Vitio o le Tusi a Mamona

Lesona 11: 1 Nifae 7

Mafaufau ma le agaga tatalo i le auala e ono fesoasoani ai Vitio o le Tusi a Mamona i au tagata aoga ia iloa, malamalama, lagona le upu moni ma faaaoga le aoaoga faavae ma mataupu faavae na aoao mai i le Tusi a Mamona.

“Ua Valaauina e Atalii o Liae le Aiga o Isamaeli e faatasi ma i Latou” (4:40)

Faaaogaina o Lenei Vitio

Mulimuli i le anomea o le lesona e ala i le vaega lea e faapea mai:

“O le a le mea na poloai le Alii i atalii o Liae ina ia faia?”

A maea la ona tali tagata aoga i le fesili, mafaufau e faaali le vitio lenei ma valaaulia le vasega e tagai mo le auala na fesoasoani ai le Alii ia Nifae ma ona uso ia usiusitai i le poloaiga e faaipoipo ma tausia se fanau ia te Ia. A maea le vitio, valaaulia tagata aoga e saili ma maka ia fasifuaitau i le 1 Nifae 7:1–2 lea e faamatalaina le auala na fesoasoani ai le Alii ia Nifae ma ona uso ia usiusitai i le poloaiga e faaipoipo ma tausia se fanau. Valaaulia tagata aoga e faasoa atu ni mea sa latou makaina.

“Ua Laveaiina e le Alii Nifae mai Ona Uso Fouvale” (6:55)

Faaaogaina o Lenei Vitio

Mafaufau e faaaoga le vitio lenei pe a e oo atu i le vaega o le lesona lea e faapea mai:

“Valaaulia se tagata aoga e faitau leotele le 1 Nifae 7:16. Fai atu i le vasega e vaai faalemafaufau i le tulaga o Nifae.”

Mafaufau e faaali atu mau faasino ma fesili mai anomea o le lesona ao lei faaalia le vitio lenei. Valaaulia le tagata aoga e matamata i le vitio ma vaavaai mo ni tali i fesili:

1 Nifae 7:16–18

“O a ni ou lagona pe ana o e i ai i le tulaga o Nifae? O le a le mea e te faia?”

“O le a se mea na tatalo atu ai Nifae? O le a se mea taua ua e mauaina mai lana tatalo?”

A uma ona faaali le vitio, ia fautuaina tagata aoga e maka fasifuaitau mai fuaiupu ia na fesoasoani e tali ia fesili. Valaaulia tagata aoga e faasoa atu ni mea sa latou makaina. Ona faaauau lea i le vaega o totoe o le lesona e pei ona otootoina atu i le anomea a le faiaoga.