“3 Nephi 20–22: ‘Ako Mopundok sa Akong mga Katawhan,’” Manwal sa Magtutudlo sa Basahon ni Mormon (2024)
“3 Nephi 20–22,” Manwal sa Magtutudlo sa Basahon ni Mormon
3 Nephi 20–22
“Ako Mopundok sa Akong mga Katawhan”
Makahunahuna ka ba og usa ka higayon sa imong kinabuhi diin kini mapuslanon nga makig-uban sa ubang mga tawo? Ngano sa imong hunahuna ang Ginoo sa balik-balik nga nagsugo sa Iyang mga katawhan nga magpundok sa pisikal ug sa espirituhanon nga paagi? Atol sa pagpangalagad sa Manluluwas taliwala sa mga Nephite, Siya mipahayag nga ang Langitnong Amahan mohinumdom sa Iyang pakigsaad sa pagpundok sa nagkatibulaag nga Israel. Siya mipadayag og mga timailhan aron sa pagtabang kanato nga makaila sa higayon nga sugdan ang ulahing mga adlaw nga pagpundok. Kini nga leksiyon makatabang kanimo nga moapil sa pagpundok sa Israel.
Pagtabang sa mga estudyante nga mobati nga gihatagan og bili.Pangita og positibo nga mga paagi sa pag-ila sa mga kontribusyon sa mga estudyante. Ipahayag ang pasalamat kon ang mga estudyante moapil sa proseso sa pagkat-on, ug tabangan ang tanan nga mga estudyante nga mobati nga luwas samtang ipakigbahin nila ang ilang mga hunahuna ug mga pagbati.
Pagpangandam sa estudyante: Dapita ang mga estudyante sa paghunahuna atol sa ilang adlaw-adlaw nga pagbasa sa kasulatan kon sa unsang paagi ang Basahon ni Mormon nakatabang kanila nga mas maduol kang Jesukristo.
Mga Posibleng Kalihokan sa Pagkat-on
Pagkapundok
Sa pagsugod, pagpakita og usa ka sanga, popsicle stick, o toothpick. Sugoa ang mga estudyante sa pagbuhat sa mosunod.
Paggahin og kadiyot sa paghunahuna sa mga sitwasyon diin ikaw o ang imong kaila mibati nga nag-inusara, dili luwas, o sama sa wala ka nahisakop.
Itipon ang usa ka sanga, popsicle stick, o toothpick ngadto sa usa ka gamay nga grupo sa sama nga butang.
-
Sa unsa nga paagi nga ang pagkahimong kabahin sa usa ka grupo makatabang niini nga mga kabalaka?
Ikonsiderar ang pagpakita kon sa unsang paagi ang usa ka tirongan o toothpick dali nga mabali, samtang ang usa ka grupo niini mas lisod nga balion.
Sa paghulagway sa sunod nga pangutana, pagdugang og usa ka baga nga piraso sa kahoy, usa ka dako nga lansang, o usa ka bloke sa metal ngadto sa grupo.
-
Unsa ang mga nakabentaha nga maipon ngadto sa grupo uban sa Ginoo ug niadtong kinsa mosunod Kaniya?
Ikonsiderar ang pagpakita sa mosunod nga mga pamahayag ug sa paghatag og pipila ka hilom nga mga gutlo aron sa pagpamalandong ug sa pagsukod sa kaugalingon.
Pamalandongi ang mosunod nga mga pamahayag. Gradohi kon sa unsang paagi kini nga mga pamahayag may kalabotan kanimo, gamit ang “kasagaran,” “usahay,” o “talagsa ra.”
-
Akong gibati nga ako adunay relasyon ngadto sa Ginoo ug nga Siya nanalipod, mitubos, ug nahigugma kanako.
-
Akong nabantayan ang mga paagi nga ang Ginoo nagdapit kanako sa pagduol ngadto Kaniya ug sa pagdawat niini nga mga panalangin.
-
Nagtinguha ko sa pagtabang sa uban nga mapundok ngadto sa Ginoo ug mobati og luwas ug nahisakop.
Samtang magtuon ka niini nga leksiyon, hunahunaa ang mga paagi nga ang Ginoo nagtinguha sa luwas nga pagpundok kanimo ug sa uban ngadto Kaniya ug sa Iyang Simbahan. Pamalandongi kon unsaon nimo pagtabang ang Ginoo diha sa Iyang sagradong buhat sa pagpundok.
“Ako mopundok”
Sa ikaduhang adlaw sa pagbisita sa Manluluwas ngadto sa Amerika, human ang Manluluwas nag-ampo ug nagpanalangin sa mga katawhan, milagrosong nangalagad Siya sa sakramento ngadto kanila. Dayon Siya nanagna mahitungod sa Iyang katawhan sa pakigsaad sa ulahing mga adlaw. Aron makasabot sa Iyang mga panagna, importante kini nga hinumdoman ang mosunod:
-
Ang Ginoo kaniadto misaad ni Abraham ug sa iyang mga kaliwatan, lakip ni Jacob (usab ginganlan og Israel), nga sila makagamit sa tanan nga mga panalangin sa ebanghelyo ug sa pagkapari (tan-awa sa Abraham 2:6–11).
-
Ang mga kaliwat ni Israel, lakip ang mga Nephite, nagkatibulaag sa tibuok kalibotan. Ang Ginoo misaad sa pagpundok kanila pag-usab aron makadawat sa mga panalangin sa ebanghelyo.
-
Bisan kinsa nga mopasakop sa Simbahan nga dili literal nga mga kaliwat ni Israel gisagop ngadto ni Israel ug makadawat sa tanan sa sama nga mga panalangin.
