“Ua Asiasi Iesu i Tagata Sa Nifae,” Tala o le Tusi a Mamona mo Tamaiti Faitau, 2018
“Ua Asiasi Iesu i Tagata Sa Nifae”
Tala o le Tusi a Mamona mo Tamaiti Faitau
Ua Asiasi Iesu i Tagata Sa Nifae
Mai le 3 Nifae 11–18
Ao soifua Iesu i le lalolagi, sa Ia faamaloloina tagata o e sa mama’i pe na manunu’a. Sa Ia aoaoina tagata i le ala e tatalo ai. Sa Ia faamanuiaina tamaiti.
Sa Ia tofia Aposetolo e toa 12 ma tuu atu ia i latou le faamanatuga e fesoasoani latou te manatua ai o Ia. Ona maliu lea o Iesu ma na toetu mai.
Ina ua Ia toetu mai, sa afio atu Iesu e asiasi i tagata sa Nifae, o e na nonofo i le isi itu o le vasa.
Na Ia tofia soo e toa 12 ma tuu atu ia i latou le perisitua. Na Ia faamaloloina tagata o e sa mama’i pe na manunu’a. Sa Ia aoaoina tagata i le ala e tatalo ai. Sa ifo tagata uma ma tapuai atu ia te Ia.
Na fetalai atu Iesu i tagata sa Nifae e aumai a latou fanau ia te Ia. Na Ia tatalo, ona Ia faamanuia lea o tamaiti taitasi. Na o mai agelu e asiasi ia i latou.
Na tuuina atu e Iesu i tagata sa Nifae le faamanatuga ina ia latou manatua pea o Ia.
Maimoa i tala o le Tusi a Mamona i le lds.org/children/scripture-stories.
Itulau e Valivali
E Mafai Ona Ou Fesoasoani i Lo’u Aiga
Kiliki i luga o le ata e sii mai ai.
Ata na tusia e Apryl Stott