឆ្ងល់ថា ហេតុអ្វីវាជាការល្អដើម្បីទន្ទេញបទគម្ពីរ ?
សូមអាន អាលម៉ា ៣១:៥ ដោយរកមើលហេតុផលដែលនរណាម្នាក់អាចនឹងចង់ទន្ទេញបទគម្ពីរឲ្យចាំ ។
-
តើការទន្ទេញបទគម្ពីរអាចនឹងជួយឲ្យអ្នកប្រើចេស្ដារបស់ព្រះយ៉ាងដូចម្ដេចបាន ?
-
តើវគ្គបទគម្ពីរមួយណាដែលអ្នកបានទន្ទេញ ? តើអ្នកបានទទួលអត្ថប្រយោជន៍ពីការទន្ទេញវគ្គបទគម្ពីរយ៉ាងដូចម្ដេច ?
បើសិស្សមិនទាន់បានគូសចំណាំវគ្គបទគម្ពីរចំណេះចំណានខាងគោលលទ្ធិខាងក្រោមនៅក្នុងព្រះគម្ពីរពួកគេទេ សូមពិចារណាបង្ហាញតារាងនេះ ហើយអញ្ជើញពួកគេឲ្យគូសចំណាំវា ។
ចំណេះចំណានខាងគោលលទ្ធិនៃព្រះគម្ពីរមរមន ៖ អាលម៉ា–មរ៉ូណៃ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
|
សេចក្តីយោងបទគម្ពីរ |
ឃ្លាបទគម្ពីរគន្លឹះ |
|---|---|
សេចក្តីយោងបទគម្ពីរ | ឃ្លាបទគម្ពីរគន្លឹះ « ហើយទ្រង់នឹងយាងទៅដោយរងការឈឺចាប់ និងទុក្ខវេទនា និងការល្បួងគ្រប់បែបយ៉ាង » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « ត្រូវតែមានដង្វាយធួនមួយកើតឡើង …ការបូជាមួយដ៏និរន្តរ៍ និងអស់កល្បជានិច្ច » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « កុំទៅតាមសេចក្តីសម្រើបនៃភ្នែករបស់ខ្លួនឡើយ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « សេចក្ដីទុច្ចរិតពុំដែលជាសុភមង្គលឡើយ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « គឺនៅលើសិលានៃព្រះដ៏ប្រោសលោះនៃយើង…ដែលកូនត្រូវសង់គ្រឹះរបស់កូន » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក »។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « បានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « ចូរមករកយើង ហើយទទួលបុណ្យជ្រមុជទឹក … ប្រយោជន៍ឲ្យអ្នករាល់គ្នា អាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « អ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្ដីជំនឿរបស់អ្នកសិន » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « បើមនុស្សលោកមករកយើង … យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែចំពោះពួកគេវិញ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « ប៉ុន្តែ សេចក្ដីសប្បុរស គឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។ |
សេចក្តីយោងបទគម្ពីរ | ឃ្លាបទគម្ពីរគន្លឹះ « សូមសួរដល់ព្រះជាព្រះវរបិតាដ៏គង់នៅអស់កល្បជានិច្ចដោយនូវព្រះនាមនៃព្រះគ្រីស្ទ … [ និង ] ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។ |
© ឆ្នាំ ២០២៣ by Intellectual Reserve, Inc. All rights reserved.
នៅលើសន្លឹកក្រដាសខុសៗគ្នា សូមសរសេរយោបល់ខាងក្រោមសម្រាប់វគ្គបទគម្ពីរចំណេះចំណានខាងគោលលទ្ធិដែលសិស្សត្រូវផ្តោតការយកចិត្តទុកដាក់លើនៅក្នុងមេរៀននេះ ។ សូមបង្កើតកន្លែងសិក្សាសម្រាប់សកម្មភាព ឬវគ្គបទគម្ពីរនីមួយៗ ។ ការណ៍នេះអាចធ្វើឡើងបានដោយការបិទក្រដាសទៅលើជញ្ជាំង ឬក៏ដាក់វានៅតាមជ្រុងជញ្ជាំងនៃថ្នាក់រៀន ។ សិស្សក៏អាចធ្វើលំហាត់ទាំងនេះជាមួយដៃគូ និងបង្ហាញវគ្គនានាប្រាប់គ្នាបានផងដែរ ។
-
សូមសរសេរសេចក្តីយោងបទគម្ពីរ និងឃ្លាបទគម្ពីរគន្លឹះមួយចំនួន ដោយលុបចេញតែពាក្យពីរបីម៉ាត់ ឬលេខពីរបីតួប៉ុណ្ណោះ ។ សិស្សត្រូវបំពេញនូវពាក្យ ឬលេខដែលបានបាត់ ។
-
សូមសរសេរតួអក្សរដំបូងៗសម្រាប់ពាក្យនីមួយៗនៃសេចក្ដីយោងបទគម្ពីរ និងឃ្លាបទគម្ពីរគន្លឹះ ។
-
សូមសរសេរពាក្យ និងលេខនៃសេចក្តីយោង និងឃ្លាបទគម្ពីរគន្លឹះព្រាវៗ ។ សូមអញ្ជើញសិស្សឲ្យសរសេរសេចក្តីយោង និងឃ្លាបទគម្ពីរឲ្យបានត្រឹមត្រូវនៅលើសន្លឹកក្រដាសដាច់ដោយឡែកមួយ ឬនៅក្នុងសៀវភៅកំណត់ហេតុការសិក្សារបស់ពួកគេ ។
-
សិស្សអាចប្រើមុខងារកាតបង្ហាញអក្សរ ឬរូបក្នុងកម្មវិធីចំណេះចំណានខាងគោលលទ្ធិ ។ សិស្សអាចជ្រើសរើសវគ្គទាំងស្រុងដើម្បីទន្ទេញ និងប្រើកម្មវិធីនេះដើម្បីជួយពួកគេផងដែរ ។
សូមអញ្ជើញសិស្សឲ្យចូលមើលកន្លែងសិក្សានីមួយៗ ហើយបំពេញសកម្មភាពទាំងអស់សម្រាប់វគ្គបទគម្ពីរជាក់លាក់មួយ ។ បន្ទាប់ពីការអនុវត្តជាក់ស្ដែងក្នុងវគ្គមួយហើយ សិស្សអាចធ្វើដំណើរការនេះឡើងវិញសម្រាប់វគ្គផ្សេងទៀតបាន ។ សូមធ្វើដដែលៗឲ្យបានច្រើនដងតាមដែលអ្នកចង់ ។
បន្ទាប់ពីសិស្សបានបញ្ចប់ហើយ សូមអញ្ជើញអ្នកស្ម័គ្រចិត្តពីរបីនាក់ឲ្យថាឡើងវិញនូវសេចក្ដីយោង និងឃ្លាបទគម្ពីរគន្លឹះដែលពួកគេបានទន្ទេញនោះ ។ ពួកគេក៏អាចចែកចាយបច្ចេកទេសនៃការទន្ទេញដែលបានជួយពួកគេបានច្រើនបំផុតផងដែរ ។ សូមអញ្ជើញសិស្សឲ្យបន្តទន្ទេញវគ្គបទគម្ពីរចំណេះចំណានខាងគោលលទ្ធិនេះ ។