“Ua Papatiso e Alema le Toatele o Tagata,” Tala o le Tusi a Mamona mo Tamaiti Faitau, 2018
“Ua Papatiso e Alema le Toatele o Tagata”
Tala o le Tusi a Mamona mo Tamaiti Faitau
Ua Papatiso e Alema le Toatele o Tagata
Mai le Mosaea 16–18
O Apinati sa avea ma se perofeta. Sa ia aoao atu i tagata ia talitonu ia Iesu ma ia tuu le faia o mea leaga. Sa ita se tupu amioleaga na igoa ia Noa ia Apinati. Sa le manao Noa e salamo.
Na talitonu se tagata e igoa ia Alema ia Apinati. Sa sola ese o ia ma lafi mai le tupu toatamai. Sa ia lagona le faanoanoa ona o le faia o mea sese, ma sa salamo o ia, e pei ona sa aoao atu e Apinati.
E toatele ni tagata na o mai e faalogo ia Alema ao aoao atu e uiga ia Iesu Keriso. Na aoao atu Alema e faapea, afai latou te salamo ma mulimuli ia Iesu, o le a mafai ona papatisoina i latou.
Sa patipati tagata i le olioli. Sa latou folafola atu e faamafanafana i isi. Sa latou folafola atu e alolofa i le Atua ma ta’u atu i isi tagata e uiga ia te Ia. Sa saunia i latou ina ia papatisoina.
Sa taitoatasi ona papatisoina e Alema le nuu. Sa latou matuai fiafia e avea ma se vaega o le Ekalesia a Iesu.
Pe a papatisoina i tatou, tatou te faia foi ia lava folafolaga e pei ona sa faia e le nuu o Alema. Ma avea ai foi i tatou ma vaega o le Ekalesia a Iesu!
Maimoa i tala o le Tusi a Mamona i le lds.org/children/scripture-stories.
Itulau e Valivali
O Alema o loo Papatiso Atu
E fia fatu e mafai ona e mauaina?
Kiliki i luga o le ata e sii mai ai.
Ata na tusia e Apryl Stott