Rebyo 16 sa Doktrinal nga Kahanas: Gamita ang mga Tudling sa Doktrinal nga Kahanas
“Rebyo 16 sa Doktrinal nga Kahanas: Gamita ang mga Tudling sa Doktrinal nga Kahanas,” Manwal sa Magtutudlo sa Basahon ni Mormon (2024)
“Rebyo 16 sa Doktrinal nga Kahanas,” Manwal sa Magtutudlo sa Basahon ni Mormon
Rebyo 16 sa Doktrinal nga Kahanas
Gamita ang mga Tudling sa Doktrinal nga Kahanas
Imahe
grupo sa malipayong kabatan-onan
Ang pagkat-on sa paggamit sa mga pulong sa Ginoo diha sa balaan nga mga kasulatan makapanalangin kanimo sa daghang mga paagi. Kini nga leksiyon makatabang nimo sa paggamit sa mga kamatuoran gikan sa mga tudling sa doktrinal nga kahanas sa ikaduhang tunga sa Basahon ni Mormon sa imong kinabuhi.
Paggamit sa mga tudling sa doktrinal nga kahanas. Hatagi og mga kahigayonan ang mga estudyante sa paggamit sa doktrina nga ilang nakat-onan gikan sa mga tudling sa doktrinal nga kahanas ngadto sa tinud-anay nga sitwasyon sa kinabuhi. Kini nga pagbansay makapalig-on kon unsa kamahinungdanon kini nga mga tudling sa ilang kaugalingon nga mga kinabuhi.
Pagpangandam sa estudyante: Dapita ang mga estudyante sa pagtambong nga andam sa pagpakigbahin sa bisan unsang mga panalangin o mga benepisyo nga ilang namatikdan gikan sa pagpaningkamot sa paggamit sa mga kasulatan diha sa ilang mga kinabuhi.
Mga Posibleng Kalihokan sa Pagkat-on
Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor o koordinitor sa area o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.
Mga panalangin sa paggamit sa kasulatan
Ikonsiderar ang pagpakita sa mosunod nga mga instruksiyon ug pamahayag. Dapita ang mga estudyante sa pagpakigbahin sa unsay ilang nakaplagan.
Sa mosunod nga pamahayag, si Presidente Bonnie H. Cordon, Kinatibuk-ang Presidente sa Young Women, mipakigbahin sa mga panalangin nga mahimong moabot gikan sa pagtuon sa mga kasulatan. Samtang nagbasa ka sa iyang mga pulong, pamalandongi unsa ang mipatigbabaw diha kanimo.
Imahe
Presidente Bonnie H. Cordon
[Ang mga kasulatan] molamdag sa atong hunahuna, moalima sa atong espiritu, motubag sa atong mga pangutana, modugang sa atong pagsalig sa Ginoo, ug motabang nga masentro ang atong kinabuhi ngadto Kaniya. (Bonnie H. Cordon, “Salig sa Ginoo ug Ayaw Pagsalig sa Kaugalingong Salabotan,” Liahona, Mayo 2017, 7)
Unsa pa nga mga laing panalangin ang atong madawat gikan sa pagtuon sa mga kasulatan?
Mahimong magsugod kita sa pagsinati sa pipila niini nga mga panalangin samtang magtuon kita sa mga kasulatan, apan kini mahimong magpadayon ug molambo samtang atong gamiton ang mga kasulatan sa atong kinabuhi.
Unsa ang gipasabot sa paggamit sa mga kasulatan sa atong kinabuhi?
Paggamit sa mga kasulatan
Sa pagbansay sa paggamit sa mga kasulatan, basaha ang mosunod nga mga sitwasyon ug pagpili og usa.
Batia nga gawasnon sa pagpahiangay o pag-usab sa mosunod nga mga senaryo aron mahimo kini nga mas may kalabotan sa imong mga estudyante.
Usa ka batan-ong lalaki gusto nga makaangkon og lig-on nga pagpamatuod ug mas mapaduol ngadto sa Ginoo.
Usa ka batan-ong babaye nanlimbasog tungod kay siya adunay dili maayo nga mga batasan nga wala niya mabuntog.
Usa ka batan-ong lalaki nakasinati og mga pagbati nga ubos ang pagtan-aw sa kaugalingon ug naglisod nga mobati sa gugma sa Dios alang kaniya.
Kon mas gusto nimo, mahimo ka usab nga maghimo og usa ka bag-ong senaryo nga adunay kalabotan sa imong kinabuhi o sa kinabuhi sa imong mga kaila.
Ipakita o dili ba kaha ihatag sa mga estudyante ang mosunod nga mga instruksiyon ug tsart.
Basaha ang mahinungdanon nga mga hugpong sa mga pulong sa kasulatan sa ubos, ug pangitaa ang bisan usa nga imong gibati nga makatabang sa tawo sa sitwasyon nga imong gipili. Basaha ang tibuok tudling, ug buhata ang mosunod:
Pag-ila og kamatuoran nga gitudlo sa tudling nga makatabang.
Pag-ila og usa ka paagi nga ang tawo sa senaryo makagamit sa kasulatan sa iyang kinabuhi.
Ipasabot ang mga panalangin nga mahimo niyang masinati pinaagi sa paggamit sa kasulatan niana nga paagi.
(Kon gusto nimo, mahimo nimong balikon kini nga pagbansay gamit ang laing tudling sa doktrinal nga kahanas nga mahimong makatabang sa senaryo nga imong gipili.)
Doktrinal nga Kahanas sa Basahon ni Mormon: Alma–Moroni
Manwal sa Magtutudlo sa Basahon ni Mormon (2024)
Pakisayran sa Kasulatan
Mahinungdanon nga Hugpong sa mga Pulong sa Kasulatan
Mahinungdanon nga Hugpong sa mga Pulong sa Kasulatan
“Mangutana sa kinasingkasing, uban sa tinuod nga katuyoan, nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”
Human mahatagi ang mga estudyante og igong panahon sa pag-andam sa ilang mga tubag, dapita sila sa pagpakigbahin niadtong mga tubag nga magpares o diha sa gagmay nga mga grupo una pa mopakigbahin ang pipila diha sa klase. Dayon ikonsiderar ang pagpakita sa mosunod nga mga instruksiyonug dapita ang mga estudyante sa paggamit sa kasulatan sa ilang kaugalingong kinabuhi.
Rebyoha ang mga bersikulo sa doktrinal nga kahanas, ug pagpili og usa nga paminaw nimo mahimong panalangin alang kanimo nga magamit sa imong kinabuhi. Pagdrowing og yano nga hulagway o pagsulat mahitungod kon unsaon nimo paggamit kana kasulatan. Mahimo usab nimong ilakip ang usa o daghang mga panalangin nga mahimong moabot isip resulta.
Ipasalig ang pagpadayon sa pagbuhat sa paggamit nga imong gihunahuna.
Kon mahuman na ang mga estudyante, ikonsiderar ang pagdapit kanila sa pagpakigbahin sa ilang mga ilustrasyon o mga pagpasabot ngadto sa klase ug sa panimalay uban sa mga sakop sa pamilya o suod nga mga higala.