Basaha ang 3 Nephi 20:11–13, 18, 22, mangita sa unsay gisaad sa Ginoo nga buhaton. Mahimong makatabang ang pagkahibalo sa mosunod:
-
Ang dagami (3 Nephi 20:18) mga pungpong sa inani nga lugas.
-
Sa kataposan nga mga adlaw, ang Ginoo sa Iyang kaangayan molaglag sa daotan nga dili maghinulsol (tan-awa sa 3 Nephi 20:15–17, 19–20), ug ang mga Santos magpundok ngadto sa usa ka dapit nga gitawag og Bag-ong Jerusalem diha sa Amerika (tan-awa sa Mga Artikulo sa Hugot nga Pagtuo 1:10).
-
Unsay imong nadiskobrehan?
Paminaw og maayo sa mga estudyante. Sa ilang pagpakigbahin, dapita sila sa paghisgot sa bisan unsa nga mga hugpong sa mga pulong o mga kamatuoran nga mipatigbabaw ngadto kanila.
Usa ka kamatuoran nga atong makat-onan gikan niini nga mga bersikulo mao nga ang Dios motuman sa Iyang pakigsaad sa pagpundok sa balay ni Israel sa kataposang mga adlaw.
Ikonsiderar sa mainampoong paagi kon unsaon nimo sa pagtabang ang imong mga estudyante nga mailhan ang mga paningkamot sa Ginoo sa pagpundok kanila. Ikonsiderar ang pagpakita sa hulagway gikan sa sinugdanan sa leksiyon, ug mangutana sama sa mosunod:
-
Unsa ang pipila ka mga paagi nga ang Ginoo nagdala kanato “sa kasayoran sa Ginoo … kinsa mitubos [kanato]”? (3 Nephi 20:13).
-
Bisan og ang mga panagna mahitungod sa Bag-ong Jerusalem matuman sa Milenyo, sa unsang paagi nga kadtong mosunod sa Manluluwas adunay “mga gahom sa langit … sa [ilang] taliwala” karon? (3 Nephi 20:22). Sa unsang mga paagi nga kita makabaton sa Ginoo nga “anaa sa taliwala” kanato? (3 Nephi 20:22).
-
Sa unsang paagi nga kini nga mga panalangin makatabang kanato sa atong mga kinabuhi (lakip na sa diha nga kita mobati nga nag-inusara, dili luwas, o sama sa dili kita nahisakop)?
Mga timailhan sa kataposang adlaw nga pagpundok
Ang Ginoo misaad og mga timailhan sa atong panahon sa pagpakita nga Siya nagsugod na sa pagpundok sa Iyang mga katawhan.
Ikonsiderar ang pagpakita o ang paghatag sa mga estudyante og kopya sa mosunod nga kalihokan sa pagpares. Dapita ang mga estudyante sa pagtinabangay nga managpares o diha sa gagmay nga mga grupo aron sa pagkompleto niini. Ang mga tubag mao ang 1-c, 2-b, 3-a.
| |
| |
|
-
Ngano sa imong hunahuna ang Ginoo gusto kanato nga makaila sa mga timailhan sa Iyang pagpundok?
Sa unsang paagi ka napundok?
-
Sa unsang paagi nga ang usa sa mosunod nakatabang kanimo nga mapundok ngadto sa Ginoo ug makatagamtam sa mga panalangin nga Iyang gitanyag?
-
Mga miyembro sa Simbahan nga nagtuman sa ilang mga pakigsaad
-
Ang Basahon ni Mormon
-
Ang Simbahan
-
Dasiga ang mga estudyante sa pagpakigbahin sa ilang mga hunahuna ug mga kasinatian. Ikonsiderar usab ang pagpakigbahin sa imoha.
“Ang tanan nga mga kaliwatan sa yuta [mapanalanginan]”
Isip mga miyembro sa pakigsaad sa Simbahan, responsibilidad nato ang pagtabang nga “ang tanan nga mga kaliwatan sa yuta mapanalanginan” pinaagi sa ebanghelyo ni Jesukristo (3 Nephi 20:27). Ang mosunod nga mga kalihokan makatabang kanimo sa pagpamalandong kon unsaon pagtabang ang Ginoo sa Iyang pagpundok.
-
Pagbasa og pipila ka minuto diha sa Basahon ni Mormon, mangita og mga bersikulo o mga hugpong sa mga pulong nga makatabang kanimo sa pagduol ngadto sa Ginoo, mobati sa Iyang gugma, ug makadawat sa mga panalangin nga Iyang gitanyag. Irekord ang mga pakisayran o ang mahinungdanon nga hugpong sa mga pulong diha sa imong journal sa pagtuon. Paghunahuna og mga paagi nga mahimo nimong ipakigbahin kini nga mga bersikulo ngadto sa uban.
-
Ikonsiderar kon unsay imong isulti o isulat aron ipakigbahin ang Basahon ni Mormon ngadto sa usa ka tawo. Ilakip ang imong mga pagbati mahitungod sa basahon ug sa unsa nga paagi sa imong hunahuna kini makatabang kanila nga mahiduol ngadto sa Manluluwas.
-
Pangandam sa unsay imong isulti sa pagdapit sa usa ka tawo sa pagtambong sa simbahan o sa usa ka kalihokan sa simbahan uban kanimo. Ilakip ang imong mga hunahuna kon sa unsang paagi kini makatabang kanila, ilabina kon sa unsang paagi kini makatabang kanila nga mahiduol ngadto sa Ginoo.
Samtang magtuon ka niining semanaha, mainampoon nga mopili og usa ka paagi nga makatabang ka sa pagpundok sa Israel. Ang uban pang mga ideya ipresentar sa umaabot nga mga leksiyon. Tinguhaa ang giya sa Ginoo nga makahibalo kon unsa ang labing maayong buhaton alang kanimo.