“Ua Tusitusi Mamona i luga o Papatusi Auro,” Tala o le Tusi a Mamona mo Tamaiti Faitau, 2018
“Ua Tusitusi Mamona i luga o Papatusi Auro”
Tala o le Tusi a Mamona mo Tamaiti Faitau
Ua Tusitusi Mamona i luga o Papatusi Auro
Mai le Mamona 1, 9
E toatele perofeta na tusitusi i luga o papatusi auro. Na latou tusitusi e uiga ia Iesu Keriso ma e uiga i le auala e tausia ai poloaiga. Ae o le toatele o tagata na galo Iesu Keriso ma e lei toe mulimuli ia te Ia.
O se tagata amiotonu e igoa ia Amarona na nanaina papatusi auro ina ia malupuipuia. Sa ia tauina i se tamaitiiti e igoa ia Mamona le mea na nana ai papatusi. Sa ia ta’u atu ia Mamona e tusitusi i luga o papatusi pe a matua o ia.
Ina ua 15 tausaga o Mamona, na asiasi atu Iesu Keriso ia te ia ma aoaoina o ia e uiga i le talalelei. Na taumafai Mamona e aoao atu tagata e uiga ia Iesu, ae sa latou le’i faalogo.
Ina ua matua Mamona, sa ia aumaia papatusi. Sa ia tusitusi e uiga ia Iesu Keriso. Sa ia tusitusi faapea e mafai ona tatou salamo, papatiso, ma maua le Agaga Paia.
Sa ia Mamona se atalii e igoa ia Moronae. Sa ta’u atu e Mamona i lona atalii o Moronae ia manatua pea e le aunoa le alofa o Iesu Keriso ia i tatou. E mafai ona tatou manatua le tele o le alofa foi o Iesu ia i tatou!
Maimoa i tala o le Tusi a Mamona i le lds.org/children/scripture-stories.
Itulau e Valivali
E Mafai Ona Ou Faaali Atu le Alofa mo Manu
Kiliki i luga o le ata e sii mai ai.
Ata na tusia e Apryl Stott