Helaman 13–16

Kinatibuk-ang Pagpasabot

Daghang mga Nephite misukol batok sa Dios ug sa Iyang mga sugo, busa ang Dios mipadala ni Samuel ang Lamanite ngadto kanila dala ang usa ka mensahe nga maghinulsol. Girisgo ni Samuel ang iyang kinabuhi para lang tudloan sila nga ang paghinulsol usa ka gasa gikan kang Jesukristo nga magdala ngadto sa kalipay ug kaluwasan. Isip kabahin sa iyang mga panagna, siya misulti sa mga timailhan nga mopahibalo sa pagkatawo ug pagkamatay ni Jesukristo.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Helaman 13–16

Katuyoan sa leksiyon: Kini nga leksiyon makatabang sa mga estudyante nga makasabot sa tahas sa mga propeta ug kon unsaon nila sa pagtabang kanato.

• Pagpangandam sa estudyante: Dapita ang mga estudyante nga motambong nga andam mopaambit kon giunsa nila pagkahibalo nga ang Ginoo nagauban sa Iyang karaang mga propeta ug karon nagauban sa Iyang modernong mga propeta.

• Sulod nga ipakita: Ang tsart sa sinugdanan sa leksiyon; mga hulagway ni Samuel ang Lamanite, Noe, Moises, Pedro, ug Joseph Smith

• Mga materyal alang sa mga estudyante: Pipila ka mga kopya sa bag-ohay lang nga mga edisyon sa kinatibuk-ang komperensiya sa magasin nga Liahona

• Sugyot sa pagtudlo pinaagi sa videoconference: Samtang ang mga estudyante nagrebyo sa mga ehemplo kon giunsa nga ang Dios nagauban nila ni Noe, Moises, Pedro, ug Joseph Smith, ikonsiderar ang pagbahin sa klase ngadto sa upat ka breakout room. Ang matag room mahimong tahasan sa pagtuon ug sa pagpangandam sa pagpakigbahin mahitungod sa usa niini nga mga propeta sa higayon nga ang mga grupo maghiusa pag-usab.

Helaman 13, Bahin 1

Katuyoan sa leksiyon: Kini nga leksiyon makatabang sa mga estudyante nga mas masabtan ang maluluy-on ug mapinasayloong kinaiya sa Ginoo.

• Pagpangandam sa estudyante: Dapita ang mga estudyante nga motambong nga andam mopakigbahin kon unsay ilang gibati human masinati ang maluly-on ug mapinasayloong kinaiya sa Ginoo sa ilang kinabuhi. Pahinumdomi sila sa dili pagpakigbahin sa bisan unsa nga personal ra kaayo.

• Mga Bidyo: “Repentance and Conversion” (14:35; tan-awa gikan sa time code 0:00 hangtod sa 0:50 ug gikan sa 0:50 hangtod sa 1:27); “Painted into a Corner” (3:41)

• Sulod nga ipakita: Ang mga instruksiyon alang sa mga kalihokan A, B, ug C

• Sugyot sa pagtudlo pinaagi sa videoconference: Ikonsiderar ang pagdapit sa full-time nga mga misyonaryo nga nag-alagad sa inyong dapit aron sa pag-adto sa klase ug sa pagpakigbahin og istorya mahitungod sa usa ka tawo nga ilang natudloan diha sa ilang misyon nga nakasinati sa kaluoy ug sa gugma ni Jesukristo pinaagi sa paghinulsol. Seguroa nga makadawat og pagtugot gikan sa imong koordinitor o administrador sa programa ug sa lokal nga mga lider sa pagkapari sa dili pa ipaabot ang pagdapit.

Helaman 13, Bahin 2

Katuyoan sa leksiyon: Kini nga leksiyon gituyo aron sa pagtabang sa mga estudyante sa pagbuntog sa bisan unsa nga mga babag sa paghinulsol.

