Helamana 13–16

Vaaiga Aoao

E toatele sa Nifae na fouvale i le Atua ma Ana poloaiga, o lea na auina atu ai e le Atua ia Samuelu le sa Lamana ia i latou ma se savali ia latou salamo. Sa tuua e Samuelu lona ola i se tulaga lamatia ina ia aoao atu ia i latou o le salamo o se meaalofa mai ia Iesu Keriso lea e tau atu i le fiafia ma le faaolataga. O se vaega o ana valoaga, sa ia faamatalaina ai faailoga ia o le a faailoa mai ai le soifua mai ma le maliu o Iesu Keriso.

Saunia e Aoao Atu

O faamatalaga nei e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Helamana 13–16

Faamoemoega o le lesona: O lenei lesona e mafai ona fesoasoani i tamaiti aoga ia malamalama i le matafaioi a perofeta ma le auala latou te fesoasoani ai ia i tatou.

• Sauniuniga a le tamaitiiti aoga: Valaaulia tamaiti aoga e o mai saunia e faasoa atu pe na faapefea ona latou iloa sa faatasi le Alii ma Ana perofeta anamua ma o loo i ai nei ma Ana perofeta o aso nei.

• Anotusi e faaali atu: O le siata i le amataga o le lesona; o ata o Samuelu le sa Lamana, Noa, Mose, Peteru, ma Iosefa Samita

• Anomea mo tamaiti aoga: O nisi o kopi o lomiga talu ai nei o le konafesi aoao o le mekasini o le Liahona

• Fautuaga faafaiaoga faavitio: A o iloiloina e tamaiti aoga ia faataitaiga o le ala na faatasi ai le Atua ma Noa, Mose, Peteru, ma Iosefa Samita, mafaufau e vaevae le vasega i ni potu se fa e taapeape i ai. E mafai ona tofia potu taitasi e suesue ai ma saunia e faasoa atu e uiga i se tasi o nei perofeta pe a toe foi faatasi mai vaega.

Helamana 13, Vaega 1

Faamoemoega o le lesona: O lenei lesona e mafai ona fesoasoani i tamaiti aoga ia malamalama atili ai i le natura alofa mutimutivale ma le faamagalo atu o le Alii.

• Sauniuniga a le tamaitiiti aoga: Valaaulia tamaiti aoga e o mai saunia e faasoa atu o latou lagona ina ua uma ona oo i le natura alofa mutimutivale ma le loto faamagalo o le Alii i o latou olaga. Faamanatu ia i latou e aua nei faasoa atu ni mea e patino tele.

• Vitio: “Salamo ma le Liua” (14:35; matamata mai le faailo taimi 0:00 i le 0:50 ma mai le 0:50 i le 1:27); “Valiina i se Tulimanu” (3:41)

• Anotusi e faaali atu: O faatonuga mo gaoioiga A, E ma le I

• Fautuaga faafaiaoga faavitio: Mafaufau e valaaulia faifeautalai faamisiona o loo auauna atu i la outou eria e o mai i le vasega ma faasoa atu se tala e uiga i se tasi sa latou aoaoina i a latou misiona o e na aafia i le alofa mutimutivale ma le alofa o Iesu Keriso e ala i le salamo. Ia mautinoa ua maua se faatagaga mai lau taitai faamaopoopo po o le taitai o le polokalama ma taitai perisitua i le lotoifale a o lei tuuina atu le valaaulia.

Helamana 13, Vaega 2

Faamoemoega o le lesona: O lenei lesona ua faamoemoe e fesoasoani i tamaiti aoga ia manumalo i soo se faalavefau i le salamo.

• Sauniuniga a le tamaitiiti aoga: Valaaulia tamaiti aoga e mafaufau loloto po o le a le tele o upu nei o le a latou faaaogaina e faamatala ai le salamo ma pe aisea: faasalaga, faamoemoega, faamanuiaga, suiga, alualu i luma, faanoanoaga.

• Ata e faaali atu: O se vaituloto i le mauga

• Anomea mo tamaiti aoga: O se kopi o le saunoaga e tolu-parakalafa a Peresitene Russell M. Nelson mo tamaiti aoga taitasi

• Fautuaga faafaiaoga faavitio: Faaali atu faamatalaga a Peresitene Nelson mai le lesona i luga o le lau. Tuu atu i tamaiti aoga e faaaoga le faailoga o le atatusi e faailoga ai fasifuaitau latou te manatu e mafai ona fesoasoani ia i tatou e manumalo ai i faalavefau i le salamo. Valaaulia tamaiti aoga e faasoa atu pe aisea na latou faailogaina ai mea sa latou [faailogaina].

Helamana 14

Faamoemoega o le lesona: O lenei lesona e mafai ona fesoasoani i tamaiti aoga e faamalosia lo latou talitonuga e uiga ia Iesu Keriso a o latou malamalama ai i faailoga ua tuuina mai e le Atua ia i tatou.

• Sauniuniga a le tamaitiiti aoga: Valaaulia tamaiti aoga e sauni e faasoa atu pe mafai faapefea ona faatusatusa le malamalama ia Iesu Keriso. E mafai ona latou mafaufau e uiga i moliuila, matauila, po o moli faalenatura e pei o le la ma fetu.

• Anotusi e faaali atu: O se faasilasilaga mo se mea na tupu i lou olaga na e muai auina atu i e pele ia te oe; o se suega puupuu e fetaui

• Anomea mo tamaiti aoga: Pepa, valigao, penimaka, ma isi anomea mo le fatuina o se faasilasilaga

• Fautuaga faafaiaoga faavitio: Mafaufau e valaaulia tamaiti aoga e fatu ni faasilasilaga faaeletonika mo le soifua mai po o le maliu o le Faaola. Ona tuu atu lea i tamaiti aoga e faasoa atu a latou lau ao latou faamatalaina ia faasilasilaga na latou fatuina. Pe e mafai foi e tamaiti aoga ona fatu ni faasilasilaga e faaaoga ai pepa, penimaka, po o valigao ma faaali atu i luga o le mea pueata.

Atamai i Aoaoga Faavae Iloiloga 18

Faamoemoega o le lesona: O lenei lesona o le a tuu atu ai i tamaiti aoga se avanoa e faaloloto ai lo latou malamalama i upumoni o loo aoao mai i fuaitau eseese o le atamai i aoaoga faavae o le Tusi a Mamona.

• Sauniuniga a le tamaitiiti aoga: Valaaulia tamaiti aoga e filifili ma le agaga tatalo se fuaitau o le atamai i aoaoga faavae o le Tusi a Mamona lea e mafai ona faamanuiaina ai o latou olaga a o latou suesueina.

• Anomea mo tamaiti aoga: Pepa mo tagata taitoatasi ma vaega

• Anotusi e faaali atu: “Atamai i Aoaoga Faavae o le Tusi a Mamona: Alema–Moronae”; o se ata o Iesu Keriso

• Fautuaga faafaiaoga faavitio: I le amataga o le lesona, o le a valaaulia ai tamaiti aoga e tusi ni nai fuaiupu e uiga ia i latou lava. Afai e mafai, valaaulia tamaiti aoga e auina sa’o mai a latou tali ia te oe e faaaoga ai le vaega o talanoaga patino. O lenei mea o le a mafai ai e tamaiti aoga ona mate mai po o ai na tusia ia tali pe a e faitauina atu i le vasega.