Tala o le Tusi a Mamona mo Tamaiti Faitau

Ua Maua e Nifae Papatusi Apamemea

Ata na tusia e Apryl Stott

Faitau e uiga i lenei tala i le 1 Nifae 3–5.

Sa malaga atu le aiga o Liae ma Sarai i le nuu o le folafolaga. Sa tau atu e le Atua ia Liae e toe auina atu ona atalii i Ierusalema e aumai tusitusiga paia. Sa tusia i luga o papatusi apamemea.

Fai mai Lamana ma Lemuelu o le a faigata tele. Peitai na fai atu Nifae o le a alu o ia ma fai le mea ua poloaiina ai e le Atua. Na mulimuli Sama i le faataitaiga a Nifae.

Na tau atu e le Agaga ia Nifae le ala e aumai ai papatusi apamemea mai se tagata amioleaga e igoa ia Lapana.

Sa toe aumaia e Nifae ma ona uso papatusi apamemea i lo latou aiga. Sa matua fiafia Liae ma Sarai! Sa latou suesue i tusitusiga paia i luga o papatusi. Sa latou aoao e uiga i tulafono a le Atua.

E mafai ona ou fesoasoani i lo’u aiga ia suesue i tusitusiga paia. E mafai ona ou lototele e pei o Nifae ma “alu ma fai” mea e poloai mai ai le Atua! ●

Itulau e Valivali

Ata na tusia e Apryl Stott