• Pagpangandam sa estudyante: Dapita ang mga estudyante sa pagpamalandong kon pila sa mosunod nga mga pulong ang ilang gamiton sa paghulagway sa paghinulsol ug kon ngano: silot, paglaom, panalangin, kausaban, pag-uswag, kasakit.

• Hulagway nga ipakita: Usa ka lanaw sa bukid

• Mga materyal alang sa mga estudyante: Usa ka kopya sa tulo ka parapo nga pamahayag ni Presidente Russell M. Nelson alang sa matag estudyante

• Sugyot sa pagtudlo pinaagi sa videoconference: Ipakita ang mga pamahayag ni Presidente Nelson gikan sa leksiyon diha sa screen. Tugoti ang mga estudyante sa paggamit sa drowing nga feature aron sa pagmarka sa mga hugpong sa mga pulong nga ilang gihunahuna nga makatabang kanato sa pagbuntog sa mga babag sa paghinulsol. Dapita ang mga estudyante sa pagpakigbahin kon nganong ilang gimarkahan ang ilang nahimo.

Helaman 14

Katuyoan sa leksiyon: Kini nga leksiyon makatabang sa mga estudyante sa paglig-on sa ilang pagtuo kang Jesukristo samtang sila nakasabot sa mga timailhan nga gihatag kanato sa Dios.

• Pagpangandam sa estudyante: Dapita ang mga estudyante sa pagpangandam sa pagpakigbahin kon sa unsang paagi ang kahayag ikatandi kang Jesukristo. Mahimo silang maghunahuna bahin sa mga flashlaght, mga bombilya sa suga, o natural nga mga kahayag sama sa adlaw ug mga bituon.

• Sulod nga ipakita: Usa ka pagpahibalo alang sa usa ka panghitabo sa imong kinabuhi nga imong gipadala daan ngadto sa imong mga minahal; usa ka pagpares nga pasulit

• Mga materyal alang sa mga estudyante: Papel, mga krayola, mga pangmarka, ug uban pang mga materyal alang sa paghimo og usa ka pahibalo

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante sa paghimo og digital nga mga pahibalo alang sa pagkatawo o kamatayon sa Manluluwas. Pagkahuman tugoti ang mga estudyante nga ipakigbahin ang ilang mga screen samtang ilang ipasabot ang mga pahibalo nga ilang gihimo. O pwede nga maghimo ang mga estudyante og mga pahibalo gamit ang papel, pangmarka, o mga krayola ug ipakita ra kini sa camera.

Rebyo 18 sa Doktrinal nga Kahanas

Katuyoan sa leksiyon: Kini nga leksiyon makahatag sa mga estudyante og oportunidad sa pagpalawom sa ilang pagsabot sa mga kamatuoran nga gitudlo sa nagkalain-laing mga tudling sa doktrinal nga kahanas sa Basahon ni Mormon.

• Pagpangandam sa estudyante: Dapita ang mga estudyante sa mainampoong pagpili og tudling sa doktrinal nga kahanas sa Basahon ni Mormon nga makapanalangin sa ilang kinabuhi samtang sila magtuon niini.

• Materyal alang sa mga estudyante: Papel alang sa mga indibidwal ug mga grupo

• Sulod nga ipakita: “Doktrinal nga Kahanas sa Basahon ni Mormon: Alma–Moroni”; litrato ni Jesukristo

• Sugyot sa pagtudlo pinaagi sa videoconference: Sa sinugdanan sa leksiyon, dapiton ang mga estudyante sa pagsulat og pipila ka mga kapahayag [sentence] mahitungod sa ilang kaugalingon. Kon mahimo, dapita ang mga estudyante nga direktang ipadala kanimo ang ilang mga tubag gamit ang pribado nga chat nga feature. Kini magtugot sa mga estudyante sa pagtag-an kon kinsa ang nagsulat sa mga tubag sa higayon nga basahon nimo kini sa klase.